الكشف عن اسرار القطع .. من هنا [الأرشيف]

ابو درع

17/07/2006, 01:25 PM

السلام عليكم ورحمه الله ..

الكثير من المبدعين في مجال (الترهيم ) لا يقف عند حد الابداع بل تجده يكشف لك من خلال الترهيم

والابتكار عن تلك الاسرار حسب المواصفات للقطع . فتجده يرهم قطعة بدل عن قطعه وبأقل الأسعار

ناهيك عن الجوده . فكيف يحصل هذا .. الا من شخص فااااهم في مجال التوليف والترهيم

وحينما نأتي للتوليف اي الترهيم كيف يستوعب أصحاب القطع مطلبك . وعلى سبيل المثال كما حصل لى

قبل عدة أعوام طلبت بديل وبنفيس الحجم لصليب كفر قدام لسيارتي جيب شروكي من عدة محلات قطع الغيار

نيسان ، تويوتا ، امريكي ,, وبدون تحديد لكي اطابق .. ومجرد سؤالي يسأل عن نوع السيارة وحين تحديد نوع

السيارة يكتفي بقول غير موجود .http://mekshat.com/vb/images/smilies/no2.gif

وبعد تغيير اسلوب الفكره بقولي هذا صليب معده زراعيه اريد لو تكرمت مطابقته لي , وبالفعل وجدت عند اقرب

محل فورد نفس الحجم والمقاس وب 45 ريال بدل من 250 ريال ويبدو من شكله انه أقوى وأجود .

الكل يعرف ان معطم قطع السيارات مطابقه للبعض حسب المواصفات العالميه مثل الرمان والسيور والخراطيش

والخ .. الخ .

فل نكشف عن اسرار تلك القطع ... بشرط البديل يكون اصلي وفيه توفير .. فلا تبخلو علينا ,,

تحياتي للجميع .

مهراس

17/07/2006, 02:31 PM

السلام عليكم ورحمة الله وبركاته

موضوع مفيد وماقصرت يا بو درع، أنا حصل لي اني كنت ابحث عن دعامه عمود كردان بداخلها جلده ربل للونيت اللي في التوقيع (فورد 66)، ولحسن الحظ واحد راعي ورشة تربيط في صناعية جده قال لي روح جيب دعامة جمس 78 وفعلا لما شفتها كانت مطابقه وبسعر معقول.

تقبل تحياتي

أبو فهد

شبح الصحراء

17/07/2006, 02:45 PM

صحيح كلامك وهذا ااكتشفته من زمن طويل كان عندي الله يسلمك هوندا اكورد موديل 92 وخرب علي مرة طرمبة البنزين ورحت للوكيل وقال ما عنده القطعة هذي فقد كنت في منطقة نائية واحترت وبحثت في التشاليح وما حصلت ورجعت للميكانيكي وقلتله ما حصلت الطرمبة قال ولا يهمك رح لوكيل مازدا واطلب طرمبة بنزين وفعلاً اخذت طرمبة المازدا وركبها الميكانيكي مكان طرمبة الهوندا ونجحت العملية .

وقبل مدة كان معاي كراون فيكتوريا وكان عطلان فيه مكينة كرسي السائق اللي تحرك الكرسي فوق وتحت وقدام وورا ودورت في التشاليح وما حصلت قطعة سليمة آخر شي احد الإخوان شار علي بمكينة كرسي التاون كار لأنها تركب علي الكراون فيكتوريا وحصلت القطعة وركبتها وطلعت تمام .

وعندك مثلاً مساعدات الكابرس القديم تركب على الفورد وبعض الهوبات تركب على بعض ، وهذه الأمور ما تخفى على الخبير بس كثير من الناس يجهلها .

ابو درع

17/07/2006, 03:16 PM

المبدع .. مهراس

النتيجه .

القطعه : - عمود كردان بداخلها جلده الفور ونيت 66

البديل : - دعامة جمس 78 مطابقه للفورد 66 .

السعر معقول ..

___________________________________

المبدع .. شبح الصحراء

النتيجه .

القطعه : - طرنبه بانزين السياره اكورد موديل 92

البديل : - طرمبه مازدا من وكيل مازد ا الموديل غير موضح عليك طلب المطابقه للطرمبه .

_______________ 1

القطعه : - كرسي مكينه كراون فيكتوريا .

البديل : - لتاون كار نفس الحجم .

_______________2

وكذلك ذكر اخونا المبدع مجموعه من القطع كا المساعدات والهوبات لبعض السيارات مثل الكابرس

تطابق للفورت ..

_______________3

منتعش

17/07/2006, 06:00 PM

ياهلا ومليون غلا بأخوي الغالي والمحب : أبودرع
الحمد لله على السلامة وعلى المشاركة
ومشتاقين إلك .
أنا حصلي شي خارج عن الموضوع أشوي وخاص بلعب الوكالات وأكلهم فلوس المسلمين
وكان - في المفاتيح -
انسرق الجيب - لاندكروزر - والحمد لله لقيته -
ورحت للوكالة لتغيير السنة وقالوا بـ 1000 ريال ، وحاولت يمين ويسار وبدون فايده .
وصلحته في الصناعية بـ 200 ريال .
والفرق 800 ريال .
والضحية ((( المستهلك )))

ابو درع

18/07/2006, 12:44 AM

اسعد الله اوقاتي واوقاتكم بكل خير ..

المبدع القدير .. شبح الصحراء اعذرني على الهفوه

القطعه : - مكينه كرسي وليس كرسي مكينه كراون فيكتوريا . تصحيح

البديل : - لتاون كار نفس الحجم .

____________________

حياك الله يا مبدع منتعش اخ عزيز وغالي ... وياريت توضح اكثر للفائده وبعلمك خصصت هذا الموضوع

لكي يكون مرجع لكل عضو وضيف لهذا المنتدى الغالي على قلوبنا .. اجدد التحيه .

أبو أسامة

18/07/2006, 11:30 PM

السلام عليكم ورحمة الله وبركاته

أخي الكريم : أشكرك على هذا الموضوع .........

