ارجو الافاده بخصوص عطل في مكينه الطراد

[الحمر77]

السلام عليكم اخواني اعضاء منتديات مكشات
حبيت استفسر عن عطل وعن المكاين لماكينه سزوكي 40 حصان

عندي ماكينه سزوكي واذا اشتغلت تطفي قبل اضغط البنزين ويطلع البنزين من مكان في الجنب مثل البلط وحاولت اسكره بقطعه قماش وقفلته ومازال البنزين يطلع ولا تشتغل الا ثواني وتطفي؟

هل احد فيكم ممكن يساعدني مع العلم ان القارب في شاطئ العقير

اتمنى الافاده من الاخوه اللي عندهم خبره مع العلم اني جديد في البحر والمكائن

[الرحموني]

ينقل لقسم صيانة القوارب

[aglanco]

هلا فيك الحمر 77
بامكانك تعرض مشكلتك في قسم صيانة القوارب
وراح يفيدك متخصص القوارب
م/عبدالله
http://www.mekshat.com/vb/showthread.php?t=510540

الرابط ذا ان شاء الله يفيدك

[الحمر77]

مشكورين واعذروني العتب ع النظر
وننتظر المهندس عبدالله او غيره من الاخوان لان دورت الخلل بالرابط ما لقيته !

[الواهج]

حياك الله بقسم الصيانة يالاحمر علامك عجل بكتابة الموضوع :)

ياريت تشرح مرة ثانية مشكلتك مع التوضيح

[الحمر77]

يالغالين المكينه 40 سزوكي موديل2006
اذا شغلتها ماتاخذ 10 ثواني او 20 ثانيه وتطفي واذا حاولت اضغط ع طرنبه البنزين الخارجيه يطلع البنزين من جهة اليسار وانا راكب في الطراد ومواجه الخلف فيه فتحه مثل فتحه البرغي او البلط يطلع البنزين وانا اضغط ع ضغط البنزين ولا تحشر

حاولت اسكرها بقطعه قماش واحشرها ممكن ما يطلع البنزين ما نفع يطلع ولا تشتغل الا وقت بسيط واذا حاولت اعطيها ريس تطفي على طول بالريس !!

:) اتمنى تفيدوني لانها اول رحله لي بالطراد اللي شريته ولا اشتغلت الا مكينه 1 بس :( وكانت 100% يوم اشتريه !!

جالس ادور صوره للمكينه عشان اوضح لكم ما لقيت صوره للمكينه :(

[الواهج]

suzuki 40 hp outboard
اكتب هذا بمحرك قوقل وطلع صوره وبين مكان العطل

[الحمر77]

مشكور يالواهج
بس تقلبت عيوني ولا شفت مكينه فيها نفس المكان واكثر اللي اشوفهم من الجهة الثانيه وحاولت اجيب صوره لو مو نفس الشركه بس ما لقيت نفس الشكل من داخل

تعبتك معي يالغالي

[wafi6556]

شوف هذي صورتين للجهه اليسرى للمكينه
http://imgc.classistatic.com/cps/blnc/120913/981r1/5340ej0_20.jpeg
الثانيه
http://www.boatsandoutboards.co.uk/images/cached/PER/PER473_2-450-253861.jpg
اذا مانفعتك الصور
حاول قدر المستطاع توصف مكان التهريب والقطع المجاوره له
هل هو طرف لي
او في قطعه مشبوك فيها لي
او مابين قطعتين...عشان يتصورون الشباب المشكله ويقدرون يساعدونك والواهج نشمي وانت تستاهل...وهذي كمان صورة كربريتر
http://www.vintageoutboardparts.com/shop/images/New%20OMC%20parts/o035.jpg

[م/عبدالله]

وعليكم السلام ورحمة الله وبركاته

المحرك يتوقف ... هذا طبيعي لان المحرك يفقد الكمية المناسبه للتشغيل
بسبب التهريب .. والمشكله واضحه اذن ... يبقى ان نعرف
مكانه بالتحديد ويمكنك تصويره بالجوال ... لاجل نترك التخمين ونؤكد
محل الخلل .

ملاحظة ابحث في حوض قاعدة المحرك .. شوف فيه مسمار او كوع حرف Lمسنن
وقع بسبب الاهتزاز .

