طلب رأي الاعضاء الكرام في تركيب ونش على vxr 97

[شكسبيرالعرب]

السلام عليكم ورحمة الله وبركاته


اخواني الاعزاء اعضاء مكشات عندي الجيب بدون وتش وابغى اركب له ونش مثل حق الوكالة وايضا ابغى اجهزه للبر تجهيز كامل السيارة ركبت لها تلبيسة خلفية وطبق وتانكي خلف المقاعد الخلفية
ولا استغني عن ارائكم التي لطالما استفدت منها كثيرا لان السيارة شد بلد وماتعدل فيها شيء ابد


صورة السيارة اذكروا الله ياجماعة الخير
http://www.m5zn.com/img/?img=898de7bbf98c10a.jpg

[السناعيس .f16]

وعليكم السلام ورحمة الله وبركاته
اول شي .واهم شي. اسالك نفسك تحتاج الونش او شي تكميلي
^^^^^^^^^^^^^^^^^^^^
الونش تحصله عند السليماني الافضل .الامريكي و الاسترالي . بس السعر غالي قرابت 5000ريال و على حسب كم طن .التركيب عند ورشة مواهب في الصناعية مخرج17حدود شغل يد1700او اقل او اكثر
.................................................. ...
التجيهزات .
1.تانكي ماء .استيل .المنيوم.فيبر .حديد ياباني
الافضل (استيل و المنيوم) السعر تفصيل حدود1500طبعن120لتر
2.طبق في المرتبه الخلفيه تحصله
(عند السنيدي و برق الحياء والقاضي والكشاته ) حدود مدري 500ريال
صدام متعددة الاغراض فاس مطرقه وغيره تفصال عند ورشة مواهب 650ريال

اضافة بطاريه ثانيه عند الدغيري في السلي

صندوق عزبه سحاب خشب يجي تحت الطبق تفصال عند اي محل خشب
او تروح ل الكشاته و يفصل لك صندوق سحاب المنيوم و زواية حديد
.................................................. ......
اي استفسار انا جاهز
..................................
و انشاء الله اني افدتك

[شكسبيرالعرب]

ماقصرت الله يحفظك لكن المشكلة عندنا في المدينة مافيه كود اطلع القصيم

[السناعيس .f16]

اطلع للقصيم او الرياض خله سياحه
وجهز موترك على فكراء من 15.11.1433يكون زحمة الورش لتجيهز السيارات لان الجو صار احسن من اول و الاجواء تبشر

[شكسبيرالعرب]

ايش رايكم بونش وارن اللي يجي بالدعامية الامامية
ولا اخليه مخفي بالصدام ازين

[العنابي 616]

ركب ونش الوكالة
دوره تلقاه مستعمل و بأسعار معقولة

[شكسبيرالعرب]

وين احصل ونش زكالة مستخدم وقالي مهندس لازم تغيير الصدام الامامي لانه يختلف

[عبد الرحمن عل]

.... انا ماشجعك على تركيب الونش ضرره اكثر من نفعه انا ركبت ونش وتسبب بالاتي/ عند السحب الشديد يكون الحمل على المساعدات او السست مما يؤثر عليها ولقد خربت عندي المساعدات عده مرات / يثقل على الجيب/ عند تشغيله وطويه غثيي ولا تسحب اي شى الا لابد من وقوف السياره من باب الدين النصيحه حبيت ابلاغك والله يختار لك الخيره المباركه

[العنابي 616]

دور بالنت تلقى عروض
و صدام الونش غير يجي فيه فتحة بالنص

[صياد الجبل]

الافضل تضبط موتر من كل شي والونش ابعد عنه افضل سعر غالي

[Salamah.y]

إذا تقدر تركّب دفلوك بقيمة الونش
ترى الدفلوك أحسن لك , و مهم بسيارة البر أكثر من الونش
برأيي الشخصي , و رغم ان الونش خدمته ماهي بسيطه
و أحيانا ً يخدمك بموقف واحد , يسوا قيمته أضعاف
بس انت حدد أولوياتك , و الأماكن اللي ممكن تروح له و المواقف اللي توقع تعرض له
و بالنهايه كل شي بيد العزيز الحكيم ,, الله يفكنا و إياكم من صوآديف القدر

ودي @~

[تمنيتك لي]

مآ أنصصصحك تركب آلونش لأنه بيثقل على آلموتر

وأضرآرهه آكثر من منآفعه ..

