المساعد الشخصي الرقمي

مشاهدة النسخة كاملة : قلتو ليش هذا الخبل يبي يشبك اغراب /القصه


ابرق العزاف
21/07/2006, 07:15 PM
العام الماضي جينا لشبك البهم وليا الغربان متليمه بداخله على سخل ميت
وهاجمناهم بالسياره بسرعه والشبك مغطي من فوق ظلال البهم وصكينا على ثلاثه
اللى لحقنا منهم ومسكناهم لكن ثاهو خبيث ملعون والله مايهاجمك الا بعينك لعنةالله
عليه بمنقاره المهم مسكناهم بعد تعب وياليل لاتحز ن وكان الوقت مصقار وماكنا
نعتقد بوجود صقور في تلك الديره ونقلنا الاول وفكيناه ضحي يمكن الساعه عشره
ونصف ونتابعه بالدرابيل والطيور لمت عليه وكا ن مرتفع قوى وما معه غير الغربان
اللى وبعد شوي دخل الحر ثم طرده وسهمه عدة مرات والغراب ملعون واعتقد انه مثلوث
ولكن عجزه ومادرينا الا فرخ الشاهين داخل وهو يلفه كم مره ويخطيه وهو يروح عنه
بعيد متعلى عليه وهو يهد عليه وبسرعه وهو يضربه بين الجنحان وهو يتدحرج
مثل الكوره والفرخ يحول وراه ويطيحون في وسط جبال كبير ه وطويله
ومتسعه وندور من يوم طاحو لين امسى الليل مالقيناه ومن البكره ننقل الثانى ونفكه
في نفس المنطقه ويطلع المثلوث ويدرجه كم مره وماقدر عليه واعتقد خوفته الطيور
الثانيه وروح للجبال وتركه 000000 واكتفي بهذا وما اقدر اكمل قصة الثالث
الاذان الان000000000 ودمتم بخير
الباهي
21/07/2006, 07:28 PM
هلا والله تسلم على القصه

بالنسبه للصقور انت متاكد انها صقور لان الصقور ماتهد على الغربان العكس هوالصحيح

كل شي جايز

اخوك
الباهي
ابرق العزاف
21/07/2006, 08:28 PM
الباهي الله يحفظك اذا فيه نقل تهد عليه وتطارده وخصوصا فرخ
الشاهين وهذا حصل قدامي ومعي ربع ثلاثة رياجيل والعلم اثبت
من الجبل يا استاذي العزيز ولعلك تنشد وتلقي مثل هذا الخبر
والا احد الاعضاء عنده خبر وعلم من هذا الموضوع0000
تحياتى للباهي وتسلم ياغالي
الباهي
21/07/2006, 08:49 PM
هلا اخوي انا ماقلت اني اشك في كلامك لاوالله لكني على حسب علمي

قلت انه مايهد على الغراب

وقلت كل شي جايز ليش لا

ماقصدت شي اخر من كلامي

والنعم فيك اخي ولا تفهمني غلط

اخوك
الباهي
ابرق العزاف
21/07/2006, 11:12 PM
الشكوك عازبه يالحبيب تحيه

لك وتسلم
أبو شعلان
22/07/2006, 12:37 AM
بسم الله الرحمن الرحيم

مشكور أخوي باسل1 الله لايهينك على هالموضوع الرائع
كنت أقراء الردود لقيت رد اخوي الباهي اللي من ضمن كلامه إن الطيور ماتصيد الغربان
وحبيت أقول إن فيه واحد من الربع كان قانص العلا وهد طيره على كروان الطير رد الكروان كم مرد وبعدين مسك له خط في السما وقام يردم ويردم إلين خالط له غربان كان يجيلهن 20 واحد شوي المهم عزل واحد منها وصار يرتفع فوقه ويكتف عليه وينشه . والربع واقفين يسبرونه بالدرابيل إلين إختفى الطير والغراب بالسما وبعدين شغلوا الجهاز وصارو يالله يالله يسمعون صوت الذبذبه ألين إختفى الصوت
وأمرحوا في محله يومين والجهاز شغال والملواح شغال ولا فيه فايده حتى الآن
والكلام هذا قبل العام

عموماً نسأل الله العلي القدير أن يرد الطير إلى صاحبه . والعذر والسموحه على الإطاله

،،،،،،،،،،،،،،،،،،،،،،،،،،،،،،، وتقبلوا تحياتي ،،،،،،،،،،،،،،،،،،،،،،،،،،،،،،
:j
الباهي
22/07/2006, 01:23 AM
هلا ابو شعلان

لا يكون الغربان فرسو الطير
الابجر
22/07/2006, 02:25 AM
ياالربع هذي اول مره اكتب فيها لكم :بنسبه لطيور ترى تصيد الغراب الحر+الشاهين ولاكن الشاهين يصيده أكثر ومرعلي كذى شاهين تصيده . والشكر للقرائه.
الابجر
22/07/2006, 02:30 AM
وللمعلومه ترى كواويخ العراق وسوريا ومصر يستخدمونه نقل وفي سوريا يستخدمونه الرحا بنه في الكوخه.
ابرق العزاف
22/07/2006, 02:43 AM
ابو شعلان شكر وتقدير لمرورك وتعليقك

