★۩ ۞ (( كيف تتجنب البخس الغير مقصود )) ۞۩★

[(هزاع)]

بسم الله الرحمن الرحيم
السلام عليكم ورحمة الله وبركاته
(خيمة الصقور)
يالهذه الخيمه من محبه لها ولمن تشرفت بمعرفتهم من الاخوان
ومن هذا المنطلق
بخس السلع / لانخترف بانه حرام
لاكن قد يقع به المسلم عن غير قصد بان يعرض فلان طيره ويتبين للمطلعين على الموضوع عذروب به لم يذكره صاحب الطير نسيان او عدم عرف منه
مثل اثرالجدره وما اثرت به على الطير او الوضحه بالعين اوفقد او كسر باحد الاصابع اومخولفة الريش او أن يقول ان طيره اشقر اوجرودي اوصافي اومصفي وهو ولاشي مما ذكر
هل من الافضل ان نكتب في موضوعه ان طيرك به العذروب الفلاني ونكسر سلعته او ان نبين غشامته على الملاء
اومن الافضل ان نرسل له رساله على الخاص اوالجوال ننصحه اونبين له على شكل نصيحه دون تجريح في معرفته او ذمته
وهل يرى الاخوه المشرفين ان يحيطو بالموضوع لارسال رساله لعارض الطير ان يذكر العذروب من قبل عارض السلعه
نسمع منكم لاني ارى مثلكم في بعض الاخوان العجله في الكتابه ويقع في الاثم بالبخس عن غير قصد ان شاء الله
وهل اذا تعند برأيه صاحب الطير المعروض ولم يستجيب للنصيحه ماهو التصرف الاصح لمثله
وهل يرى الاخوه المشرفين تنبيه الباخس عن غير قصد ان شاء الله بان يلتزم بأدب الاسلام واسلوب النصيحه وألا يوتخذ به مايردعه
الله يجزاكم خير ويرحم والدي ووالديكم

[ذيب القرى]

كلام سليم وي جزاك الله كل خير والمسلمين أجمعين

[ابو ساره 999]

الله يجزاك خير يابو مشعل وجهودك واضحه بالخيمه الله يقويك بخس السلعه الغير مقصود اذا كان بسبب ماذكرت من عيوب لم يبينها البائع يتحملها بالمقام الاول هو بنفسه لانه وغيرك المعلم عيوب الطير معروفه والاشياء اللي تاثر بالسعر اغلب الناس يعرفها لاكن برايي المتواضع اكثر مالاحظته بمواضيع البيع والشراء بعض الاعضاء الله يجزاهم خير تلقاه يسوم اي شي وحصلت معي شخصيا سام احد الاعضا مني غرض وكلمني بالجوال وقلت نصيبك وخيره من الله اني ماقفلت الموضوع جلست انتظره الرجال اخذ له شوي وكلمني قال ياخوك المعذره تقدر تصبر علي شوي الفلوس ميب متوفره قلت والله يابن الاجواد انا عجل على البيع ولا اقدر انتظر قالي اجل الله يوفقك وبالصدفه تابعت المنتدى بعده بيوم لقيت الرجال يساوم على طيرين وتابعته كل الاسبوع لقيت الرجال يسوم سومتين ثلاث باغلب المواضيع طيب هذي الامور واللي يسوونها واجد ماتاثر بعد يابو مشعل وش ذنب الصامل اللي يتابع المواضيع عشان يشري سلعته وراعي الموضوع متعلق مع هالشريطيه واخرتها ارتفعت سلعت الرجال وماحد صمل وهو توقع ان سلعته بتجيب سعر افضل ولو رجع وعرض الطير بسعر اقل قالو الناس ماعافه الطير وبه خير ارجو منك ومن مشرفينا الاعزاء مراقبة هالنوعيه من الاعضاء ومنعهم حفاظا على مصداقية مكشات وعشان يستمر بنفس الرتم من القوه

[قرناس حوران]

السلام عليكم ورحمه الله وبركاته
الله يعطيك العافيه يابو مشعل
ومواضيعك دائما تجبرنا على متابعتها وانتضار الردود
من بعض الاخوان
تقبل مروري اخوك نوووماس سابقا

[نقا الجمل]

موضوع في منتهى الروعه

وهو يطرق على أبواب ذات اهميه جزاك الله خير يا صاحب الموضوع واشكر الأخوه على الإشادة الرائعة
أنا وأعوذ بالله من إلانا
ماني اعرف منكم او افهم منكم ولكن ترجع الأسباب لبعض الشريطيه يزود على الطير اللي ماله نضر فيه حتى يحرم صاحب الطير والشخص اللي يبي يشتري ولو باعه صاحب الطير بيتعذر بكلمة والله خلاص شريت لي طير
وصعبة ان الشخص يعرف وش اللي في قلوب الناس
ولكن اختم كلامي بحديث الرسول عليه افضل الصلوات وأتم التسليم
( من غشنا فليس منا )
أسف على الأطاله اذا كفيت واصبت من توفيق ربي وان قصرت اعذروني على القصور

[ذراع الذيب]

السلام عليكم ورحمة الله وبركاته..
صبحت بالخير يابومشعل..


