أبوسالم2006
16/07/2006, 06:17 AM
هذه قصيدة القنص المشهورة للشاعر المرحوم فراج بن ريفه يقول فيها :
قال ابن ريفه بدا فـي المرقـب العالـي ^^ واعلى المراقيب تومـي بـه هبايبهـا
يامرقبي جاك مـن الاسبـار همالـي ^^ انصوب مزن من المنشـا يهـل ابهـا
ما يدهله كون صافي الريـش ولوالـي ^^ ولا الولع يـوم يفتـك فـي عجايبهـا
انـا ولـد طارفـه مانيـب كسـالـي ^^ اخاف مـن خبـرة باحـت مزاهبهـا
عليك يا مرقـب جيتـه وانـا سالـي ^^ هيض على القلب ديارنٍ شطيـت ابهـا
هيض عليه شدوق ( الثفن ) لا سالـي ^^ عطفة ( طريب ) ليا زافـت عجايبهـا
لامن غدا الفيـض كنـه زرع عمالـي ^^ سيلـه مـن القـدم للبطنـان ناهبهـا
كم مـرة قـد نزلنـا عشبـه المالـي ^^ بيوتنـا لاوزا المجـرم يـلـوذ بـهـا
تنزلـه ببيـوت عــراف وجهـالـي ^^ وانا جا النذر مـن خفيـف مانزهبهـا
ربعي ( عبيدة ) الياجا هـوش وقتالـي ^^ هل هية في الضحـى تشعـا كسايبهـا
انشد ( عبيده ) هل الطولات من حالي ^^ وانشـد الاجانيـب يـوم انـا نقربهـا
منهـو يقلـط علـى فـرش وفنجالـي ^^ سعد ابـن عمـه لياجاتـه مكاربهـا؟!
لامـن غـدا بيـن نقـاض وفتـالـي ^^ وصفت الاجانيب واذاتـه بطلايبهـا ؟!
ثم جيتها ثم لفحت بهم علـى الجالـي ^^ لفـح الدلـي للمعـدي يـوم يجذبهـا
ياركب ميمونه فـي مشيهـا ارمالـي ^^ ماشتحن مـن هـل العيـرات راكبهـا
تزهي السفايف وتزهي الخرج وحبالي ^^ ومجرب لاسرى فـي الليـل صالبهـا
ملفاك من يلبسـون الجـوخ والشالـي ^^ ربعي ودرعي وضـد اللـي يحاربهـا
ملفـاك شيـخ القبيلـة حامـي التالـي ^^ عند ( ابن شفلوت ) يالمنجوب قربهـا
قل له على طالت المدة وانا ( جالـي ) ^^ عشر ( سنوات ) مضت بحساب مقطبها
فان كان ربعي نسوني مانيـب غالـي ^^ باعيش فـي ديـرة قفـرا جوانبهـا !!
في ايدي قرار تكـف الجمـع لاهالـي ^^ طويلـة ناحـل مقضـب خشايبـهـا
لي بندق ما صنعهـا الصانـع التالـي ^^ من دقة ( المارت ) نحـال مقاضبهـا
شريتها بالثمن يـوم ارخـص المالـي ^^ إميـه وعشريـن مـا يمهـل بغايبهـا
الله يرحمـك يـا عـود شراهـا لـي ^^ مـن واحـد جابهـا للسـوق جالبهـا
حديدهـا واذكـر الله كنـه ريـالـي ^^ كـن الحيايـا تطـوافـي مقاضبـهـا
اقف بها بيـن ربعـي وامنـع التالـي ^^ لا خف ولد الردي ما احتـال يزهبهـا
عط الطويلة عريـب الجـد والخالـي ^^ ولد الردي لا تلخونـه يـزول بهـا !!
واللـي رفيـع وللشوفـات حمـالـي ^^ ارفـع نواصيـه يـاربـي وقطبـهـا
وانا من الخبرة اللـي شورهـم عالـي ^^ واهل سلـوك الـردي يـارب تذهبهـا
بنت غراهـا زبـاد فـي ايـد دلالـي ^^ ولا طمـوح هواهـا مـن يلاعبـهـا
كم مـرة قـد ضربنـا منجـم خالـي ^^ وكـم جملـة فرقتهـا مـن ربايبـهـا
وليـا لفونـا مـن المقنـاص زعالـي ^^ أحـد مـدح بندقـة واحـد يعذربهـا
بشرتهـم بالعشـا مـن عقـب مقيالـي ^^ القايـدة مـع مـرد الكـوع ضاربهـا
اضرب بها الوعل لاجاد لـه تهنفالـي ^^ ابـو حنيـة كبيـر الـراس شايبـهـا
ذبحت عشرة بها والظـل مـا مالـي ^^ والحاديـه روحـت تثلـغ مضاربهـا
ويالله انا طالبـك حمـرا هـو بالـي ^^ لا روح الجيـش طـفـاح جنايبـهـا
لا روح الجيش حاديه اشهـب اللالـي ^^ لا هي تـورد وسيـع صـدر راكبهـا
اللي على كورهـا واللـي بالاحبالـي ^^ واللي علـى عيزهـا واللـي بغاربهـا
لا روحت مع سباريت الخـلا الخالـي ^^ كـن الذيابـه تنهـش مـن ترايبهـا!
