بحرية بيور فارطه بالسبق - للبيع

[fahadz50]

شيهانه بحرية بيور

1: ما نوع الطير : شيهانة بحرية بيور
2: ماعمرالطير : تنقل ثاني
3: ما(قياسه او وزنه) :الطول والعرض في بحر 15.5 وانا ماقستها
4:أين مكان الطير حاليا ( مكة المكرمة )
5:هل يوجد توصيل داخل اوخارج دولتك : داخل مكة فقط
6:ماهي الحاله الصحيه للطير: ممتازه
7: هل صاد الطير الحباري وتشرط على ذلك :( نعم ) العام الماضي صادت 2
8: هل صاد الطير الكروان وتشرط على ذلك : نعم
9: هل صاد الطير الارنب وتشرط على ذلك :ما شافته
10: هل الطير طلاع على الحباري وتشرط على ذلك :لا ادري
11: هل الطير يرغب الحمام ( نعم )
12: هل الطير راكد على تكاية السياره بدون برقع :( لا ) راكده بالبرقع
13: هل الطير يمسح على التلواح او يلاعب الشلو(خالي ) ( نعم بحمامه ميته او حيه )
14:هل توجد في الطيرعيوب (الارتفاع,الكوشه,نقل العلف,الصياح) ( لا )
15: هل توافق على فحص الطير بالمستشفى ومشاهد طياره بالمدعى : ( نعم )


http://www.mekshat.com/pix/upload06/images/2012/08/mk92210_1.jpg
http://www.mekshat.com/pix/upload06/images/2012/08/mk92210_2.jpg
http://www.mekshat.com/pix/upload06/images/2012/08/mk92210_3.jpg
http://www.mekshat.com/pix/upload06/images/2012/08/mk92210_4.jpg


ملاحظة : ان الطيره تلحق الحمام السوادي وهي سلم وذابحه الصلال والنورس
واني انا اخذها على اخر الهداد العام الماضي والطيره في المربط .

وللإستفسار والتواصل : ابو زايد 0555516712 من بعد صلاة المغرب حتى الحادية عشر مساء

[محتار والله]

ماشا الله الله يرزقك بالزبون الصامل

[وضااح]

افتح بابها ب 3000
والله يرزق الجميع

[سواق الباترول]

مشاءالله تبارك الله الله يرزقك بل الزبون الصامل

[ماجد الهلالي]

وش باقي معها من ريش

[اابوعناد]

كم باقي لها وتصفي والله يرزقك بالزبون الصامل

[fahadz50]

جزاكم الله خير ونطلب من الله زود والطيره باقي لها تقريبا ثلاث ثلاث

[ذيب القرى]

ما شاء الله الله يرزقك من فضله ويرزق الجميع

[م العجمي]

السلام عليكم .... الطير عليه بـ 4000 ولله يكتب الخير 0556919555

[fahadz50]

سومه طيبه ووجهاً اطييب ولايهونون الاخوان نطلب من الله زود

[حطاااااب]

4500 شرط الفحص واخذها منك من مكه

[فالح الملعبي]

5000 شرط ماذكر

[خالد العطااوي]

هل ألطير جير ولا اصيله ؟؟
وكم باقي فيها من الريش ..

[بو_غانم]

هل ألطير جير ولا اصيله ؟؟
وكم باقي فيها من الريش ..

بيور يعني أصيله.

[عواد الشمري2]

الله يرزقك القيمه الي تمنااه

[صقار الريان]

الطير ووحش ولا تفريخ
ولي رجعه ووسومه بعد الرد

[فيصل الجربوعي]

ساسها فرخ ولا قرناس هواء
قرناس ثاني هل هي بكر ولاثنوا
والله يعطيك العافية ومن يسمع

[راعي لادن]

ما شا الله الطيب مايجيب الا الطيب الله ايوفقك

[fahadz50]

جزاكم الله كل خير .. الطيره بيور بحريه يعني تفريخ والطيره صامله لدرجة انها فالمربط خمة لها حرر معها بنفس المربط وكوبرت عليه وحزته تبي تذكيه طبعاً حر مثلوث ولاكن ربك ستر لحقها صاحب المربط والطيره باقي لها بالكثير ثلاث ثلاث او ثنتين تقريباً لاني والله ماجيتها لضروف العمل ..