الباهى الابجر / انا قلت اني منقل الغراب صح والا لا
ثا نيا / اذا فيه نقل بالغراب يطارده الطير واللى ماهو مصدق يجرب
وانا لو عندي طير مسكت غراب ونقلته ووصورتلكم الموضوع واللى يصير
تاتشوفونه بعيونكم

ثانيا انا ودي امسك غراب وانقله السنه ذيه لاننى شفت
الغراب يبعد الحوم فقط شكرا واعتقد مافيه داعي للسخريه
يارجال الحق والمدرويه ثم اللى ماهو مصدق ماحد معلقه
برقبته يقطها بالبحر والناس تا تعد اللي حصل وشافته بالعين
صدق الغير ام لم يصدق بالطقاق
مغرم مقناص
22/07/2006, 05:01 AM
اخواني

كما قال الاخ الكريم ان صيادي سوريا يستخدمون الغربان لشبك الطيور

ودائما اسمع هذه الكلمه عند تجار الطيور في سوريا وخاصة اذا اراد مدح طيره وشجاعته يقول ( طرح غراب )

بالاضافه ان بعض الطيور تصيد الغربان بدون نقل ومنها اغلب الجيرات وخاصة اذا علمته عليه ووايضا بعض الشواهين

تحياتي
مارشال
22/07/2006, 07:02 AM
ياجماعه كلام الرجال واضح

الطير يطرد الغراب لأن فيه نقل, يعني طمعاً في النقل ماهو في الغراب ؟ ( فرقو )

للمعلومية لو تحط النقل على عقاب ...كثرمن الطيرو الحرار تطلبه سواء تشبطه والا تضياقه, وهذي طريقه مجربه.
المري
22/07/2006, 08:09 AM
الطيور تهد على النقل , تبغى تصيد النقل..

بس بعض الطيور يصيد الغربان , قبل 5 سنين الوالد لقى قرناس وحش صايد اغراب .. المهم مسك الطير على الغراب ولقى


فيه أسبوق وطير ناس ولقى حجل برقم شخص , كلمنا الشخص ولقيناه من اهل الدمام يدعى ضميد الشرافي الدوسري وجاء واخذ

طيره والحمد لله على العقلان..

علما ان الغراب ماكان فيه نقل ولا شي بس الحر أكيد اذبحه الجوع وهد على الغراب

وقليله الطيور اللي تهد على الغربان..علما انه شديد المراوغه.. وسريع الأرتفاع..

اخوكم / المري
ابرق العزاف
22/07/2006, 12:20 PM
:row: :row: :hot: اذا الباهي تاكد لك الخبر

مارشال المري مغرم مقناص

شـــــــــــكــــــــرا للمرور والتعلق ولكم خالص التحيه
الباهي
22/07/2006, 02:21 PM
اخوي

انا قلتلك رايي وبعدين وشو اللي سخريه ما احد سخر بك

كلامي واضح وبعدين كل شوي شفت يالباهي صدقت يالباهي

هدا كلامي ورايي والشي هدا راجعلي انا وبعدين لا تقولني شي ماقلته

انا ماكدبتك علشان تقول صدقت مهو ضروري تقنعني انا اقتنع براي الاعضاء

وبرايك بهدوء وبدون تحدي

شكر لك اخوي
أبو رداد
22/07/2006, 02:28 PM
السلام عليكم ورحمة الله وبركاته


الي فهمته يباسل انك تريد الغراب لغرض طرح الصقور
باستخدمك للغراب كنقل
وخذ مني شور ... مايفرق عن الباشق وابو حقب في هذه الوظيفه
لا الباشق افضل من الغراب لان حجمه صغير
اما وظيفته في النوجه او الكوخه فتختلف ولهذا يفضلوه على الباشق وابو حقب
وعندنا في جنوب وشرق العراق يستخدموه في النوجه
اما غرب وشمال العراق فلايستخدموه ولايسمحون باستخدام هذه الطريقه في مقانيصهم
كون الغراب فاسق وخبيث ومامور كل مسلم بقتله
ولايعني هذا الكلام فتوى بتحريم الصيد بالغراب (استغفر الله )
لاعلم اكيد عندي على مشروعيته في الصيد
ولكني عندما اره في البر انفذ فيه امر المصطفى صلوات الله عليه وسلامه
واحمد الله على نعمة الاسلام
والسلام

وهذا تقرير عن الغراب لعله ينفعك
http://www.nooran.org/O/21/21-9.htm
ابرق العزاف
22/07/2006, 10:57 PM
ابو رداد مشكور على المرور والتعليق

تحياتى
أبوتركي
23/07/2006, 12:05 PM
السلام عليكم ورحمة الله وبركاته ..

حيا الله جميع الأخوان ...

أنا قرأت الموضوع أول ماكتب .. بعدين رجعت وقرأت الردود .. والصراحه تفاجأت بالحدة في النقاش بين الأعضاء .. والمفترض من المسلم أن يلتمس لأخيه العذر ..

وبالنسبة لرأي أخي أبورداد في الغراب .. فبودي ألفت الانتباه الى نقطة هامه جدا .. وهي أنه ليس كل غراب ينفذ فيه حديث المصطفى صلى الله عليه وسلم .. وإنما الأغراب الأبقع كما ورد في الحديث .. والغراب الأبقع فيه بقعة بيضاء .. وليس هو الأسود القاتم كماذكر ذلك المفسرون.. واعلم أن هذه المعلومة لاتغيب عن أذهان الكثير ..

تحياتي..