مطلوب كراج فالشارقة اوعجمان لترهيم مكينة لكزس على الباترول

[سيف1420]

مطلوب كراج فالشارقة اوعجمان لترهيم مكينة لكزس على الباترول ويكون سعره معقول وشغله نظيف وامين واهم شي مايطول يعني 3ايام
مانستغني عن مشورتكم

[كايد]

كراج تل الساد - العين

[.أبوعبدالرحمن]

ينقل للقسم المناسب

ويمنع إضافة أي أرقام هاتفية

والتواصل يكون عن طريق الخاص

[العنابي 616]

عن تجربة يا اخوي رحت لكراج تل الساد قبل يمكن 6 شهور و قالي ما أشتغل على السيارة ( واضح إنه شبعان )
و يوم لزمت عليه صكني ب 13 ألف ريال و لا اشتغلت عنده

[سيف1420]

استغفر الله الذي.لااله الاهو واتوب اليه

[الحر النداوي1]

بشر يا سيف حصلت ولا لا لاني جالس ادور ولا لقيت النظيف

[كثير السؤال]

http://64.237.56.219/~shabab/showthread.php?t=351916
تفضل الرابط

[Magellan]

http://www.mekshat.com/vb/showpost.php?p=5721029&postcount=8
يمكن تجد ضالتك

[ربع نيسان91]

يا خوان فزعتكم ابي احد مجرب كراج في الامارات شغله زين لمكينة الكزس للباترول ونظيف تقفون
تعبت وانا ادور

[عبدالسميع]

صاحب كراج امراتي اسمه عبدالله الغراب معروف بهالسوالف في

منطقة العين يرهم مكاين تويوتا على نياسين قديمة

شغله ممتاز ويكفل لك الشغل

والأسعار من 10000 وطالع

واذا تبي رقمة راسلني

[التعـ King ـديل]

اخوي عبدالسميع عبدالله ركب مكينه 4500 لواحد من اعضاء مكشات وماكملت معه يومين وطقت المكينه يوم كلمه وقاله السالفه قال قضاء وقدر وعبدالله ياخذك بالكلام المعسول وبعد مايركب وتمشي من عنده الله يستر عليك ،، على العموم انا اركب مكاين بالعين واللي يبي يراسلني وارتب اموره ولا يشيل هم

[ربع نيسان91]

تقفى يا كنق التعديل اارسلي رقمك على الخاص انا مشاركات ما تعدت الخمسين
ابي اكلمك

[عبدالسميع]

بيض الله وجهك عالرديل يا ملك التعديل

عبدالله مركبين عنده مكينة تويوتا على باترول قديم

شغله زين بس كان فيه عذروب المكينة ما عرف قياسها من الخلف ومع المطاب تطق بعمود التوازن الخلفي

ونت علومك غانمة

[x3boodyx]

وأنا بعد يا ملك التعديل لا هنت أرسلي على الخاص رقمك احولت عيوني وأنا أدور دخلت قسم بالله ما احد يرسيك على بر أكون شاكر لك جداً جداً جدا

[bad boy]

عبدالسميع ترى كلام اخوي ملك التعديل صحيح وانا صاحب الموتر الي اشتغلته عند
عبدالله غراب ( كراج السهم بالعين ) للمعلومية ذكرت اسم الكراج تنبيه للناس منه لانه نصاب !!
ركبت مكينة تويوتا 4500 وانا راجع من الامارات خبط علي
الموتر بالخط حتى اني ماوصلت ديرتي وكلف علي شغل مع قطع من الوكاله 12000 الف
هذا من غير الكلتش الي كل شوي تنكسر الجلبة ويفرط الكلتش واخر شي صلحت الكلتش
عند بدر الحمد والله يجزاه خير ضبط الموتر لكن للاسف ماضبط الموتر الا بعد مانفسي عافته
من ورى الخرابات والمشاكل وصراحة تندمت اني اشتغلت بالامارات لان الغالبية
من يشوفك سعودي يشتغل لك اي كلام لانه يضمن انك ماترجع له لو صار عطل او خبط الموتر !!
وسالفة انه يكفل ويضمن لك شغله هذي مستحيل لاني انا كلمته قلت الموتر صار فيه كذا وكذا !!


قال ((هذا نصيبك وش تبي اسوي لك ؟؟ ))


وطلعت المشكله من طرمبة الزيت ضعيفة ماتدفع هذا غير الدزق والصحن والحذاف مركبها
على اساس انها جديده وهي مستخدمه
لكن ما اقول الا حسبي الله ونعم الوكيل فيه !!


ومن باب تجربه نصيحة لوجه الله الي يبي يشتغل بموتره لايشتغل برى السعودية !!
كلف علي شغل الموتر من ترهيم وتوضيب بعد الترهيم وكلتش اكثر من ثلاث
مرات يفرط مايقارب 39000 الف بس شغل من غير مصاريف ووجع راس
لو مشتغل بمكينة فتك بالسعودية ارخص من هالخساير !!
عشان كذا الي يبي يرهم يشتغل عند بدر الحمد ولا ابو يارا مع ان التكلفة لمكينة
اللكزس تقريبا 17 الف لكن ناس عندها ذمة يضمن لك شغله بعد الله
ولو صار عندك مشكلة بموترك تقدر ترجع له !!
ولو تبي تحسب مصاريفك هناك وشغل موترك تقريبا
نفس قيمة شغلك هنا واغلب الناس الي اشتغلت
بالامارات بعد الترهيم ترجع للورش الي هنا
اما بسبب تجليس المكينة او بسبب الكلتش !!
فالي حاب يرهم يختصرها من الاول ويريح راسه
ويشتغل بديرته او انه يبيع النيسان ويدور له موتر
نشيط امريكي ولا تويوتا !!

[راعي المقطقط]

مرحبا انا ربعي عددهم اثنين واحد له سنتين والثاني له ٣ شهور الاول لكزس ٩٧ والثاني ٤٣٠ موديله ٢٠٠٦ مشاءالله المواتر زي الوردة مشتغلين فيهم عند كراج سرحان في عجمان والرجال يضمن لك الشغل شهر كامل هذا الي مركب ٤٣٠ طلع صوت بالقير لانه كان تماتيك وغيره عادي كلم راعي الورشة وشرحله المشكلة قاله خلاص تعال نغيرهـ على حساب الورشة الرجال طلع عجمان وغيرو له القير والحمدلله الموتر مافيه الا العافية ناهيك عن المشكلة الي بالمكينة وغيروها له على حساب الورشة

انا من السعودية الرجال والله نصوح...
بالتوفيق للجميع