وأريد المشاركه بمعلومة بسيطه ......... كنت أبحث قبل فتره عن صوفه لجيب نيسان بترول موديل 79م للدفرنس وأيضاً للقير ....... ولم أجد لكن بعد البحث في محلات الصوف في شارع العويضه.... طابقة حجم فتحت الصوفه القديمة مع الجديده وكانت الجديده أقل سماكه لكن الحمد لله ركبت تمام ولم يعد هنالك أي تهريب للزيت ......... يعني إذا مالقيت أصلي من عند الوكيل خذلك ياباني أو ألماني .. جودة ومضمون ......

وأيضاً بالنسبة لكراسي البدي يعني ربلات يكون بداخلها قماش من أجل أن توضع بين البدي والشاص ..... وتساعد في تخفيف الأهتزازات ...... لم أجدها عند الوكيل وبحثت في كل مكان ولم أجد وأشار علي المكانيكي في أشتري ربلة ألمانية يكون بداخلها قماش من محل الشايع بالقرب من الغرابي....... وتم ذلك والحمد لله أخذتها بالمتر ثم قطعتها على نفس مقاس القديمة بنفسي .. والحمد لله .......

ولدي مشكله بالكربريتر وإن شاء الله إذا حليتها سأخبركم بكيفية الحل لأن الكربريتر من عند الوكيل غالي يعني ب1800 ريال ... هو من النوع القديم الذي لم تصنع له الشركه أي طقم أصلاح........

والسلام عليكم ورحمة الله وبركاته

عبدالرحمن

19/07/2006, 03:34 PM

السلام عليكم

حبيت اشارك في الموضوع : الكابرس موديل 91 صارت فيه مشكله في مثبت السرعه ما يشتغل الوكاله طلبوا عليه 3500 ريال والله بدون مبالغه على ايامه في عام 92 بالضبط وطبعا ما اهتمينا في المثبت طول عمرنا على البنزين نضغط وبعد فتره عرفت ان المشكله في الفيوز حق المثبت و ما تتوقعون وين كان الفيوز ؟؟؟؟؟؟؟؟؟؟؟؟؟؟؟ لمبه الشنطه اي نعم لمبه الشنطه ما تكلف 5 ريال والوكاله تاخذ عليها 3500 ريال قبل تعرف الناس المشكله

ابو درع

20/07/2006, 11:09 AM

المبدع أبو أسامة

النتيجه . http://mekshat.com/vb/images/smilies/icon14.gif

القطعه :- صوفه لجيب نيسان بترول موديل 79م للدفرنس وأيضاً للقير .

البديل :- محلات الصوف في شارع العويضه.... طابقة حجم .

يعني إذا مالقيت أصلي من عند الوكيل خذلك ياباني أو ألماني .. جودة ومضمون .
_____________________________1

القطعه :- وأيضاً بالنسبة لكراسي البدي يعني ربلات يكون بداخلها قماش من أجل أن توضع بين البدي والشاص

البديل :- أشتري ربلة ألمانية يكون بداخلها قماش من محل الشايع بالقرب من الغرابي.......
أخذتها بالمتر ثم قطعتها على نفس مقاس القديمة.. وبحمد الله ادت الغرض المطلوب .
____________________________2

فعلاً انت مبدع ... ولدليل اصرارك وكذلك ابتكاراتك وكسر حاجس اليئس ... وفقك الله لكل خير

والله يعينك على مشكله الكربريتر .. وعطينا اخر اعلومك وش سويت .. بنتظارك .

__________________

المبدع عبدالرحمن

النتيجه .

القطعه :- الكابرس موديل 91 صارت فيه مشكله في مثبت السرعه ما يشتغل
طلبوا عليه 3500 .

النتيجه . عرفت ان المشكله في الفيوز حق المثبت !!ما تتوقعون وين كان الفيوز

لمبه الشنطه اي نعم لمبه الشنطه ما تكلف 5 ريال ..

_________________

تحياتي للجميع .

أبوسالم2006

20/07/2006, 11:34 AM

الله لا يهينك على الموضوع الجيد والجميل

المرابط

20/07/2006, 04:30 PM

اشكرك اخي على الموضوع

انا عندي شروكي 91 وكان يحتاج بلف

حراره وكان بلف شد البلد يخلي الحراره

النصف تقريبا يفتح على 90

و شاورت اخواني اعضاء

مكشات شارو على ببلف كابرس

ايسى ديلكو 160 يفتح على 70

ويخلى الحراره الربع وجربتها

وكانت ناجحه وقيمت البلف 20 ريال يابلاش.

ابو درع

21/07/2006, 01:14 PM

المبدع المرابط

النتيجه . http://mekshat.com/vb/images/smilies/icon14.gif

القطعه :- بلف شروكي 91 شدبلد يفتح 90 يعني الحرار النصف تقريباً .

البديل :- بلف كابرس ايسى ديلكو يفنح 70 افضل بكثير :good: ويخلي الحرار على الربع .

والسعر 20 ريال فقط ..

وفق الله الجميع ...

تحياتي .

عاقل

21/07/2006, 02:26 PM

السلام عليكم

اعرف واحد كان معه جاكوار خرب تماتيك مروحه التبريد راح للوكاله قالوا له طلبيه من بريطانيا تكلف حوالي ثلاثة الآف ريال اخذ المروحه معه لمحلات قطع الغيار حتى لقى مروحة كابرس مطابقة للمسامير تماما واكن فتحة العمود اصغر شوي راح للمخرطه وخرط الفتحه والتكلفة كاملة ميه وخمسين ريال فقط شوف الفرق وعاشت معه سنوات

ابو درع

21/07/2006, 02:52 PM

سبق ان تعطل على سلف شروكي وبحثت عنه عند وكيل قطع شروكي لاصلي.. وجته بسعر 1500 ريال

وذكر لي احد الشباب ان سلف المستبيشي مطابق نفس الشي بل ان اغلب قطع الشروكي يطابقه قطع المستبيشي \

بشرط فك القاعد اي قاعة السلف المثبته في المحرك وتركيب السلف الجديد في قاعد السلف القديم وتطابق بأالله .

ولو قلتلكم اني نسيت مديل الشروكي الي كان معي ما تصدقون .. وهو بأسمي . :d

ابو درع

21/07/2006, 03:40 PM

المبدع عاقل

النتيجه . http://mekshat.com/vb/images/smilies/icon14.gif

القطعه :- تماتيك مروحه التبريد لسيارة جاكوار راح للوكاله قالوا له طلبيه من بريطانيا بتكلفه

3000 ريال تقريباً

البديل :- مروحة كابرس مطابقة للمسامير تماما .. كما يوجد ملاحظه بسيطه وهي فتحة العمود اصغر شوي رح للمخرطه وخرط الفتحه لكي تطابق ... وسعر ياااا بلاش 150 ريال فقط .. وعاشت عده سنوات .

