المساعد الشخصي الرقمي

مشاهدة النسخة كاملة : Chevy vs. Ford HD Truck



بدوي جنوبي
11/09/2012, 07:13 PM
السلام عليكم
أترككم مع المقطعين :

TKMQjm7i2Jw

rtQI72Y1HXY

كثير السؤال
11/09/2012, 07:56 PM
مواتر مايصلحن للكد الشاص وبس

ذيب زلفاوي
11/09/2012, 08:28 PM
مواتر مايصلحن للكد الشاص وبس

للاسف مخك معلق على الشاص :)

عكس التيار
11/09/2012, 09:08 PM
الفورد احلى مافيه دفرنسات

ولد اعنيزة
11/09/2012, 11:46 PM
كان نبهتنا ان المقطع به موسيقى

الله يهديك

قناص الأشهب
12/09/2012, 02:05 AM
السيارات الياباني تفوقت عليهم في الصبر والقوة والجلادة
ويميز الأمريكي قوة مكينتة والراحة أما كمواتر دفع رباعي فالياباني أفضل بمراحل

يزيد 999
12/09/2012, 03:55 PM
السيارات الياباني تفوقت عليهم في الصبر والقوة والجلادة
ويميز الأمريكي قوة مكينتة والراحة أما كمواتر دفع رباعي فالياباني أفضل بمراحل

طيب أنت شملت كل الأمريكي جب لي موتر ياباني يتفوق على الهمرh1 او الرابتر;)

قناص الأشهب
12/09/2012, 07:17 PM
طيب أنت شملت كل الأمريكي جب لي موتر ياباني يتفوق على الهمرh1 او الرابتر;)

أنا ما شملت كل الأمريكي وكلامي موضح على الدفع الرباعي
أما بخصوص الهمر والرابتر اللي ذكرتها فهي سيار ذات أختصاص عسكري ولا أعتقد أن اليابانيين تخصصوا في هذا المجال ولاتنسى أن كلامي ليس بأحتقار للأمريكي وسبق وأن أمتلكت بليز قديم موديل 80 وكان قمة في القوة وجبار .... نرجع ونقول
بالنسبة للمواتر التي يستخدمها الناس التي الغرض منها ( عائلية و موتر بر و موتر سفر وموتر مدينة )
فلا أعتقد أن الأمريكي يضاهيها في جمع هذي الميزات بشكل نسبي ( القوة مع الأقتصاد في الصرفية من وقود وقطع غيار مع الأعتمادية مع سهولة الأصلاح ) تذكر أني ذكرت كلمة ( مع ) وليس ( و )
صحيح أن الياباني أصبح غالي ولا يستاهل قيمته الحالية ولكن هذا لاينقصة حقة في الميزات اللي ذكرتها
للتوضيح أكثر ولاتنسى أن التجارب هي من تعطينا الدليل القاطع دائما
( لماذا اللذين يقنصون بالظلعان ويقنصون بالرملة ويذهبون لأماكن بعيدة عن المدينة مثل الربع الخالي والنفود والدهناء لايستخدمون مثلا السييرا z71 هل لأن السييرا أصغر في الحجم طبعا لا هل لأن السييرا غير مريح طبعا لا هل لأن السييرا ليس بقوي طبعا لا ولكن ونا أخوك لأنه لايعتمد علية مثل الشاص أو الاند كروزر أو البتاريل ولا أقصد أنه لايعتمد علية أطلاقا ولكن لا يرتقي لمستوى الياباني ) ولاننسى أن الفخر لمن صنعها وليس لمن أمتلكها
هذي وجهت نظري قابلة للخطأ

يزيد 999
12/09/2012, 11:37 PM
بالنسبة لكلامك عن الهمر انتج من عام 92 الى 98 نسخة للمدنيين تحوي كل المواصفات من ناحية قوة وراحة وفخامة وتقنية أما الرابتر ماله دخل بالعسكرية هو موتر مدني 100% وفيه مميزات مثل القوة والفخامة والتقنيه والراحة والشكل والاعتمادية يعني تخيل موتر بهالمواصفات +المساعدات ضمان مدى الحياة أكيد انه تفوق على المواتر اليابانية وهو موتر مثل باقي المواتر ولا تحسب اني محتقر الياباني أنا كان معي سلقه 97 وهذاي أدور مثله كان تخبرلي ومثل ماقلتلك من نزل الرابتر والياباني ماله كلمة

