المطامر بالسوم

[ابن بريده]

من خلال مشاركاتي واطلاعي على عروض بيع وشراء الصقور لاحظت المطامر في السوم مثلا واحد سام 5000 ريال اللي بعهد زاد الى 10000 ريال وهكذا بعد ذلك ياصل الموضوع للنهايه المالك ماباع والمشتري لم يشتري وتوقف العرض 0
هذا المنتدى استفدنا منه كثيرا فيجب علينا مراعاة السلعه والمصداقيه في السوم وعد التطفيف مثال بعت العام طير تفريخ بايج لا مطير ولا صيد مقابل شبوط جبلي راس براس عرض خويي الطير في المنتدى وسيم ب 10000 ريال اتصل راع الطير على السوام وقال انت صامل قال نعم قال تعال اخذه ب 5000 ريال والباقي هديه مني لك انقطع التواصل بينهم السوام اختفى علما انه موضح ان الطير عيا يهد على الكراوين ولا يرغب الحمام في المنتدى يسوم وعند البيع يروغ ياليت الاخوان يتقون الله في انفسهم وان يكون السوم واقعي ولا يقدم عليه الا اذا كان شراي. والله يوفق الجميع 0

[أبو فااارس]

ياسلام عليك ولكن لاحياة لمن تنادي فيه عجله بالسوم وفيه بخس لسلع المسلمين

[تساهيل1]

هذولا سلمك الله

الفزعات و النجاشه

الله يهديهم ويرد لهم عقولهم

وبالتوفيق ان شاء الله

[راعي عزاام]

كلامكك سلييم وليت هذي النفوس تصحي الي متي ظلم ورفع السعر لرفع سوق الطير ,,
وبعضهم يبخس في سسعر الطير . ام تعطي الطير حقه او لا تسوم,,

[بو عزه]

الله يهداهم ان شالله و صح لسانك يا ابن بريده

[(هزاع)]

كلامك على متمه
لاكن وش تقول باللي يسوم ولاشاف صورة الطير
هل هذا صادق بسومته
ماضني !!!

[عادل العيباني]

صح لسانك يالاجودي ولا يهونون الجماعه السوامه ياكثرهم والدراهم ماشفنا منها شي لا وسومات خياليه صراحه فيه شهانه جبليه وصل السوم عليها بالمنتدى فوق 5000 ريال واكثر بعد وهذا وجهي كان راعيها باعها رفعو السعر وجنبو عنه

[الامبراطوري]

فعلا هذا الدارج بالبيع والشراء بمنتدانا الغالي وخاصة بيع وشراء الصقور وبيع السيارات

[العجمي 111]

السلام عليكم ورحمه الله وبركاته.مساكم الله بالخير من أعضاء وزوار عندى ملاحظه بسيطه عند ما تسوم بعض الطيور ويسومها ناس بعدك تجد صاحب الطيركاتب الطيروصل على الجوال المبلغ الفلاني وبعدها لاتجد رد على سومتك لماذا لايكتب وصل السوم بالجوال على الشخص الفلاني وهذا رقم لتاكيد.ودمتم بخير جميعن.

[قناص2000]

توك تدري وانا خيك على هالوضع من الناس اللي تسوم السلع ولا تشتري اللي بيبي الطير واعجب به راح يشتري ويدق على راعية ويتفاوض معه .مهب شرط ارسل سومتي على المنتدى هذه بيع وشراء والله وحده محدد الارزاق. اما اني اسوم وطير هذا وطلع ذاك لالالالا واخر شيء من بياكلها راعي الطير تلقى عيونه مبققه بالشاشه يبي اي رد على طيره وعلى ماقيل الزين يفرض نفسه.
والبعض من الخلق يبي يشوف طيره كم يبي يجيب بالمنتديات حط هنا عرض والمنتدى الفلاني عرض ومغربل حاله ونفسه .
والله يرزقك الجميع وتقبل مروري وانا خييييك اخوك خبراوي بشده

[العجمي 111]

الله يحفظك ويحفظ الجميع أنشاءالله.أسعدنى مرورك.

[احمدالصالح]

كلامك على متمه

لاكن وش تقول باللي يسوم ولاشاف صورة الطير
هل هذا صادق بسومته
ماضني !!!