اشكرك على المعلومات وجزك الله خير .
______________________

ابو درع

النتيجه . http://mekshat.com/vb/images/smilies/icon14.gif

القطعه :- سلف شروكي لاصلي.. وجته بسعر 1500 ريال .

البديل :- سلف ميستوبيش مطابق القلب .. نفس الشي .. فقط فك القاعد اي قاعة السلف المثبته في المحرك وتركيب السلف الجديد في قاعد السلف القديم وتطابق بأذن الله .. منشان المسامير تركم ..

______________________
وفق الله الجميع ...

تحياتي .

salehhd

21/07/2006, 06:04 PM

السلام عليكم

موضوع شيق وممتاز ولاكد ما عندي الكثير

شمعة غازية حق لكزس 300 رحت الوكيل قال ب75 ريال ومافي الا بعد كم يوم

مريت وكالة مرسدس واخذت اصلي ب10 ريال

مراح التبريد الاضافية الكهرب افضلها في رايي حق المرسدس القديم وقيمتة 150 ريال يابلاش

ابو درع

22/07/2006, 12:16 PM

المبدع salehhd (http://mekshat.com/vb/member.php?u=16463)

النتيجه .

القطعه :- شمعة غازية حق لكزس 300 ب75 ريال .

البديل :- شمعه مرسدس اصلي ب10 ريال .

______________________1

كذلك في رايى مروحه التبريد الكربائيه الاضافيه حق المرسدس القديم وقيمتة 150 ريال يابلاش

_____________________ اشكرك .

وفق الله الجميع ...

تحياتي .

ابومعاذ3

22/07/2006, 03:02 PM

السلام عليكم ورحمة الله وبركاته

اشكركم على على هذا الموضوع المميز

لكزس 300esموديل ( 93 ) سير المكينة كان (150) ريال لقيت سير الكراون (98) نفسسسسسسسسه بـ( 90 ) ريال 0

وللمعلومية مكينة الكزس 300es والكراون ( 98 ) واحدة إلى حوالي موديل 2000 الشك مني وقطعها تركب على بعض

لعب والله إذا أخذته برقم اللكزس بـ 150 وبرقم الكراون بـ 90 ريال
وكذلك فحمات الكامري لومير 93 تركب على الكزس 400لكن يبيله حكة بسيطة بالصاروخ لأحد أسنان الفحمة

ابو درع

22/07/2006, 03:49 PM

المبدع ابو معاذ 3 :good:

النتيجه .

القطعه :- سير المكينة للكزس 300esموديل ( 93 ) 150 ريال .

البديل :- سير الكراون (98) نفس الحجم اصلي ب90 ريال .

__________________1

القطعه :- فحمات لكزس 400

البديل :- فحمات الكامري لومير 93 تركب لكن يبيله حكة بسيطة بالصاروخ لأحد أسنان الفحمه ..
_________________2

وللمعلومية مكينة الكزس 300es والكراون ( 98 ) واحدة إلى حوالي موديل 2000 الشك مني وقطعها تركب على بعض

________

اشكرك على معلوماتك القيمه ومنك نستفيك بارك الله فيك .

وفق الله الجميع ...

تحياتي .

ابو درع

31/07/2006, 03:26 PM

ارجو من المشرف تمييز او تثبيت هذ الموضوع للفائده المرجوه منه ليس اني كاتبه

فقط للفائده .

تحياتي

أبو إبتهال

31/07/2006, 09:15 PM

موضوع شيق وذو فائدة مرجوة تشكر عليه ياأخ أبودرع

بالنسبة لبعض ما مر بي من مواقف شبيهه التالي :
ـــ سيارات الباث فايندر القديمة مثل موديل 91 هناك بعض القطع له معدومة من وكالته مثل كرسي الدبل فوجدت أن كرسي جيب التويوتا أقرب شيء له مع تعديل بسيط فيه عند المخرطة ، وأيضاً جلد أذرعة التوازن الخلفية خاصة تناسبها جلد بعض المساعدات 0
ـــ أيضاً كان معي جيب سوبر سفاري 98 تعطلت فيه طرمبة البنزين وهي في وكالتها غالية فوجدت أن طرمبة الجمس السته والتسعين تناسب معها وبنصف قيمتها تقريباً 0

هذا ما يحضرني الأن وإن جد جديد في الأمر أخبرتكم به لتعم الفائدة 0

ابو درع

02/08/2006, 01:50 PM

المبدع . أبو إبتهال:good:

النتيجه .

القطعة :- للباث فندر موديل 91 هناك بعض القطع معدومة من وكالته مثل كرسي الدبل .

البديل :- كرسي جيب التويوتا أقرب شيء له مع تعديل بسيط فيه عند المخرطة

كذلك للباث تطابق جلد أذرعة التوازن الخلفية لجيب التويوتا تناسبها جلد بعض المساعدات .
________________________1

القطعة :-جيب سوبر سفاري 98 تعطلت فيه طرمبة البنزين وهي في وكالتها غالية فوجدت

البديل :- طرنبه الجمس السته والتسعين تناسب معها وبنصف قيمتها تقريباً

________________________2

اشكرك على معلوماتك القيمه ومنك نستفيك بارك الله فيك .

وا بنتظار باقي ابداعاتك .

وفق الله الجميع ...

تحياتي .

ابو درع

07/08/2006, 02:24 PM

وين الشباب نبي المزيد

مو شرط انت حتى لو تعرف سراً من اسرار القطع سجل للفائده

تحياتي ،،

m1m

08/08/2006, 01:30 AM

شكرا لك على هذا الموضوع ..

