المساعد الشخصي الرقمي

مشاهدة النسخة كاملة : مارشال كورية ام ميشلان امريكية؟؟



m3ax
24/08/2012, 11:37 AM
السلام عليكم ورحمة الله وبركاته

يا جماعه موتري يحتاج تغيير كفرات بشكل عاجل لان كفراته مركبها من سنه ونص نوع هانكوك وللأسف معاد تصلح واستاكلت بشكل عجيب مع ان وزنيات الموتر وكل شي فيه تمام بس الشكوى لله

المهم الحين معروض علي نوعين كفرات مع العلم ان سيارتي اكسبلورر وحجم الجنط 18 والنوعين هي:

مارشال صناعة كوريه حد السرعه مفتوح اعرض من تاير الوكالة لكن ارتفاع التاير نفسه اصغر من حق الوكالة بسعر 850 ريال ويمدحه راعي المحل ووصله سابع سما

النوع الثاني ميشلان صناعه امريكيه اعرض من حق الوكالة لكن المارشال اعرض منه ونقشته ممتازه جداً لكن السرعه فيه 200 وهذا يكفي ويزيد عن حاجتي بعد وقيمته 800 ريال

طبعاً كل النوعين تاريخها 2012 وانا ناوي الميشلان وكثر علي راعي البنشر بالمدح في المارشال وانه افضل من الميشلان لدرجة حسيته يبي ينفق بضاعته علي بس

الفرق بسيط اخواني في القيمة لكن الكلام على الجودة ومحتاج نصايحكم مع العلم ان التايرين الوحيده اللي لقيتها نفس المقاس حق الوكالة هي هانكوك ومستحيل اركبها مره ثانية وبريجستون لكن قيمتها غااااااليه 1060 ريال للكفر الواحد

انصحوني الله لا يهينكم بين الميشلان والمارشال

الفرناس
24/08/2012, 11:49 AM
ميشلان ولاتشاور
انا كنت مركب على الاكسبدشين حقي وكارفها كرف وغيرتها بعد ثلاث سنوات وهي بحالة جيدة ولكن حسيت انها ماقصرت قلت لازم اغيرها للاطمئنان ليس الا
ودورت بعدين نفس المقاس وماحصلت واضطريت اركب الان هانكوك نفس مقاس الوكالة
بالنسبة للمارشال ما اقدر افيدك لاني ماجربتها لكن كنت ناوي اركبها لكن بمجرد شفت مكتوب عليها ان الحرارة B غيرت رايي على طول

تم الإرسال من جهازي GT-N7000 بواسطة تاباتوك 2

m3ax
26/08/2012, 08:23 AM
ميشلان ولاتشاور
انا كنت مركب على الاكسبدشين حقي وكارفها كرف وغيرتها بعد ثلاث سنوات وهي بحالة جيدة ولكن حسيت انها ماقصرت قلت لازم اغيرها للاطمئنان ليس الا
ودورت بعدين نفس المقاس وماحصلت واضطريت اركب الان هانكوك نفس مقاس الوكالة
بالنسبة للمارشال ما اقدر افيدك لاني ماجربتها لكن كنت ناوي اركبها لكن بمجرد شفت مكتوب عليها ان الحرارة B غيرت رايي على طول

تم الإرسال من جهازي GT-N7000 بواسطة تاباتوك 2

جعل ربي لا يهينك يا غالي

الميشلان معروفة بس السؤال عن المارشال لأنها معجبتني كنقشة وعرض لكن ارتفاعها اقل من حق الوكالة وهذا هو الشي اللي ما اعجبني واخاف تكون مثل الهانكوك حلوة لكن ما تعيش اكثر من سنة ونص

عبدالعزيز-1
27/08/2012, 09:11 AM
كان الوالد مركب مارشال على سيارته وكانت اكسبلورار 2006 وماكملت 7 شهور الا وانصلخ واحد من الكفرات

لذلك انصحك بالميشلان

أبوفيصل 2007
27/08/2012, 09:15 AM
الميشلان وتوكل على الله بس تأكد من تاريخ الانتاج والمقاس بيكون مناسب للسيارة

FORD1969
27/08/2012, 11:14 AM
الميشلان وفيه نوع ميشلان اسباني طيب جدا مجربه اربع سنوات على فكتوريا تحصله عند الطيار

أو كفر وكالته بف قود ريش

راعي السكاريب
28/08/2012, 10:15 AM
اذا كان المشلان امريكي ونفس سعر المارشال ركب المشلان ولا تشاور ، بس عموماً احرص على ان يكون التراكشين A والتمبرشر A ويكون سنة الصنع 2012 وبالنسبة للمارشال حليو لو كان رخيص اما نفس سعر المشلان حرام .