قناص الأشهب
12/09/2012, 11:54 PM
ورينا الرابتر المعذرة ما عرفته لو عندك مقطع او على الأقل صور بمواصفاتة

Ra3e
13/09/2012, 12:05 AM
أنا ما شملت كل الأمريكي وكلامي موضح على الدفع الرباعي
أما بخصوص الهمر والرابتر اللي ذكرتها فهي سيار ذات أختصاص عسكري ولا أعتقد أن اليابانيين تخصصوا في هذا المجال ولاتنسى أن كلامي ليس بأحتقار للأمريكي وسبق وأن أمتلكت بليز قديم موديل 80 وكان قمة في القوة وجبار .... نرجع ونقول
بالنسبة للمواتر التي يستخدمها الناس التي الغرض منها ( عائلية و موتر بر و موتر سفر وموتر مدينة )
فلا أعتقد أن الأمريكي يضاهيها في جمع هذي الميزات بشكل نسبي ( القوة مع الأقتصاد في الصرفية من وقود وقطع غيار مع الأعتمادية مع سهولة الأصلاح ) تذكر أني ذكرت كلمة ( مع ) وليس ( و )
صحيح أن الياباني أصبح غالي ولا يستاهل قيمته الحالية ولكن هذا لاينقصة حقة في الميزات اللي ذكرتها
للتوضيح أكثر ولاتنسى أن التجارب هي من تعطينا الدليل القاطع دائما
( لماذا اللذين يقنصون بالظلعان ويقنصون بالرملة ويذهبون لأماكن بعيدة عن المدينة مثل الربع الخالي والنفود والدهناء لايستخدمون مثلا السييرا z71 هل لأن السييرا أصغر في الحجم طبعا لا هل لأن السييرا غير مريح طبعا لا هل لأن السييرا ليس بقوي طبعا لا ولكن ونا أخوك لأنه لايعتمد علية مثل الشاص أو الاند كروزر أو البتاريل ولا أقصد أنه لايعتمد علية أطلاقا ولكن لا يرتقي لمستوى الياباني ) ولاننسى أن الفخر لمن صنعها وليس لمن أمتلكها
هذي وجهت نظري قابلة للخطأ


اجل الرابتر استخدام عسكري ؟؟

ليتك رقدت قبل ماتكتب هالتعليق :) وخل المواتر الامريكيه لاهلها وخلك على شاصك ولاندكروزك وانتبه لايعلق المثبت عليك ^^

يزيد 999
13/09/2012, 03:52 AM
سم هذا مقطع له (الرجاء خفض الصوت توجد موسيقى)
Tsnx3273FtA




http://www.me.ford.com/ar/sau/trucks/f-150/models/svt-raptor
وهذي المواصفات

bader7787
13/09/2012, 05:17 AM
كلكم اتفقتو عليه شف كم اقيامها :D

الشئ الثاني هو يتكلم عن الصبر مب القوه وانا اشوف الياباني الاولات اصبر مواتر

aser_560
13/09/2012, 05:34 AM
مشكككككككورين

Bader-M
13/09/2012, 11:57 AM
من الخطاء مقارنة هذا السيارات ب شاص
اقرب سيارة يابانية له
هو تيتان من نيسان
وتاندرا من تويوتا

الفورد لا يزال متصدر بهذا النوعية من السيارات

ملك الفكتوريا
13/09/2012, 12:03 PM
للاسف تسويق فورد عندنا خايس

الرابتر الاقوى في فئته والافضل وسعره فيه حول 200 الف

والماردور وجهية ماركيز وخلفية فكتوريا

واقوى من الكورفيت يقوم عليها



لكن للاسف التوسيق سيئ

Ra3e
13/09/2012, 12:51 PM
من الخطاء مقارنة هذا السيارات ب شاص
اقرب سيارة يابانية له
هو تيتان من نيسان
وتاندرا من تويوتا