القطعة: بلف ثلاجة سوبر سفاري .. بلف حساس .. ووبلف كهرب .. ما حصلت الا قطعة في الوكالة وتركتها .. ومريت جميع قطع غيار نيسان قالوا ما لك الا وكالة خريص وبسعر غالي

البديل : أخذت القطعة .. وأقرب محل حق قطع تبريد - فريزرات وثلاجات ومكيفات منزلية- .. ولقيت القطعة بربع القيمة ونوعية ممتازة

( أنصح أي شخص عنده مشكلة في المكيف ياخذ القطعة لمحلات قطع غيار التبريد )

ابو درع

08/08/2006, 12:13 PM

المبدع m1m :good:

النتيجه .:good:

القطعة :- بلف ثلاجة سوبر سفاري .. بلف حساس .. ووبلف كهربو مريت جميع قطع غيار نيسان قالوا ما لك الا وكالة خريص وبسعر غالي

البديل :- أقرب محل حق قطع تبريد - فريزرات وثلاجات ومكيفات منزلية- .. ولقيت القطعة بربع القيمة ونوعية ممتازة
________________________________________________1

( أنصح أي شخص عنده مشكلة في المكيف ياخذ القطعة لمحلات قطع غيار التبريد )

اشكرك على معلوماتك القيمه جداً جداً ومنك نستفيك بارك الله فيك .

وا بنتظار باقي ابداعاتك .

وفق الله الجميع ...

تحياتي .

ابو ريان الصقر

08/08/2006, 02:28 PM

فحمات الهوندي (يركب )فحمات مازدا
مساعدات لكزس 300 (يركب)مساعدات كامري قراندي

ابو درع

13/08/2006, 02:01 PM

المبدع .جرح الضمير

النتيجه .

القطعة :- فحمات الهوندي

البديل :- فحمات مازدا .. او العكس حسب ماتره توفير لك

________________________________1

القطعة :- مساعدات لكزس 300

البديل :- مساعدات كامري قراندي ... ويبدولي من الاخ جرح الضمير قصده العكس

________________________________2

اشكرك على معلوماتك القيمه ومنك نستفيك بارك الله فيك .

وا بنتظار باقي ابداعاتك .

وفق الله الجميع ...

تحياتي .

ابو ســــاره

13/08/2006, 02:59 PM

موضوع مميز ومفيد.

باثفيندر م 2000 خرطوش الهواء الموصل من البخاخ الي فلتر الهواء سعره في الوكالة 180 ريال اخذت القديم وقصيت مثله بل اقوى منه في شارع العويضه بالصناعية والتكلفه 20 ريال فقط كذلك عموم ليات السيارة سعرها بالوكالة غالية ومحلات كبس اليات ارخص واجود من الوكالة.

جلمود 83

13/08/2006, 05:24 PM

سلام

البديل الي عندي غالي بس اجود كثيير يعني يطلع اوفر انا عندي جيب الهيونداي السنتافي السته سلندر غيرت القماشات بقماشات الجرانديور ال2003 زاد السعر 80 ريال بس قعدت 8شهور اما حقت الجيب ما كانت تقعد اكثر من 10000 كيلو وتقضي

ولاصحاب الاوبل فيه موديلات دايو مطابقه لها بنسبة 95% يعني الاوميجا السته سلندر تركب عليها قطع البرنس الدايوم مثل وجيه راس المكينه لان دايو مشتريه نفس تصاميم محركات الاوبل و الفرق كبير طبعا في السعر مجرب

ابو درع

15/08/2006, 09:39 AM

المبدع .ابو ســــاره :good: :good:

النتيجه .

القطعة :- خرطوش الهواء الموصل من البخاخ الي فلتر الهواء باثفيندر م 2000 سعره في الوكالة 180 ريال

البديل :- اخذت القديم وقصيت مثله بل اقوى منه في شارع العويضه بالصناعية والتكلفه 20 ريال فقط

_____________________________________________1

عموم ليات السيارة سعرها بالوكالة غالية ومحلات كبس اليات ارخص واجود من الوكالة.

__________________________________________________ _

المبدع جلمود 83

النتيجه .

القطعة :- قماشات جيب الهيونداي السنتافي السته سلندر

البديل :- القماشات غاليه بس اجود بكثيير الجرانديور ال2003 زياد ه بالسعر 80 ريال بس قعدت 8شهور

ونفس قماشات السنتافي ما كانتت تقعد اكثر من 10000 كيلو وتقضي .

ملاحضة .. لا يوجد هنا توفير فقط جوده عاليه وأطول مده اذاً لو حسبت بالكيلو تجد نوعاً ما من التوفير

______________________________________________1

القطعة :- وجه رأس المكينة الاوبل وبعض قطع المكينة .

البديل :- دايو مطابقه لها بنسبة 95% والفرق في السعر كثير . :good:

______________________________________________

اشكركم على معلوماتكم القيمه ومنكم نستفيك بارك الله فيكم .

وا بنتظار باقي ابداعاتكم .

وفق الله الجميع ...

تحياتي .

ابو درع

03/09/2006, 12:05 PM

ارجو من المشرف تمييز او تثبيت هذ الموضوع للفائده المرجوه منه

ولكي يكون موضوع متداول من قبل الاعضاء للفائده من معلوماتهم

وفق الله الجميع

سهم قيادي

31/12/2007, 04:24 PM

ما شاء الله موضوع رائع كرسي القير لسيارة ديهاتسو شارمنت 83 يركب عليها كرسي هايكس 77 ب 60 ريال والشارمنت 200

بواردي الدلم

31/12/2007, 04:46 PM

كان عندي جيب ميتسوبيشي انطلقت علي تيله العكس الامامي

المهم شهر كامل وانا ادور في الوكالات مالقيتها قالو نطلبها لك طلبيه ب280 ريال وتوصلك بعد 14 يوم قلت ابدور لي مخرطه يصلحون لي وحده

يوم رحت للمخرطه قال لي رح لمحل المعدات الزراعيه تحصلها عنده

وفعلا حصلتها عنده بريال نعم بريال من الطنخه اخذت 10 حبات منها وركبت المفقوده بريالين يعني تكلفه الاصلاح 3ريال فقط بلاش صح

موديل الجيب 88

بواردي الدلم

31/12/2007, 04:59 PM

بالنسبه لقطع غيار التكيف من مواصير وثلاجه وبلوف تلقونها عند محل في الصناعيه اسمه ( اعالي البحار) تلف مع اشاره القزاز يمين وتمشي لك مسافه بسيطه يجيك على يدك اليمين اعتقد لوحته ازرق وابيض

كان معي مازدا وبتكلف علي حوالي 1200 وعندهم كلفت علي 320 ريال فقط

تبون الصراحه الموضوع مميز جدا بس ودي يكتمل بعدين بخيمه خاصه اسمها بدائل القطع

ونجمع كل القطع والقطع البديله لها وتجدول في صفحه واحده

راح تكون اسهل من تصفح عده صفحات

شروكي ربع

31/12/2007, 06:04 PM

اريد ان ازود على مشاركات الاعضاء ..