[fahadz50]

الطيره ثنو عمرها وعلومها مع خوياً لي من اهل قطر وهو اللي صقربها ورجال يشهدله كل صقار بالصقاره الطيبه وسبب بيعته للطيره لانه ياخذ الطير وهو فرخ من عندنا من السعوديه ويقنص به واذا اقفي المقناص وجاء يبي يعود لدياره يصعب عليه اخذ الطير معه لقطر ..

[راشد الهاجري999]

السلام عليكم ورحمة الله وبركاته
انا سبق صقرة نفس الشاهين هذا بس لي بعض الاسئلة
متى صفة الريش قبل العام
وكم وزن الهدد
هل تنقل العلف او تصيح
وش مزرعتها من اي دولة وبعدها انا اسوم باذن الله

[fahadz50]

عليكم السلام والرحمه .. وانا اخوك الطيره بحريه اصيله بيور بحريه من بحريه تفريخ ومثل البحريات الثانيه تبطي فالقرنسه هذا عيب البحريات ولاكن تقريباً اذا ماني مخطي علي شهر واحد او اخر شهر ١٢ ممكن تصفي لانه في مثل هالوقت العام مع خويي صفت ولاكن ماغسلت ريشها كله ورغم ذالك قنصو بها الريجيل ..

[برق المغيب]

5500 ريال وهذا جوالي 0599000120 شرط ماذكر

[fahadz50]

وزن هددها وانا اخوك مدري عنه لاني اخذتها علي اخر المقناص العام الماضي ولا اجيبلك علم عن وزنها إبراء للذمه .. عنما الصيحه ونقل العلف ماهي فيها وسبق وذكرت هالشي في علوم الطيره فوق وشكراً .. ودولتها كذالك ماجيبلك عنها علم .. للمعلوميه اللي يسومون الطيره وصل سومتها عالجوال ٧٠٠٠ من عبد الله الحربي من اهل القصيم ..

[mr-uae]

ما شاء الله

الله يرزقك بالبيعه الي تطيب خاطرك

[fahadz50]

بيض الله وجيهكم وجمل الله حالكم علي علومكم الطيبه .. اخوي برق المغيب لاهنت علي السومه الطيبه واحب اوضحلك وانا اخوك انها وصلت سومتها علي الجوال ٧٠٠٠ من الاخ عبد الله الحربي وشكراً ... ونطلب من الله يرزقنا ويرزقكم وسومتها هذي تعتبر شبه راس المال وانا اخذها من رفيقً لي فما بالك في عرضها فالمنتدئ .. الله يكتب لنا الخير وكل مسلم دعوة اخو لاخوه المسلم ..

[برق المغيب]

بيض الله وجهك يالنشمي الحق يقال علومك غانمه وأخلاقك عالية وماهي غريبة على مثلك وانا سومتي اتبع السوم الموجود ... لاعدمتك ياخوي وعندي ٧٥٠٠

[fahadz50]

بيض الله وجهك وجمل الله حالك وانت وافي وكل مايجي منك وافي ولايهونون الاخوان وسومتك طيبه وراعيها اطيب .. ولاكن الطيره راحت بنصيبها ومكسبي منها رجال ووجهاً طيب مثلكم وشرواكم وطاح بالجوال علي ولاعاد اقدم ولا اوخر لاكن الله يباركله ويبارك لكم ولكل مسلم مكسبنا من هالدنيا معرفت الطيبين والله يجملنا ويعيننا علي فعل الخير .. ارجو منكم يااخواني انكم تسامحوني انكان حصل مني زله او تقصير فكلنا خطائون وخير الخطائون التوابون .. (( سبحانك اللهم وبحمدك اشهد ان لا اله الا انت استغفرك اللهم واتوب الليك ))