الفورد لا يزال متصدر بهذا النوعية من السيارات
التاندرا والتيتان طال عمرك ينافسن هالمواتر ذي سييرا + فورد لاكن ماينافس الرابتر الا الهمر ,, والهمر معروف استخدامه عسكري

اما الشاص ينافس الدينات ,, :D

قناص الأشهب
13/09/2012, 03:02 PM
سم هذا مقطع له (الرجاء خفض الصوت توجد موسيقى)
Tsnx3273FtA




http://www.me.ford.com/ar/sau/trucks/f-150/models/svt-raptor
وهذي المواصفات

مشاء الله موتر مسكت ومواصفات مقنعه ألى أبعد حد
ولكن كان كلامي على المواتر اللي متعارف عليها
ولا ينقص الرابتر حقة لأنه على حسب كلامك أنة جديد يعني ليس من المواتر القديمة وذا نزل السوق وأثبت جدارتة اللي أنا واثق منها راح نرفع لة الراية
كلام مقنع وموزون وكنت أحسب الرابتر عسكري لأنك ذكرتة مع الهمر وراح في بالي موتر يجي دفع سداسي وهو عسكري ولا يحضرني أسمة
علا العموم هل أنت مقتنع بالكلام اللي ذكرتة في ردي الأول أو لا
تشرفت بمناقشتك

قناص الأشهب
13/09/2012, 03:10 PM
اجل الرابتر استخدام عسكري ؟؟

ليتك رقدت قبل ماتكتب هالتعليق :) وخل المواتر الامريكيه لاهلها وخلك على شاصك ولاندكروزك وانتبه لايعلق المثبت عليك ^^

أخوي Ra3e وش أرقد أو ماترقد ياخوك هذا مو أسلوب تقابل فيه الرجال المواتر اللي نتكلم عنها لم أصنعها لا أنا ولا أنت علشان الواحد يتكلم بهذا الأسلوب
الرابتر كنت أجهله وأحسبة عسكري لأنه ذكرة الأخ يزيد مع الهمر والأمر بسيط قلي أنت غلطان ليس عسكري
وبعدين المواتر الأمريكية أمتلكت منها الدبل والسيدان كلها كفو وكلامي عن نقاط معينة ووذكرتها بين الأقواس في ردي الأول
وشوف رد الأخ يزيد يوم عرف اني غلطان جاب المقاطع والمواصفات وقال سم
على العموم الله يهديني ويهديك

السناعيس .f16
13/09/2012, 03:20 PM
مواتر مايصلحن للكد الشاص وبس
:good2::good2::good2::good2::good2::good2::good2:: good2::good2::good2::good2::good2::good2::good2:
بس متاء يحصلي

Ra3e
13/09/2012, 03:32 PM
أخوي Ra3e وش أرقد أو ماترقد ياخوك هذا مو أسلوب تقابل فيه الرجال المواتر اللي نتكلم عنها لم أصنعها لا أنا ولا أنت علشان الواحد يتكلم بهذا الأسلوب
الرابتر كنت أجهله وأحسبة عسكري لأنه ذكرة الأخ يزيد مع الهمر والأمر بسيط قلي أنت غلطان ليس عسكري
وبعدين المواتر الأمريكية أمتلكت منها الدبل والسيدان كلها كفو وكلامي عن نقاط معينة ووذكرتها بين الأقواس في ردي الأول
وشوف رد الأخ يزيد يوم عرف اني غلطان جاب المقاطع والمواصفات وقال سم
على العموم الله يهديني ويهديك

اخي العزيز قناص اعتذر لك عن الكلمه وهات راسك ابوسه لك ياشيخ :D

ولاكن انت هاجمت المواتر الامريكيه وكانه لاتبيض وجهك ابد لا بضلوع ولا بمقانيص يعني حطيتها ولا شي قدام الشاص وهاذا الي خلاني اهاجمك باسلوب جفس $:

