مشكلتي مع غطاء راس المكينة ياماها 115

[خذاني الشوق]

السلام عليكم ورحمة الله قصتي مع غطاء راس المكينة عندي مكينة 115 قلت بغيرلها بواجي لاني من فترة ماغيرتها وخبركم الاخ جديد في صيانة المكاين المهم بديت في اول واحد من البواجي فكيته والثاني والثالث الى الاخير طبعاً الاول وانا افكه فكته غريبه شوي المهم رجبت البواجي كلها الاخير ماركب من اول مره صارفي مشكله يعني السنه ماركبت عدل قلت يمكن وسخ ركبت وشديت عليها لكن للاسف طلع السنه منتهيه والبوجي ماركب استشرت الشباب هنا في المنتدي بيض الله وجيههم ماقصرو شرحولي الطريقة واني اوديه المخرطه قلت دايم السالفه فك بسيط اناافك غطاء الراس واوديه واخرطه وارجع اركبه بديت في اول مسمار من المسامير فكيت الا انكسر المسمار للاسف المسامير مو قويه بعد فك المسامير كلهاوديت الغطاء للمخرطه سواله سنه جديدة طبعاً السنه اللي سواها بصرحه اول مره اعرف انها كذا لان حفرفي الراس سنه كبيره وركبها على نفس الغطاء وبعدها يركب البوجي فيها ان شاء الله اوصلت الفكره :D المهم شيكنا القازقيت شكله كويس بس طلع رايح فيها والشباب عليميه ركبنا كل شي المسمار الكسور حاولنا نطلعه ماطلع قلنا بنركب عليه سيلكون وبنمشي الوضع عليميه معندهم سالفه حطينا سيلكون حق سيارات شفاف لونه وركبنا نص ساعه والشباب عجلين يبون البحر ;)بعدهادقينا سلف المكينه الا الماي يخر من كل مكان :( طفينا المكينه وخذينا الطراد للميكانيكي وشافه بحكم انه مشغول علمنا الطريقة وقال المسمار المكسور ماعليه خلاف يمشي وجعنا فكينا كل شي من جديد وشلنا السيلوكن اللي مله داعي ورطنا على الفاضي شرينا قازقيتات جدد ونوع غرا والله مدري وش نوعه معطينا الميكانيكي وركبنا من جديد واحنا نركب المسامير الصغار هههههه انكسر واحد منهم ورجعنا نفك من جديد وغيرنا المسامير ورجعنا نركب من جديد وخلينا المكينة طافية الى اليوم عشان يمسك الغرامضبوط طبعالون العلبه حقت الغرابني وعليها رسمة نسر المهم جينا نجرب اليوم شغلنا المكينة طلع زي الفقاعه هوا او شي من مكان البوجي اللي وديناه المخرطه واحنا نفكر المره الثانية اطلعت معنا السنه الجديدة وهي راكبه في البوجي :D ورجعنا ركبناه عادي واركبت وصار في تهريب ماي مكان الغطاء اللي فيه المسمار المكسور من فوق طبعا. الغطاء حق بلف الحراره اللي بااعلى الراس. واخيراً لاصلحناالمكينه ولا دخلنا البحر واخرتها الى الميكانيكي بكره :)
ابي اشوف تعليقاتكم بخصوص الموضوع لان صراحه اولل مره اكتب موضوع طويل تحياتي ويعطيكم العافية

[الواهج]

قصة حزينه وانتهت
الاخطاء التي ارتكبتها هو وضع السيلكون علي القازقيت لانه السيلكون لاينفع لهذا الغرض يبيلك معجون خاص في رؤوس المكاين الاحمر وانتظار حتي يجف . وعند فك المسامير رش wd40 حتي ينشف الملح والصدا ويسهل الفتح

[م/عبدالله]

