السوم بدون حق الربطه

[ابوحزااااااام]

السلام عليكم
اخواني اغلب المواضيع نشوف من ضمن السومات بالربطه ولا بدون ربطه .
من غير طول كلام انا ارى من الاحسن يكون السوم بدون ربطه وش دخلنا في الربطه
انا جايك اشتري طيرك وليه ابتلش براعي المربط واذا هو مغلي عليك وش ذنبي انا
المهم بالنسبه لي اي سومه راح اسومها تخص الطير بس المربط ماراح ادفع ريال واحد ولا لي شغل فيه
وعلى فكره انا سمت لي طير مثلا بـ5000 بالجوال ولقيت راعي الطير منزل سومتي وكاتب مسيوم بـ5000بدون ربطه .في هذي الحاله وش تفهم من اللي كتبه هذا واسف على الاطاله واتمنى من الجميع ماعاد يذكر الربطه بكيف اللي رابط هو ويا راعي المربط لان فيه علوم بينهم ماندري عنها وتسبب قلق

[صقار سطام]

كلام سليم يا طويل العمر

[بوزيدان]

انا اشهد ان كلامك حق بيض الله وجهك
اتمنى من ادارة المنتدي التعاون
بوضع النقط على الحروف

[ابو عضيله]

نعم كلامك صحيح طير معروض للبيع لادخل لمن سام او اشترى بالربطه

[عبدالله بن الشيخ]

الحقيقة موضوعك مهم جدا وفي الصميم

أنا أأيدك وبقوة , المفروض أن راعي الطير يحسب الربطة بينه وبين نفسه ولا يشغل الزباين فيها.
مثلا طيرك انسام ب 8000 , اعتبرها بينك وبين نفسك 6000 وألفين للمربط , وكان الله غفورا رحيما
ان جازتلك بع , وان ماجازتلك اصبر.

أما بالنسبة لمثالك فهو أمر خطير , اذا أنت سمت طير ب5000 , وقال راعيه : الطير انسام ب 5000 من غير ربطة
افهم منها ان الربطة عليك , يعني كأنك سايم الطير ب7000 , وهذا يدخل فالاحتيال

ارجو أن يغلق موضوع الربطة نهائيا , وكل بياع يحسبها بينه وبين نفسه أفضل

[نقوة الغوش]

والله فعلاً مشكله هالمربط

[ابوحزااااااام]

الحقيقة موضوعك مهم جدا وفي الصميم

أنا أأيدك وبقوة , المفروض أن راعي الطير يحسب الربطة بينه وبين نفسه ولا يشغل الزباين فيها.
مثلا طيرك انسام ب 8000 , اعتبرها بينك وبين نفسك 6000 وألفين للمربط , وكان الله غفورا رحيما
ان جازتلك بع , وان ماجازتلك اصبر.

أما بالنسبة لمثالك فهو أمر خطير , اذا أنت سمت طير ب5000 , وقال راعيه : الطير انسام ب 5000 من غير ربطة
افهم منها ان الربطة عليك , يعني كأنك سايم الطير ب7000 , وهذا يدخل فالاحتيال

ارجو أن يغلق موضوع الربطة نهائيا , وكل بياع يحسبها بينه وبين نفسه أفضل
شاكر مرور جميع الاخوان عموما وعبدالله خاص لانه اجاب عن الاستفسار اللي طرحته
وهو سمت طير بـ5000 بالجوال قال والربطه قلت مالي شغل فيها ولقيته منزل سومتي وكاتب مسيوم بـ5000من دون الربطه؟ارجوكم ركزو فيها شوي ووضحو لي لاني ماني فاهمها

[تميم2222]

صح لسانك .....

