المساعد الشخصي الرقمي

مشاهدة النسخة كاملة : وين اهل النيسان النشاما؟؟؟؟؟؟؟؟؟


البيـرق
21/07/2006, 08:47 PM
السلام عليكم ورحمة الله وبركاته

مساكم الله بالخير اعضاء وزوار مكشات واهل الخبرة في النيسان النشاما.................

نويت اغير موتري جيب لاند وودي اجرب النيسان الباترول الربع

ولا لي خبرة سابقة فيه وش رايكم بالموتر عزمه ونشاطه........

وصرفيته ورساوته وراحته وعيوبه بالنسبة لموديل 2005.........

وهل فيه فل كامل بالربع واقيامه..........

كثرت الاسئلة بس والله ماودي اخذ شي واندم عليه

وقلت مالي الا اللـــــــــــــــه ثم مكشــــــــــــات

اخوكم البيـرق................
الدبل الثقيل
21/07/2006, 11:05 PM
والله ياخوك مافي مثل التجربه . لوتسوقه مسافه قصيره .. حتاخذ فكره ونظره عنه سواء بالاعجاب اوغيره...
ابوالجازي
21/07/2006, 11:14 PM
السلام عليكم



هلا بك يالبيرق انا اقول لو تمر شركات التأجير اللي عندهم ربع سفاري وتستاجره وتجربه يوم كامل وشف رايك انت فيه

لكن حسب كلام الناس اذا هو 4800 فهو قمه بالنشاط اما السعر مالي علم
ابو ناصر2020
22/07/2006, 06:06 AM
بنسبه للباترول انا ناوي باترول يا2005او2006 بنسبه لسعر الفل كامل ربع 103الف حسب كلم الوكالة امس
وبنسباه للباترول خيالللللللللللللللل
عابد
22/07/2006, 07:29 AM
اخوي البيرق
السلام عليكم ورحمة الله وبركاته

بالنسبة للربع ماعندي خلفية كاملة عنه
لكن الأربع أبواب أنا عندي سفاري 4800 vtc يعني النوع الوسط من حيث المزايا بصراحة السيارة ماشاء الله عليها خاصة في الرمل وصرفية البنزين تصرف مثل اللاند تقريباً والرحاة إذا انت بتاخذ فل كامل فهو مريح لأن أسياته تختلف عن اللي عندي وقطع غياره أرخص من قطع اللاند بشوي .
اخوي البيرق
إذا ودك تجرب الموتر تراه حلالك
اخوك عابد
هاوي الله
22/07/2006, 07:47 AM
طيب وش رايك في البرادو باب واحد فل ابشن ؟ أنا أتوقع بيعجبك *
البيـرق
22/07/2006, 11:26 AM
اخوي الدبل الثقيل معك حق بس ما اظن نص ساعة تكفي لكل شي

من مسك خط ووووو...........

اخوي ابو الجازي والله صادق بس ماتلقا ربع جديد عندهم ............

اخوي ابو ناصر مشكور.........

اخوي ابو عابد ياجعلك سالم ياخلفهم............ماتقصر يالذيب............

اخوي فتى البران البرادو الربع جيد بس ماله قطع غيار بالسعودية

وبعدين نادر جدا عندنا لدرجة ان الواحد بينعرف ان مر مع الشارع الفلاني وهكذا.......

