يا أهل الخبرة والمشورة أبي رايكم بالباثفندر [الأرشيف]

مشاهدة النسخة كاملة : يا أهل الخبرة والمشورة أبي رايكم بالباثفندر

m666

23/07/2006, 01:45 PM

السلام عليكم
أبي أستشيركم ياشباب . أنا نويت ان شاء الله اني أشري سيارة ونويت على باثفيندر جديد 2005 علما بأني ماني راعي كرف ولاراعي بر بالحيل يعني بالعربي على خفيف وهل هو راسي بالخط ومريح ومافيه تنسيم
أرجو الرد سريعا
وين القاه جديد وبكم سعر الفل كامل أتوماتيك

الشقردي

23/07/2006, 02:57 PM

الموتر جيد مقارنة بسعره وكذلك لو ناظرت البديل (اللي حول قيمته) يأما تلقى فورد أمريكي (اكسبلور) أو الكوريات ولا أظن الباث يقارن بها
الباث موتر ياباني وله شعبيته, صحيح انه يصرف بنزين بزود زيه زي باقي النيسان ولكن يبقى الأفضل في فئته وبحدود الدراهم أم اذا معك زود دراهم لا تتعدى التويوتا (مثلا برادو 6سلندر توماتيك)

ولو تبحث في المنتدى تلقى كثيرين يشاورون عليه ومطلعين مزاياه وعيوبه (اقصد الباث), أقر وشف اللي يصلح لك
ولا تنسى تصلي الاستخارة

Abo Nader

23/07/2006, 07:52 PM

السلام عليكم

و الله أخوي أتوقع الموتر على استخدامك ممتاز لأن الباث مب حق مطامر بالحيل يعني يتفكك شوي من جوا و الوكاله يربطون

أنا معي 2005 شريته أول ما نزل 2005 قبل أقل من سنتين بالنفود ممتاز لكن بالبطناج لازم ترفق عليه

أمسك خط الرياض الشرقيه بالشهر مره إلى مرتين الصراحه طربب ممتاز من ناحية الرساوه لكن تزعجك حنة المروحه بعد ال155 تقريبا

بالنسبه لصرفيه إذا كان مافيه عج بالخط يعني صافي الهوا أمشي 160إلى170 و يوصلني من الرياض الى الشرقيه يعني حول450كلم

التنسيم فيه بسيط زي كل المواتر و الراحه مريح

بالنسبه لي راح أنصحك بالموتر وتراه ما يتفوت و أي إستفسار أنا حاضر و الله يكتب لك الي فيه الخير و البركه

m666

24/07/2006, 12:11 AM

طيب حلو
كم سعر الفل كامل أتوماتيك وين القاه

خبير القنص

24/07/2006, 04:13 AM

انا انصحك بالباثفندر وتراه راهي
وسعره يتراوح مابين 100الى120

الشقردي

25/07/2006, 09:58 AM

الـ 2005 على خبري نص الفل تماتيك في بحر الـ 80

أما الفل بفتحة ومراتب كهرب وجلد ومثبت أعتقد حول 95 ألف

واذا انت من اهل الرياض اذكر انه مليان بمعارض النسيم على الشارع العام
أو أنص الوكيل

نازح البعد

31/07/2006, 10:55 AM

اخوى توكل على الله الموتر طيب ولايلحقة اى مشروه

اما عن السعر فترى الموتر 79000 هذا التماتيك بدون فتحة

اما الدرجة السياحيه 68000 وهذى الاسعار تحصلها بمدينة جده

escape_man

31/07/2006, 12:14 PM

سلام عليكم

رح لمعارض النسيم ولا تتعدى معرض نجد الي على الشارع العام او الثاني الي عند الساحه

الفل فتحه وتماتيك 86000 والي تماتيك بدون فتحه 79000 هذا اذا باقي شيئ عندهم

النقا

31/07/2006, 01:10 PM

السلام عليكم ياخوي ..

تلقاه طال عمرك عند الجنوب أو نجد للسيارات في النسيم

طبعا سعره 79000 ريال طبعا فتحه + قير تماتيك ، ماخذه واحد من الشباب قبل شهر واللون يسمى رصاصي طبعا هو اللون اللي يجي تحت الؤلؤي .وفيه المعرض الثاني على الشارع العام اللي عليه المعارض اللي تبيع السيلرات الأمريكية تلقاه بعدها .

أخوك النقا .................
.:good:

escape_man

01/08/2006, 04:13 AM

اخوي النقا

79 هذا اللون الرصاصي مو الفضي
الفضي ب 84
اللؤلؤي ب 89
والاسود ب 86

هذا الكلام قبل شهر وخاص بالتماتيك فتحه

لكن اعيد واكرر الحق عليهم

غضنفر

01/08/2006, 05:36 AM

القير العادي بدون فتحة وطالعة لوحاته بـــ 77000
القير العادي بدون فتحة وما طلعت لوحاته بـــ 82000
وعلى فكرة سعر الباثفايندر ارتفع خلال الشهرين الأخيرين بحوالي 2000
ومن المتوقع انه يرتفع أكثر لأن الكميات الباقية قليلة
لذلك الي بباله شرا لا يتأخر أكثر لأن الشتا قادم ومعه ترتفع أسعار الجيوب

escape_man

01/08/2006, 08:25 AM

رقم معرض نجد

2303131-2333131-2374677-2322833-2315952-2371001

salehhd

01/08/2006, 10:33 AM

السلام عليكم

بصراحة الموتر لايعلى علية انا كان عندي لكزس اي اس 2003 ولما سقت الباث بعتة على طول واخذت الباث 2004 لاني احب الموتر العزم

وبصراح عزمة اكثر من رائع وفي داخل البلد كانك تسوق مكسيما

والموتر في الخط راسي رساوة ممتازة اما صوت الهواء فمعقول ولابد منه لانه سيارة جيب

في الختام انصحك بالاستخارة فما خاب من استخار ومبروك مقدماً

escape_man

01/08/2006, 02:26 PM

السلام عليكم

بصراحة الموتر لايعلى علية انا كان عندي لكزس اي اس 2003 ولما سقت الباث بعتة على طول واخذت الباث 2004 لاني احب الموتر العزم

وبصراح عزمة اكثر من رائع وفي داخل البلد كانك تسوق مكسيما

والله انك جيت على الجرح وادميت قلبي

انا راعي مكسيما 99 فل كامل ولو خيروني ما اخترت غير المكسيما لكنها ذبحتني بالسرقات

قلت ياولد اقرب شي لها وشو؟؟؟

مالقيت الا الباث جيب قوي بالنفود وبالديرة ثلاث ارباع مكسيما وحتى مركبه وسياقته قريبة منها.

salehhd

07/08/2006, 01:45 AM

والله انك جيت على الجرح وادميت قلبي

انا راعي مكسيما 99 فل كامل ولو خيروني ما اخترت غير المكسيما لكنها ذبحتني بالسرقات

قلت ياولد اقرب شي لها وشو؟؟؟

مالقيت الا الباث جيب قوي بالنفود وبالديرة ثلاث ارباع مكسيما وحتى مركبه وسياقته قريبة منها.

صدقت كأنك تسوق سيدان وعزم ولا احلى

اتمنى انك تحصل مرادك ان شاء الله ومبروك مقدماص

ولا تنسى الاستخارة