اكرر اعتذاري لك وللجميع ,,

Ra3e
13/09/2012, 03:34 PM
مشاء الله موتر مسكت ومواصفات مقنعه ألى أبعد حد
ولكن كان كلامي على المواتر اللي متعارف عليها
ولا ينقص الرابتر حقة لأنه على حسب كلامك أنة جديد يعني ليس من المواتر القديمة وذا نزل السوق وأثبت جدارتة اللي أنا واثق منها راح نرفع لة الراية
كلام مقنع وموزون وكنت أحسب الرابتر عسكري لأنك ذكرتة مع الهمر وراح في بالي موتر يجي دفع سداسي وهو عسكري ولا يحضرني أسمة
علا العموم هل أنت مقتنع بالكلام اللي ذكرتة في ردي الأول أو لا
تشرفت بمناقشتك

والله مقتنع بنص الكلام لن السييرا والفورد العادي ماش مهب زي الشاص بالرمله :)

لاكن اذا وصلنا للرابتر فخل الشاص ياحبيلك يسترييح بالكراج ,,

قناص الأشهب
13/09/2012, 05:31 PM
اخي العزيز قناص اعتذر لك عن الكلمه وهات راسك ابوسه لك ياشيخ :D

ولاكن انت هاجمت المواتر الامريكيه وكانه لاتبيض وجهك ابد لا بضلوع ولا بمقانيص يعني حطيتها ولا شي قدام الشاص وهاذا الي خلاني اهاجمك باسلوب جفس $:

اكرر اعتذاري لك وللجميع ,,

ماحصل الا خير والعذر مقبول ولاتنسى تسامحنا
ولكن انا ماهاجمتها وكل كلامي على المواتر اللي نعرفها من اول وكل كلامي قلتة أكرر فية الفرق بشكل نسبي يعني ليس بالفارق الكبير
العذر من الله ثم منكم

يزيد 999
14/09/2012, 02:56 AM
شف يا أخوي قناص وانا ابتكلم من خلال تجربة شخصيه لي قبل 7 سنوات كان عندنا جمس 454 موديل 95 دبل وكان عندي كذا موتر قديم بس بدون دبل لكن ابكلمك عن الجمس 95 من ناحية القوة ماكد شفت مثله والخرابات مااذكر خرب الا اشياء بسيطه والراحه لايعلى عليه طبعا المهم الوالد شرى جمس جديد هاك الوقت وصار هذا واقف صرنا ناخذه انا واخواني كل جمعه ونطلع بالنفود وربي شاهد علي انه كان يرقى مع اماكن ماترقاه الهايلكسات والربوع مع انه سوبر 2500hd وراكبين فيه ثمان الا انه ماكد وقف ماشاء الله ودايم اذا لقينا احد مغرز نسحبه المهم بعناه وبعد مااخذت كم موتر دخل براسي الباترول وشريته باب واحد 97 مخزن ماشي 160000 المهم وانا مستانس ويبدى عمنا يدخن واذا طولت بالوقفه ترتفع الحرارة وانت تمشي فيه صوت حنه بالدفرنس والقير +تفكك داخلي وخارجي العزم ميت الا الددسن 84 تطلع علي وبعض الاحيان اذا جيت وطفيته ترج المكينه تقل وده تشتغل مره ثانيه صلحت كل اللي فيه مره وحده لاكن رجعن خربن وهي الحرارة والتفكك والدخان نجي للنفود الممشى حلو بالنفود بس يبلك تاخذعزم من بعيد اذا جيت ترقى لك طلعه اما بالنسبه للراحة فحنا ماغير مناقز وجيت ابسحب لي واحد واحاول واعجز اخر شي سحبته وتطلع لي ريحة حراق وبعد فترة الكلتش ودع واروح واغيره وتطلع لي علبة الدركسون خربانه واغيره وتخرب مره ثانيه الصراحة مانفعن الا بمعرفت مكشات ورجالته مثلك وشرواك كذلك عرفت بالسيارات اشياء كثيره مكانيكا وكهرباء وايضا افضل الورش واسوءها وانه مسك سعره عند البيع

أما الحين فالصراحة أبو تييخ مكفين وزيادة.

rpk
14/09/2012, 04:15 AM
كلام ما راح ينتهي ولا احد راح احد يقتنع فراح اتفرج احسن (اضحك)

bader7787
14/09/2012, 05:42 AM
هذا همر اليابان واكيد عندهم رابتر :D

في نسخه مدنيه ونسخه عسكريه يباع في اليابان فقط

http://en.wikipedia.org/wiki/Toyota_Mega_Cruiser




http://upload.wikimedia.org/wikipedia/commons/4/45/JGSDF_Koukidousha_%28TOYOTA%29_1.jpg


http://upload.wikimedia.org/wikipedia/commons/4/4b/JGSDF_Koukidousha_%28TOYOTA%29_10.jpg


