سيارتي جديدة أشغل المكيف ولا لا ؟؟؟

[طخيمان]

^
^
^
^
^
^
^
^
^

ما شاء الله تبارك الله
^
^
^
^
يالربع عندي واحد من الشباب توه شاري سيارة سوناتا هيونداي ويبي يطلعها من المعرض بعد كم يوم ان شاء الله ووده يسأل هل عادي انه يشغل المكيف ولا يصبر وما يشغله (الله يعينه)
ونبي منكم الرد تكفون ومشكورين

[ابو مرهش]

السلام عليكم

المكيف عادي يشغله ومافيه مضره على السياره انشاء الله حتى السواقه والسرعه يسوق سواقته العاديه بس لا يسرع فيها كثير مع اني انا ماعمري مرنت سياره ولا احد من الي اعرفهم مرن سياره ويالله لك الحمد ماعمرنا اشتكينا من شي

[طخيمان]

مشكور يا ابو مرهش وننتظر باقي الأعضاء

[باترول 4×4]

حسب معرفتي والأفضل لعمر السيارة أن السرعة ماتتجاوز 100 كم حتى يتعدى 1000كم ثم بعدين يمشي مثل مايبي بعد فحص ال1000 كم عند الوكالة وتغيير الزيت ، أما المكيف فلا يضر تشغيله .
وبعض الناس يقول أن هذه الطريقة خاصة في السيارات بعد التوضيب فقط أما الجديدة فلا .
لكن أنا مع الرأي الأول وقد فعلته في سيارتي وبعتها بعد 6 سنوات كما هي جديدة .

[ساري15]

الله يعطيه خيرها ويكفيه شرها

لكن يقرا دليل السيارة اللي معها

واللي اعرفه انك لاتعديها الميه كيلو مهما كان حتى تمشي بها 1000 كم ....



لأنه لو ما أثر عايها الحين او بعد سنه او سنتين راح تبين الآثار بعد مده وانت تبيعها ويبتلش بها آدمي ثاني والله يعينه ...

هذا حسب معرفتي ... والله اعلم

وننتظر باقي الاخواااااان

[غالي]

يسأل الوكاله افضل شيء له وأمن له
لان السيارات الجديده يمكن بدت من عام 2000 فيها سيارات عادي تشغل المكيف وفيه سيارات لا تختلف
فا ماله الا يسأل الوكاله هذا رايي

[البيـــــراوي]

انا الي اخبره انه مايتشغلون المكيف الا بعد الف كيلو والسرعه مايتعدا 100 الين يصك الالف
بس الي اتوقعه انه ماعليه ضرر لو شغله بعدين الصراحه حر الياض مايستحمل
وشكرا

[طخيمان]

مشكورين على الردود يا شباب وبالنسبة لسؤال الوكالة هذي والله مشكله لأن وكالاتنا هنا ما عندك أحد ما يطلعون
لكن أبي أقول له يحاول ومشكورين وما قصرتوا

[طخيمان]

للرفع للفائدة

[جماز]

الأفضل للسيارة أن ينتظر حتى تمشي 1000 كم خصوصاً أن السيارة صناعة كورية.

[القصبي]

اقول يرجال شريت هوندا اكورد 2004 توني مطلعها من المعرض سافر بها اخوي لمكة على طول وشغال المكيف ومشى 160 كيلو متر مربع في الدقيقة
ولاجاها شي

[باترول 4×4]

نعم أخوي القصبي مايصير للسيارة شيء الآن ، ولكن الكلام على الأفضل للسيارة ولو بعد حين .

[طخيمان]

مشكورين على الردود وكلامك في متمه يا باترول 4×4

[ابو مرهش]

يالربع حرام عليكم بتذبحون الرجال من الحر انا طلعت سيارتي من الوكاله وسألتهم عن التمرين وقالولي عادي شغل المكيف وروح وتعال مافيها شي وبالنسبه للتمرين الي تقصدونه انه مايتعدى 100 تراه للسياره بعد التوضيب مهوب الجديده لآنها تجي مشيك عليها ومرنه بالمصنع

[طخيمان]

مشكور يا ابو مرهش غلى المشاركة بس هل أنت متأكد من كلامك وعلى ضمانتك ههههههه