ماكينه 115 -2 استروك!!!

[bo.nasser]

السلام عليكم ورحمة الله وبركاته

اتمنى ان اسعد وتسعدو بتواجدي بينكم

عندي طراد عليه ماكينه 115 - 2استروك

عملت صيانه لطراد بنفسي
لكن احترت في نوع البواجي (شمعات الاشعال) اي نوعيه استخدم

وخاصه ان قطع الغيار بالاحساء لطراد شبه منغرضه:mad:
هل ينفع بواجي المولدات الكهرب
ويشباب الدمام دلوني على محل يبيع قطع الغيار بالدمام او الخبر
وياليت رقم تلفون او جوال لتواصل


وهل ينفع بالنسبه لفلتر البنزين الى جاي من التانكي اركب له فلتر بنزين لسياره

وبالنسبه لتشغيل يكفي تشغيل الماكينه 10 دقايق كل اسبوعين

اتمنى نصايايحكم للمحافظه عليه بشكل بجيد

اخوكم بوناصر

[كنعد]

السلام عليكم ورحمة الله وبركاته

اتمنى ان اسعد وتسعدو بتواجدي بينكم

عندي طراد عليه ماكينه 115 - 2استروك

عملت صيانه لطراد بنفسي
لكن احترت في نوع البواجي (شمعات الاشعال) اي نوعيه استخدم

وخاصه ان قطع الغيار بالاحساء لطراد شبه منغرضه:mad:
هل ينفع بواجي المولدات الكهرب
ويشباب الدمام دلوني على محل يبيع قطع الغيار بالدمام او الخبر
وياليت رقم تلفون او جوال لتواصل محل الخريف لبيع جميع مستلزمات القوارب الموقع في حي الراكة مجمع( اوتوموتو ) ما يضيع ان شالله اذا جيت الدمام اسال عن حي الراكة واذا جيت الراكة اسال عن المجمع ومن سال ما ضاع ,, لا تنسى تجيب معاك البواجي القديمة علشان يشوفونها .


وهل ينفع بالنسبه لفلتر البنزين الى جاي من التانكي اركب له فلتر بنزين لسياره عادي لو تبي تركب فلتر طيارة عادي هو مجرد فلتر لاكن لا يكون كبير يعني قريب من الحجم حق المكينة.

وبالنسبه لتشغيل يكفي تشغيل الماكينه 10 دقايق كل اسبوعين اتوقع تكفي بس لازم تفصل البطارية علشان ما تخلص ثاني شي اذا شغلتها عشر دقايق وتبي تطفيها لا تطفيها من المفتاح لالا افصل هووز البنزين خلها تحرق البنزين كله وتطفي لحالها لين ما يخلص البنزين الي في بطنها , طبعاً اذا بتشغل الطراد لازم تشغلة في برميل مليان موية .

اتمنى نصايايحكم للمحافظه عليه بشكل بجيد

اهم شي تجيب لك طربال متين يفضل 3 طبقات لا تسمع كلام احد حتى لو كان عندة خبرة في البحر 300 سنة الشمس ما ترررحم تاكل كل شي انتبة علية لازم تحط على الطراد طربال متيين اذا تبية يعيش معاك واذا ماتبي شي راجع لك.


ولاتنسى في قفل تفصلة عند الحدادين حق القير لان حرامية القير واجد .
اخوكم بوناصر

[الواهج]

جميع شمعات احتراق ياماها 2ستروك وحده وتركب للكل ماعدى ماكينه حجم 140 لها شمعات احتراق خاصه بها وبخصوص فلتر البنزين اظن سعره لايتعدي 70 ريال مع القاعده ركب شي مضمون وبحري ولاتدخل بمشاكل

[bo.nasser]

اخوي كنعد يعطيك الف عافيه
معلوماتك قيمه جدا وخصوصة بالنسبه لاحراق الوقود الى داخل المكينه اول مره اسمع بيها وراح اجربها
والبنسبه لطراد موجود عندي بالاستراحه بالاحساء
كان ودي يوديه قريب مرسى بس متخوف

وبالنسبه لبرميل الماي مستغني عنه بسماعات الماي الى تركب على الماكينه

اخي الوهج يعطيك العافيه
ياليت احصل الفلتر كان اضمن لي وارتب

وجاري البحث عن الخريف