المساعد الشخصي الرقمي

مشاهدة النسخة كاملة : هل ارتفع سعر تغيير الزيت



الطنب
29/08/2012, 02:59 PM
السلام عليكم ورحمة الله وبركاته
قبل يومين ذهبت لتغيير الزيت للسياره النوع تويوتا كنت اغير الزيت ب 15 ريال قبل رمضان للعلبه الان اصبحت 18 ريال
هل السعر ارتفع على البناشر
الحقيقه لا
قررت ان اذهب الى سعر الجمله واكتشف كم تطلع العلبه واكتشفت ان العلبه تطلع 12 ريال ويمكن اقل من الموزعين
اشتريت كرتون فيه 24 حبه من زيت تويوتا الاصلى 290 ريال تطلع العلبه 12 ريال فقط يعنى ياخذ ابو يمن 6 ريال على كل علبه 6 علب ياخذ 36 ريال

الفرق لما اجى اغير زيت مره ثانيه اخذ علبي وادفع 10 ريال فقط واوفر 26 ريال
شوفو الفرق لو كان عندك فى البيت اكثر من سياره

ابونبيل
29/08/2012, 03:02 PM
صديق لي شرا كرتون زيت وراح عند اليمني قاله اليمني ما اغير لك زيت الا اذا شريت من عندي قال انا عندي زيت قاله اجل تعطيني 35 ريال وغير لك !!!

قاله سلامات 35!

قال انت ماتبيني اربح شاري الزيت من برا!!!

الصراحه افكر اسوي لي حفره بالبيت واريح نفسي من هاليمنيه اعوذ بالله

الطنب
29/08/2012, 03:09 PM
صادق اخوى وهذى مشكله لو اتحدو على كلامك كان كل واحد منا عنده سياره فكر يعمل له حفره فى البيت او يرضخ لابو يمن ويغير عندهم

Braveheart20
29/08/2012, 03:20 PM
انا قد شريت زيت دفرنس العلبة ب ٤٠ ريال

وعيا اليمني يعبيه لي قال اشتر من عندي لان عنده نفس الزيت اللي انا جايبه

قلت بكم قال ب ٨٥ قلت خذ اللعب اللي معي من ٥٠ وتكسب فيها يا حرامي

الطنب
29/08/2012, 03:25 PM
لو يكسبون مكسب بسيط كان معليش الله يرزقهم لكن للاسف طماعين واجد ورافعين الاسعار بدون مبرر

abo_hoor
29/08/2012, 08:46 PM
زيت ارتقعت اسعاره اخوي قبل سنتين او اقل شوي تجار حراميه مايخافون ربهم قالو بسبب نفط ارتفع ونزل نفط ولحد الان مثل الاسعار و

abo_hoor
29/08/2012, 08:51 PM
وعندنا في الكويت كراجات تبع جمعيات تعاونيه وحنا مساهمين فيها لكل منطقة او مدينه الاسعار فيها زينه وكل شي واضح امامك فيه لوحه لكل شي تبيه واذا تبي تبدل زيت وزيت من عندك يسويها لك وهو خوش موظف واذا رفض اعتقد ينفصل وانا احب هالفكره انها تكون في جميع الدول بس فيها عيب واحد وهي زحمه فقط

التعـ King ـديل
29/08/2012, 09:05 PM
وعندنا في الكويت كراجات تبع جمعيات تعاونيه وحنا مساهمين فيها لكل منطقة او مدينه الاسعار فيها زينه وكل شي واضح امامك فيه لوحه لكل شي تبيه واذا تبي تبدل زيت وزيت من عندك يسويها لك وهو خوش موظف واذا رفض اعتقد ينفصل وانا احب هالفكره انها تكون في جميع الدول بس فيها عيب واحد وهي زحمه فقط


مااقول الا الله لا يغير عليكم يااهل الكويت ويحفظ ديرتكم من كل مكروه
انتم عندكم بالكويت جمعيه حمايه المستهلك قويه ويخافون منها التجار اما عندنا شلونك يالطيب :D وهذا سبب لعب التجار

صاحب مبدا
29/08/2012, 09:14 PM
انا اغير ببنشر قديم مهجوور عندناا بديرة اشري كرتون وين التعب انزل داخل الحفرة وافك الصمولة وقضيت ولله الحمد

فارس العمور
29/08/2012, 10:02 PM
عندي حفره بالمزرعه وشريت ماطور هواء

ولله الحمد من زماااااااان ماطبيت بنشر

واكبر متعه بالنسبة لي تغيير الزيت وتقليب الموتر من تحت

هلي ديزل
29/08/2012, 10:26 PM
عندك اليمنا اخبااث انا موتري ديزل واشتري الزيت من حقين الجملة ويعيون يغيرونه اﻻ ب 30ريال

