المساعد الشخصي الرقمي

مشاهدة النسخة كاملة : مطلوب ورشة ترهيم لإضافة بطارية احتياطية وعمل أفياش داخلية



خالد77
23/08/2012, 08:22 AM
بسم الله الرحمن الرحيم
مطلوب ورشة لترهيم بطارية احتياطية تقوم بدعم الكهرب الزائد عن السيارة مثل الانوار والماطور وغيرها ..
وياليت من يفيدنا عن ورشة متخصصة في الرياض أو القصيم أو الزلفي وسمعت عن ورشة بالزلفي وابي استفيد أكثر من عملية الترهيم للبطارية مع [ المنظم ] الجديد بالنسبة لي ..
وسيارتي لاندكروزر 2003 خليجي

الأحوذ
23/08/2012, 10:36 AM
ما لي بالورش ، لكن ممكن تحصل صندوق جاهز فيه بطاريه و محول و أفياش و لا تحتاج ورشه و لا ترهيم..

خالد77
24/08/2012, 06:06 AM
ما لي بالورش ، لكن ممكن تحصل صندوق جاهز فيه بطاريه و محول و أفياش و لا تحتاج ورشه و لا ترهيم..

ليتك لم تكلف نفسك بالرد ..
وشكراً لتفاعلك .

خبايا انسان
24/08/2012, 06:11 AM
ابو سليمان ,, بالرياض ,, ممتاز جدا جدا وفوق الممتاز وانا مركب عنده بطاريه اضافيه وافياش ولها فوق السنه ولله الحمد ولم ارجع له باي مشكله

0504472382 اسم الورشة ( المنديل )

الأحوذ
24/08/2012, 02:08 PM
ما فيه كلافه ، كنت أول من دخل الموضوع و حبيت أشارك بالمفيد ، آسف للإزعاج...

بحيرية
24/08/2012, 02:14 PM
بالزلفي الحمدان ممتاز جدا 0507995999

حائل.
24/08/2012, 06:31 PM
الاختيار حائل شارع الثلاثين الغربي 065355557 هذا رقم التلفون اذا حبيت تتواصل معهم

وارجوا ان اكون قد افدتك

راعي الرغبه
25/08/2012, 03:12 AM
الغالي خالد
عن تجربة شخصية الافضل في ورش الرياض من ناحية الشغل الاحترافي :good2:
في كهرباء السيارات وتجهيزات الرحلات ورشة ذياب الصحراء
في صناعية الدئري
وشف الرابط بيفيدك انشاء الله

http://www.toyota4arab.com/forum/t140282.html

مريتو
25/08/2012, 01:40 PM
ركب عند مركز الصبي وإذا ماصلح لك ترى حسابك علي .
مجربه

خالد77
26/08/2012, 01:02 AM
أشكر الجميع على مشاركته وأخص من وضع عناوين وروابط ..
ولكن لفت انتباهي شي اسمه ( منظم ) والظاهر توه طالع جديد وقيمته 150 او اقل بالبطحاء
والشغل الاول لايوجد فيه منظم مع انه محترم ومافيه كلام ..
ولكن نطمح للافضل مع اهل الخبرة والتجربة.

عبدالله الضويان
26/08/2012, 01:56 AM
ما لي بالورش ، لكن ممكن تحصل صندوق جاهز فيه بطاريه و محول و أفياش و لا تحتاج ورشه و لا ترهيم..

اخي الكريم الشنطه هذي شفتها مع واحد في البر ويمدحها مره
اذا ممكن تعلمني كم سعرها او وين تباع اكون لك من الشاكرين

ابوو زيد
26/08/2012, 05:55 AM
اخي الكريم الشنطه هذي شفتها مع واحد في البر ويمدحها مره
اذا ممكن تعلمني كم سعرها او وين تباع اكون لك من الشاكرين

اخوي عبدالله الشنطه الي يتكلم عنها موجوده عن محلات الرمايه واذا ما خاب ضني انه سعرها حدود 800 ريال

الأحوذ
26/08/2012, 07:17 AM
موجود عند الرمايه ممكن بألف ، أو تقد تأخذ أي صندوق ممتاز بالحجم المناسب من أي مكان ، و أي ورشه يظبطه لك ، موفقين...

المعرقب
26/08/2012, 08:09 AM
نصيحه ركب عن ورشة الصبي

ال مغيره522
26/08/2012, 08:46 AM
أبعد عن سوافي اهم شي
وعندك المنديل و ٤*٤ و ذائب الصحراء

سعد القاسم
26/08/2012, 09:48 AM
ورشة الصبي بدون ماتشور تعامل واخلاق وضمان وشغل نظيف انا و9 من ربعي مركبين عندهم

والشهاده لله ماشفت منهم الا كل خير

مخرج 15 الرياض

عبلاوي
26/08/2012, 11:19 AM
ما فيه كلافه ، كنت أول من دخل الموضوع و حبيت أشارك بالمفيد ، آسف للإزعاج...
***
لله درّك أخي الأحوذ..!

qwertyu987
26/08/2012, 12:20 PM
ما فيه كلافه ، كنت أول من دخل الموضوع و حبيت أشارك بالمفيد ، آسف للإزعاج...