مشكورين وما قصرتوا يالذيابه اخوكم البيرق...........
باترول 4×4
22/07/2006, 05:38 PM
هلا با خوي البيرق
بالنسبة للموتر تراه عز الخوي على ما قالوا ولكن مشكلته في شيئ من الرساوة اذا كان فيه هواء لكن يخف إذا ركبت كفرات عريضة ، ولعل هذا الرابط يفيدك واذا فيه شيئ ثاني أبشر بالخير .
http://www.mekshat.com/vb/showthread.php?t=51886
abduallah
22/07/2006, 05:39 PM
السلام عليكم
اخوي البيرق بالنسبه للسفاري الربع 2005 ما يجي سوبر ولكن يجي سفاري عادي يعني بدون فتحه بدون مقياس حراره بدون اكباس بدون تخشيبه على الطاره بدون دوف لوك (هزاز) بدون جلد بدون مثبت بدون سي دي وما يجي اللا قير عايدي والجنوط انت تختار تبي جنط 17 وللا 16 ,هذا السعودي (وارد الحمراني) وهذا سعره زي ما قال اخوي ابو ناصر (103 الف) امما الخليجي ما ادري والله يمكن يجي فل
وبالنسبه للعزم فعزمه حلو جدا ولكن ليس مثل التويوتا (الكبسوله) يعني بيمشيك في الطعوس وانت مرتااااااااااااح جدا واذا انت بترهم لا تاخذ غيره
مكينته 4500 ما يجي اكثر
لو تلقى في الخليج واحد مكينته 4800 VTC فهي مجنونه جدا جدا جدا (اللي هي المكينه ) انا عندي واحد سوبر 2005 بابين وعزمه اقوى بكثييييييير من اللاند VXR
وبالنسبه للرساوه فهو ارسى بكثييييييير من الكبسوله
وصرفيته للبنزين مثله متل التويوتا اذا كان فيه فرق فهو بسيط اما زياده او نقصان
واللي تشوفه مع الناس اللي هو اكثر انتشار فهو يجي قزاز كهربائي وقفل مركزي وبخاخات وجنوطه وكفراته سلق وصداماته سود وهذا سعره (95 الف)تقريبا امما اللي تكلمنا عنه قبل شوي فهو نادر وفيه يجي سيح مرره قزاز هندل وفقل يدوي وكلبليتر (وجلد هذي الغريبه :confused: ) وهو اللي تشوفه مع الحكومه
وانت ومزاجك
اتمنى انك استفت من الرد وعذرا للاطاله
أبو أسامة
23/07/2006, 01:11 AM
لا تنسون ان الربع السفاري الفل مواصفات سعودية يكون فيه ثلاجه بس الخليجي أفضل مواصفات ببعيد
البيـرق
23/07/2006, 01:19 PM
اخوي باترول4x4 ياجلك تسلم........

اخوي عبدالله يازين هالاطالة والله تسلم ياخلفهم........

ابو اسامة مشكور على الافادة..........
خبير القنص
24/07/2006, 04:26 AM
السلام عليكم:
في قناه دبي الاولى اقامو مقارنه بين الباترول واللاند(الباترول بابين) في الطعوس والنتيجه كانت للباترول من حيث القوه والرساوه

ولكن للباترول عيب واحد هو الصرفيه عكس مواتر نيسان الباقيه التي تتمتع با قتصاد الوقود
فما بالك بباترول ربع(قوة رهيبه) توكل على الله
anas
24/07/2006, 06:15 AM
انا قاعد ادور على ربع باترول مكينته 4500سي سي ... فما رأيكم بموديل 2003 كم سعره تقريبا ؟ وهل الأسعار تنزل بالصيف مثل هذه الأوقات ؟
باترول 4×4
24/07/2006, 01:29 PM
اللي أعرف أن الجيوب يرتفع سعرها في :
بداية موسم الأمطار
بداية العطلة
في شهر الشتاء والربيع ( يعني وقت المكاشيت ) خصوصاً العطلة النصفية .
ينزل السعر في :
نهاية الربيع يعني (نهاية المكاشيت )
في وسط الدراسة
مع العلم أن الفرق ماهو كثير بالحيل ، لكن واضح .
أما الأسعار فليس عندي بها علم وأنا صار لي مدة عن المعارض .
لكن بالنسبة للجيب الربع فالله الله بالنظيف لأن أغلب زبائنه هم الشباب بعكس الجيوب الكبيرة فكثيراً ما تجدها مع صاحب عائلة .( ويبدو أن الفرق واضح في الاستعمال) .