تمـت وصلـوا عـدد ماهـل همالـي ^^ علـى نبـي شـروع الحـق رتبـهـا
اغفـر ذنـوب الفتـى يالله يـاوالـي ^^ لا جيت فـي حفـرة رزوا نصايبهـا
فراج بن ريفه العبيدي القحطاني رحمه الله
قال ابن ريفه بدا فـي المرقـب العالـي ^^ واعلى المراقيب تومـي بـه هبايبهـا
يامرقبي جاك مـن الاسبـار همالـي ^^ انصوب مزن من المنشـا يهـل ابهـا
ما يدهله كون صافي الريـش ولوالـي ^^ ولا الولع يـوم يفتـك فـي عجايبهـا
انـا ولـد طارفـه مانيـب كسـالـي ^^ اخاف مـن خبـرة باحـت مزاهبهـا
عليك يا مرقـب جيتـه وانـا سالـي ^^ هيض على القلب ديارنٍ شطيـت ابهـا
هيض عليه شدوق ( الثفن ) لا سالـي ^^ عطفة ( طريب ) ليا زافـت عجايبهـا
لامن غدا الفيـض كنـه زرع عمالـي ^^ سيلـه مـن القـدم للبطنـان ناهبهـا
كم مـرة قـد نزلنـا عشبـه المالـي ^^ بيوتنـا لاوزا المجـرم يـلـوذ بـهـا
تنزلـه ببيـوت عــراف وجهـالـي ^^ وانا جا النذر مـن خفيـف مانزهبهـا
ربعي ( عبيدة ) الياجا هـوش وقتالـي ^^ هل هية في الضحـى تشعـا كسايبهـا
انشد ( عبيده ) هل الطولات من حالي ^^ وانشـد الاجانيـب يـوم انـا نقربهـا
منهـو يقلـط علـى فـرش وفنجالـي ^^ سعد ابـن عمـه لياجاتـه مكاربهـا؟!
لامـن غـدا بيـن نقـاض وفتـالـي ^^ وصفت الاجانيب واذاتـه بطلايبهـا ؟!
ثم جيتها ثم لفحت بهم علـى الجالـي ^^ لفـح الدلـي للمعـدي يـوم يجذبهـا
ياركب ميمونه فـي مشيهـا ارمالـي ^^ ماشتحن مـن هـل العيـرات راكبهـا
تزهي السفايف وتزهي الخرج وحبالي ^^ ومجرب لاسرى فـي الليـل صالبهـا
ملفاك من يلبسـون الجـوخ والشالـي ^^ ربعي ودرعي وضـد اللـي يحاربهـا
ملفـاك شيـخ القبيلـة حامـي التالـي ^^ عند ( ابن شفلوت ) يالمنجوب قربهـا
قل له على طالت المدة وانا ( جالـي ) ^^ عشر ( سنوات ) مضت بحساب مقطبها
فان كان ربعي نسوني مانيـب غالـي ^^ باعيش فـي ديـرة قفـرا جوانبهـا !!
في ايدي قرار تكـف الجمـع لاهالـي ^^ طويلـة ناحـل مقضـب خشايبـهـا
لي بندق ما صنعهـا الصانـع التالـي ^^ من دقة ( المارت ) نحـال مقاضبهـا
شريتها بالثمن يـوم ارخـص المالـي ^^ إميـه وعشريـن مـا يمهـل بغايبهـا
الله يرحمـك يـا عـود شراهـا لـي ^^ مـن واحـد جابهـا للسـوق جالبهـا
حديدهـا واذكـر الله كنـه ريـالـي ^^ كـن الحيايـا تطـوافـي مقاضبـهـا
اقف بها بيـن ربعـي وامنـع التالـي ^^ لا خف ولد الردي ما احتـال يزهبهـا
عط الطويلة عريـب الجـد والخالـي ^^ ولد الردي لا تلخونـه يـزول بهـا !!
واللـي رفيـع وللشوفـات حمـالـي ^^ ارفـع نواصيـه يـاربـي وقطبـهـا
وانا من الخبرة اللـي شورهـم عالـي ^^ واهل سلـوك الـردي يـارب تذهبهـا
بنت غراهـا زبـاد فـي ايـد دلالـي ^^ ولا طمـوح هواهـا مـن يلاعبـهـا
كم مـرة قـد ضربنـا منجـم خالـي ^^ وكـم جملـة فرقتهـا مـن ربايبـهـا
وليـا لفونـا مـن المقنـاص زعالـي ^^ أحـد مـدح بندقـة واحـد يعذربهـا
بشرتهـم بالعشـا مـن عقـب مقيالـي ^^ القايـدة مـع مـرد الكـوع ضاربهـا
اضرب بها الوعل لاجاد لـه تهنفالـي ^^ ابـو حنيـة كبيـر الـراس شايبـهـا
ذبحت عشرة بها والظـل مـا مالـي ^^ والحاديـه روحـت تثلـغ مضاربهـا
ويالله انا طالبـك حمـرا هـو بالـي ^^ لا روح الجيـش طـفـاح جنايبـهـا
لا روح الجيش حاديه اشهـب اللالـي ^^ لا هي تـورد وسيـع صـدر راكبهـا
اللي على كورهـا واللـي بالاحبالـي ^^ واللي علـى عيزهـا واللـي بغاربهـا
لا روحت مع سباريت الخـلا الخالـي ^^ كـن الذيابـه تنهـش مـن ترايبهـا!
تمـت وصلـوا عـدد ماهـل همالـي ^^ علـى نبـي شـروع الحـق رتبـهـا
اغفـر ذنـوب الفتـى يالله يـاوالـي ^^ لا جيت فـي حفـرة رزوا نصايبهـا
فراج بن ريفه العبيدي القحطاني رحمه الله