لوسمحتم كيف ازيل البوية على بدي السيارة ؟

[الـمـتـوهـج]

السلام عليكم ورحمة الله وبركاته

أهلا بالجميع بلا استثناء واحداً واحداً

ياليت لو أحد يفيدني

سيارتي صار فيها بوية بيضاء على البدي في الخارج

ولم استطع إزالة هذه البوية .

فياليت من عنده خبرة بهذا الشيء أن يفيدني .

[وحيد111]

اخوي المتوهج

اذا كانت بوية السيارة اصلية يعني لم تضرب البوية بعد سمكرة ما !!
فالامر بسيط
اقرب ورشة يزيلون البوية العالقة بواسطة التنر

اما ان كانت غير اصلية يعني سبق ان سمكرت السيارة
فلا علم لي

واعذرني

اخوك وحيد

[الـمـتـوهـج]

هلابكـ أخوي وحيد

أشكرك على سرعة الرد

البوية هي أصلية لكن التنر لن ينفع لها ولن يزيل البوية
جربنا بشكل خفيف بلا فائدة

أنتظر إن كان احد عنده علم .

كل الشكر .

[المتليك]

جرب ايل البريك

[نمر بن حثلين]

رح لاقرب محل تلميع

وخله يحط شوي تلميع خشن على مكان البويه
ويمسحه بالقطنه
وبعدها يحط تلميع ناعم وبرضه يمسح بالقطنه

وباذن الله تروح البويه
بس اهم شي لا يستعمل الفرشه الي على الكهربا تراه تحوس البويه
قطنه وبس

[ملاعب الريح]

السلام عليكم ورحمة الله وبركاته
أنا أعاني من نفس المشكله ولا أعرف وش لون أزيلها

مره من المرات جا على موتر الوالد قار وشوي إسفلت من جنب الموتر بالتنر راحت لاكن البويه ما جربت التنر معها

مشكور

[مهراس]

السلام عليكم

الأخ الكريم اذا كنت تبغى انت تزيل البويه بنفسك فعندك نوعين من التنر بارد وحار، البارد يجي في علبه عليها لون أو خط ازرق(وهو اصلا قاز) ريحته قاز والحار يجي في علبه بيضاء عليها كتابه حمراء وريحته حاده ومعروفه واذا رحت لمحل سباكه يعلمك راعي المحل عليها.
التنر البارد هو اللي تبي تستعمله أو بمعنى آخر هو اللي تبي تجرب اذا يبعد البويه،،،،،، واستعمل القطن فقط وشوف أولا اذا راح أو لأ. القاز اذا ما شال البويه ما يخرب البويه الأصليه.

اما اذا كنت ما تبغي تسويها بنفسك فعليك بمحل بويه وسمكره ولا تقرب ابو هنود اللي معهم شنط. والله الموفق

أبو فهد

[النقا]

السلام عليكم
أخوي المتوهج طبعا الشباب ماقصروا لكن لعلي أفيدك

أذكر حصلي موقف حك واحد موتري كان لون البويه أزرق فـقـمت وجبت جلي الدلال أبو غطاء أحمر
أبد فركته بيدي ثم بقطعة قماش أمسحها ونشوف النتيجة بإذن الله .

أخوك النقا .........

[حجلان]

جرب الكوكا كولا او ملمع للسيارات اذا السياره حسب كلامك بويتها شد بلدها ولاهي قديمه