8:هل يوجد توصيل داخل اوخارج دولتك؟؟: ( لا )

[(هزاع)]

السلام عليكم ورحمة الله وبركاته
بالمثل
عرض (هزاع) شيهانه جبليه للبيع وصور الطيره وكتب اللسته كامله والكمال لله
وهزاع ابومشعل بالرياض ومن ضمن اللسته الفقره (8)
8:هل يوجد توصيل داخل اوخارج دولتك؟؟: ( لا )
وبدا النشاما بالسوم الى 2500 على (فلان)
ثم سام احد الاعضاء 3000وشرط التوصيل للقريات
وقلنا لاحد الاخوه من اللي يوصلون الطيور ابيك توصل الطير للقريات قال ب 2000 ريال
يعني طلع طيري ب 1000 ريال
طيب الطير مسيوم قبل بدون توصيل على فلان 2500
ونت ياراعي القريات سومتك بالتوصيل كسرت السومه اللي قبلك
مع العلم اني كاتب بدون توصيل في الفقره ( 8 )
طيب اللي يبي يسوم بعدك هل يسوم (2600 زود على سومة فلان)او(3100 زود على سومة راعي القريات)
لماذا ياراعي القريات تسوم بالتوصيل وتخرب السوم
هل ترضى على سلعتك التخريب
مارائي الاخوه الاعضاء بهذا السوم

[عاشق الرمله2]

الله يهدينا ويهدي جميع المسلمين للخير والصواب

[عبدالله بن الشيخ]

موضوع مهم يا أخ هزاع وفي الصميم أيضا

وأنا حصلت معي أكثر من مرة , ورأيي في مثل هذا الموقف أن السومة ملغية , ولا تعور راسك , لعدم التقيد بالتعليمات

لكن في نقطة مهمة / وهي أن بعض الناس يقصد بشرط التوصيل : إمكانية توصيل الطير لبلده , لإنشغاله بالعمل , أو إمكانية تطويف الطير عبر الحدود دون أن يتحمل البائع أية مبالغ , وهو على أتم الإستعداد أن يتحملها مضافة إلى قيمة الطير ( أتوقع أن هذه النقطة خارج الموضوع , لأنها لاتضر بالبائع )

والسلام

[الامبراطوري]

شكرا ابو مشعل .. المفروض ان اللي يسوم ينتبة للفقرة هذي حتى لايخرب على الناس سلعها .

[(هزاع)]

موضوع مهم يا أخ هزاع وفي الصميم أيضا



وأنا حصلت معي أكثر من مرة , ورأيي في مثل هذا الموقف أن السومة ملغية , ولا تعور راسك , لعدم التقيد بالتعليمات


لكن في نقطة مهمة / وهي أن بعض الناس يقصد بشرط التوصيل : إمكانية توصيل الطير لبلده , لإنشغاله بالعمل , أو إمكانية تطويف الطير عبر الحدود دون أن يتحمل البائع أية مبالغ , وهو على أتم الإستعداد أن يتحملها مضافة إلى قيمة الطير ( أتوقع أن هذه النقطة خارج الموضوع , لأنها لاتضر بالبائع )



والسلام


على كذا الافضل يجزء السومه بالمثل يقول
اسوم (2600 ريال) وللموصل لديرتي (كذ ريال)
يسير ماخرب السوم
او انه يسئل الموصلين ثم لاتفق معهم سام
ياخوان ما اضن انه يخفى على احد ان السوم يدخل بالذمه

[عادل العيباني]

نقطه مهمه صراحه يابومشعل لكن ليش تكتب ( لا ) اكتب على حساب المشتري وريح راسك . وتقبل تحياتي ومروري ......

[ااابوخلف]

نقطه مهمه صراحه يابومشعل لكن ليش تكتب ( لا ) اكتب على حساب المشتري وريح راسك . وتقبل تحياتي ومروري ......


السلام عليكم

صحيح انا مع الاخ عادل
اكتب على حساب المشتري وريح راسك

[انور العنزي]

ماقول الا الله يعطيك العافيه يابو مشعل انت مرجع بمعنى الكلمه فيه مشاكل كثير طرحتها واوجدت الحلو يعني لو بتصدف احد الاخوه يكفي وضع رابط احد مواضيع ابو مشعل تقبل احترامي

[جفنان ينبع]

نقطه مهمه صراحه يابومشعل لكن ليش تكتب ( لا ) اكتب على حساب المشتري وريح راسك . وتقبل تحياتي ومروري ......

:good2::good2::good2: انا اتفق مع اخوي عادل العيباني

[راعي عزاام]

نقطه مهمه صراحه يابومشعل لكن ليش تكتب ( لا ) اكتب على حساب المشتري وريح راسك . وتقبل تحياتي ومروري ......
كلامك سليمم
لكن لا كتبت (لا) ماهو مجبور يسوم . ويرفع السوم
تحياتي لك

[صقارعزاااام]

والله يابو مشعل الشق اكبر من الرقعه

[(هزاع)]

والله يابو مشعل الشق اكبر من الرقعه

شف ونا خوك السوم الجاد
يسوم على الشروط وماذكر
اما ان يزود ميه ولاميتين والطير بينبع وهو بالدمام ويقول توصله لي
انا لو اقول لاحد اللي يوصلون الطيور وصل الطير من ينبع الى الدمام قال 2000 ريال اقل شي
كيف يزيد 200 ويشرط التوصيل طلعت سومته ناقصه عن سومت اللي قبله 1800
هذا كسر السلعه ناقص
1800

[ماجد9]

الله يجزاكم خير كفيتو وفيتو المفروض التقيد بالسته لكن انه يرفع السعر ولما يجي عند التسليم يقول في توصيل عز الله خربت البيعه والسومه على صاحبها
يا اخوان السومه حسب الشروط المكتوبه لا يسوم احد وبعدها يقول في توصيل
لكن انا عندي حل ممكن برضي كل الاطراف بامكان المشتري يقول في توصيل بسوم الطير واذا مافي توصيل بكون خارج السوم وينتظر رد صاحب الطير اذا يقدر يوصل الطير للمشتري او لا وبكذا بيكون السوم مثل ما هو

[alaaly]

السلام عليكم ورحمة الله وبركاته ، جزاك الله خير يابومشعل على المواضيع التي تطرحها من وقت لآخر ، وهي من اشد المواضيع المختلف عليها غالبا ، انا ارى ان بعض الشباب يذكر في سومته شرط ماذكر ، وهو الله يهديه ويهدينا جميع ، مادقق في الشروط ، ياريت الشراي الصامل يتحقق من جميع ماذكر من شروط البيع وليس مواصفات الطير وصورته ويزيد في السومه ولا هو داري وين رايح