المساعد الشخصي الرقمي

مشاهدة النسخة كاملة : وداعا ياسوبر جتي



اسبيدر مان
01/09/2012, 12:44 AM
السلام عليكم
ياشباب انا اشتريت اكستيرا عام 2008 جديد وكان مكتوب في كتلوج السياره كمية الزيت الى يوضع داخل المكينه مع السيفون خمس علب وبدون السيفون خمس الا ربع
المهم مشيت على الطريقه حتى الان علما اني استخدم زيت سوبر جتي الالماني لكن الي بديت الحظه السنتين الاخيره ان الخمس علب صارت ماتكفي فصار خمس علب بدون سيفون وخمس ونص تقريبا مع السيفون وكنت اقول يبدو ان المكينه كبر حجمه من كثر الاستخدام فصدفه لقيت واحد من الشباب معه نفس السيارة فسئلته عن الزيت قال اني اغير شل سوبر قلت له طيب كم علبه ياخذ قالي خمس مع السيفون وخمس الا ربع بدون سيفون
هناصار معي ثاني حال
رحت عند بنشر من اجل تغير الزيت فطلبت زيت مع سيفون سوبر جتي وقلت له حط خمس علب بس
وجلست عنده جاء البنشري وجاب سيفون اصلي وخمسة علب وبعد مافرغ القديم وركب السيفون صب الزيت بالمكينه ويوم عاير الزيت لقاه ناقص نص علبه قلت له انتظر شوي حتى ينزل الزيت بالكامل وبعد خمس دقايق عاير الزيت ولقاه نفس المشكله ناقص نص علبه تقريبا
الى توصلت له هنا ان شركة الزيت سوبر جتي تغش العميل وماتعبي العلبه كامله الى اخر شي وكل هسنيين وانا ملعوب علي
بعد هذا نويت اغير الزيت ذا سوبر جتي الى زيت ثاني لكن ماسبق جربت اي زيت ثاني لاني استخدم سوبر جتي من قرابه 12 سنه
ماادري وش ينصحوني فيه اخواني المكشاتيين

التعـ King ـديل
01/09/2012, 01:18 AM
اللي تستخدمه العلبه الحديد ولا البلاستيك ؟

اسبيدر مان
01/09/2012, 01:34 AM
اللي تستخدمه العلبه الحديد ولا البلاستيك ؟



علبة بلاستك سوداء اللون طبعا تفتح قدام عيني واشوف التسكيره الفظيه لما يشقها العامل

السناعيس .f16
01/09/2012, 01:36 AM
افضل زين

شل هايلوكس
سوبر شل

GMC89
01/09/2012, 01:54 AM
أخوي أشتر الزيت من محلات لبيع بالجمله
وتـاكد انه اصلي
سوبر جيتي والله انه عندي من افضل الزيوت
كل موتر الوالد و مواتر اخواني وموتري كلها زيت سوبر جيتي
مع اختلاف المواتر وبلد تصنيعها

Salamah.y
01/09/2012, 02:18 AM
زيت كاسترول ممتاز جداً , تمشي فوق 4000 كأنه جديد
و سوبر جي تي فوكس , زين , بس غريبه انا مالاحظت زي ملاحظتك
يبي لنا نتأكد و نعآير كل مره , الله يستر من بعض قليلي الذمه

Abusliman
01/09/2012, 04:19 AM
ما قد استخدمت غير فوكس سوبر جي تي الاصلي علبة بلاستيك سوداء واذا فتحت الغطاء يصير فيه لزقه مكتوب عليه فوكس متكرره
والحمد لله ممتاز الزيت ولا افكر اغيرهـ

يكفيني نظرة
01/09/2012, 12:58 PM
سوبر بترومين :good2:

العنابي 616
01/09/2012, 01:26 PM
بترومين ألترا سفن طيب بالحيل

البرفسر
01/09/2012, 02:11 PM
مشكور على هالملاحظة علماً انني ما ستعمل إلا زيت سوبر جتي من سنين ...

قدر مكتوب
01/09/2012, 09:24 PM
جرب قلف , رخيص وكويس وسعره ولا احلى الكرتون بـ 245 تطلع العلبة بعشره ريال

مكشاتي 52
02/09/2012, 12:26 AM
أنا عندي أكستيرا
أستخدم كاسترول 10 /30
أحط 5 علب بدون سيفون
و5 وربع مع السيفون
وسلامتك

سيف وقلم
02/09/2012, 12:32 AM
يمكن مغشوش

Abo-ibrahem
02/09/2012, 01:35 AM
معي مثل موترك وما استخدم الا الترا سفن اغيره كل 5 الاف والزيت باقي فيه لزوجة وامشي على معيار الكتيب

4.8 بدون سيفون
5.1 مع السيفون

والطريقه الصحيحه لمعايرة الزيت ان حرارة المكينه توصل للحد الطبيعي ثم تطفي الموتر 5 دقايق وتطلع المعيار وتمسحه ثم تعاير من جديد

لا تعاير والسياره شغاله ولا تعاير والسياره بارده كلها راح تعطيك معيار غير صحيح

مسير عليهم
02/09/2012, 11:16 AM
كاسترول وامشي عليه 10,000 وسيارتي الثانية امشي عليها 6,000

كاشت بالبر
02/09/2012, 07:35 PM
والطريقه الصحيحه لمعايرة الزيت ان حرارة المكينه توصل للحد الطبيعي ثم تطفي الموتر 5 دقايق وتطلع المعيار وتمسحه ثم تعاير من جديد