كبير والكبير الله , وصدرك وسيع , أتمنى لك التوفيق والعتب على خالد 77

خالد77
27/08/2012, 07:44 AM
كبير والكبير الله , وصدرك وسيع , أتمنى لك التوفيق والعتب على خالد 77

أخي الأحوذ أنا آسف إن وجدت في نفسك علي شي ..
والنقاش لايخلو من الخطأ - إن رأيت ذلك - واعتقد ان الأمر بالنسبة لك عادي
لكن يمكن الاخوان رأوا غير ذلك ..

teer1002
27/08/2012, 11:19 AM
أشكر الجميع على مشاركته وأخص من وضع عناوين وروابط ..
ولكن لفت انتباهي شي اسمه ( منظم ) والظاهر توه طالع جديد وقيمته 150 او اقل بالبطحاء
والشغل الاول لايوجد فيه منظم مع انه محترم ومافيه كلام ..
ولكن نطمح للافضل مع اهل الخبرة والتجربة.
أخوي خالد
مساك الله بالخير
لاحظت أن تسأل عن المنظم وأنا مركب البطارية الأضافية مع منظم ومجموعة من اللمبات والأفياش الداخلية ومحول كهرباء ألخ
الشاهد في الحديث أن المنظم ( اللي أنا أقصد ) ما أشوف له داعي .
لأنه يحول الحمل من البطارية الاساسية إلى الأضافية بضغطة زر والعكس .
في الحقيقة أنه أضافه على التجهيزات عديمة الفائدة وفي حالة الحاجة لتشغيل السيارة من أي بطارية (الاساسية أو الأضافية )تستطيع من خلال سلك الأشتراك بينها .
أنا مركبة موسم كامل والله ما أستفدت منه .
وإذا كان عندك علم غير اللي كتبت أرجو الرد .

د.داهوم
28/08/2012, 06:36 AM
ورشة الصبي بدون ماتشور تعامل واخلاق وضمان وشغل نظيف انا و9 من ربعي مركبين عندهم

والشهاده لله ماشفت منهم الا كل خير

مخرج 15 الرياض


ممكن وصف اكثر وضوحا لموقع ورشة الصبي لو تكرمت

MماونشيM
28/08/2012, 08:42 AM
من واقع تجربه ركبت عند سوافي وركبت عند الصبي

مدحول لي الصبي مدح وانا مجرب سوافي

سوافي أفضل بألف مره
في الخبره والجوده الاسلاك
اتصل وشيك على انواع الاسلاك وكم ملي

وانصحك انك تسوي زياره بنفسك وتشوف الاثنين
والله ان فيه ناس تمدح وتسب وهو ماجرب والضحيه مثلي ومثلك

الدائري الشرقي مخرج 15 ووجهك غرب
الأشاره الاولى يمين 100متر علي يمينك وسط مركز خدمات زيوت وبنشر
هذا رقم الصبي 0567315621

الدائري الشرقي ووجهك جنوب مخرج صناعية الموسى
هذا رقم سوافي 0505288840

رعد الحياء
28/08/2012, 01:11 PM
احترم الاخرين يحترمونك كنت اتمنى من الاخوان انهم ما يردون عليك لكن بيض الله وجيهم يا الطيب الرجل قدم نصيحة تقبل والا اشكره شكرًا لكم

باسم العزام التميمي
03/09/2012, 09:16 AM
ايضا يوجد بالرس سعودي كهربائي العزام
وهذا رقمه عن تجربه وشغل ذمه
0505168686

زمان الوحداوي
03/09/2012, 10:05 AM
أخوي خالد مشكور على الموضوع والنقاش لكن ودك انه يكون بجديه ولا يكون فيه استهزاء ونوع من السخريه من البعض
وودك يكون رد العضو وواضح ويذكر العيوب عند سب الورشه
وانا معي جيب حوض له سنه ونص شاريه من واحد مشتغل عند السوافي ولاشكامنه وانا ماشكيت منه ولله الحمد

ابو ســــاره
03/09/2012, 10:33 AM
انصحك في مركزالدفع الرباعي
يستخدمون مواد مخصصة للترهيم مثل علبة فيوز امريكية وفيوز كبير حماية لكامل الترهيم سيارتي عندهم مشتغلها

سيف الظفير
03/09/2012, 12:08 PM
ركب عند مركز الصبي وإذا ماصلح لك ترى حسابك علي .
مجربه

متردد في الرد على هذا الموضوع ولكن الرجال هنا تتسابق بالطيب ولو بان الخطأ في المنطوق
100%

الصبي ولا تدور غيره

خالد77
28/09/2012, 06:17 AM
والله ما أقول إلا جزاكم الله خيراً
وماقصرتوا .....