عندي مشكلة في ماكينة سازوكي بعد ماخربوها وكالة سزوكي

[abu lmar]

السلام عليكم
عندي مشكلة في مكائن سزوكي
1/ وزن الصوت عند رفع الريموت يرتفع وينخفض مقارنة بالمكائن الاخرى الصوت غريب لان البعض قال عادي وماشفت اي ماكينه بالطريقه
2/ المكائن اصبح فيها تكتيم ماتعظي الدعس اللي كنت اعرفه
3 / الهيدروليك نزلت الماكينه ولا طلعت علما اني وصلت كهرباء خارجيه لها وسويت تنسيم وعند رفع الماكينه او تنزيلها لا اسمع صوت البستم او الطرمبه اسمع فقط صوت طق بالماكينه عند الكتاوت
واللحين الماكينه نازله في البحر لها اكثر من شهر

وكل الامور صارت بعد عمل صيانه كامله لها بشركة سزوكي بجده
وننتظر مواعيدهم انهم يتحملو المشكله وانهم بيرسلو فني من جده لتبوك ويحملوها لجده وكل الكلام مو داخل راسي
لكن الشكوى جايه باذن الله
وانا ابغى اذا فيه حل للهيدروليك ورفعها قبل تزيد المشكله وهي ناقعه من شهر واكثر

[kharshoum]

يفيدوك الإخوان الي أعرفه بالنسبه للياماها عند الكتاوت حق الرفع والتنزيل يجيك تحت دينامو السلف في الماكينه في سلكين أزرق (لون السما) رفع المكينه لفوق والأخضر (لون الأرض) ينزل الماكينه تحت جرب أفصل الأزرق من الكتاوت و وصله بكيبل موجب بترفع معك المكينه هذا الي سويته وصار معي وقت خرب السويتش بس بالنسبه للياماها 150 فجرب والله يوفقك

[abu lmar]

هلا اخوي
جربت الطريقه لكن بدون فائده
وشاكر لك التعاون والمشاركه

[م/عبدالله]

وعليكم السلام ورحمة الله وبركاته

بخصوص الصوت ... اذا كان يطلع وينزل
عندك حساس الكتروني ( ايدل اسبيد) اذا كان موديل محركاتك 2004
هذا عيب في هذه المحركات .

بخصوص ماتعطي الدعسه .. طبيعي اذا كان الحساس خربان يقل العزم

بخصوص الهيدروليك .. اذا جربت طريقة اخونا الحبيب kharshoum وفعلا طريقة سليمه ... ولم يصعد الهيدروليك ... هذا معناه الخلل في الطلمبه او الفحمات تالفه شرط يكون مليان زيت طبعا ... في هذه الحاله لابد من اتخاذ الاجراء الاخر ... وهو فتح مسمار التنسيم ورفع المحرك يدويا ووضع السناده حتى لاينزل المحرك . لان ابقاء المحرك في البحر يعمل لك مشاكل .

بخصوص الشركة سوزوكي ... شركة تعبانه ودون المستوى ... وجميع العاملين
هناك يجتهدون بالتخمين وفك القطع من المحرك هذا الى المحرك الاخر ... لايوجد
لديهم اجهزة فحص .. تقنية ابدا . .... لذلك انصحك بالتواصل مع المدير العام للصيانه
المهندس علي ...رجل متفهم وانا كان لي جلسه معاه اطلعته على الكثير من المشاكل
لديه في الصيانه وهو انسان يحب يعمل ويقارب ويسدد ... ان شاء الله تجد نتيجه معه .
0508673193

[abu lmar]

هلا فيك اخوي المهندس عبدالله
وجزاك الله كل خير على وقفاتك السابقه والحاليه

مشكلتي بمنطقة تبوك ولا يوجد خلفيه لفني لماكينة سزوكي
موديل الماكينه 2005 والثانيه 2007
ولو فيه شرح لصيانة الحساس اكون لك شاكر
بالنسبه للهيدروليك
سويت لها تنسيم لكن ماعرفت طريقة رفع الماكينه يدوي حاولت وحاولو اهل خبره ولا فيه فايده
وانا توقعت ان الطرمبه هي السبب لعدم وجود صوت لها عند محاولة الرفع سوى صوت الطق اللي عند الكتاوت فقط

التقطيع باحدى المكائن عند التشغيل تستمر دقيقه وتطفى واذا رفعت الريموت الدعسه لاتعطي صوت سوى التفتفه والتقطيع وعند الابحار ارفع الريموت مسايسه لها وتبدأ تقطع وبعدين تسلك لكن ماتعطي العزم المطلوب
بصراحه مدري ايش الصيانه اللي تمت لها بالشركه
وانا على تواصل مع مدير الرشه العمودي واتوقع فيه خير وبنفس الوقت باذن الله باتصل بالمهندس علي

اكرر شكري لك اخوي عبدالله

[م/عبدالله]

حياك ....abu lmar

ممكن تسوي شيء بسيط قبل كل شيء
تعرف تنظف البخاخ ... لازم اول نتأكد .. من انه نظيف وقبل الحساس
وياليتك تقول ... انت ارسلتها الشركه لاي سبب ... وماهي القطع التي غيروها لك

جيب علبة ماء صحه ... عبيها الى المنتصف بنزين 95 ... وجيب علبه ايسي ديلكو
وبخها نصفها في العلبه وسوف تجد ان اللون اصبح وردي .. ثم اضيف باقي العلبه وقود

جيب لي وقود وادخله في العلبه وطرفه الاخر ... في فلتر الوقود ( المفروض يكون جديد) في جهة
القادم من العظمه اي القادم من الخزان بعد الكوره ... افتح السوتش نصف دقيقه .. واغلق وكرر العمليه
مره اخرى .... ثم قم بالتشغيل وارفع الريس ...حتى لا ينطفي المحرك ... حتى يثبت .دوران المحرك
سوف تجد دخان وهذا طبيعي لحرق الماده . الماده سوف تنظف الطلمبه الكهرباء الداخليه وتنظف البخاخ
اذا انتهت العلبه .. اشبك الوقود النظيف ....وافتح السوتش واقفله لمدة نصف دقيقه ثم قم بالتشغيل
وشوف اذا صفي المحرك معك ... اذا تحسن عن الاول ... كرر العمليه مره اخرى .

ورد لي خبر . على فكرة شوف مؤشر الاربي ام على كم .. اشك ايضا ان يحتاج ضبط شويه ( وزنيه)
في الحقيقه مشاكلها كثير ... لكن ان شاء الله تضبط ... وانا متابع معك

[abu lmar]

هلا اخوي عبدالله
ارسلتها اول شي مالقيت اللي يفهم بصيانتها بالمنطقه عندي
وسلمتها الشركه بخصوص
1 هيدروليك 2 ضعف دفع ماء التبريد 3 تهريب زيت من الوجيه 4 مشكله لخبطه بالكهرباء 5 الصوت اللي يرتفع وينزل عند رفع الريموت وطلبت منهم عمل صيانه كامله
وغيرو لي عمود الكرنك على الجربكس على سيفون على وجيه وصلحو الكهرباء ومالاحظت اي تغيير
وهذا احنا معاهم ونشوف اخرنتها


الفتره كانت ثلاث اسابيع واستلمها لكن صارت شهرين بعد شكاوي ومطالبات

اما بالنسبه للطريقه باراجعها زين وان شاء الله اسويها اليوم او بكره وبارد لك خبر
وسلمت ياللغالي على الجهود وبارك الله فيك