سير مكينة شروكي من 94 الى 2001

الاصلي 150 ريال من الوكالة وماجلس معي شهر وانقطع علي في سفر وتبهذلت الله لايوريكم ..

طبعا الشروكي مستحيل تلقا قطعه على الخط لانه نادرا ما يخرب :D

الشاهد مكانيكي جاب لي سير اصلي وركبه , نفس حق الوكالة ..

وطلب 50 ريال قيمة السير ..

استغرب وسألته عن السيارة قال كابرس 89 ..

وبكذا كل تغييره توفر 100 ريال وكل القطعتين اصلية ..

الدحبول

31/12/2007, 09:57 PM

عندي مشكلة في مروحة المكيف حق لاند 97 قيمة 425 ريال
ماتشتغل وترتفع حرارة الموتر
و قالي كهربائي جب حقت جمس 97 أو 98 وبلحمه وبركبه ب50
وقيمة حق الجمس على قوله ب 200 أو تحت أصلية
قال لي ركبه في الصيف الحين ماتحتاج المكيف
تحياتي

االديحاني

31/12/2007, 11:38 PM

بليتين الداتسون العايدي
البديل بليتين ميسوبيشي مايلذع ابد
جربته على موديل 84

لن أمل من العطاء

02/01/2008, 09:07 PM

لن أمل من العطاء

02/01/2008, 09:13 PM

القطعه : حساس اسطوانة مكيف للجمس من موديل 92 الى 99 يركب في الاسطوانه داخل الكبوت امام الراكب لونه اسود وفضي غالبا لا يعطي اشاره صحيحة لتشغيل واغلاق الكمبروسر مما يسبب الثلج على المواسير والثلاجة

البديل : حساس لنكولن موديل 90 لونه بنفسجي وله مسمار لتعديل التوقيت في التشغيل

ابو صقر 111

02/01/2008, 09:48 PM

احببت المشاركة معكم حيث انني اشتريت سيارة ايسوزو غمارتين ويوم نظرت وأذا الاستبنة مسروقة فذهبت للمحلات ولم اجد جنط ثم ذهبت للوكالة قفالوا الجنط بمبلغ 1500ريال ولازم طلبية ماهوب موجود فزرت صديقي راعي ورشة فقال خذ جنط باترول وشفها بالورشة مضيقة علينا ولا نبغى منك هلله لأنك تفكنا منها فشكرته وصا معي استبنه للسيارة

شمالات نجد

03/01/2008, 04:27 AM

من كثر التجارب نسيت وش القطع اللي ركبتها

عندي يابانية صغيرة من اللي صداماتها بلاستك (فيبر) المهم الصدام الخلفي له كلبسات تمسكه في البدي من عند الشنطه طاحت علي ثلاثة منها وسعرها غالي جداً في الوكالة حصلتها عند محل قطع غيار عادي جداً الوحده بريال وركبتها وثبت الصدام ولا صار يتخلخل.

ولاحظت إن الكلبسات بجميع أشكالها تتوفر عند محلات قطع الغيار العاديه ورخيصة جداً ومن باب أولى البحث عنها لديهم وإذا لم يوجد بعدها الشكوى لله مالك الا الوكاله.

كذلك قراند ماركيز أمريكي حولته من شكمان إلى شكمانين وكان من ضمن المتطلبات (وجه) يركب بين الماصورة الجايه من المكينه وبين الماصورة الرايحه للدبه.. ما حصلته فقال لي راعي الورشه إذهب إلى أي محل قطع غيار وأبحث عن وجه قزوز حق ددسن موديل 85 وحصلته ياباني بـ 15 وجهين طبعاً.

شكراً

اسهيل

05/01/2008, 08:37 PM

السلام عليكم احب ان الشارك واقول ايضا هناك قطع توجد في الاسواق افضل من الوكاله وهيا
1_ الرمان تجد في جميع السيارات رمان امركي او ياباني او كوري لاكن عندما تذهب الي محلات متخصصه في الرمان تجد الافضل وهو الالماني
2 - الصوف كما افاد احد الاخوه
3- الصلبان هناك محلات متخصصه في الصلابان
وبعض السيارات تجد قطع الغيار فذهاب الي محلات المتخصصه في بعض القطع يكون اوفر واجود
وســـلام

سيد النشاما..

10/01/2008, 02:12 PM

أبو درع صارت معي
...............

مرة من المرات فتحت كبوت السيارة ( جيب باترول ) وشفت تهريب زيت في اسفل لي من الليات التبخير اللي يجي فوق غطاء البلوف ..... مدري وصلت المعلومة ولا باقي هههههه
المهم سعره في محل الغيار في حدود 25 ريال فما فوق
ولكن ذهبت لمحل معدات زراعية
وعطيته لي العطلان وقلت شف لي مثله أو قريب له وفعلا (( خذيته منه بـ 5 ريال فقط ))

يعطيك العافية يابو درع وبارك الله فيك

واثق

11/01/2008, 05:13 PM

موضوع وفكرة متميزة تشكر عليها أخي الكريم أبا درع
وهاك تجربتي
كان يا مكان في قديم الزمان تملكت سيارة شيروكي سبورت 99 غاية في الروعة لأني فاكها وكالة المهم بعد سنوات صار الكمبروسور حق المكيف يجمد ولا يخرج هواء البتة وكنت حينها مسافرا للقصيم
المهم توجهت لأحد الورش وقالوا : الحساس حق المكيف يأتي فوق الكمبروسر وهو صغير بحجم الأصبع
طبعا ذهبت للوكالة في بريدة وقالوا القطعة بـ 240 ريال وسنطلبها لك وتأتي بعد يومين !! قلت أنا أصلا مسافر للرياض فما يحتاج
قال لي راعي الورشة : أركب لك حقت فورد أو جمس وتجاري بعد بـ 35 ريال وبما أن القطعة ليست بذات أهمية قلت توكل على الله
ركبها في ثوان معدودات وطلب 15 ريال شغل يد
واشتغل المكيف زي الحلاوة واستمر معي مشتغلا قرابة ثلاث سنوات حتى بعت الموتر وهو شغال
أرجو أن أكون أضفت إضافة تسهم في خدمة الجميع
وتقبل تحيتي والإخوة الفضلاء