لا تعاير والسياره شغاله ولا تعاير والسياره بارده كلها راح تعطيك معيار غير صحيح

+1111111111111111111

اتفق معك مليون بالميه

قرأت المعلومة هذي بكتالوج سيارتي

وأهم شيء تكون السياره على ارض مستويه\مستقيمه تماماً
لازم ما يكون فيه ميلان بالأرض

اسبيدر مان
02/09/2012, 08:44 PM
الله يعطيكم العافيه ياشباب معلومات ممتازه واول مره ادري عنها
الكاسترول كان اول خياراتي لكن قالي صاحب جمس مديل حديث انه ينقص بسبب انه خفيف
ويتبخر

لكن اذا بغيت اغير نوعية الزيت هل فيه اجراءات اتخذه والا على طول كب ذا وركب ذا

السامي2011
02/09/2012, 10:38 PM
انا متجه الى الترا 7 بعد كثر المديح له

كاشت بالبر
03/09/2012, 12:34 AM
انا كنت استخدم سوبر جي تي لمدة طويله .. وما واجهت مشاكل ..

لكن بديت استخدم بترومين الترا سفن 20w50 (( للتجربه فقط ولأنه ارخص من سوبر جي تي )) الترا سفن العلبه ب 14 ريال , وسوبر جي تي ب 15 ريال

فيه ناس تقول ان الترا سفن ما يقلب ( يتغير ) لونه بسرعه ولا ينقص

انا كنت امشي على فوكس 5 الاف وشوي .. ولونه يكون بني وريحته تتغير < طبيعي لأني ماشي عليه 5 الاف وشوي

وتعليقي على كمية الزيت .. مستحيل يكون الزيت ناقص بالعلب

الا اذا كان مغشوش أو البنشري ما صب كل العلبه

.. انا اخلي البنشري يصب كل العلبه ويتأكد انها فضت من الزيت ..


واذا فعلا ناقص .. اتمنى انك تقدم شكوى على حماية المستهلك

مع أنهم نايمين في العسل .. لكن حاول .. لعل وعسى

كاشت بالبر
03/09/2012, 12:46 AM
الله يعطيكم العافيه ياشباب معلومات ممتازه واول مره ادري عنها
الكاسترول كان اول خياراتي لكن قالي صاحب جمس مديل حديث انه ينقص بسبب انه خفيف
ويتبخر

لكن اذا بغيت اغير نوعية الزيت هل فيه اجراءات اتخذه والا على طول كب ذا وركب ذا

انا ما جربت الكاسترول لكن ما انصحك فيه .. لأن فيه ناس خبطت مكاينهم بسبب هالزيت " يتبخر وينقص بسرعه " .. و فيه كميه من زيوت كاسترول " مغشوشه "

http://up.arab-x.com/Feb10/2B147194.jpg

انا عن نفسي ما استخدم الا ( بترومين وفوكس ) علب بلاستيكيه < قليل احد يشتكي منها .. عكس باقي شركات الزيوت

وترا مهما كانت شركة الزيت ( حتى لو بترومين وفوكس والخ... ) ممكن يكون الزيت مغشوش وتاخذ فكره سيئه عن الزيت الأصلي

اذا بغيت تغير نوعية الزيت .. انصحك انك تفرغ الزيت لآخر قطره :D + تغيير السيفون بأصلي من الوكاله ( رح انت للوكاله وخذه منهم .. اضمن وأرخص من البناشر لأن بعضها تجاري .. ويبيعونها أغلى من سعر السيفون الأصلي الموجود بالوكاله ! ) .. ونظّف فلتر الهواء

وقبل تمشي من البنشر .. شغل السياره و تأكد ان مافيه تهريب من السيفون أو الصرة .. وانزل معه ومعك كشاف " ضوايه "

اذكر مره وثقت بالبنشري وقالي ان مافيه تهريب .. ومشيت على طول بدون ما أتأكد بنفسي .. بعد فتره قصيره لقيت فيه تهريب من السيفون والصرة

أبوصالح9
03/09/2012, 01:10 AM
اذا تبي زيت لاتتعدا نوعين

1- الترا سفن

2- قلف --وانا من محبي هذا الزيت وخصوصا انه ينفع للسيارات اللي مشت مكاينها اكثر من 200 الف لانه ثقيل والمكينة اللي تتعدا 200 الف تحتاج زيت ثقيل--استخدامي له اكثر من 10 سنوات

بالتوفيق

anas
03/09/2012, 01:31 AM
جزاك الله خير

جمس z71
03/09/2012, 01:36 AM
اخوي لاتغير سوبر جيتي هو الافضل وانا استخدمه لاكثر من سيارة واموره تمااااااااااام

اسبيدر مان
03/09/2012, 05:42 PM
اخوي لاتغير سوبر جيتي هو الافضل وانا استخدمه لاكثر من سيارة واموره تمااااااااااام

طيب هل فيه محلات تبيعه بالجمله يعني كرتون كامل بحيث اني اتاكد ميه بالميه ان النتشري ماغشن

راعي الاكستير
03/09/2012, 10:23 PM
انت اخطيت اخوي وتسمح لي

انت تحط 5 علب وع السيفون وكذا غلط لان بالكتولج حق السيارة مكتوب مع السيفون 5.2 يعني انت كل هالمده تنقص 200 ملي عند تغييرك الزيت مع السيفون


وبالنسبه للتغير بدون سفون بالكتلوج مكتوب 4.8 يعني تنقص انت 50 ملي عند تغييرك بدون سيفون

وهال 200 ملي+ 50 ملي في حال انك غيرت الزيت بدون السيفون صارت 250 يعني ناقص عن الطبيعي ربع علبه

ومع استخدام 4 سنين والزيت ناقص يا 200 ملي او 250 راح تاثر