انكسر احد الجنوط ! ممكن يتصلح ؟

[الوشاح]

السلام عليكم


http://www.q5q5.net/uploads/3eec11b79d.jpg (http://www.q5q5.net/)

كنت ماسك ردميه .. وماشي بمان الله ......... مادريت إلى ... طراااااااخ

علطول عرفت انه الكفر

قلت الحمد لله على كل حال .... إلى صارت بالكفر هينه ... الكفرات قديمه وبركب جدد إن شالله

ركبت الاسبير ومشيت

رحت ابغير الكفرات .... قالي العامل تعال شف جيت لمه وش اشوف الجنط منكسر كسر غريب !!

مع الوسط !! ياساتر

http://www.q5q5.net/uploads/77180a3ede.jpg (http://www.q5q5.net/)

ركبت جنط الاستبنه

لاكن الحين وش السوات ؟ دورت مثل الجنط مالقيت ألى تتجاري ولون فضي بـ400 ريال !!

اجل بكم الاصلي .. شكله بـ1200

سؤالي

فيه احد يصلح الجنط ؟؟

وللمعلوميه .. الجنط المنيوم

تحيتي للجميع

[1400]

السلام عليكم
مالك إلا التشليح
وافضل التشاليح ببريده وخاصة اللي اول التشاليح تشاليح العجلان اليمين الجديد
شكرا

مراسل مكشات في الصين

[أبو أسامة]

السلام عليكم ورحمة الله وبركاته

أخي الكريم .......

الحمد لله على السلامه ...................


بالنسبه للجنط نعم يتصلح في صناعية وسط البلد يسوون له لحام ألمنيوم .......... وأنا قد أنكسر معي جنط موتري في حادث وصلحت الموتر في الوكاله وكلفني 4000 وقلتلهم صلحتوا الجنط قالوا لي الوكاله مايتصلح بس تبي جديد ب1500 ...... والله يخسون مابقى إلا هذه ..... المهم سألت لين لقيت خوي لي في صناعية الخليج أخذ الجنط المكسور ووداه إلى صناعية وسط البلد ........ ومشاء الله على شغلهم الجنط له الآن سنتين ونصف ما شفت منه شيء .........


لكن لو تبي رأيي أشتر من التشليح وإن شاء الله أنك راح تلقاه عند تشليح المطيويع أو الموينع ضيعت أسمه المهم أنه بالحاير .......

والسلام عليكم ورحمة الله وبركاته

[الوشاح]

1400

اهلا وسهلا .. بمراسلنا في الصين ا لشعبيه :D

والله اني واثق منب محصلهن بتشاليح بريده

ونا ابخص .. يحجزون جنوط الشروكي قبل ماتخلص اوراق المرور


يعطيك العافيه

أبو أسامة

الله يسلمك .. الحمد لله ماهنا إلا العافيه الدعوا جنط

افرحتني كثيير والله

اروح إن شالله للصناعيه وأسأل

الجنوط هذي عليا طلب كبيييييير .. اتوقع ماحصلها بتشاليح الحاير

يعطيك الف عافيه أبو أسامة وماقصرت

تحيتي للجميع