[راعي لا حاق]

السلام عليكم
يا راعي الطير اتقى الله في نفسك وحط الله بين اعيونك الطيره هذي طيرتي شاريها العام من سوق الرياض وبعتها على طوال على الاخ ابو غازي وهو معنى بالمنتدى والطيره شاريها مالها اعلوم غير الكروان على كلام اهلها وعندكم الاخ ابو غزي انشدوه ويراعي الموضوع لا تغش نفسك وتغش الناس وتحط ان راعيها من اخوياك ومن اهل قطر وتحط في الطير اعلوم ماهي له واسمحلي اقوال لك انك ماتغش الناس انت تغش نفسك وانا عند كلامي

[راعي لا حاق]

الطيره ثنو عمرها وعلومها مع خوياً لي من اهل قطر وهو اللي صقربها ورجال يشهدله كل صقار بالصقاره الطيبه وسبب بيعته للطيره لانه ياخذ الطير وهو فرخ من عندنا من السعوديه ويقنص به واذا اقفي المقناص وجاء يبي يعود لدياره يصعب عليه اخذ الطير معه لقطر ..
اسمحلي تكذب ولا انت صادق اسمع يابو غازي وش يقوال هههههههههههههههههههههههههههههههههههههه الطيره طيرتي وانا شاريها من سوق الرياض وراعيها الي انا شريتها منه موجود وبعتها على ابو غازي اما راعيها من قطر وسوالف هذا كذب

[fahadz50]

اخي الفاضل : راعي لاحاق

تحية عطره وكل عام وانتم بخير


اولاً ياعزيزي ان المعلومات التي ذكرتها عني لا تنتمي إلى الصدق في اسنادك لي بالكذب ولا تصدر من انسان عاقل مثلك ولو سئلتني بشكل مفصل لاعطيتك ماتريد او قمت بتحويلك لصاحب الطيره للتواصل معه ومعرفة ماتريد .. ولكن الشكل العام للموضوع انني مجرد طارح للموضوع وكل محتويات الموضوع ماخوذه من صاحب الطيره الحالي وجعلت هناك رقم للتواصل معه خوفاً من مراسلتي من الاخوان على الخاص او بالبريد الكتروني لمعرفة اي تفاصيل يعني بشكل عام الطيره ماهي لي وانا لايوجد لدي اي خلفية عن الطيره إلا انها موجوده بالمربط فقط لا غير ولكن سامحك الله .


اخوك : fahadz50

[راعي لا حاق]

هذا المنتدى للجميع سوى انك صاحب الطير او انك ناقل الموضوع هذا منتدى تجمع فيه كثير من النشامى للبيع وللنقاش واعلوم الرجاجيل ماوضع للغش والتلاعب والحيل اعرض طيرك بالعلوم الي تعرف عنه والرزق عند رب العباد وكن صادق اما انك تحط اعلوم ماهيب له لكي تزيد في سعره وتغش اخوانك المسلمين فهذا لا يجوز لا منك ولا من غيرك وترى ردي على موضوعك ماهب تقليل في طيرك بس الصدق مطلوب والطيره هذا اعرفها كانت عندي فسمح لي العلوم كلها الي كتبتها عن الطيره غلط راجع نفسك
ومن غشنا فليسى منا

[راعي لا حاق]

الطيره ثنو عمرها وعلومها مع خوياً لي من اهل قطر وهو اللي صقربها ورجال يشهدله كل صقار بالصقاره الطيبه وسبب بيعته للطيره لانه ياخذ الطير وهو فرخ من عندنا من السعوديه ويقنص به واذا اقفي المقناص وجاء يبي يعود لدياره يصعب عليه اخذ الطير معه لقطر ..
هههههههههههههههههههههههههههههههههههههههههههههههههه ههههههههههههههههههههههههههههههههههههههه
وين صاقرها فرخ خف علينا اشوي ههههههههههههههه