[ألاشعل]

انا اايدكم ومن هاذي الصفحه فهي اعلان ومرجع لي اي سلعه اسومها مالي علاقه بقيمت الربطه رابط بالف والي بعشره اذا سمت م اي رجال طيره مثلن ب ٥٠٠٠ يعني هاذي هو المبلغ الذي يستلمه فقط يبي يزكي فيهن يبي يسدد المربط نصهن هاذي ماهو شغلنا وصحيح دايم اتفاجل بان سومتي تزود من دون علمي وبعد ما اسال السبب يقولي حق الربطه وفي هاذي الاثناء انا اسحب سومتي وللمعلوميه فيه ناس تربط ببيوتها ربط خاص ويطلبون حق الربطه موضوعكم هاذي قمه في الجمال والجديه وهاذي اعلاني سومتي لراعي الطير غيره نتفاهم ان كان فحص او نقل ودمتم سالمين

[انور العنزي]

الحقيقة موضوعك مهم جدا وفي الصميم

أنا أأيدك وبقوة , المفروض أن راعي الطير يحسب الربطة بينه وبين نفسه ولا يشغل الزباين فيها.
مثلا طيرك انسام ب 8000 , اعتبرها بينك وبين نفسك 6000 وألفين للمربط , وكان الله غفورا رحيما
ان جازتلك بع , وان ماجازتلك اصبر.

أما بالنسبة لمثالك فهو أمر خطير , اذا أنت سمت طير ب5000 , وقال راعيه : الطير انسام ب 5000 من غير ربطة
افهم منها ان الربطة عليك , يعني كأنك سايم الطير ب7000 , وهذا يدخل فالاحتيال

ارجو أن يغلق موضوع الربطة نهائيا , وكل بياع يحسبها بينه وبين نفسه أفضل

يعجبني فيك تفصيلك للموضوع باختصار كلامك ماعليه كلام يعطيك العافيه وراعي الموضوع تعليق بسيط فيه ناس تسوم مع الربطه والربطه ماالهى سعر ثابت احتمال ثلاث الاف طيب واذا عرف احتمال تخرب البيعه يعني بدون ربطه وراعي الطير يحسبها على كيفه

[اماراتي 10]

بصراحة كلام سليم وما نختلف عليه وفي نقاط بعد مهمه في البيع والشراء والعرض :
1- السومه مع الربطة مش ملزمه مثل ما قال بوحزام والشاري ما يدخل فيها.
2-واحد يسوم 5000 مع التوصيل(هذي بعد ما يخصها في السوم والبيع لانه قيمة التوصيل لحالها وفي ناس رزقها على التوصيل.

[عادل العيباني]

كلام سليم وانا معكم في هذي النقطه السوم بدون ربطه احسن وهذا رأيي واي سومه مني راح تكون بدون ربطه

[برق المغيب]

كلام سليم ومشكورين عليه ياخوان بارك الله فيكم .... شهادة لله سبحانه وتعالى ان هذا الصرح يجمع من الرجال ممن تفتخر بمعرفتهم والتواصل معهم ... وانا لي شرف الانتساب للموقع اللي جمعكم .... دمتم بود ... اخوكم ابو راكان

[صقارعزاااام]

الحقيقة موضوعك مهم جدا وفي الصميم

أنا أأيدك وبقوة , المفروض أن راعي الطير يحسب الربطة بينه وبين نفسه ولا يشغل الزباين فيها.
مثلا طيرك انسام ب 8000 , اعتبرها بينك وبين نفسك 6000 وألفين للمربط , وكان الله غفورا رحيما
ان جازتلك بع , وان ماجازتلك اصبر.

أما بالنسبة لمثالك فهو أمر خطير , اذا أنت سمت طير ب5000 , وقال راعيه : الطير انسام ب 5000 من غير ربطة
افهم منها ان الربطة عليك , يعني كأنك سايم الطير ب7000 , وهذا يدخل فالاحتيال

ارجو أن يغلق موضوع الربطة نهائيا , وكل بياع يحسبها بينه وبين نفسه أفضل رايك طيب وانا مع رايك:good2:

[عاذي]

كلام سليم ويضع النقط على الحروف يمكن راعي الطير رابطة عندة او عند واحد رابطة له بلاش ويبي يتحايل على المشتري زيادة الف والا الفين يقولك عليك الربطة .