AL_3NZI

11/01/2008, 09:41 PM

انا كان عندي جيب شروكي 1993 واحتجت بلف حراره للماكينه من برا وجبت بلف جمس من غير ما اشاور لاني اعرف ان الامريكي اغلبه يطابق بعضه والله ركب واتوقع حتى الفورد نفس الشي,,,,,,,,, وكان عند واحد اعرفه بي ام واحتاج جنزير الماكينه وما حصل وركب جنزير مرسيدس

زايد4

12/01/2008, 12:10 PM

السلام عليكم انا يا اخوان حصل معاى عدة امور وهى
1-صليب هاى لكس ديزل م2000
2-صحن الكلتش هاى لكس ديزل م2000
ذهبت بها لمحل قطع الغيار فوجدت بعد المطابقه انه يركب عليها قطع من مديل81-98

المتزن

21/01/2008, 05:18 PM

كمبرسر مكيف مورسدس 500 و560 من موديل 81الى 89 قيمته اكثر من2000 ريال .

يركب عليه كمبرسر الأمريكي الطويل للكابرس 78 و 79 (100%) قيمته كرت جديد بـ 650 أو أقل

تبريد أفضل من حقه الأصلي 10 مرات وتوفير حول 1400 ريال.

مروحة المكينه لنفس السياره لها 9 ريش يركب عليها مروحة المورسدس 450sel 6.9 لها 11 ريشه مع تعديل بسيط وهو فتح سنه لواحد من المسامير بتماتيك المروحه.
تبريد افضل للمكينه وصوت أقل للمروحه.

هذا الكلام سويته بسيارتي مورسيدس 560 موديل 87 عام 1412هـ.

QX4

23/01/2008, 08:57 PM

في الباثفيندر بكرة شد السير دائما تخرب بعد تغيير السير او من الرمل ((الزبدة)) اذا خربت رح للوكالة ويبي يقول ولد الحمراني انها ب350ريال بس انتبة لا تشتريها فك الخربانة ورح لمحلات الرمان بلي ويعطيك رمان زي الرمان اللي فيها بخمس تريل ورح للمخرطه ويركبها لك وعطه المقسوم وعط اللي فك البكرة المقسوم
وعليك الحسبة واتحداك تاصل 70 ريال مع شغل اليد والمشوار والقطع و بارداخوانك والبنزين وش بعد ياشباب يييابلاااااااااااااااااااااااااااااااااااااااااااا اااااااااش

ابرهيم الحربي

25/01/2008, 10:28 AM

المركاز

25/01/2008, 10:32 PM

موضوع يستحق التثبيت وكما تعلمون ياخوان لعبة حقين قطع الغيار يعني القطعة صارت خمس انواع وهناك فئة ماتقدر تدفع قيمة القطع لبعض السيارات وبجهودكم يكون انشاء الله بتلقونها عند رب العالمين وراح تلقون ناس يدعون لكم بالخير والدال على الخير كفاعله كما قال سيد المسصطفى عليه الصلاة والسلام واتمنى من اي عضو ان لا يبخل علينا بشيء وفقكم الله و اثابكم الله كل خير ،،،،،،

كائن حي

25/01/2008, 11:14 PM

أخو كان معه مازاد سيدان929 مديل 93 وخرب عليه تماتيك المروحة
قال له الكهربائي جب تماتيك صني وركبت عليها وبـ 120 وحقت المازادا بـ600 ريال الله يكافينا الشر

shaheenshah

26/01/2008, 02:46 PM

السلام عليكم ورحمة الله وبركاته
الحقيقه موضوع رائع وتشكرون جميعكم ,بغى فزعتكم انا معي لكزس 400 ال اس موديل 1997 و عندي المساعدات تعبانه ما ادري في بديل وممكن القطع البديلة الاخرى ؟ لان قطعها نااااااااار
اسف على التطويل

اخوي ابراهيم فك المساعدات ورح بها للصناعية القديمة اللي عند كبري الخرج وفيه محل متخصص بالمساعدات اسمه جبرايل اسئل عنه ويدلونك عليه وهم ان شاء الله يعطونك على نفس مقاسها

wewe150

27/01/2008, 05:27 AM

أنا مركب بواجي كامري 6 سلندر أم راسين على الهلي ولا مشاكل الى الان

زياده في عزم الموتر وأستهلاك الوقود هو هو ما تغير

راعي البرهـ

27/01/2008, 06:28 AM

السلام عليكم
عندي سوزوكي وتفقعت مساعداته الخلفيه رحت لبامعروف طبعا الوكيل قالو الواحد ب200ريال رجعت وانا في الطريق مريت على محل لزينه السيارات فوقفت عنده وقلت له ما حصل قال ركب حقت هايلكس واخذت من مساعدين الواحد ب30ريال وركبتها في البيت وظبطت والحمد لله

الرهدن

27/01/2008, 10:56 AM

السلام عليكم ورحمة الله وبركاته:

يعطيك العافية على الموضوع الرائع
ويكفي معرفة ماتلهفه هذه الشركات وبدون رادع من دين أو ضمير

0

أبو الكيف

27/01/2008, 10:34 PM

موضوع مفيد جدا ..

أتمنى أن يستمر لكي تعم الفائدة ..