[شكسبيرالعرب]

والله انكم غيرتم رأيي بنصائحكم جعلها الله في موازين حسناتكم

طيب الدفلك يركب عادي على السيارة ولا لازم ترهيم لانه غير موجود فيها

[دوواس]

السلام عليكم اذا تبغى اي معلومه عن الونش تراني متخصص وعندي ونش وكاله للبيع وجاهز لاي استفسار.
وشكرا

[شكسبيرالعرب]

والله مانستغني عن الرجال الطيبة شرواك يادوواس ولايهونون الاعضاء الكرام
ياليت توضح لي الامور

[الفورتنشر]

استفسار لو سمحتو كم سعر ونش وارن الجديد ؟؟

[علاوي الشهري]

السلام عليكم

طبعاً أول مشاركة لي في منتدى وأعذروني إذا فيه شي غلط
حبيت أسألكم أنا معي في أكس آر لمتدد 97 وحصلت لي ونش
في التشليح حق في أكس ار 95 ومادري هل بيركب عندي ولا لا
لان في واحد يقول الاندكروزر الخليجي مايركب الونش حقه على السعودي
وطبعاً اللي عندي سعودي
فـ وياليت تفيدوني يا أهل الخبرة

[sulaiman.fj40]

نصيحه: اي سياره لم يركب لها ونش في مصنعها لاتركب لها - السبب ان السياره المجهزة بونش من المصنع يكون مركب للونش كرسي ملحم بالشاص من اجل تحمل السحب وله مقاسات محدده من المصنع- اللي يركبون ونش في الورش شغلهم اجتهادي بدون قياسات للتحمل والتأثير على الشاص. وللتأكد من كلامي حط سيارتين جنب بعض من نفس النوع واحده فيها ونش والثانية بدون وقارن كيف تركيب النوشادر وكرسيه وتلحيمه بالشاص-

[sulaiman.fj40]

تصحيح- وقارن كيف تركيب الونش

[حان الرحيل]

السلام عليكم............الاخوان اللي يبون يركبون ونش ............اشتر حق الوكاله وبتلاقيه رخيص مستخدم....وانا متاكد ان حاجتنا للونش نفسيه وليست ضروريه ..وزمان سويت اغلب هذه الامور...
ونش تويوتا....3336كجم ...تقريبا 3.5 طن....ممتاز ومناسب...لجيوب تويوتا وعملي...ولا يحتاج تروح ورشه ولا غيره 30 دقيقه عند بيتك وانت خالص..ولا يوجد ونش خليجي واخر سعودي..لا صحة لذلك ابدا....ولا لحام كما ذكر بعض الاخوان ولا شي.....
وونش جيوب تويوتا ...هو نفسه من موديل 1990_____الى 2007 واظن الى 2014 وماني متاكد من الجديده لكني اظنه نفسه لان المزود واحد.........وتاني الاختلافات في قاعدة الونش اللي اسفل فتختلف القاعده من 1998...الى 2007 نرب على بعض..ومن 1990...الى 1997 تركب على بعض...
1-الونش
2-القاعده مع الصواميل (4صواميل كبيره تركب بالشاسيه)
3-ظفيرة الونش..وهي لها نفس مسار ظفيرة السياره الرئيسيه مع البطاريه..ولها راس يذهب الى الونش والراس الاخر يركب في دقمة السلف ...تفكها خلال 5دقايق..وهي مستقله عن اي اسلاك اخرى؟؟؟
4- عصا الونش الالكترونيه وتاتي مستقله عن الونش..تركب على فيش في الونش...
..لو وجدت ونش لجيب من 98--الى 2007 يركب نفس الشي لكن يجب عليك ترهيم القاعده وايجاد فتحات جديده للتثبيت ..لا ختلاف شاسيه 98وفوق عن 97 وتحت...والعكس صحيح....
ولا تنسى ان بعض موديلات تويوتا التدكروزر تاتي بونش ميكانيكي وقير داخلي يعتمد على القير لتسغيله...وردت حت موديل 95 وليست كثيره بالرغم من انه اقوى من الكهربائي بالضعف......لا تركب وارن ولا غيره لارتفاع التكلفه...وقلة الفائده المرجوه من الونش ....كما انه مع الرمال ..لا نسنطيع المناوره بسهوله في البر ...لثقل مقدمة السياره.....واظن ان الونش مهم جدا ...للرجال الذي يفضل ان يتمشى ويكشت لوحده....لانه يصبح مثل الخوي ...اللي يساعدك ويطلع موترك....وهناك نظريات للونش لمضاعفة قوة السحب مثل المكره وغيرها...لا مجال لذكرها...
طولت عليكم وشكرا لكم......