مشاكل البيع والشراء عديده ولاتنتهي ولاكن بطرح مثل هذي المواضيع وأخذ اراء الاعضاء والمشرفين نقلص منها
والمشرف من دون الاعضاء ومن دون افكارهم وارائهم لايقدر على كل المشاكل التي تواجه هذا القسم وبالنسبه لعارض السلعه..
اذا عرض طير وفيه عيب واضح للجميع كالوضحه المتمكنه من عين الطير وهدلة الجناح القويه او بتر احد اصابع الطير او كسره والخ من العيوب التي يميزها المشاهد من اول وهله..
ولم يذكرها بالموضوع ننبه بذلك ويكون التنبيه عن طريق المشرفين او عن طريق الاعضاء ويكون تنبيهنا له عن طريق العام بشرط ان يكون العيب واضح جداً ولايختلف عليه اثنين..
واذا لم يتجاوب صاحب الموضوع نقوم بحذف الموضوع واذا تكرر منه هذا الشي يتم ايقاف العضو واذا كان العيب غير واضح للجميع يفضل من العضو ان يراسل المشرف بذلك..
ويسأل عارض السلعه برساله على الخاص عن العيب الذي يشاهده وكما ان هناك عيوب بسيطه في الطير ويأتي من يستقلها ويبخس السلعه..
هنا نقوم بحذف رد الباخس وننبه بذلك ونقدم له النصيحه بأذن الله واذا تكرر منه هذا الشي نقوم بحف عضويته غير آسفين
ونحن ايها الاعضاء بشر ولاندرك كل الامور التي تحدث بالمنتدى وأذا رأيتو احد المخالفات ارجو تنبيه احد المشرفين بذلك..
وقال الله تعالى(وتعانوا على البر والتقوى ولاتعاونوا على الاثم والعدوان)



وتحياتي لكم

[بو عزه]

آآآنـــشهـد آنـــكك صــــآدق يـــآ بو مشعل و آآنت يــآ ذرآآع آآلذيب

[نقوة الغوش]

فعلاً دايم تصير
وانت صراحه جاوبت على سؤالك
ينصح بالخاص من اهل العرف
واذا مانفع معه يرد بنفس موضوعه
وتوضح عيوب الطير
شاء او لم يشاء

[برق المغيب]

بارك الله فيك يابو مشعل على هذا التنبيه وهذا الكلام الطيب ومشاركة الاخوان لك في موضوعك يدل حرصكم على مصلحة الجميع

[عاذي]

بما انه عارضة بالمنتدى على الملأ نوضح له العيب بالمنتدى على الملأ حتى يستفيد وغيرة يستفيد هذا بيع ومشترى مافيه شئ .. حتى ماينغش فية غيرة .

[(هزاع)]

بما انه عارضة بالمنتدى على الملأ نوضح له العيب بالمنتدى على الملأ حتى يستفيد وغيرة يستفيد هذا بيع ومشترى مافيه شئ .. حتى ماينغش فية غيرة .



النصيحه لله
اشوف ان النصيحه ان تكتب رسالتين واحده لراعي الطير تبين وجهت نضرك واوحده للمشرف للتنبيه
قد تكون وجهت نضرك خاطئه يوكدها المشرف بخبرته
اما ان اكتب وجهت نضري في موضوعه وكسر سلعته لايجيزها ادب المسلم بالبيع والمشترى
هذي وجهت نضري الخاصه

[اقدم صقار]

النصيحه لله

اشوف ان النصيحه ان تكتب رسالتين واحده لراعي الطير تبين وجهت نضرك واوحده للمشرف للتنبيه
قد تكون وجهت نضرك خاطئه يوكدها المشرف بخبرته
اما ان اكتب وجهت نضري في موضوعه وكسر سلعته لايجيزها ادب المسلم بالبيع والمشترى

هذي وجهت نضري الخاصه




موضوع مهم بصراحه

طيب يا ابو مشعل وذا راعي الطير ما اقتنع في كلامي وقال انت ما عندك سالفه وش اسوي له
:D:D:D:D:D:D

طيب وذا المشرف ما عنده ذيك الخبره والدرايه في الموضوع وش اسوي ، المشرف للتنضيم والترتيب والنقل والتعديل ماهوب مكلوف بذمم خلق الله بصراحه

صحيح التجريح ماهو من ادب البيع والشراء ولاكن الله يعين

مالك الا الصبر وش وداك له

ابو منصور

[توصيل طيور]

شور طيب من وجهن طيب الله يرحم والديك وكل مسلم

[(هزاع)]

لاشفت خطو الظول بالك تعسه == ليا جانبك شر المخاليق خله
لو عنـدنا من غيـب الأيـام رسـه==الآدمـي مصلـوح نفســه يـدلـه
(محمد بن شعلان) يرحمه الله

[(هزاع)]

الرفع لتبلغ النصيحه وتعم الفائده