النسخه المدنيه :D
http://upload.wikimedia.org/wikipedia/commons/4/4e/Toyota_Mega_Cruiser.jpg


160 حصان 380 تورك على 1800 دورة

http://upload.wikimedia.org/wikipedia/commons/5/5e/JGSDF_120mm_mortar_RT.JPG




gXAsGazrTDA




Uu5I8sJpiEk



طبعا مالنا فخر لاصنعناها ولا اخترعناه نعطيهم مواد خام وهم يصنعون :good:

بدوي جنوبي
14/09/2012, 03:05 PM
أعتذر عن عدم التنبيه بوجود موسيقى .


انا والله أشك في المقطع الاول
احس انهم يسوقون للشفر ويحاولو يطلعوا عيوب الفورد
لانى ما أعتقد ان الشركة تفوت أختبار قوة الهيكل وتحمله لمختلف التضاريس

لاحظت ان أغلب مقاطعهم يمجدو الشفر .

يكقى ان محرك الفورد تريتون 8 سلندر v3
لكل بستم 3 بلوف

وهذا موضوع عن الرابتر
يا محبي الفورد هل تعلم ان محرك ال Ford F-150 SVT Raptor (http://www.mekshat.com/vb/showthread.php?t=363699)

يزيد 999
14/09/2012, 04:01 PM
[QUOTE=بدوي جنوبي;8715544]انا والله أشك في المقطع الاول
احس انهم يسوقون للشفر ويحاولو يطلعوا عيوب الفورد
لانى ما أعتقد ان الشركة تفوت أختبار قوة الهيكل وتحمله لمختلف التضاريس


لاحظت ان أغلب مقاطعهم يمجدو الشفر .
بالفعل لاحظ وين مسوين الاختبار بشركة جي ام طبيعي انهم راح يلمعون بالجمس ويسبون بالفورد واي واحد اتناقش معي يرسلي هالمقطع ويقولي معتمد!! من اللي اعتمده جي ام نفسه الفتره هذي ماودك تصدق الا اللي تشوفه على الطبيعة

rpk
14/09/2012, 11:24 PM
المقطع الاول من انتاج جنرال موتورز والثاني من انتاج فورد والي خدم الجمس في المقطع الاول هو الفليور بس مهب معناه ان نظام جيد لاني ضده في 2500 لان فورد نظام تعليق امامي صلب يعني زي الباترول والشاص

بدوي جنوبي
15/09/2012, 10:00 PM
[QUOTE=بدوي جنوبي;8715544]انا والله أشك في المقطع الاول
احس انهم يسوقون للشفر ويحاولو يطلعوا عيوب الفورد
لانى ما أعتقد ان الشركة تفوت أختبار قوة الهيكل وتحمله لمختلف التضاريس


لاحظت ان أغلب مقاطعهم يمجدو الشفر .
بالفعل لاحظ وين مسوين الاختبار بشركة جي ام طبيعي انهم راح يلمعون بالجمس ويسبون بالفورد واي واحد اتناقش معي يرسلي هالمقطع ويقولي معتمد!! من اللي اعتمده جي ام نفسه الفتره هذي ماودك تصدق الا اللي تشوفه على الطبيعة



لو تلاحظ القناة اللى في اليوتيوب منزله مقطع للشفر وللفرود
واسم القناة كار داتا فديو ،،،،
وانا منقهر ليه يشوهو صورة الفورد
وكل السيارتين غنية عن التعريف بقوتها

أثاريهم متعصبين مثلنا :D



المقطع الاول من انتاج جنرال موتورز والثاني من انتاج فورد والي خدم الجمس في المقطع الاول هو الفليور بس مهب معناه ان نظام جيد لاني ضده في 2500 لان فورد نظام تعليق امامي صلب يعني زي الباترول والشاص

تقصد فليور بالتعليق الخلفى ؟

rpk
16/09/2012, 09:37 AM
لا في الامام