المساعد الشخصي الرقمي

مشاهدة النسخة كاملة : بطارية باناسونيك!!! 80D26L والسيارة ديزل!!!



هلي ديزل
12/09/2012, 12:33 AM
السلام عليكم ورحمة الله وبركاته
اخواني معي هايلكس ديزل وفضت بطاريته اليوم ورحت للبنشري وقلت له ابي بطارية 80 امبير
وقفة:(وش رايكم ؟؟ الاحسن مويه وﻻ الكترونيه لان البنشري يسب المويه ويقول تحوس الكبوت وتوصخه)
نكمل:
قال عندي ايسيديلكو و بناسونيك
قلت بكم باناسونيك
قال 420 وكاسرته الى 370مع الرجيع طبعا
قلت اكيد 80 امبير
قال متاكد وشف / 80D26L <<هذي تصير مختومة فوق البطارية
قلت توكلنا على الله
وركبها وعطان دفتر ضمان وفاتورة "طبعا ماكتب السيريال نمبر وﻻ شي لا على الفاتورة وﻻ على دفتر الضمان"
قلت ليش ماكتبته ؟
قال ما عليك هم يعرفون!!
"الى الان انا متحمله لاني مضطر له"
قلت مافيه مشكله ركبت السيارة وتوكلت على الله
يوم رجعت البيت شفت اوراق الضمان مكتوب فيها انه ﻻيشمل السيارات التي تعمل بالديزل!!
وفوق كذا جلست اناظر البطارية ولقيت مكتوب عليها 65AH وبحثت في النت واكتشفت ان الرقم 80D26L مجرد رمز للبطارية وﻻ يدل على عدد الامبيرات والصحيح انها كما هو مكتوب عليها 65AH
يعني طلعت 65 امبير!!
ف وش رايكم وش اسوي انا الآن؟؟(الغريب ان اليمني كتب نوع السيارة هايلكس "ديزل على كرت الضمان ") !!!!
اتهاوش مع اليمني الحرامي وارجعه ولا وش اسوي بالضبط؟؟
انا كتبت الموضوع لاستشيركم قبل لاسوي اي شي فاتمنى محد يطلع اﻻ وهو كاتب وش بيسوي لو هو مكاني&&&
والسلام عليكم ورحمة الله وبركاته،،،

abo aryam
12/09/2012, 05:26 AM
السلام عليكم
اخوي فيه مثل يقول (ما كان شرط كان سلامة) رجعها له وخذ دراهمك ما دام انها طلعت 65 انبير وما عليك منه لأنكم تشارطتم على القيمة والمواصفات واختلفت ,ولا تجيب طاري الضمان . تحياتي للجميع,,,

Bader-M
12/09/2012, 10:04 AM
80D26L

صحيح هذا 65 امبير

ولكن لمعرفة رقم البطارية المناسبة لسيارتك ارجع للكتلوج
لانني اعتقد ان 80 امبير كبيرة شوي

موفق

ذيب زلفاوي
12/09/2012, 12:25 PM
80 بتعدم الكهرب اعتقد الي عطاك ممتازه لموترك

وبل نجد
12/09/2012, 01:02 PM
لاتعدم كهرب ولاشي
انا مركب ام 80 امبير ع هايلوكس ديزل 2002
ولافيه اي ضررر منها وعلى فكره الديزل لا ضعفت بطاريته بالامكان انك تركبها ع سياره بتزين وتشغلها زي الحلاوه لان مكينة الديزل تحتاج كهرب قوي عشان تدور
اما البنزين فخفيفه وتشتغل بسرعه
وكلامي هذا من تجربه ولليس من فرااغ

اما اليمني ارجع له ورجع بطاريتك غصب عنه وهدده بالشرطه ولا تسلمه الفاتوره ولاتجيب طاري الضمان لانه راح يقلب السالفه عليك

هلي ديزل
12/09/2012, 02:20 PM
يعطيكم الف عافية يالغالين ،،،
ابروح له اليوم ان شاء الله ،
وقلنا خل نجرب مكافحة الغش التجاري وكلمتهم قبل شوي
وعطون رقم بﻻغ وقال يبي يتصل بك المراقب باقرب وقت،،

عريدان
12/09/2012, 02:32 PM
وين موقعك هل انت بالرياض؟

هلي ديزل
12/09/2012, 02:50 PM
^^^^^^^^^^^^^^^^^^^
ايه نعم من الرياض

ابوسند9
12/09/2012, 09:42 PM
اخوي
المفروض ركبت اكبر من 80 امبير لان الديزل يحتاج اكبر قدر من الكهرباء ولو كانت 200 امبير ما عندك مشكله
بعدين وكيله موجود في اخر شارع الريل وانت متجه غرب على يدك اليمين
وانا قبل ست شهور اخذ من الوكيل مقاس 105 امبير تعطي 95 امبير ب 400 ريال
لذا انت ارجع للمحل اللي ركب لك البطاريه ورجعها عليه واذا ما رضي جرب مر على الوكيل وشوف ايش يقول
واللى عندك وزارة التجاره قضيتك محسومه

وطن العزة
14/09/2012, 06:15 AM
ارجع له وخذ دراهمك

65 قلية على الديزل