المساعد الشخصي الرقمي

مشاهدة النسخة كاملة : لمبة المكينة بالباث فايندر !!


ابو مرهش
21/07/2006, 01:40 AM
السلام عليكم ورحمة الله وبركاته


انا يالربع معي باث فايندر موديل 2003 وماشي الحين 157 الف وكنت بالبر قبل كم يوم وجريت على الموتر شوي خاصه اني من النوع الي ماينسم الزبده ان لمبة المكينه اشتغلت عندي مع اني مانقدت على الموتر بشي طبيعي 100%
وانا توني مسويله تصفية مكينة وكذا شغله للصيانه وانا بصراحه على وجه سفر بالسياره ومحتار مدري اوديها الوكاله ولا اطفي اللمبه عند اي محل كمبيوتر ؟؟
ساري15
21/07/2006, 01:47 AM
تبي رايي مررها على الوكاله وتأكد من سبب توليعتها

وانتبه تطفيها لأنها تعبر عن خلل في المحرك ... عاد شف هل الخلل يسوى او انه عادي ومايحتاج اصلااااااااااااااح

هذا رايي وانت ادرى ......ز
المعمري
21/07/2006, 01:55 AM
والله يالربع مادري وش سالفة الباثفيندر انا معي 2005 وانواع الخربات كل يوم
باله يالربع نبيع الموتر ولا...
ولكم تحياتي
المنبسط
21/07/2006, 01:56 AM
السلام عليكم

مساك الله بالخير
والله شفت الموضوع وضاق صدري لأنها تروع شوي لكن رح لمحل بنشري ونظف فلتر الهواء وخل السيارة طافية لمدة ربع ساعة طبعا اذا وصلت للبيت ثم ناظر اذا طفت فالحمدلله واذا ما طفت فهي من احد امرين اما حساس بعد مكان الفلتر على طول وسعره تقؤيبا 1500
او يكون من قطعة قريبة من البخاخ وهذا يكلف تقريباً 3000 الله يعوض عليك واتمنى والله انه يكون من تنظيف الفلتر, واحرص على تنظيفة
واما بالنسبة لسؤالك وده للوكاله ولا تشاورلأنه حساس من ها الناحية.
فيه طريقة سوها لعلها تنفع رح وافلت اصبع البطارية الزايد وخله ربع ساعة ثم ركبه ولعله يروح طبعا مجربه لأن كمبيوتر السيارة يستعيد برمجته .
اخوك المنبسط :)
حمد808
21/07/2006, 02:03 AM
فك سلك البطاريه السالب ثم ركبه انشا الله تطفا
ابو مرهش
21/07/2006, 02:55 AM
السلام عليكم

يالربع بالنسبه لحساس الهوا انا مغيره جديد وكانت ثاني مره اغيره اول مره كنت ماشي 62 الف ولي بعدها تقريبا 125 الف وبنسبة للفلتر جديد توني مامشيت عليه الف وتوني منضفه قبل يومين
واول ماولعت اللمبه فصلت اسلاك البطاريه ربع ساعه ثم رجعتها ونفس الشي اللمبه مهيب راضيه تطفا
ابوقاسم
21/07/2006, 03:27 AM
اجل الله لايهينك رح للوكالة وشف شيقولون لك
الربذي
21/07/2006, 02:31 PM
انا تولع كم يوم وتطفي من كيفها
وعاده تولع اذا هناك اي خلل في البواجي لانها ولعت معي قتره طويله ومره وانا مسافر بدات ترتج وصار المشكله من البواجي لايصدق ثلاث منفقعات فقع اللي جواء غير موجود والبقيه الراس الاسود متاكل الى الاخير اندهش الكهربائ وقال وشلون تمشي !!!!!!!!!!!!!!!!!!!!!!!!
وركب بواجي اللي لها راسين مو راس واحد لانها افضل للبخاخ
ولاتهتم مجرد خلل وخروج دخان لو ماتراه بعينكيجعل المبه تولع
الربذي
21/07/2006, 02:43 PM
غير البواجي
salehhd
21/07/2006, 05:57 PM
السلام عليكم

