المساعد الشخصي الرقمي

مشاهدة النسخة كاملة : وشرايكم في لاندكروزر G 98-2002


شاووش
10/09/2012, 04:18 AM
السلام عليكم ورحمة الله وبركاته
وشلونك ي شبآب عساكم بخير
صرآحه بعد تفكير طوييل قررت اخذلي G باذن الله
يكون v6 قير عآدي ..
وبغيت اسالكم كيف صرفيته ومشاكله
وبكم القالي واحدن نظيف مابين 98 الى 2002
ومافيه مشكله لو كان مرشوش على نظافه ولا فيه رفرف اهم شي مايكون جايه واجهه
وفين افضل منطقه في السعوديه واسعار رخيصه ؟
وهل القى رخيص ونظيف في مدينة جده ؟
شامخ ألهيلا
10/09/2012, 01:07 PM
خذ لك جي اكس هدد
افضل من الجي وكلها 6سلندر
مكيفين وثلاجه
من ناحية هالسيارة تعتبر التوب وارخص قطع غيار
ولا يوجد سيارة بدون اعطال
مطرح البكار
10/09/2012, 07:41 PM
^^^نفس اللي كنت بقولة

توكل على الله بس اهم شي يكون قير عادي

وترى سوق جدة تحصل فية مواتر طيبة وسعرها مناسب
الشمروخي
10/09/2012, 09:05 PM
تايوت خذ ولا تاشور واتوقع اللي تبي مرشوش ماياصل ٦٠ خذ نظيف بدون رشرشه بالستينات
اما جلب البلوف كان معي واحد لاعن والديه ماشي ٤٢٠ ثم طلعت ماتكلف ١٠٠٠ شغلته اما الباقي طبيعي كل المواتر
شاهين12
10/09/2012, 11:05 PM
اخويj.w.d
الاندكروزرمافيه اعطال تعيبه ،صرفية البنزين جيده لاداء محركه 6سلندر.

والله يكتبلك اللي فيه الخير .
شاووش
10/09/2012, 11:08 PM
الله يعطيكم العافيه جميع
بغيت تعلموني الفرق بين الـ G والـ Gx
وكم يفرق السعر تقريباً ..
والمرشوشه كم يختلف في السعر عن الوكاله
والله ودي ببودي وكاله لاكن ماعندي قدره وفلوسي على قدي
وبغيت تعلموني كم حجم مكينة الـ v6 ؟
وابيكم تفيدوني وتعطوني اسعار تقريبيه للمرشوش لاهنتم
Salamah.y
11/09/2012, 04:26 AM
الله يعطيكم العافيه جميع
بغيت تعلموني الفرق بين الـ G والـ Gx
وكم يفرق السعر تقريباً ..
والمرشوشه كم يختلف في السعر عن الوكاله
والله ودي ببودي وكاله لاكن ماعندي قدره وفلوسي على قدي
وبغيت تعلموني كم حجم مكينة الـ v6 ؟
وابيكم تفيدوني وتعطوني اسعار تقريبيه للمرشوش لاهنتم

الـ G , يكون قزاز هندل يدوي و مافيه ربل أسود على الأبواب و الجنوط هلل شد بلد

مكاينهن 4500 سي سي بخآخ , وهي راس وآحد ليست V
و هالمكينه اذا حشمته , راح تكد و تمد معك إن شاء الله بدون أعطآل تذكر
وهي مجرّبه و مشهودن له بالقوة و المتانه و الصبر , عدا بعض العيوب الناتجة من سوء الإستخدام و قلة المحافظة ~

الأسعار ماعندي علم والله يفيدونك اهل العلم , و بإمكانك تاخذ جوله في موقع حراج او مستعمل

,

اخوي انت حدد رآس مالك و ميزانيتك اللي مخصصها لشراء الموتر
ممكن يكون عندك خيارات اخرى , يقدرون يفيدونك فيها الاعضاء

,

اتمنى لك التوفيق و البركة
المنيعي1
11/09/2012, 02:03 PM
الله يعطيكم العافيه جميع
بغيت تعلموني الفرق بين الـ G والـ Gx
وكم يفرق السعر تقريباً ..
والمرشوشه كم يختلف في السعر عن الوكاله
والله ودي ببودي وكاله لاكن ماعندي قدره وفلوسي على قدي
وبغيت تعلموني كم حجم مكينة الـ v6 ؟
وابيكم تفيدوني وتعطوني اسعار تقريبيه للمرشوش لاهنتم

الـ G يجي بيبان من الخلف والقزاز هندل عايدي وبدون مكيف خلفي وجنوط حديد صغيرة
يعني كل شي عايدي ولا أنصحك به.
الـ GX يجي شنطة مكيفين ثلاجة قزاز كهرب ويجي قير عايدي وتماتيك يعني نفس مواصفات الـ GX-R من الداخل.

السعر بينهم يفرق واجد بس مأدري باظبط.
المرشوش يفرق بحدود الـ 20000 إلى الـ 15000

حجم المكينة 4500 /6 سلندر مستقيم وليس على شكل V
240 حصان بخاخ.

السعر ماعندي علم ولكن قبل رمضان بعنا 2005 GX هدد بـ 75000 ألف مرشوش كامل.
أبوصالح9
12/09/2012, 01:25 AM
تبي شوري انزل موديل واحد وراح تدعيلي

خذلك 97 GX وشرط ان يسوقونه عيال عيالك

حديد x حديد + عزم جبار

لاتوجع راسك بمشاكل كهرب ولا كمبيوتر

اكلف ماعليك زيت وبنزين وانحر النفود أو الضلع

كلامي عن تجربة مع العلك والجور والحمد لله ماهنا الا العافية بس دور لك واحد نظيف ولا يهمك ممشاه واقصد 97 فقط الممشى مايضر هالموديل واللي تحته

موفق خير
ABUAZIZ
12/09/2012, 02:47 AM
عز الله أنه موتر ديره وبر وضلعان ووعر يعيبه بس مطبه قاسي مقارنة باللاند 2008 وفوق

واشوف افضل موديلات اللاندكروزر من ناحية العملية وقلت الخرابات من 98 -2007

مع ان كل موديلات اللاندكروزر قليل خرابه

موفق حبيبنا