:good: :good: :good: :good: :good: :good: :good: :good: :good: :good:

[راعي صيحه099]

الكلام في هالشي ماله نهاية

انا بعت كذا طير من هنا بالمنتدى وكل الامور تمام والحمدلله ولا نجش ولا كذب

لكن بقول نقطه بخصوص اللي يسوم مثلا: ب5000 ويجي واحد بعده يطمره الى 10000

تلقى اللي سام بخمسه الاف مايبخص الطير مضبوط واللي وصله عشره باخص الطير وعلومه وشكله ووصفه

وبعضهم الله يهديهم تلقى الطير ع كلام راعيه وعلوم طيره يبخص حقه مدري تعمد مدري جهل في الطيور
وبعضهم يعطي الطير اكثر من حقه ولا يشتري وواحد صامل على شر يته بحقه الي يستاهله لكن خرب عليه الجاهل اللي سام سومتن اعلى من حقه


تحياتي لك

[راشد الهاجري999]

انا عرضت طير وآخر ٣ ساموا كلهم اتصلت عليهم تملصوا باعتذار فاشل

[ماجد9]

والله يا اخواني شي عجيب السومه توصل خمسه الاف ريال وفجأه تطير السومه عشره الاف من وجهت نظري ولحد يزعل من كلامي ملاحظ انه يجي سوم على الطير وفجأه تلقي السومة وصلت فوق المتوقع ويش يدل هذا يدل ان صاحب الطير متفق مع شخص اخر يعرفه ومسجل بالمنتدي عند سوم الطير يبدا يرفع بسوم الطير لا ويجيك يقول وصل السوم بأكثر من الجوال وبصراحة سبق سمت طير بتبوك وحسب كلام صاحب الطير علومة زينة واتفقنا على السعر المناسب بالجوال وسافرت له تخيلو انا من مدينة جده وسافرت بالسياره لتبوك اعتبرتها رحله واتمشي فيها المهم وصلت تبوك وشفت الطير والله طلع الطير غير وصف الرجال والمصيبه الكبرى الطير مريض وحالتة واضحه بالمرض هو يفكر الناس اغبياء وهو ذكي ويشهد الله يا جماعة ونا بالسياره مجهز نفسي للسفر اني محلفه بالله الطير فيه شي غير الي قلته يحلف مابه شي وان علوم الطير زينه ولما شفت الطير قلت له هذي علوم الطير الي كتبتها ترا طيرك مريض ومرضه واضح وهزلان والعلم عند الله ما بيعيش عندك كثير وما اقول الا حسبي الله عليك وتركته رحت للسياره ولحقني للسياره يقولي بكم تبيه قلت له لو تبي تعطيني الطير هديه ما بيه روح توكل على الله الرجاجيل مهي لعبه صدقني ما لعبت الا على نفسك

[نقا الجمل]

هذا والله البلا
فيه طيور تعرض وبدون شروط يعني مجهول بس بطريقه ذكيه وتشوف ريشته عاديه ووسرته لاباس ماهي شينه
تشوف الزود عليه من خمس ميه وفوق لين يوصل الطير سعر خيالي يعني السعر اللي هو يوصله سعر طير يشارط عليه راعيه ان كل العلوم الطيبه فيه
وتشوف طير ثاني كاتب راعيه ذابح الحبارى وريشته ووسرته يمكن ازين من ذاك وانا بنفسي شفت هنا والزود عليه من مية ريال والا خمسين وتشوفه يوقف على خمسه والا سته الاف
يعني لازم واسطه في السوم اذا عندي ناس تفزع بيزود السوم وتزين اموري والضعيف اللي يبيع طيره ما احد يعطي الطير حقه
واخر شي يجي واحد معميها ويقول تشرط لي على حمام السوادي سلم ويبيه بسته الاف ودك توديه احد يصبخ على راسه
انا لي اسبوعين ادور طير عجزت اشتري من السومات الخياليه
وفعلا انا شفت كذا شخص يسوم قبل الصوره ما تنزل عنده حاسه سادسه
اتمنى مني ومن جميع الاخوه ان لا احد يسوم طير الابخراجه لا احد يبخس او يرفع السلعه وهو ماهو ناوي المشترى
وعقابهم من الله وادي في جهنم اسمه ويل
عسا الله يكفينا شره حنا ويآكم
شكرا لصاحب الموضوع جزاك الله خير.
والاخوان كلهم كفوا ووفوا
اسف على الاطاله