طريق وادي الدواسر

[محمد المحوري]

السلام عليكم ورحمة الله وبركاته

اهنئكم بعيد الفطر المباركـ ،، وبعد

اخواني احتاج منكم خدمة وأنا في حاجة لها ،، وهي وصف الطريق من جدة إلى وادي الدواسر ،،

على حسب المعلومات اللي وصلتني بالطريق ،، جدة ثم الطائف ثم الخرمة ثم رنية ثم الوادي

ولكن انا اريد وصف اكثر دقة من خروجي من جدة الى المحافظات اللي ذكرتها لكم ،،

إلى وصولي إلى وادي الدواسر ...

اتمنى الافادة بأسرع وقت على اساس اطلع الاسبوع هذا ،، ولكم جزيل الشكر

[محمد المحوري]

تكفوون اللي عنده معلومة لا يبخل علينا

[امبيه وشحلاتك]

انت بتجي من جنوب ولا من شمال
لاني من الافلاج والوادي من جنوب الافلاج

[محمد المحوري]

وانا اخوك كاتب اني طالع من جدة

[الصامل1]

هلا
وغلا

الطريق سهل جدا جدا وبدون مقدمات وتعقيد

لازم تمشي في النهاروهو افضل واريح للاعصاب

بعد الطائف يمسافة من 100كم اقل او اكثر تجد مفرق الخرمه رنيه يمين 0وتمشي الين رنية قرابة 100 كلم
بعد رنيه 10 كم تجد مفرق وادي الدواسر على اليسار واسئل قبل اخر محطه في رنية عن طريق وادي الدواسر وهو خط سيد رايح جاي وغير مستوي وهوا اسواء خط بعد خط المفرق السريع من الطائف الى رنية 00وبعد ما تتجه من المفرق الي بعد رنية الي وادي الدواسر تجد حرف تي او كبري لم يتم الانتهاء منه تتجه يسار مسافة 30 كم الي وادي لدواسر 0وعلى اليمين تتجه الى ابهاء مسافة 380 كم وتوصل بسلامة

ملاحظة((
وافضل حي في وادي الدواسر حي الولامين والخماسين



لازم تعبي فل بنزين من رنية وتاخذ ماء لان الخط من رنية الى الوادي ما في محطة بنزين

[أبو هاااني]

تاصل بالسلامة أخي الكريم
وأخي الصامل كفا ووفاء
أهم شي تمشي بالنهار زي ما قال
ولا دخلت رنية بتجيك محطة على اليمين تقريبا ما به الا اهي المارية تكون على تقاطع على وفيها مطعمين عب بانزين منها وتوكل على الله وبيجيك مفرق الوادي على اليسار بعد ما تطلع من رنية طبعا طريق مزدوج بالبداية وبعدين بيصير سيد واحد وعن بجانبه عمارة كبيرة تحت الانشاء لا اعلم هل هو مبنى حكومي ام لا
ننتظرك بالسلامة أخي الكريم

[محمد المحوري]

بارك الله فيكم والله ما قصرتوا والله يرحم والديكم ،،

بس ياخوان لو دخلت الطايف وين اتجه على اساس اوصل مفرق الخرمه

ومن دخلت الخرمة الطريق هل هو على طول الين رنية .. والطريق كله كم مسافته

وسامحوني على الاطالة والازعااااج .

[أبو هاااني]

خذ راحتك أخي الكريم لا وصلت الطايف بالسلامة إسأل عن الخط السريع من الطائف للرياض خط وتمشي لين يجيك مفرق الخرمة وتطلع معه يمين طبعا خط واحد وتمشي لين تدخل الخرمة. وتطلع من الخرمة وتمشي لين تدخل رنية طبعا هذا كله طريق واحد لا يمين ولا يسار سيده بالسلامة
اما المسافة تقريبا لااعرف نسيتها

[محمد المحوري]

رحم الله والديك وبيض الله وجهك

[لاتكب البيالة]

الاخ الصامل عطاك الوصف
لكن المسافات
اولا مفرق الخرمة تمسك طريق الرياض 150 كيلوا تقريبا يجيك
تمشي قرابة 200 من الكبري تاصل رنية طبعا انت بتقطع الخرمة لكن طريقك مافيه لفات لكن الطريق سيئ
بعد رنية بيجيك مفرق يسار الى الوادي ولو تسائل برنية عنه افضل
اذا فرقت يسار اعتقد حول 200 تطب بطريق الوادي الخميس وخابر فيه خبري يشتغلون به
رح يسار للوادي قريبة
نصيحة طريق رنية الوادي تمشي بنهار تروه مقطعه شوي ويصير به مشاكل
انا رحت من الوادي للطايف العام حول 550 كيلوا

[محمد المحوري]

بارك الله فيكم ..

والرجوع بنفس الخط ...

[فيصل الجهني]

يعطيك العافيه اخووووي ع الموضوووع

[aser_560]

تسلمون على الموضوع