اين توجد افضل مواصفات للربع (سعودي - عماني - قطري -.......)

[ربع تويوتا]

السلام عليكم و رحمه الله و بركاته

أخباركم
ان شاء الله بخير

يا اخوان ودي اشتري تويوتا ربع فل كامل و ابي اعرف
وين القاء افضل مواصفات
الي سمعته ان الشعب كله يشتري عماني

و هل المقصود بالبريمي يعني العماني
و ما الفرق بين السعودي و العماني و القطري و البحريني و ........

و ما هي التعديلات الي المفروض اسويها بالموتر
و ما افضل مقاس للجنوط 17 , 18 ,19 , 20 ,........

[HAS5SAN]

سعودي =
http://img.haraj.com.sa/userfiles30/2012-07-13/4ffff9088c4e4.jpg

خليجي =
http://img.haraj.com.sa/userfiles30/2012-08-12/5026dd0e110bb.jpg

[ربع تويوتا]

طيب وش الافضل بالمواصفات (الداخليه)

[HAS5SAN]

نفس الشيء والسعودي يزيد بشاشة ملاحه
عموما
الخليجي سعره اقل من السعودي
وان شاء الله يفيدوك الي افهم مني
ترى ماعندي ذيك الخلفيه
مافيه قطري المنافسه بين
البريمي والسعودي
البريمي تعرفه من مراياته وخطوطه
ومشكلته انه تعلم من شركة عبداللطيف
كيف ينصب على الناس
صار ينزل من كل موديل
دفعه أولى ودفعة ثانية
تغيير الخطوط وبس
وعاد تعرف ربعنا

[ربع تويوتا]

و الله النصب صار بكل مكان

اجل باخذ سعودي علشان الشاشة بس كم سعر الفل
انا اذكر حول 130 الف

[0أبومحمد0]

افضل شكل و مواصفات الخليجي البريمي وهو اللي منتشر بالسوق وارغب
واحد توه ماخذه من القصيم بريمي بدون ونش 127 الف بطاقة جمركية

[ربع تويوتا]

طيب و السعودي فل كامل بكم


افضل شكل و مواصفات الخليجي البريمي وهو اللي منتشر بالسوق وارغب
واحد توه ماخذه من القصيم بريمي بدون ونش 127 الف بطاقة جمركية


فل كامل او ستاندر

[0أبومحمد0]

السعودي مالي علم بسعره
والبريمي اللي اخذ خويي فل تخشيبة قزاز كهرباء مراتب عرض ( بس ناقصه الونش )

[ربع تويوتا]

اجل باخذ بريمي



شباب الحين البريمي هو العماني

[ربع تويوتا]

للرفع

وش رايكم اخذ السعودي علشان الشاشة

بكم ربع سعودي ابيض فل كامل 2012 الدفعه الثانية

[السامي2011]

البريمي هو الي اخذ سمعه وماسك سعره بالحيل خلك مع العالم

[ربع تويوتا]

ما دام ماسك سعره اجل باخذ بريمي
بس السؤال الي ما احد جاوبني عليه البريمي هو العماني او لا

[Salamah.y]

يارجال , المحركات نفسها و الإختلافات بسيطة جداً كماليات لا تكآد تذكر
انت شف الأرخص لك , و خذهـ , سواء سعودي او بريمي او فطيمي او اللي يكون
الفروقات بسيطة جداً جداً ,, و لكن السعر غالباً البريمي اغلى بكثير ~

من ناحية الشكل , الله حق البريمي أفضل , خط أجمل و جركل بنزين إضافي على الباب الخلفي
و الصدام الامامي بارز زي الشاص , وهو أجمل من صدام السعودي ~
كذلك المرايا الجانبية للبريمي فيها اشارات

إذا البريمي أغلى من السعودي بـ أكثر من 5 آلاف , خذ السعودي ولا تشآور
اما اذا الفرق من 5 و تحت , لا والله خذ البريمي ~

,

كل التوفيق @~

[حبيب الامس]

الله الله البريمي هو العماني

[ربع تويوتا]

ان شاء الله باخذ بريمي فل كامل و بركب له شاشة
بس وش هو الفطيمي و وش الفرق بينه و بين السعودي و البريمي

[أنصر نبيك]

السعودي فل كامل حول 160 الف وربع النيسان فل كامل حول 170 الف الاسعار هذه ممكن تكون
تغيرت بالزيادة أو النقصان لكنها وصلت لها

[ربع تويوتا]

اوووووووف ١٦٠ انا الي اعرفه ان الموتر بالمية و ثلاثين
هذا قبل فترة بسيطة

[ربع تويوتا]

للررررررررفع

يا شباب زي ما تعرفون ان الربع خفيف
و انا فكرت اركب له كفرات كبيرة و هذا بيقلل فرص انقلاب الموتر
وش المقاس الي تنصحوني اركبه
هل مقاس 18 ممتاز او اخذ اكبر
و ما هو اكبر مقاس للكفرات بالون

[ربع تويوتا]

للرررررررررررررررفع

[has-120]

اشتر اف جي قـيـر عـادي
قيمته 127 ألف
أفضل منهم كلهم
انا جربت الاثنين

[ربع تويوتا]

ما في زي الربع

الاف جي ممتاز و حلو بس قاسي و عزمه اقل من الربع

و الربع عيبه سرعة انقلابه بس بالمقابل هو خفيف