ننتظر الصور

[الرحموني]

تجاوب من الاخوان يثلج الصدر

هذا يدل على ان لمكشات تفوق في مجال صيانه القوارب

وهذا بفضل الله ثم بفضلكم ايها الاخوان

اشكركم على متابعتكم لموضوع الاخ لمساعدته

تحية وتقدير لكم ايها الساده

[wafi6556]

تجاوب من الاخوان يثلج الصدر

هذا يدل على ان لمكشات تفوق في مجال صيانه القوارب

وهذا بفضل الله ثم بفضلكم ايها الاخوان

اشكركم على متابعتكم لموضوع الاخ لمساعدته

تحية وتقدير لكم ايها الساده


وبدون مجامله يبو يوسف
انت مشرف متميز وادارة مكشات احسنت الأختيار فأنت اهلٌ له بنفسك الطيبه جعلك احسن واخير من ظننا فيك
وبما ان الشغله مديح وغزل:D
سجلت اعجابي
وبعدين مين اللي متابع الموضوع الشباب ولا اللي قرأ الموضوع وصنفه ونقله ورجع يشيك عليه ثم يشجع الشباب
فكم من موضوع يكتب في اليوم
وكم من مشاركه تحتاج لأشرافكم وكم وكم...ولله ياخي شغلكم ياكثره وانا بطلت ما ابغا اصير مشرف (تكفى هه)...لكن يابخت من احتسب الشغله لله

[الحمر77]

اشكر كل من اهتم لموضوعي

من المشرفين والاعضاء وانشالله اصور لكم مكان الخلل اليوم او باكر لان القارب بعيد عني 75 كيلو وانشالله اروح واصور المكان واضيف الصوره يالغالين بصراحه يوم شفت الصور اللي حطيتوها ما عرفت المكان

اتأكد اورد عليكم

[م/عبدالله]

صدقت ياوافي ... ولن اضيف فوق ماقلته في حق هذا المشرف والاخ والصديق
تابعنا هنا وتابعنا بالسؤال في منازلنا ... صعب ان نشكره وصعب ان نعطيه حقه
فلا ننصفه ... لكن اسال الله ان يحفظ ويتم نعمته عليه .. وان يبقى رمز لهذا الصرح .

[م/عبدالله]

والجميع متابع معك ... ان شاء الله

[الحمر77]

السلام عليكم


انا رفعت الصوره ويارب انها تطلع هذا المكان اللي تحت القلم ولا يطلع البنزين الا مع كبس ضغط البنزين او التشغيل


http://www5.0zz0.com/2012/09/16/13/923070952.jpg (http://www.0zz0.com)


http://www5.0zz0.com/2012/09/16/13/721452544.jpg (http://www.0zz0.com)

[wafi6556]

الصوره طالعه يالأحمر
سؤال عشان تكون اجابه الشباب في محلها
هل مكان التهريب ممكن يكون مسمار او لي (قارنها بالمكينه الثانيه) لأن الصوره جانبيه ولتأكد فقط
او هو تجويف
او كسر او شعر في المعدن وهذا اللي مبين في الصوره
والشغله بسيطه ان شاء الله

[م/عبدالله]

يااخوي ... العوامه معلقه عندك
اي وقود تحضره سوف يخرج

فك وشيك على غرفة التحضير
الابره والعوامه .

[bo.nasser]

سوال خوي الحمر
وين تارك طرادك بالعقير
وهل مؤمن عليه من السرقه والعبث

لاني ودي اخلي الطراد بالعقير بدال التنقل بيه

ياليت تفيدني بالمعلومات ولك جزيل الشكر

[الحمر77]

شكرا لتفاعلكم

اخص بالشكر كل من اهتم بالموضوع
انشالله معلقه مثل ما تقولون

اما بالنسبه للي يسال عن الامان بصراحه انا موقفه باستراحه ومقفوله ولو انسرق ربك كاتب
وفيه جيران صيادين وموصيهم ع المكان ونعم فيهم مبين مثلكم وشرواكم رجال

تحياتي لكم اخوكم الحمر٧٧

[الواهج]

الحمر انت تاشر علي الكبريتر ؟ هل تم فكه من بعد ماشريته بغرض التنظيف

[الحمر77]

لا والله ما لمسته مع العلم اني غشيم بالميكانيكا

بس ما اعرف كيف اغيره ولا انظفه وهل عادي افتحه انا ونظفه مع العلم ما عندي خبره في ها الامور

والاوبر من وين اجيبها ما اعرف

واللي يعرف ميكانيكي الله لا يهينكم يعطيني رقمه برساله خاصه لاني اخاف احوس واجيب العيد ��

[فارس 07]

يااخي العزيز مشكلتك انشالله بصيطة = 1- حسب كلامك ان المكينة تشتغل وعند ما تدعس تطفي طبعن يااخي لازم تطفى لانة سحبة هوا من موق التهريب البنزين وعند ما تدعس تبقبق وتطفى عليك يااخي ان تصلح موقع التهريب وانتبة حفظ الله من البنزين عند دقة السلف مع الحذاف يسبب شرارة وانت عارف البنزين

[عاشق السرعة 2]

شكرا على الموضوع المفيد