الرجة بالنيسان كيف نحلها؟؟؟؟؟؟؟؟؟؟

[شمســـان]

السلام عليكم ورحمة الله
اخواني انا عندي جيب نيسان حوض (شاص) موديل 2001 وفيه رجه تبدأ من سرعة 100كم.
سويت اشياء كثيرة وما انتهت المشكلة
بدلت العمود الخلفي وبدلت البنيون الخلفي كلها من الوكالة ورصصت عدت مرات والحال كما هو!!!!
علما بأن الجنوط جنوط سلقة والكفرات دانلوب بالون ,,,,,,,,,,,,,
فما الحل في نظركم
ايضا ظهرت لي مشكلة جديدة يوم امس وهي حرارة عالي جدا اسفل عصا الدبل بينما عصا القير ليس فيها سخونه بل عادية علما بأن الدبل في حينها لم يشتغل فما ترونه يااخوان...............وفقني الله واياكم لما يحبه ويرضاه

[سفوات]

انا عندي جيب مثل جيبك 98 صارت لي نفس المشكله المشكله رصص الكفرااااات اوذا مانفعت غير المساااااعد الي قدام حق الدكسون وتروح الرجه انشاء الله بس اول شي لازم تاكد من الكفرات انا باالنسبه للحراره ليس عندي علم فيهاا ورايح يفيدوونك الشباب

[ابو مرهش]

السلام عليكم

انا كان معي نيسان 98 وفيه نفس هالرجه وفيه ثنين بعد غير موتري من عيال عمي فيها بعد نفس الرجه وصلحناها وهي بسيطه ولا يبغالها شي ولا تكلف الا 200 ريال مع شغل المخرطه وكل شي وهي ياطويل العمر انك تغير عامود التوازن الامامي الي فيه الربلات ويسمونه بعد العامود الطويل هذا بعد فتره ربلاته تتقطع وتنتهي ويصير يتحرك بسهوله حتى تقدر تحركه بيدك
انصحك ماتغيره خل يسووله كبس بالمخرطه انا اشوفه احسن ويصير اقوى واذا انت بالشرقيه دليتك على الورشه

[بواسامه]

ايضا ظهرت لي مشكلة جديدة يوم امس وهي حرارة عالي جدا اسفل عصا الدبل بينما عصا القير ليس فيها سخونه بل عادية علما بأن الدبل في حينها لم يشتغل فما ترونه يااخوان...............

شيك وانا اخوك على زيت الدبل وشحم عمود الكردان الامامي لا يصير ناشف مره ويسوي حراره مع العرموطه0000000مجرد توقع

[ابوالجازي]

السلام عليكم
الرجه بالموتر من عدة امور يااخ شمسان
الاول ترصيص
الثاني عمود التوازن الامامي والجلد اللي فيه
الثالث مساعد الدركسون اللي قدام الدفرنس الامامي
الرابع عمود كردان الامامي والخلفي اذا مافيه فصالات (فلنجات)ان كان جايه ضربه او اي شي
الخامس تأكد من الكفرات والجنوط لايكون احد الجنوط مضروب او احد الكفرات مكرش او محبل
اما بالنسبه للحراره ماعندي علم

[مخاوي الشفر]

السلام عليكم

اخواني السائلين عن رجه الباترول


التحيه وبعد


للتخلص من هذة المشكله التوجه الى صناعيه الموسى جنوب حراج بن قاسم

حيث يوجد ورشه متواضعه لصاحبها الاخ فوزان00000

باسم ورشة حمد00000

وهذا ليس دعايه وانماعن تجربه حيث ان لدي باترول م 2004وحصلي نفس المشكله وتم حلها عن طريقه والتي لاتشمل جميع ماذكر سابقا بل تغير جلد العكوس والتكلفه تقدرب750شامل القطع وعمل اليد


مع الشكر

[شمســـان]

بارك الله فيكم جميعا يااخواني الأعزاء وجزاكم الله عني خيرا..فقد اجتهدتم في النصح والتوجيه..
لكن!!! اكتشفنا مشكلة كبيرة وهي وجود ميلان بالشاسييه (اعوجاج بالشاصي) فمن بعد الله لها لقد غشني البائع..
ارجو من الأخوة في القصيم وخاصة في بريدة ان يخبروني بالورش التي يمكن الأعتماد عليها بعد الله في مثل هذه الأمور عبر الخاص..
ودمتم بخير

[1400]

الله الله بورشة الحربي اللي بطريق عنيزة مشهووووووره
او الشارع التجاري ورشة الدخِِِِِِيِل بجنب ورشة المرسم والمرسم زين ومجهز بتقنية عالية احسن من الدخيل.
بس تأكد من اللي يقولون الشباااااب اول لأنه يمكن يكون كلامهم هو الصح.

شكرا

اخوك 1400 من الصين