وده وكالة وريح بالك وخاصة انك على وجه سفر

الاخ المعمري ود الموتر الوكالة دامه على الضمان وموترك لاتفرط فية
غالي
21/07/2006, 08:57 PM
تبون الصراحه ياشباب
بديت اصدق في الباث من قال ان خرباته كثيره :(
كان عندنا للبر باث موديل 91 باب واحد
لاعنين ابو خامسه الشاصي ملحم 3 مرات من الجفر الي نطب فيها
وما قال اح ولا لمبات ولعت ولاعمره وقف علينا رغم اننا طب فيه بالماء ووديان
ليش كذا الجديد؟؟؟؟؟؟؟؟؟؟؟؟
صراحه مستغرب :(
أبو أسامة
21/07/2006, 11:50 PM
السلام عليكم ورحمة الله وبركاته

أخي الكريم ........

الحمد لله على السلامه ............ أنت تقول أنك جرت على الموتر وأيضاً الموتر ماشي 157 ألف كيلو ........
سؤالي لك هل غيرت السيور الخارجيه للمكينه ....... وإذا كنت غيرتها فيجب عليك إذاً تغيير السير الداخلي .............

وقبل لا تتخسر غير البواجي مثل ما قالوا لك الأخوان يمكن تكون المشكله منها...

واللي يقول الباث خراباته كثيره أقول يبيعه ويشتريله تايوتا ....... أستغرب من واحد يقول السياره أتعبتني ومايبيعها ويفتك منها ثم للمعلومية التايوتا بعد تخرب والوالد ولعة عنده لمبة المكينه في جيب اللكزس يوم كمل130 ألف ........ وأخذها للبازعي وغيروا سير المكينه الداخلية علماً بأن السياره أستخدام حشمه وسفريات بس يعني الوالد الله يحفظه ما هو راعي تطعيس وبران..............

وأقول للي يحب النيسان الله يهنيه واللي يحب التايوتا الله يهنيه ........... وعلى قولة أخوانا المصريين الله يهني سعيد بسعيده ......
قرم
22/07/2006, 01:20 AM
السلام عليكم جميعاً
هلا بالشباب.

ابو مرهش.. هلابك . اللمبه المذكوره تظهر لأبسط خلل وأقل مشكله فلا تشيل هم قد تكون الدعوى هينه وتضحك بعد معرفتها ..فاللمبه هذه لها علاقه بكل قطعه ميكانيكيه في السياره .. أعطيك مثل بسيط حصل معي , مره قعدت اخربط بالكشافات كعادتي وصار إلتماس وضرب فيوز وغيرته ثم صار التماس ثاني وضرب مره ثانيه . ورديت كل شي مكانه . المهم شغلت السياره لقيت هاللمبه منوره والبانزين ربك واحد مايدعس لكن السياره شغاله ميه ميه.
فهداني ربي لفك الأصباع السالب 5دقايق وإنتهت المشكله ..ليش انا اسوق لك هالمثل ؟؟ حتى اوريك ان اللمبه تولع حتى لمجرد إلتماس بسيط . .ودها للشركه افضل لك وتفائل وتوقع خير وصدقني لو هوحساس الهوا سيء الذكر كان السياره قطعت وطفت اوتمشي وتطفي كل شوي . وحاول تعيد النظر في مسألة تنسيم الكفرات في الصحراء تراها ضروريه للسياره ومسأله مجمع عليها . على كل حال انت حر في هالمسأله . :p

المسأله الأخيره . يا أخواني ابعثوا في أخيكم روح التفائل والله لو انا مكانه تروعت :no: على هونكم الله يحفظكم فلا تزيدوا هم اخينا بحسن ظن منكم وليش هالتشائم من الغالبيه ؟ بشروه بالخير وأجعلوا للشر مبلغ غيركم وأقصد الشركه او الورشه .. أخيراً ليس هذا دفاع عن السياره ابداً :no2: بل تصورت نفسي مكان هالطيب وقد قرأهذه الردود المرعبه وتصورت حاله بعد قرائتها وتحسرت والله. :confused: على كل حال هذا والله مجرد عتب لأحبائي وليس لي مقصد اخر يشهدربي ويسروا ولاتعسروا . تحيه طيبه ودمتم بحفظ الكريم


