المساعد الشخصي الرقمي

مشاهدة النسخة كاملة : رفع المواتر القديمه (سست)


MF6
21/07/2006, 06:48 PM
يا شباب ابي ارفع موتري اللي واضح بالتوقيع (بليزر 83)
وش تنصحوون فيه:
تطريق السست
تزويد السست
ولو سمحتوا وش مضار الرفع ووش مميزاته؟
وتسلمون لي
أبو أسامة
22/07/2006, 12:04 AM
السلام عليكم ورحمة الله وبركاته

والله ودي أساعدك بس.................... ماعندي أي معلومة عن كيفية رفع الموتر ........ بس وعد علي أني إن شاء الله أسئلك بعض الشباب لعلهم يعرفون ...... وإن شاء الله أن الشباب بالمنتدى ماراح يقصرون معك ................


والسلام عليكم ورحمة الله وبركاته.......
MF6
23/07/2006, 01:51 AM
وعليكم السلام ورحمة الله وبركاته
بارك الله فيك يا ابوو اسامة وما قصرت يعطيك العافيه
ياليت تخدمني ولك الف شكر
ابوجرحين
24/07/2006, 02:57 AM
السلام عليكم ورحمة الله وبركاته
مرحبا ياmf6
انا اقول انك تطرقهن احسن لك لان يرجع نفس وكالتهن على حسب اللي يشتغل فيهن اذا هو فاهم 100%...
واما بالنسبه انك تزود السست اول شي غير يطرقهن وبعدين يزود من السست وانا اقول ماانصحك انك تزود
من السست لانه يكون مرتفع حيل وتخاف من لاسمح الله ان يكوون قلبته سريع ولا بعد ياخذ مطب قوي..
وانصحك انا بالطرق فقط لاغير.
وهذا رأيي في موضوعك

مع تحيات اخووكــ
ابوجرحين
ابـ معزي ـو
31/07/2006, 02:33 PM
انا اقترح عليك اخوي تركب لعابات

لانك تقدر تحكم برفع السياره

واللعابه هي اللي ماسكه السست من ورا تحت الصدام الخلفي

وطريقة تفصيل اللعابه

رح لحقين الحداده ووراشة الحداده

وقله يفصلك نفس حجم اللعابه من ناحية السمك ومن ناحية التخريم والتشقيق

عاد طول اللعابه انت اللي تختاره

ويمكن الشي هذا مايكلف عليك الا 200 ريال بس

وانشاء الله اكون افدتك
MF6
01/08/2006, 12:07 AM
مشكوووووووووورين يا اخوااان على مروركم
مشكوور يا ابو اسامه ,, ابو جرحيييين ,, ابوو معزي ويعطيكم الف عافيه
MF6
03/08/2006, 06:33 AM
ابشركم يا شباب توكلت على الله وطرقت السست وارتفع الموتر وغدى رجل
ومطبه خف مشكورين مره ثانيه
بدوي جنوبي
09/08/2006, 05:55 AM
اخي mf6


موترك مرتفع وزين


بس عندي سؤال البليزر متي وقف انتاجه

هل يوجد بليزر من موديلات التسعينات
escape_man
09/08/2006, 08:38 AM
اخوي بدوي جنوبي

البليزر بهالشكل انتج الى حد 92

والي بيشري لايدور الا من 89 وفوق لانه قير 700 ام دي وبخاخ.
ع.ف.الدرويش
09/08/2006, 10:05 AM
السلام عليكم ورحمة الله وبركاته

بالنسبة لرفع المواتر القديمة فينصح بحالة واحدة ألا وهي تركيب إطارات ذات حجم كبير جداً ومقاس غير المقاسات المتوفرة بالسوق..أما بالنسبة لطرق الرفع فالتطريق جيد نوعـــاً ما لكن دون فائدة فبعد فترة من الزمن ومع الإستخدام يعود إلى الوضع العادي أي كما كان..فأفضل طريقة هي زيادة السست ناجحة جداً..ولا أعتقد بانها تؤثر على أداء المكابح في السيارات القديمة بعكس السيارات الحديثة الصنع..:p

والله يعينك..
بدوي جنوبي
09/08/2006, 09:02 PM
تسلم اخوي علي النصيحه


وبالتوفيق للجميع