طفى الباثفيندر حقي وانا امشي!!!!!!! [الأرشيف]

مشاهدة النسخة كاملة : طفى الباثفيندر حقي وانا امشي!!!!!!!

لمع السحاب

14/07/2006, 03:45 AM

السلام عليكم اخواني الاعضاء
في الاسبوع الماضي وان امشي الساعة 5 العصر طفت السيارة وانا امشي فجئه بعدها شغلتها ومشت زي الحلاوه وبعد 3 ايام تقريباً صارت السيارة تكتم لمن ادوس \وعند ما يتعدى الابنص رقم 2 ينطلق واطفي السيارة واشغلها ترجع من احسن ما يكون وبعد كذا بايام صار تكتم ولا تمشي الا ثقيل ولمن ادوس تنطلق المهم وديتها للوكالة قبل كذا فصلت البطارية لمدة ساعة وبعدها شغلتها وزي الحلاوه ((( كثرت عليكم من الحلاوه معليش) المهم ان الوكالة فحصوها بالكمبيوتر وبعد ايام اتصلو وقالو سيارتك ما فيها شي بس سوي تصفيه للمكينه مع اني مصفيها قبل 20000 ك يعني توها المهم اني بعد ما طلعتا من الشركة الى الان ولله الحمد والمنه لم يحدث اي خلاف فيها واللي مشككني انه قبل المشكله بيوم معبي بنزين خارج الرياض هذه زود معلومه ابي اهل الخبر يفيدوني لان الوكاله قالو ان الحساس او المنظم وقيمتهم كلهم 3850 ريال وش رايكم انا على وجه سفر اسافر بها والا لا ؟؟؟؟؟؟؟؟؟؟؟
تقبلوا اجمل التحايا

m1m

14/07/2006, 04:13 PM

هي احتمال .. إما أن البنزين كان مغشوش ..وسبب هذا الاحتمال أنه لم يحصل الخراب مرة ثانية ..

الثاني شيك وتأكد من طرمبة البنزين ,,

قد يكون من الحرارة تفصل أو مع المطبات القوية ..

وعموما حتى ما تورط الطرمبة .. لا بد أن يكون الحساس سليم .. لأنه غالبا يخرب في الباثفندر

وقبل ما تسافر خذ لك جولة مطولة حتى تتأكد من أن الحرارة لا توقف الطرمبة ..

عاشق البر2

14/07/2006, 04:31 PM

مشكور :director: :good2: :burnout2: :bounce: :type: :redcar:

جو الصمان

14/07/2006, 04:32 PM

السلام عليكم
انا صار لموتر الوالد مشكله قريبه من كذا وهي انها تكتم ولا خلا ورشه الا راح لها وكل واحد يعطيه عله
واخر شي صار فلتر الهواء
وارجو ان اكون افدتك

الجارمن

14/07/2006, 04:41 PM

اخوي عاشق البر
انا صار لي تقريبا نفس اللي صارك قبل اربع سنين وطلعت المشكلة من المنظم حق البنزين وقالو الوكالة لازم يتغير وغيرته وانحلت المشكلة
طبعا سبب الاخراب اني كنت ما اعبي البنزين الا اذا ولعت اللمبه ومشيت بعد ذلك من 30 إلى 40 كيلو

لمع السحاب

14/07/2006, 05:06 PM

اخي m1m اولا انا شاك في البنزين ثانيا هلايام انا امشي في عز القايلة و اوقف السيارة في الشمس واكلت مطبات قويه في الحر عشان اشوف طرمبة البنزين بس كل المحاولات لم تعطيني نفس المشكلة وسالكة الحمد لله والحساس حق البنزين سيبق وان غيرته قبل ما تتم السيارة عندي سنة على الضمان جزاك الله كل خير
اخي/ جو الصمان ... قالو لي الوكاله ان فلتر الهواء ماهوب الاصلي علما اني شاريه ب48 ريال وقالو الاصلي ب 92 رياال مشكور جزاك الله خير على المعلومة
أخي //الجارمن انا تقريباً ما اعبيئ الا اذا ولعت اللمبة بعدها بكم كيلو اعبي السيارة علما انا مغير صفاي البنزين مع التصفية
الله يجزاكم كل خير على الردود لكن ودي اسئل واستشيركم الان السيارة بعد ما طلعتها من الوكالة صار لها تقريبا 5أيام ولم يحدث فيها اي شيء اسافر فيها ام لا؟؟؟؟ افتوني ماجورين

تقبلوا تحيات اخوكم (لــــــــــمع الســــــــــحـــــــــاب)

راعي الكيف

14/07/2006, 07:19 PM

اخوي الكريم ...

هذي ياطويل العمر .... ان ما خاب ضني .. ان البنزين مزيودن ماء ..

نفس المشكلة حاصلتن لي .. بسيارتي ... يوم عبيت وقمت من باتسر ابشغل السيارة ... ماتشتغل لين ادبل لها لا ومن ثالث دقة سلف بعد ,,1!

يوم رحت وكشفت عليها بالوكالة ... قالو ان البنزين اللي انت معبي طلع مغشوش ونصفه ماء ... حتعى بالمارية ان السيارة كانت تقطع لامني عطيتها نمرة - تماتيك - .... واذا وقفت وبغيت ادوس لها ... كنها تبي تطفي ثمن تمشي بتقطيع

قالو لازم نسوي تنضيف لدورة البانزين بسيارتك كلها من التاكني لما الشكمان ... وكلفتني والله حدود 1700 ريال ... بس طلعت ازين من قبل ...

بس وللمعلومية ياشباب ... لاحد يوهق عمره ويعبي من اي محطة ... عندك المحطات الموثوقة ... تسهيلات ، نفط ، الدريس .... وذا عبيتو خوذو فاتورة التعبية ... عشان اذا صار حارش مارش ... ولاكم تضبطون وضعكم ... موب مثلي يخلف الله علي ولا يحلل راعي ذيك المحطة حسبي الله عليه

واسف على الاطالة

m1m

14/07/2006, 07:46 PM

توكل على الله وسافر بها .. بس المهم البروفات قبل السفر

:)

وتروح وترجع بالسلامة

salehhd

14/07/2006, 11:53 PM

السلام عليكم

اعتقد ان المشكلة زي ماقالو الشباب من البنزين

لاكن نصيحة لاتخلي العداد يصفر لين تولع اللمبة ترى هو الي يخرب الطرمبة والبخاخات لازم تعبيها اذا نزلت عن الربع شوي

بواسامه

15/07/2006, 12:18 AM

نفس المشكله صارت لي وانا اخوك
وصرت ناسي خرقة التنظيف تحت فلتر الهواء داخل العلبة
وغيرت الفتر وطبعا طلعت الخرقة وزي الحلاوة على قولتك

لمع السحاب

01/08/2006, 01:52 AM

السلام عليكم ياشباب
الله يجزاكم بكل الخير على الردود وعلى الاهتمام المهام ما اطول عليكم وهرجكم في متمه الحمدلله رب العالمين السيارة بعد ما طلعتها من الوكالة بدون ما يصلحون فيها اي شيئ سويت لها بروفات في الرياض وكرفتها مشاوير وتوكلت على الله وسافرت بها الى مدينة ينبع ورجعت ولله المنه والفضل لم يحصل فيه اي مشكله ولله الحمد واتوقع مثل ما قلتو ان المشكله كانت في البنزين /// الله يجزاكم كل خير
تقبلوا خالص التحية

salehhd

07/08/2006, 01:48 AM

الحمد لله

بشرك الله بالخير والحمد لله على سلامتك