قناص 28 عفيف
28/08/2012, 05:57 PM
اخذه من الوكاله اترك البناشر اغلبهم بضاعتهم مغشوشه

مخ سعودي
28/08/2012, 10:45 PM
والله يالغالي انا بعطيك تجربتي مع المارشال
طبعا بعد استخدام سنة واربعه اشهر
المميزات
لينة الى ابعد درجه تتخيلها
تتحمل الحرارة ومختلف الطرق حتى اني وصلت عليها لسرعه ٢٦٠
نقشتها حلوه وماتنمسح
راسية
ماتطلع صوت
العيوب
ضربت في رصيف على سرعه حتى اتفادى كفرة مسلوخه في الخط وحصل تحبيل ويعلم الله اني استخدمتها وهي محبله لمده شهر وغيرتها بحكم اني مسافر
التراكشن حقها مع الفرامل بصراحه اعطيها ٧ من ١٠ واحتمال تكون المشكله من عندي لان سيارتي بدون اي بي اس
سيارتي من نوع ماكسيما الجنط ١٧ سعر الشراء ١٣٠٠ لاربع كفرات


بكل امانة انصح فيها وبقوه لكن اهم شي تاكد من التاريخ وهي كورية

m3ax
29/08/2012, 12:06 AM
انا والله نقشة المارشال داخله مزاجي وبقووة بس اللي انا خايف منه هو عمر التاير الافتراضي لان عندي جمس الوالد الله يحفظه عليه ميشلان امريكي تاريخه 2004 ولا غيرناه الا قبل شهر ونص مع العلم ان الموتر استخدام يومي ومسافرين عليه اكثر من خمس مرات بنفس التواير

والله بعد كلام اخوي مخ سعودي رجعت من جديد افكر في المارشال لكن مزعجتني شغلة ان ارتفاع التاير اصغر من حق الوكالة لكن يعوض هالنقص في عرض التاير لانه اعرض من مقاس وكالته

قناص 28 عفيف
29/08/2012, 02:32 AM
من 2004 الله يستر عليه انصحه يغير الكفرات لان الكفرات لها تاريخ سنتين حد اقصى من التصنيع وليس الاستعمال

Salamah.y
29/08/2012, 03:02 AM
طيب ما فكرت بالدنلوب
اشوف عمي يستخدمها على سيارته جيب لكزس جنط 18
عرضها ممتاز و ارتفاعها مناسب اذا بيدخل بر او نفود يقدر ينسمهآ
و تتحمل وزن السياره بالإضافة للتحميل للبر و الخطوط ~

,

و الميشلان مايحتاج , عز الله انها شركه على الكيف
بس مدري عندها في البر , اذا زي كفرات اليوكون , جنبهآ ليّن

m3ax
29/08/2012, 07:34 AM
من 2004 الله يستر عليه انصحه يغير الكفرات لان الكفرات لها تاريخ سنتين حد اقصى من التصنيع وليس الاستعمال

غيرناها اخوي قبل شهر تقريباً وركبنا هانكوك لكنها جلست في الموتر عمر طويل حوالي ثمان سنوات ونقشتها جديده حتى يوم غيرناها ما كانت النقشة خربانة لكن التاير كان متشقق مع الجوانب

m3ax
29/08/2012, 09:17 AM
طيب ما فكرت بالدنلوب
اشوف عمي يستخدمها على سيارته جيب لكزس جنط 18
عرضها ممتاز و ارتفاعها مناسب اذا بيدخل بر او نفود يقدر ينسمهآ
و تتحمل وزن السياره بالإضافة للتحميل للبر و الخطوط ~

,

و الميشلان مايحتاج , عز الله انها شركه على الكيف
بس مدري عندها في البر , اذا زي كفرات اليوكون , جنبهآ ليّن

الدانلوب ما وثقت فيها في حياتي كلها ولا مره

ومشاكلها واجد واسرع التواير في التحبيل الدانلوب