حياك الله ... اخوي ... وصدقني زعلت جدا
لكن الله يعوضك خير .. وان شاء تضبط معك

انا سبق ونوهت على هذا الموضوع لاحد الاخوان معنا ونبهت عليه



العمليه سهله جدا ... وقسمين
القسم الاول فك غطاء الراس
وهو يعلو قمة الراس مجرد تفك المسامير ويخرج معك الغطاء
لكن خلي بالك بعض المحركات والتي لم يتم فك غطيانها باستمرار
وصيانتها .. ربما تجد صعوبه في فك المسامير وممكن تتكسر
بسبب الحراره والترسبات الملحيه .
بعد الفك وقلب الغطاء سوف تشاهد المجاري التي تبرد قمة البساتم
وتقوم بتنظيفها وتنظيف الغطاء

هذا موقع الغطاء
http://im12.gulfup.com/2012-09-11/1347354336464.jpg (http://www.gulfup.com/show/X729k52up44dd)


القسم الثاني فك الراس

وهو الجزء الذي اسفل الغطاء لاحظ الطبقة التي تحت الغطاء
في محل اصبعي .. وهذا يمكن فكه بدون خوف لانه سميك جدا

http://im12.gulfup.com/2012-09-11/1347354336715.jpg (http://www.gulfup.com/show/X2cr73oy3ylc08)

لاحظ الترسبات بعد فكه
وشوف المجاري مسدوده

http://im12.gulfup.com/2012-09-11/134735433652.jpg (http://www.gulfup.com/show/Xl6seosrploq)
بعد التنظيف
http://im12.gulfup.com/2012-09-11/1347354336453.jpg (http://www.gulfup.com/show/X729i5w79it2k)

لاحظ مجاري الاسطونه في السلندر كيف مسدوده


http://im12.gulfup.com/2012-09-11/1347354336231.jpg (http://www.gulfup.com/show/X729epzbchtx4)
وهذه بعد تنظيفها
http://im12.gulfup.com/2012-09-11/134735433686.jpg (http://www.gulfup.com/show/X2cr7ormo2wn44)

لاتحتاج الى قطع فقط وجيه
وهي واضحه في الرسم ادناه
برقم 6 و رقم 7 ويتم شدها بالتساوي
بعد التغيير عند التطبيق واقصد مسامير الراس

http://im9.gulfup.com/2012-02-28/1330446554931.jpg (http://im9.gulfup.com/2012-02-28/1330446554931.jpg)

طريقة التنظيف .. قم بتسليك المجري بواسطة مفك رفيع واكشط
الترسبات ثم قم بصب القليل من الفلاش وسلك المجاري بالمفك
وقم بصب ماء حلو .. حار ... لاخراج الفلاش والاوساخ


عموما لابد من اخراج المسمار القديم اذا كان فيه القليل من البروز
يحتاج تسخين او يتم ثقبه واخراجه بواسطة الايز اوت ... او يقوم
بثقب القديم وفتح سنه جديده في المخرطه ... لابد من وجود كل المسامير
حتى يتم شد الغطاء واحكامه لان تحته ضغط وحرارة عاليه .

كان من المفروض تغير الوجه ولاتعيد تركيب القديم ابدا

[خذاني الشوق]

الله يحييكم ويعطيكم العافية على الردود وصراحه قررت مااوديه المكانيكي راح اشتغلها بنفسي لان نقله يحتاج وقت بسبب بعد المكانيكي لعلها خيره التاخير ولكن خرجت بفوائد منها وانتو ماتقصورالله يرحم ولديكم الف شكر اخوي الواهج واخوي عبدالله

[bo.nasser]

ربي يعوضك عليك بخيره
ويكفي انك تكتسب الخبره في الصيانه

شغلك لازم من السؤال واتباع الطرق الصحيحه قبل الشروع في العمل
الاستعجال (وهذا كان فيني اول ماشريت الطراد) هو الى يكبر المشاكل
وتتفرع المشكله من شغله صغيره الى مشاكل كبيره

تمنياتي لك بالتوفيق

[خذاني الشوق]

مساكم الله باالخير سؤال على الطاير شباب توي فكيت الراس وفكيت المسمارالمكسور بعدالتنظيف هل احط السيلكون الاحمر مال المكاين على الجهتين من القازقيت ولا على جههه وحدة واي جهه احط الله لايهينكم وتحياتي لكم