كاشت بالبر
30/08/2012, 02:01 AM
اذا تشتري الزيت من برا

يرفعون شغل اليد .. لأنهم يكسبون بكل علبة زيت


وهذي خطتهم عشان ما يطيح سوقهم

لأن لو كل واحد اشترى كرتون زيت وجاي للبنشري وخلاه يغير الزيت بـ 10 مثلا أو 15 ريال مثلاً .. ما راح يستفيدون

شلون يطلع فلوس اجار المحل والعامل وتعبهم ؟


اللي راح يبني بيت .. انصحه يسوي حفره ببيته تكون تناسب كل سيارات البيت .. ويكون فيها إضاءة
وفيها شيء تحط عليها طاسة أو علبه لتفريغ الزيت
( يعني مثل البناشر )

مو بس تغيير زيت .. لكن تقدر تشحم سيارتك من تحت

وتفحصها و تشتغل فيها على راحتك

لاتكب البيالة
30/08/2012, 02:23 AM
اخي الكريم
بكل سهولة اشتر بالكرتون
رح اقرب بنشري وقله غير الزيت
بينزل يفك الصرة وبينضف الكبوت من الغبار وينضف الفلتر ثم ينزل يركب الصرة ويقول لك وش نوع الزيت اللي تبي انت طلع له الزيت من السيارة اذا رفض عبه بموترك وشغل وامش واذا طلب اكثر من 20 ريال او 15 اجدع عليه المبلغ وامش

نزف الابداع
30/08/2012, 04:10 AM
فعلاً الزيت لما تشتريه بالكرتون يكون سعره أقل
من البنشر

بس إذا بتشتري الزيت من برا راح يغيره لك البنشري 10 ريال
والسيفون ترا قيمته بالوكالات تقريباً 15 ريال والبنشري يحسبه عليك 20 ريال
لو تحسبها 5 ريال بالسيفون وتقريباً 36 ريال بالزيت المجموع 41 ريال
خل البنشري يغير الزيت بـ 10 والسيفون 5 ريال المجموع 15 ريال
41 ريال ناقص 15 ريال = 26 ريال أنت أولى بها
بس ياليت كل الناس يسوون هالشيء
والسالفه مو بخل لكن عقل

Lover gmc
30/08/2012, 09:09 AM
الله يعيننا عليهم

والله اني صرت اغير الزيت ب 120 تقريبا

اول ماتتعدى 100 مع السيفون

الطنب
30/08/2012, 01:16 PM
يارجال من كل 100 واحد يجيهم واحد مثلى ومثلك وصدقنى انهم كسبانين ويدخلون ذهب

abo naser 1
30/08/2012, 07:30 PM
السلام عليكم

بس انتبة يعلم الله اني موتري اجيب الزيت معي وبوز الصرة بسبب الحقد والثاني قطع لي الماء حق المسحات
شف اذا جيت تغير الزيت لاتقولة معي الزيت وقف موترك وقله غير الزيت واذا فك الصرة نزل علبك كأن الوضع طبيعي وفا لأخير عطة 15 ريال ازود من حقة واحذر خلك معه عينك علية وهو يشتغل لا يخرب شي

والحمد لله حفرنا حفرة زيت في الأسترحة وكل الشباب يغيرون فيها والزيت نشتري بالكرتون والسيفون من محلات القطع كذا توفر 50% ونحارب طمع ها العالة على البلد

الطنب
30/08/2012, 11:05 PM
كفو يابو ناصر وليت الشباب كلهم يتعلمون ويصير عندنا ثقافه التوفير والعمل وقضاء حوائجنا السهله بانفسنا

Bader-M
31/08/2012, 11:32 AM
الارتفاع طال كل شي وليس الزبت فقط

على العموم الزيت ليس مشكلة لانك لا تقوم بتغيرة الا كل 10 الف كم الفرق بالغالب لا يتجاوز 50 ريال
المشكلة في مواد الغذائية و الايجارات

الطنب
31/08/2012, 03:00 PM
اخوى بدر هلا بك اعتقد انك تنظر للموضوع بشكل فردى والمشكله ان القيمه لسعر الزيت بالجمله لم يرتفع بل البناشر هم من رفع السعر
الامر الاخر لو كان عندك مجموعه من السيارات ومشوار دوامك اليومى 100 كيلو كم مره بتغير الزيت بالشهر احسبها وتجد الفرق كبير

abo naser 1
31/08/2012, 08:16 PM
الارتفاع طال كل شي وليس الزبت فقط

على العموم الزيت ليس مشكلة لانك لا تقوم بتغيرة الا كل 10 الف كم الفرق بالغالب لا يتجاوز 50 ريال
المشكلة في مواد الغذائية و الايجارات


