هل تفضل الطبخ البري ام الجاهز ؟؟؟

[سلمانـ]

السلام عليكم ورحمة الله وبركاته


كما يعلم الكثير منكم ان المكشات والطلعات لاتكتمل لذتها الا بالمكوث وقت اكبر في البر اضافة الى الطبخ والنفخ بالأضافه الى تجهيز القهوه والشاي والقدوع الا ان هناك كثير من الأشخاص يرغب بأكل المطاعم الجاهز والقهوه والشاي من المنزل ومن وجهة نظري ان الطلعه بذالك تفقد متعتها ماادري كيف تفضلون طلعاتكم أنتم آرائكم محل اهتمامي

[ابو عيدان ّ]

اولا اهنيك اخوي لاختيارك موضوع(ن) منتاز ههههه
ثانيا انا حاب اقول شي عالني عل اللي هو البزران اللي يطلعون معك للبر
لا شافو تقطع الخضار ولا اللحمه قالو تلمس ؟؟ وش تحسون به يا عالم
ولا طبخت وضربو بالعشرين واكلوو اكل قالو ما استوى .. ولا طعمه موب زين
فانا عشان كذا اذا طلعت معهم اتفادى اني اسوي اييي شي خلهم يقطعون ونشوف اكلهم وش يصير
المشكله يدقون ويقولون جب معك العزبه جب القز .. واخر شي يطلع رز(ن) ناشف
وانا بصراحه افضل الاكل البري لانه اطعم ويكون حار وطعمه فيه ..

[ابورايف]

وعليكم السلام ورحمه الله وبركاته

موضوع رائع جداً

أخي العزيز

بالنسبه لما ذكرته يعتمد بشكل كبير على الوقت الذي ستقضيه في تلك الرحله

أما الشاهي والقهوه فلها نكهتها الخاصه أي بالأمكان أصلاحها خلال الرحله

شكرا لك

[سلمانـ]

فعلا يااخوان بعض الشباب وهاذي كثير تصير معي لما نروح للبر اقولهم نبي نطبخ ونفلها ثم يقولون انت اطبخ واقولهم طيب ميخالف اذا مافيكم النشمي اللي يبي يطبخ انا بكل وناسه اطبخ عادي واول مابدا اطبخ يجي واحد يوقف على راسي وانواع الازعاج لاتكثر الملح وقلل الماء ولاتسوي كذا ولاتسوي كذا وبالاخر بعد مايجهز الأكل ياكلون ويخلصون وقبل مايغسلون خذ انواع التعليقات ومع الأسف مهما كان الطعم حلو ماتسمع كلمة شكر يعني بالمختصر (مدحورا مذموم) حتى الشاهي والقهوه يشربون ويعبون بطونهم وكلن يقوم يجدع بيالته بوسط الرمل واحنا ندور ونظف وراهم وربك يعين الله يهديهم يارب

[راعي 505الدلة]

سلمانــ.. بيض الله وجهك على الموضوع الزيــن.. انا صراحه افضل الطبخ بالبر واهواه .. لينه تعاون بين الشباب وفلة حجاج
ذا يقطع وذا يصلخ وذا يزين قهوة .. ااايدها وبقووووة لين الاخويا نشامااا
اما هذولا الخويا اللي تتكلم عنهم مغير استهزاء وذم((لعنبـــــــــــوتس خوة)) اجلس في البيت ابرك لك^_^

[Al3rands]

فعلا فيه نوعيه من الناس ما عنده الا الانتقاد بس يا حلاة البر ولا كن الغثيث خله ببيته

[جمس z71]

ا

شكرك اخوي الغالي على الموضوع الرائع

اذا كانت الطلعة لوقت طويل او على الاقل كافي للطبخ ومن ثم الجلسة والسواليف فلا بأس ان تطبخ

لكن اذا كانت الطلعة خفافية فالجاهز اريح

مع اني محب ومؤيد لطبخ البر وبقوة

[هبوب الشمااال]

انا مع اخووي ابو راايف

[سلمانـ]

بيض الله وجيهكم جميعا اسعدتونا بمشاركاتكم ومنورين يالغالين والله يشهد ماطرحت مثل هالموضيع الا لجمع الرجال الطيبين وسوالفهم وتحريك الركود بالمنتدى لان الفتره الحاليه الأقبال قليل ومافي مواضيع جديده وماتعودنا على مكشات الا كل جديد بأستمرار ومناقشة مثل هالمواضيع اتوقع انه شي ممتع خاصه واحنا مقبلين على الشتاء وشبة النار والعلوم الطيبه

[تمنيتك لي]

آكككيد منت طآلع للبر الآ أنت مطووول

وأفضل آلطبخ بآلبر

[سلمانـ]

فعلا طبخ البر له نكهه مختلفه بصراحه لايقاوم

[سارح 15]

اكيد طبخ البر له نكهه خاصه

[البارود505]

طبخ البر :good:

[ابو حمود 511]

فعلا يااخوان بعض الشباب وهاذي كثير تصير معي لما نروح للبر اقولهم نبي نطبخ ونفلها ثم يقولون انت اطبخ واقولهم طيب ميخالف اذا مافيكم النشمي اللي يبي يطبخ انا بكل وناسه اطبخ عادي واول مابدا اطبخ يجي واحد يوقف على راسي وانواع الازعاج لاتكثر الملح وقلل الماء ولاتسوي كذا ولاتسوي كذا وبالاخر بعد مايجهز الأكل ياكلون ويخلصون وقبل مايغسلون خذ انواع التعليقات ومع الأسف مهما كان الطعم حلو ماتسمع كلمة شكر يعني بالمختصر (مدحورا مذموم) حتى الشاهي والقهوه يشربون ويعبون بطونهم وكلن يقوم يجدع بيالته بوسط الرمل واحنا ندور ونظف وراهم وربك يعين الله يهديهم يارب

والله انك صدق اخوي سلمانـ :good2::good2::good2::good2::good2:

[الشقردي 205]

حلاة البر بـ شقاه ..


إخوي لازم تتوفر بعض الامور عشان الطلعه تكون لها طعم وجو ..


وانا اكيد افضل الطبخ بالبر له طعم ..


ما تستانس إذا كان كل شي جاهز ..

[سلمانـ]

اي والله صدقت حلات البر بشقاه

[أبوسليمان السهر]

موضوع رائع بحق
بالنسبة لي أن الدعوة على الربع الي معك
بعضهم شقردي وبعضهم لا والله ماعنده سالفة
وماودك أنه يطلع معك ،
ولا أنا ودي أطبخ في كل طلعة لكن ما باليد حيلة.

[نوال اخت نوف]

حلات الطلعه بطبخها