االديحاني

27/01/2008, 11:43 PM

ابو درع دائماً مبدع
موضوع قيم وانا من اشد المعجبين فيه
وكذلك من المتابعين معكم من ولادة الموضوع حتى الان

./عنيزاوي./

28/01/2008, 09:35 PM

بكرة السيور جيمت علي وسعرها 340ريال وسيارتي إيسوزو 99 وكان البديل تركيب رمان بلي ألماني من محلات السعدون وبسعر 15 ريال وأجور مخرطة 15 ريال

ابرهيم الحربي

30/01/2008, 10:24 PM

[quote=shaheenshah;1385068]اخوي ابراهيم فك المساعدات ورح بها للصناعية القديمة اللي عند كبري الخرج وفيه محل متخصص بالمساعدات اسمه جبرايل اسئل عنه ويدلونك عليه وهم ان شاء الله يعطونك على نفس مقاس
تسلم اخوي ما قصرت بس المشكله انا في المدينه المنوره
اتمنى ما تبخلوا علي

myzadi

01/02/2008, 10:22 PM

:no2: السلام عليكم
عديلي كان عنده فلفو موديل 91 وكانت ثقافته اجنبيه اقصد عديلي واغلاب شغله في الوكاله المهم كل مره يغير البريكات كان ياخذ البريكات الاصلية بحدو400 وكان يغيرها عند واحد يشتغل الصبح في الوكله والعصر في الصناعيه وكان يخذ الاصلي ويركب الماني المهم طفر في يوم وجاني اغيرله البريكات رحت الوكله وشريتله بريكات مرسيدس موديل 84 الاصلي بـ70 والفرق بس بالكرتون
وفي النهاية ارجو من جميع اخواني الانتباه من التعامل مع عمال الصناعيه لان صاحب الثوب هذا يعني فلوسه واجد انصب على كيفك
والسلام عليكم

العزوم

03/02/2008, 07:30 PM

بارك الله فيك اخي العزيز/ ابو درع

انت المبدع دائما بمواضيعك

انا قصتي مع الكمبروسر لمكيف الفي اكس ار 93 قيمته حوالي 1750 من الوكاله
حصلته يفرق عن 94 تقريبا 400 ريال والفرق الوحيد المخرج للهواء يعني مخرج واحد والاخر مخرجين
فكينا الراس وبدلناه وشغال تمام من سنتين

srabe1

03/02/2008, 09:08 PM

السام عليكم

الكلبسات البلاستيكيه لنوافذ الكابرس الصابونه تجي كامله مع كمن شغله وقبمتهم غاليه ويتكسرون بسرعه
البديل
كلبسات نوافذ لومينا مطابقه 100% وبخمسه ريال

ازرار هرن الكابرس الصابونه يتكسرون بسرعه
البديل
ازرار عاديه مشابهه لازرار اشارات السيكل :) وجودتها اعلى

يوكن

06/02/2008, 01:37 PM

انا كان عندي لكسزز 300 موديل 95 كانت مساعدات الكبوت خربانه ورحت لنهدي قال السعر 550ريال والله اني انصدمت يابن الحلال تأكد قال شوف الجهاز مكتوب فيه السعر قلت يولد وش اسوي قلت تدري هو مساعد يعني يمسك الكبوت ليش مااشوف اي سيارة تطابق عليه واركبه والله رحت لقطع الغيار قالو وش السيارة قلت ما هي سيارة هذا لباب مكينة كهرباء عندنا في المزرعة وشف بالله شي زيه لقينا واحد بس طويل والمجل الثاني جابي حقت جيب تويوتا هو قصير شوي بس أداء الغرض بسعر 60 ريال وركبته وزي الساعة هذا ماصل بضبظ ولكم تحياتي ،،

ابوبدران

06/02/2008, 06:47 PM

السلام عليكم
كان عندي بي ام دبليو 85 صغير كان الفحمات الاماميه بحدود 130 صرحه نسيت وركبت له
فحمات مرسيدس 190 بقيمه 80 ريال نفسه الشي والمقاس ما يختلف الا الكرتون

ابوطاقية

07/02/2008, 02:16 PM

عندي جيب ربع تايوتا موديل 89
خرب السوتش صار تشتغل لمبات الطبلون بس مايدق سلف
رحت للوكاله قال الجديد مع 3 مفاتيح القيمه تقريبا 360 بعد الخصم
طلعت من الوكاله ورحت للصناعيه القديمه شارع قطع المعدات الكبيره واشتريت زر تشغيل الماني ب 15 ريال وكتاوت اصلي 30 امبير20 ريال وشغل يد 30 ريال
المجموع 65 ريال
التوفير 295 ريال
الشكل حلو جدا مثل السيارات الجديده المرسدس وbmw
والاتيما الجديده زر Start

فارس البيد

12/02/2008, 08:26 PM

موضوع مفيد جدا ويشكر صاحبه

كان عندي لومينا 2000 ودائما تتقطع جدلد عمود التوازن فيها واذا جيت اغير الجلد قالوا لي الأثنين بحوالي 300 ريال لان العمود انطعج وعلى هذا الموال ما يكمل العمود والجلد اكثر من شهرين وترجع تخرب في من الايام كنت في منطقة نائية بعض الشيئ وخربت الومينا الخراب المعتاد ولا فيه قطع لومينا في نفس المنطقة رحت عند اقرب بنشري يشوف لي حل ركب عدل عمود التوازن وركب جلد ددسن 84 بـ 20 ريال وسلكت السيارة من افضل ما يكون سنتين بدل شهرين الى ان بعت السيارة

الخلاصة

جلد عمود التوازن في الومينا 2000 بديلها جلد ددسن 84

ممكن بأشياء بسيطة نتفادى اشياء كبيرة

وننفك من نصب الوكاله والمكانيكين

ALI_M

14/02/2008, 11:31 PM

السلام عليكم

كراسي المكينة لسيارة اوبل اوميجا 2002

البديل كراسي مكينة كرسيدا 93 مع الخرط

Black VTC

19/02/2008, 12:45 AM

سجل عندك واحد من الشباب معه جيب انفنتي موديل 2004 ( ما اعرف صنفه ) بس هو اللي يشبه الباثفندر بالضبط ...

كان يشتري فحمات حقات انفنتي و غالية بالحيل وغير متوفرة على طول شار عليه واحدن من الربع انه يشتري حقات الباثفندر .. وبالفعل طلعن نفس القطة 100% وباقل سعر والفرق بس الكرتون :) طبعاً من الوكيل الحمراني ...

بدوي جنوبي

21/02/2008, 12:53 PM

يرفـــــــــــــــــــــــــــــــــــــــــــــــ ع

كودو

12/02/2009, 04:04 PM

مشكور موضوع متميز:good:

أبو الحارث 4

12/02/2009, 04:24 PM

خذوا هذه: الجيب اللا ندروزر 2007 لا يوجد مثبت سرعة ( من بركات عبداللطيف جميل ) وفي الوكالة تركيبه بما يقارب 5000 وركبته عند فيليب الفلبيني برياض الخبراء ب 1500 وتمام ولله الحمد وإليكم رابط موضوعي:
http://www.mekshat.com/vb/showthread.php?t=100672

حسين السبيعي

19/02/2009, 04:49 AM

مشكور صاحب الموظوع وجميع من تفاعل وارجو من الاخوه المشرفين وضع خيمه خاصه لتعم الفايده للجميع ودمتم بخير وعافيه

ayaqaz

28/02/2009, 02:59 AM

كان عندي تويوتا أفالون موديل 2000 ..