سالفة الباثفيندر انا معي 2005 وانواع الخربات كل يوم


والله شفت الموضوع وضاق صدري لأنها تروع شوي لكن رح لمحل بنشري ونظف فلتر الهواء وخل السيارة طافية لمدة ربع ساعة طبعا اذا وصلت للبيت ثم ناظر اذا طفت فالحمدلله واذا ما طفت فهي من احد امرين اما حساس بعد مكان الفلتر على طول وسعره تقؤيبا 1500


او يكون من قطعة قريبة من البخاخ وهذا يكلف تقريباً 3000 الله يعوض عليك



بديت اصدق في الباث من قال ان خرباته كثيره




واللي يقول الباث خراباته كثيره أقول يبيعه ويشتريله تايوتا

:j
ابو مرهش
22/07/2006, 01:33 AM
الله لايهينكم يالربع وماقصرتوا وجزاكم الله خير
وبالنسبه للبواجي انا توني مغيرها اصليه من يومين وولعت اللمبه بعدها بفتره وما اعتقد منها لو منها كان اشتغلت على طول
على العموم انا ناوي اوديها للوكاله يوم الاحد وبخليهم يكشفون عليها بالكمبيوتر الصغير وانشالله خير
المنبسط
22/07/2006, 01:25 PM
السلام عليكم
الأخ قرم
اشكرك الحقيقة على كلامك الطيب وفعلا الواحد يتفاءل بالخير.
اخوك المنبسط
عرق جهام1
22/07/2006, 05:15 PM
اخوي ابومرهش لمبة المكينة الي طلعت عندك طلعت عندي وانا توي مطلع الباث من اسبوعين من المعرض جديد2005م المشكلة بسيطة ولايضيق صدرك حاول تشغل السيارة ثلاث مرات بس لاتعلق على السلف ولاتشغل خلة في وضع(تشن تشن تشن) وبمشيئت الله تضبط الامور 0 واترك كلام الناس الي يقولون الباث كثير خرباتة جبلي موتر ما يخرب اقول الله يخلف على وكالتة ؛؛؛؛؛؛؛؛؛؛؛؛؛؛
ابو مرهش
22/07/2006, 11:41 PM
مشكورين كلكم على مروركم على الموضوع وجزاكم الله خير

وبشركم بالنسبه لموتري طلع مافيه الا العافيه ووديته الوكاله وفحصوه كمبيوتر مجاني وانا واقف بدون موعد ولا شي وطلع لي برنت من الكمبيوتر وخلى اللمبه تطفى قالي انها اشتغلت من الحراره وحددلي الوقت وعدد دورات المكينه والسرعه وقت ما اشتغلت وطلع صادق

المهم قالي شي طبيعي انها اشتغلت بس للنتبيه ومافيه الموتر شي وطبيعي
Abo Nader
23/07/2006, 12:04 AM
السلام عليكم
الظاهر أن موترك أتماتيك و مانسمت وجرت عليه و قبت الحراره
ابو مرهش
23/07/2006, 12:29 AM
مالك لوا يا ابو نادر موتري قير عادي وانا قلت بالموضوع اني مانسمت والجو كان حار وحرارة الموتر كانت طبيعية بس الظاهر السبب انها اشتغلت لآني من زمان ماويدته الوكاله وهي اشتغلت عشان اسويله صيانه مع اني توني مشيك عليه ومغير له قطع بورشة خارجيه

زبدة الكلام اني رحت للفرع للصيانه الرئيسية بالدمام ولا رضى يشيكلي عليها بالكمبيوتر المهندس وقالي لازم تاخذ موعد بعد اسبوع وندخلها ونعلمك بعدين وشفيها السياره خذيت موعد للأحتياط ثم رحت للفرع الثاني للصيانه الي موجود بحي بترومين على الطريق الساحلي طبعا هالفرع دايم مافيه زحمه وهو للسيارات المصدومه الله يكافينا الشر وكلمت المهندس وماقصر خلصلي السياره بسرعه وقالي مافيها شي وجرب السياره ووراني برنت الكمبيوتر
أبو أسامة
23/07/2006, 01:05 AM
الحمد لله

الله يعطيك خيره ويكفيك شره