كيفية سواقة الاكسبديشن في البر

[سحايب صيف]

السلام عليكم ورحمة الله وبركاتة


حبايب


طبعا قبل ما تدخل البر


تعشق الدبل


وتفصل المانع للزحف


وتتوكل على الله


قابلت شباب


كل واحد يقولي رائي


ولا سرت اعرف وش السواه


اختلافهم في الزر اللي في القير


واحد يقولي استخدمه قبل ما تدخل البر ممتاز والسياره تصير تمام وعزمها يظبط معاك


والثاني يقولي ابد مو صحيح


الزر اللي في القير هذا حق اذا حملت السيارة عفش كثير او ساحب لك قلص وراء سيارتك


يخلي القير ما يبدل نمر بسرعه


وفي التهدئة يرجع نمر عشان يثبت لك السيارة


وواحد ثالث يقول لا تسوي شي بس اشبك الدبل


وافصل المانع للزحف


وحط القير على النمرة 3


وخش البر



طبعا انا اتكلم ع اكسبديشن 2012



انا من يومي اطلع البر


لكن لما قالوا لي السواليف هذي


من جد شككوني في نفسي وحسيت اني ما اعرف اسوق


وش رايكم يا شباب

[m3ax]

ولا تسوي شي اخوي

نسم هوى توايرك الى 25 او 20 وافصل مانع الانزلاق وامش عادي هذا اذا انت بس داخل البر لكن اذا تطعيس عشق القير على D2 عشان يقعد القيد محكور في الثاني ولا يبدل ويضعف عزمه

D1 يعني كأنك حاط الفي في الاول ولا راح يعشق ابد

D2 كأنك حاط القير في الثاني

D3 كأنك حاط القير في الثالث


اذا بتدخل منطقة غراز او بتطعس شغل الدبل الخفيف واذا داخل منطقه غرازها خفيف امش عادي وانت عليك التقدير هل تحتاج دبل او لا

الدبل الثقيل تستخدمه في حال انك غرزت فقط والافضل ما تشبكه الا وانت منسم التواير زين

نصيحه لك اخوي لا تستخدم الدبل الاوتو لانه يقعد يفصل ويشبك ويمكن يسبب لك مشاكل مع الوقت واداءه مو ذاك الزود

جعل ربي يهنيك في موترك ان شاء الله

[سحايب صيف]

الله يجزاك خير

وبيض الله وجهك

[فتى الرابيه]

بسم الله والحمدلله والصلاة والسلام على رسول الله
اخواني السلام عليكم
اود استفسر عن الاكسبديشن 2009 و2010 الدبل قير سألت بعض الاخوه وقالوا فيه طقه بالقير واتصلت بصديق عنده 2009 واكد هذا الكلام فياأخوه افيدوني عن هذه المشكله سمعتوا فيها ام صادفت بعض الاشخاص
جزاكم الله خير -- تحياتي

[m3ax]

بسم الله والحمدلله والصلاة والسلام على رسول الله
اخواني السلام عليكم
اود استفسر عن الاكسبديشن 2009 و2010 الدبل قير سألت بعض الاخوه وقالوا فيه طقه بالقير واتصلت بصديق عنده 2009 واكد هذا الكلام فياأخوه افيدوني عن هذه المشكله سمعتوا فيها ام صادفت بعض الاشخاص
جزاكم الله خير -- تحياتي

الطقه موجوده حتى في الاكسبلورر وهي تقريباً مثل ما تقول نتعه مو طقه وعاديه جدا موتري له سنتين ونص من شريته وموديله 2006 وماشي حدود 205 الف ولا اثرت عليه نهائياً

[نواف 94]

1_ افصل الفيوز حق مانع الانزلاق
2-نسم الكفر الى 20 او انك تعد من 1-70
3- اذا جيت طعس حطه في D2 وامش واشبك الدبل الخفيف
ملاحظات اذا لفيت الدركسون الى الاخير بتسمع صوت للعكوس
وبنسبه للسياره مشاء الله تبارك الله حتى وهي بدون دبل اهم شي نسم