[راعي لا حاق]

عليكم السلام والرحمه .. وانا اخوك الطيره بحريه اصيله بيور بحريه من بحريه تفريخ ومثل البحريات الثانيه تبطي فالقرنسه هذا عيب البحريات ولاكن تقريباً اذا ماني مخطي علي شهر واحد او اخر شهر ١٢ ممكن تصفي لانه في مثل هالوقت العام مع خويي صفت ولاكن ماغسلت ريشها كله ورغم ذالك قنصو بها الريجيل
هههههههههههههههههههههههههه اسمع يابو غازي قانصين بها الرجاجيل مادامه مورخها من يومها فرخ وتصفي معه كل زمان بدري ههههههههههههههههه هذي والله مشكله ياهوه يا ولد الطير ظاهر من عندنا وكيف تلعب على المسلمين اتق الله في نفسك

[fahadz50]

ياخوي الكلام واضح من ناحية مواصفات الطيره
اما من ناحية افعالها هذي حسب ماوصل لنا عنها ترى الرجال مشتريها وعلى طول حطها في المربط ما تلاحظ ان بعض المعلومات ماقدر يذكرها مثل طولها وبعض المعلومات وبعدين مانقدر نقول ان هذه الطيره ماتعرفها راعيها الحالي معروف عندي وهي مالها عنده شهور بسيطه ولكن لا زلت اقول يامرحبا فيك والعملية ماهي سكر في مويه اكيد اللي يشتري يجرب وشوف ما كل كلام يصدق مني او من غير نظرك في الاخر هو الحكم النهائي .

[راعي لا حاق]

ههههه انت ياخوي ماقلت كذا في البدايه انت حتى الي صقرها فرخ تعرفه وعنده من يومها فرخ ومصفيه معه العام مثل هذا الوقت وانت حطيت انك تعرف الطير عدل وهذا كلام خطاء ولا هو صحيح يا اخ العرب
افهم كلامي عدل وركز
الطيره انا مشتريها اخر الوقت من سوق الرياض من عند رجل اعرفه واعلومها صايده الكروان على كلام اهلها وبعتها على شخص معنى في المنتدى جاني البيت وخذاها وقد عرضها في المنتدى وباعها يعني لاكانت مع واحد من اخوياك من اهل قطر ولا شي وانت حطيت لها قصه وورختها ليش الكذب والغش
اتق الله في اخوانك المسلمين
راحوووووووووووو الطيبين

[الأشرم]

تعوذو من الشيطان وياراعي لاحاق الرجال كلامه واضح يقول انا مجرد وسيط ماني صاحب الشهانه
الرجال سجل الكلام المذكور عن الشهانه من لسان صاحب الشهانه يعني صاحب الموضوع بري من الكذب ومحشوم

[أخوحصه]

حللو حلو راحو فيها :type: صدق موجدين الطيبين فيها ماراحو احب الحراكات ذي ياولد

[برق المغيب]

تعوذوا من الشيطان يااخوان ... الشرهه على صاحب الطير اللي أعطى كاتب الموضوع هذه المعلومات ... حسب كلامه وانا اقول لابارك الله في سلعة تباع بالغش والتدليس عشان الف والا حتى مئة الف ... وانت ياخوي راعي لاحاق بيض الله وجهك ولاهنت عديت الحق وقلت الحقيقة .... واعتبروا الموضوع ......... اخوكم ابوراكان

[azzam1]

لاحول ولا قوة الا بالله

[جبار1]

هذا اللي خايفين منه في هذا المنتدا
الواحد صار يتخوف شراء الطيور من المنتديات

[fahadz50]

ماصار شي ابشركم الطير انباع زي ماذكر في الردود السابقة ان طلبه واحد من الاخوان بالمنتدى واشتراها منه الله يطرح له البركة .. وإلا لو عودت الامور لي والله معرف عن الصقور شي .

امل من اخواني المشرفين قفل الموضوع كون الصقر تم بيعه .