قطعها غالية نوعا ما مقارنة بالكامري..

الأقمشة الأمامية الخاصة بالأفالون يركب بدالها أقمشة كامري سته سلندر موديل 2000 ..

الأقمشة الخلفية يركب بدالها أقمشة تويوتا راف 4 نسيت الموديل..

وطبعا السعر أرخص بالنسبة للقطع البديلة..

بـلـيـهـان 1

28/02/2009, 04:08 AM

الشروكي

مراوح سوبارو بدال الشد بلد .. افضل صرفيه و افضل للمكينه و راحه للمكينه و نزول الحراره

بلف كابرس بدال بلف الشد بلد و النتيجه نزول الحراره

حساس مرسديس بدال الشد بلد

افضل كلها من الشد بلد

--

جمس قديم

معجون تيوتا تثبيت مكينه بدال معجون امريكي فدرال

مراوح بدال الشد بلد ااضافيه

--

جمس جديد من 2000 و طالع

تغيير القير بقير جمس من 99 و نازل بسبب ان القير 2000 و طالع المنيوم و سريع التخبيط بعكس ال99 و نازل حديد و قوي و صمله

محمد بن سعيد

28/02/2009, 08:55 AM

والله كان معي كامري امريكي واغلب قطعها مشابهه للكزس اي اس 300 2001

كودو

06/04/2010, 09:05 PM

يرفـــــــــــــــــــــــــــــــــــــــــــــــ ع

برغي

19/04/2010, 05:54 PM

ما شاء الله موضوع غني وثري بالمعلومات الله يجزاكم بالخير ومنكم نستفيد

كودو

05/09/2010, 07:24 PM

هبس 911

06/09/2010, 06:08 AM

فورد ونيت رنجر فحمات وسيور وبكرات وخراطيش وبواجي غالية بالوكالة زي الفحمات مثلاٌ 300 ريال اصلية..
بديل/ اي محل قطع غيار مازدا تلقى عنده قطع الونيت المازدا ونفس الونيت الرنجر تقريباُ بالأشياء الميكانيكيه اما الاكسسوارات تختلف تماماً.

بي ام دبليو 2003 خرب عندي دينمو المويه حقت المساحات وطلبته من الوكالة وطلع غالية مدري كم نسيت..
بديل/ رحت للتشليح وقلتله عندك زي هذي قال حق فياقرا قلت ورني وجابها وطلعت نفسها طبق الاصل حتى الفيش حقها يركب بالضبط وسعرها 35 ريال.

شمعة الزينون حقت الباترول غالية وكالة..
بديل/ شمعة الفياقرا نفسها بالظبط وارخص.

كمبروسور المكيف حق الفورد f-150 2001 خرب عندي وسألت الوكالة طلع غالي حول الالف ريال وزياده ..
بديل/ قالي الميكانيكي اشتر حق كراون فيكتوريا اصلي 420 ريال وركبه وطلع طبق الاصل .

النتاوي

06/09/2010, 06:26 AM

أيام الكابرس 90 خربت بكرة شداد السير فقال المهندس لا زم تغير البكرة ..

رحت لقطع الغيار قال : قرابة 80 ريال والله ناس القيمة ..

سمعني واحد قال غير الرمان الداخلي فقط البكرة اللي معاك سليمة
وحطلها رمانة ددسن نيسان 20 -25 ريال الأصلي وكالة ..

ولين بعته والحمد لله ما اشتكيت منها ..

جبال العارض

06/09/2010, 06:53 AM

ابي حل بديل لكارونه الخلفيه جيب ربع موديل 85 جزاكم الله خير وابي محل كويس في الرياض مختص في جيوب الربع وتجهيزه الرجاء الااهمام اخوكم مايفهم في هذي الامور شوي 000000

فايز الهواس

06/09/2010, 07:23 AM

اسأل المكنيكي اذاهي 37 على 9 خذ حقة شاص 97
انا معي صالون 86 مركبها جديدة حقة شاص 97 من الوكالة 2900 ريال اصلي

ابو درع

18/10/2011, 10:06 AM

السلام عليكم
موضوع جميل جدا
وعندي قطع كثيره جدا

ولكن سابدأ بالقطعه التي اذهلتني جدا جدا

القطعه : رمان بلي للعكس الامامي الايسر لدفرنس حراثه زراعيه من نوع هينوموتو لونها ازرق مقاس E384 الاقيمة وبدون مبالغه 6300 ريال ستة الاف وثلاثمئة ريال
البديل : رمان بلي لعكس امامي لجيب شاص موديل 83 بقيمة 240 ريال اصلي وكاله..

وراكب فيها وتمام وشغال من افضل ما يكون حتى مع الاعمال الشاقه للسحب والحرث

توني مشتري حراثة ..هينو موتو .. والحمدلله شبة جديدة وابحث عن معلومات حولها وبصدفة ظهر لي هذه المعلمة التي من بركات الله ثم ابو درع .. محسيك .. مجددا اشكرك على هذه المعلومة

وذا كانت الحراثة عندك وحاب تبيع ردلي .. ازعجزني الناس عند الحراثة

وهذا بعد البحث رابط هينوموتوhttp://www.google.com.sa/imgres?imgurl=http://www.best-used-tractors.com/images/mitsuused.jpg&imgrefurl=http://www.best-used-tractors.com/tractors.html&usg=__bOc1igUNeu4vTWX9Ks9hYPIZkf0=&h=225&w=349&sz=32&hl=ar&start=93&zoom=1&tbnid=Zy4iljgV3q6iAM:&tbnh=77&tbnw=120&ei=cCmdTqT7HezR4QTc5LXGCQ&prev=/search%3Fq%3D%25D9%2587%25D9%258A%25D9%2586%25D9%2 588%25D9%2585%25D9%2588%25D8%25AA%25D9%2588%26star t%3D80%26hl%3Dar%26safe%3Dactive%26sa%3DN%26gbv%3D 2%26tbm%3Disch&itbs=1