طريقه من الطرق لتثبيت جهاز المناداة في الاندكروزر

[غالي]

السلام عليكم ورحمة الله

حبيت احط تجربتي لاخواني بالمنتدى في تثبيت جهاز النداء من نوع ايكوم 2100
وعل وعسى تكون تجربه نافعه
اولاً: تثبيت الاصق المسمى(تشك تشيك) ويكون له وجهان وجه مثل البلاستيك المقوى ووجه ذو فرو ويتم الالتصاق في بعضهم اتمنى يكون معروف ويستخدم بكثره في الجزم الله يكرمكم
وتم تثبيته في بلاستيك الارضيات باستخدام الغراء الصغير الي عند السوبر ماركت (وهو قوي جدا)

http://www.mekshat.com/pix/upload/images18/mk18322_1.jpg

وهذي صورة الوجه الثاني للاصق في قاعدة الجهاز
http://www.mekshat.com/pix/upload/images18/mk18322_2.jpg

وهذي تثبيت حامل الريشه في الطبلون في زر فارغ غير مستخدم
http://www.mekshat.com/pix/upload/images18/mk18322_4.jpg

وهذي صورة الريشه في مكانها وقد تم وضع خلف الريشه قطعتين صغيرتين من الاصق ذو الوجهين مع الاطراف لكي لايفسد الديكور مع المطبات
http://www.mekshat.com/pix/upload/images18/mk18322_3.jpg

وهذي الصوره النهائيه للجميع
http://www.mekshat.com/pix/upload/images18/mk18322_5.jpg

اتمنى اني قدمك لو شيء قليل لهذا المنتدى
السلام عليكم أخوكم/ غالي^الأثمان :good:

[سعد الدين]

بارك الله فيك

[خيال الغلبا]

شكرا لك
ولكن ماالحل لمروحة الجهاز الإضافية الي تقل منشار اذا المست اصبع اليد اوالقدم

[غالي]

شكرا لمروركم اخوي سعد الدين
واخوي خيال الغلبا
اما بالنسبه لي انا رجال عزوبي ماعندي لا عيال صغار ولا شيء اما الي يركبون معي الكبار صحيح يمكن تلمس الثوب بدون اي ضرر اللهم تسمع صوت فقط لاغير اذا ماكان لابس ملابس بر ترنق وغيره
لكن واضع الجهاز بعيد عن اصابع الارجل لان المروحه اولا مرتفعه وثانيا قريبه للمرتبه شيئاً ما
اما برايي راعي العائله او خايف على الصغار بامكانه فكها ويكفي المكيف الارضي بالسياره يوفي بالغرض جدا جدا
او يفصل على المروحه مثل شبك الحيوانات تكرمون الي يجيك مربعات صغيره واتوقع اني ابطبقها لكن يومي انا عن سنه
وان تم تطبيقها ابشر احطها بالمنتدى
وشكرا لك لأثارة هالنقطه

[ولد شقرا]

اللله يعطيك العافيه

[منتعش]

الله يجزاك خير
ويحفظ ويوفقك - وفيت وكفيت -

[الرهدن]

السلام عليكم 00 أخي / غالي
جزاك الله خيرآ00

المشكلة أخوي إن الريشة مع أدنى حرارة تطيح ويفك اللاصق00









*

[غالي]

شكرا لمروركم
ولد شقرا
منتعش
الرهدن
نورتوا الموضوع جميعااااا

[خالدالعتيبي]

مشكوووووووووووووووووووووووووووووووووري خالد العتيبي

[خالدالعتيبي]

ياخوي الحراره تفاك الصق

[غالي]

هلا وغلا اخوي خالد
واي لصق تقصد؟
كانك تقصد إلي تحت الجهاز ؟
انا مركب القاعده وفيها اللصق علشان السماعات وفعلا صوته واضح ولافيه اي اشكاليات ولله الحمد
وكل هالحوسه ترا علشان الجهاز يتصادر للاسف عن نقاط التفتيش وغيره
والا كان ضبطنا له قاعده مالها مثيل
والطريقه هذي الي انا مسويها حاط في سيارتي كيس نفايات الله يكرمكم الصغير الي كان يتوزع مجانا وفيه شيء ينباع عند الوصول للتفتيش اجيب الكيس وادخل يد الكيس في قير الدبل ويغطي الجهاز كامل واطيح الريشه
وشكرا لمرورك اخوي

[ضلع الرقيبه]

احسن شي للجهاز هو التلبيسه اللى تجي على القير وارد السنيدي يكون فيها زي (المخبات ) الجيب لكن من شبك بلاستيك ولها فتحات حقت الكهرب والانتل والريشه منفوق تطلع وعاد صلح فيها اللى تبي حط لها معلاق فوق ولا اي شي ولا لو تخليها جمب القير مافي مشكله

والسلام ختام

[الضاري]

طريقة حلوه أخي العزيز /غالي

والله يعطيك العافية

[m1m]

فكرة جيدة ..

لكن يظل الجهاز مكشوف لو توقف وتخليه في السيارة وانت مستعجل يمكن يعرضه للسرقة حتى لو بكسر زجاج السيارة

أرى أن جراب السنيدي بـ 45 ريال مريح وحتى تستفيد مخابي للجوال والقلامة والأوراق . ويعزل الحرارة اللي تطلع من القير .

[غالي]

شكرا لمروركم اخواني:
ضلع الرقيبه
الضاري
m1m
ولكن انا بالرياض والسنيدي ليس لديه فرع بالرياض ولا قد شفت الجيب هذا الي تقصدونه
ولولا منع هذا الجهاز والا كان تفننا بتركيبه بأفضل من كذا
شكرا لكم

[dark]

يا قدمك يا ولد الحين فيه تلبيسه علي القير كله لها مخابي خاصه للجهاز وللدربيل وللفشق وشكلها كشخه في السياره وحسب الون وطلب بعد

[m1m]

أخوي تحصل الجراب موجود عند محلات الكشتات في الرياض ومالية البلد :)

أذكر شرى واحد من الشباب لسيارة مثل سيارتك بالضبط من الدائري الجنوبي مخرج الترمذي بالسويدي محلات مكشات على المخرج للقادم من شارع عائشة باتجاه الترمذي

ولك الشكر

[غالي]

شكرا للمعلومات اخوي m1m وعلى مرورك الكريم الي شرفني وانشاء الله ابسير عليهم وبشوفها
اخوك/غالي^الأثمان