لكل مقام مقال وهنا عن مجال السيارات والا الدنيا كلها مولعة دام الرقيب شريك

في ناس تغير الزيت كل 2000 كيلو موترة يشيل 7 علب والزيدي يشتري العلبة ب 10 ويبيعها ب 18 ويبيع السيفون ب 30 ريال وهو ب 14 بالوكالة هذا اذا سلمت من الزيت و السيفون التجاري

8 في سبع علب ب 56 ريال + السيفون مكسبة 100% يأخذ 15 ريال مكسب + اجور التغيير زيت وسيفون ب 15 ريال = 86 ريال في 10 دقائق

أحمد محمد1429
01/09/2012, 07:47 AM
أنا واحد أغير الزيت بيدي
بس المشكله من اللي مايعرف يفتح الكبوت بس يعرف يدق سلف ويمشي

الطنب
01/09/2012, 12:49 PM
هذا اخوى احمد يكون اسير ابو يمن ويدفع

hamido
01/09/2012, 07:04 PM
الحمدلله اشتري بالكرتون واغير بالبيت من زمان وعندي طقم حبه مفاتيح سيفونات وماطور هوا وعفريتة بنشر وجحوش اعزكم الله واذا بغين اندعس تحت السياره بعربه حقت ميكانيكيين...
والزيت افضيه بجراكل مويه الكبار
ابرك من البناشر ولعبهم

خيال الغلبا
01/09/2012, 07:14 PM
انا اشتري واغير بعشرة ريالات

سعــود
01/09/2012, 07:59 PM
اخي الكريم
بكل سهولة اشتر بالكرتون
رح اقرب بنشري وقله غير الزيت
بينزل يفك الصرة وبينضف الكبوت من الغبار وينضف الفلتر ثم ينزل يركب الصرة ويقول لك وش نوع الزيت اللي تبي انت طلع له الزيت من السيارة اذا رفض عبه بموترك وشغل وامش واذا طلب اكثر من 20 ريال او 15 اجدع عليه المبلغ وامش

انشهد انك جبتها ع الجرح ياذيبان

الطنب
01/09/2012, 11:15 PM
الانسان المسلم يتعامل بكل صدق وامانه ماتسوى عليك لو كان مارضى عن السعر وجاك عقوبه من رب العباد
الا اقول معى علبي واتفاصل معه وان عجبنى السعر غيرت عنده ولا ادور غيره

mekshaat
01/09/2012, 11:23 PM
والله البناشر مشكله لازم يكون اللي تغير عنده ثقه قبل فتره شريت
فلتر أصلي حق الوكاله لأنه طلع عندي صوت طقطقه قالو لي يمكن
الفلتر ماهو أصلي المهم رحت أغير الزيت قال البنشري عندنا الفلتر
الأصلي جابه نقارن بينهم الختم اللي على الفلتر مكتوب باللون الأحمر
لكن الفرق حق الوكاله غامق وحقه لونه فاتح لكنه أصر انه وكاله
مع اختلاف اللون وبالنسبه لغش الزيوت ذكر لي أحد الأشخاص قصه
صارت قدامه عند محل زيت جا زبون وحط سيارته جديده تقريبا المهم
قام وغير له زيت مكرر مغشوش يجيبونه بسعر رخيص جدا يوم رجع
الزبون قال خلاص غيرت لك الزيت يوم شغل السياره بيمشي قال للبنشري
وش سويت قال حطيت لك زيت أصلي جديد قال نصاب غير الزيت بزيت جديد
نفس اللي طلبت منك أحسن لك الزيت القديم أفضل من زيتك الجديد المهم طريقة
كشفه للغش ان سيارته فيها نظام قياس لزوجة الزيت وبكذا فضح النصاب
واضطر يعتذر منه ويبدل له زيت أصلي وذكر لي واحد كيف طريقة
الغش النصاب يستغل بعد الزبون عن السياره ويجيب علب أصليه
نفس طلب الزبون ومعبيها زيت مغشوش ولاعليها استكر تغليف وهنا النقطه
المهمه اذا الزبون أشرف بنفسه على العامل جاب زيت أصلي وفك الاستكرقدامه
واذا هو راعي غش استغفل الزبون وجاب الزيت المغشوش بدون استكر
طبعا مانعمم الكلام هذا فيهم الكثير ان شاء الله انه صادق وجربناهم لكن
البعض يسلك طريق الغش والنصب وهذا يصير في أكثر المجالات.

صاهود بالنفود
02/09/2012, 01:26 AM
انا اقول حط لك طلعه مرتفعه من البلك اسهل للتنظيف وارخص بناء هذا اذا عندك مساحه واللا سولك طلعه حديد واذا خلصت من شغلك اسفطها بمكان خاص


وعلى قولت الأولين طهر ولدك بالفاس ولا تحتاج للناس

عشق البر
02/09/2012, 10:18 AM
يحلالات حفرة او رافعه بالبيت وتنسى شي اسمه بنشري