مهي معقوله سعر الهايلوكس 2013 الدبل وصل وصل وصل 122 الف ريااااااااااال

[مخاوي العشه]

بسم الله الرحمن الرحيم


السلام عليكم ورحمة الله وبركاته


مهي معقوله سعر الهايلوكس 2013 الدبل وصل وصل وصل 122 الف ريااااااااااال:eek::eek::eek::eek::eek::eek::eek:


122000 الف يااااااااناس

وش فيه مميزات عشان ياصل هالسعر

ادخلو على هالرابط

http://www.saudisale.com/SS_a_car.aspx?carid=32029




اجل الشاص بياصل ال 200 الف اصبرو بس


لاحول ولا قوة الا بالله



في امان الله

[WWS]

عـآدي آللي طيره آلشعب مـهنـآ آلآتؤيؤتـآ

هذــآ سعر ؤـآنيت غمـآريتن شفر دبل 2500
بقرـآطيسه آطلق من هـآلمخيس آلتؤيؤتـآ ؤ سعر ضرب من آلجنؤن ؤآلآخير 4 سلندر

[يالبى الهلا]

لاحول ولا قوة الا بالله اللهم ابعد عنا الغلا الايوجد بديل ؟؟
كل مازاد الطلب ارتفع السلعه وكل ماقل الطلب نقص خلوها تصدي

[امير العيون]

122 الف سلامات

يابن الحلال يمكن غلطان في التسعيره

[محرين باالخير]

وش ذا هايلكس تجميع الصين 122 الف والله ياالرياال ماله قيمه صار ربيه
خله يقعد بكبودهم غيره ابرك عندك الفورد او السوزو وفيه الجميح نزل ونيت داكوتا نسخه من الاسوزو

[العنابي 616]

مع إحترامي اللي يشتريه مغفل

[عبون الجواء]

معقققققققققققققققققققققققققققققققققققققققققققققققق ول هذا السعر هبال هو
لاحول ولا قوة الا بالله

[التعـ King ـديل]

معروف معرض ال جميح بهالحركه من زمان ينزل الموتر قبل الوكاله ويطير سعره والدليل شوفو معرضه مليان مواتر 2013 قبل الناس واسعاره خياليه .. خلوه عنده وكلها شهر ونص وينزل بالوكاله ب 95 الف

[أنصر نبيك]

المقاطعة هي الحل والاتجاه للشراء من دول الجوار

[ابوعبدالعزيز]

الددسن الدفرنسين بسبعين وشوي ممتازه شفه بالمعارض خليجية

[ذئب المراقيب]

معروف معرض ال جميح بهالحركه من زمان ينزل الموتر قبل الوكاله ويطير سعره والدليل شوفو معرضه مليان مواتر 2013 قبل الناس واسعاره خياليه .. خلوه عنده وكلها شهر ونص وينزل بالوكاله ب 95 الف


بيض الله وجهك هذا الكلام المعرض هذا استعرضت الاسعار عنده في نفس الموقع
حاط هايلكس2012غمارتين94الف وسعرها بالوكاله فل كامل89الف هذا عين النصب
اصبح التجار بكافت شرائحهم مفتوحوا الشهية على لف ماتبقى في جيب المواطن
حسبي الله ونعم الوكيل والله اسعار السيارات نار الجيوب وصلت300الف واليوكن وصل220الف وساهر ورانا يالربع خلونا نحول على الدباب والسيكل وفتك من ساهر

[fahad marzouq]

الجششششع والطمع .... كل من يزيد الاسعار عن سعرها الحقيقي .. عساه يصرفها بالعلاج علي نفسه

[السناعيس .f16]

حسبناء الله ونعم الوكيل

[(((.ابوتميم .))))]

السلام عليكم ورحمه الله
مهوب القصد التشكيك في صاحب الموضوع لاكن انا شايف الهايلكس الدبل 13 في معرض دلباح في الشفا 106
والغمارتين 92 والغماره 74 كلها 13
طبعا يعتبر معرض دلباح يغلي شوي يعني بتحصله في معارض النسيم ب ناقص 3 الاف اقل شي
قبل سبوع با الضبط هايلكس دبل 12 في الشفا ب 106 ومعرض الفلاح في النسيم 102
شاص سعودي نص فل بدون رفرف بدون ونش بدون دفلك في الشفا 128 النسيم 122 الفلاح
مدري وين وزاره التجاره يعني كلها في الرياض وتفاوت كبير في السعر
حسبي الله ونعم الوكيل

[jeep 2001]

122 اشتريلي شاص نيسان 4800 اخير لي

[مستر جمس]

سعره في الوكاله 2013 فل كامل دبل

99 الف

http://www.uis.com.sa/calculator_ar.aspx

[Salamah.y]

طيب وين وزارة التجارة عنه ؟!
ليش ما يوقفونه عند حده و يسكرون معرضه , و يعممون اسمه
عشان يتأدب هو و غيره ,, و لكن بلآه يدري ان ما حولك أحد

الله يهديه و يفك العآلم من شره

[المميـز]

:

لاحول ولا قوة الا بالله
المقاطعه هي الحل والبديل موجود
عندي الرنجر افضل منه من واقع تجربه

:

[الساهر2003]

في المعارض
2012 فل سعودي بـ 103 وممكن اقل انا شيفه قبل اسبوعين

[GM_400]

اذكر موديل 84 شريناه بــ21000 وكاله

[المسروحي]

ياااانااااس ((قااااطعوهم سنة وحدة فقط)) مااتقدرون تصبرون وإن شاء الله يضرب الأرض الحمراني وغيره من جشاع التجارة
ويبع السيارات أقصاد بنصف سعر الكاااااااش بس أنتم أتفقو على المقاطعه
والطريقه ذي مجربه بدول أخرى وشعوب كلمتهم وحده
ونجحت 100% وكلكم عااارفين ومطلعين
وأكيد انكم سمعتم بقصة طبق البيض الشهيره (( الي صار المواطن يشري طبق والثاني مجاناً))
ولا بعد أزودكم من الشعر بيت قدمولهم أعتذار عن طريق الصحف .....

[a7md07]

اعوذ بالله ....... خلوها تصدي

[سيف الظفير]

التاجر في السعودية الود وده يبيع بيتك ويذبحك من كثر ما يغبنه المواطن

[عآشق الذيب]

لاحول ولا قوة الا با الله
الله لايبلانا
لو معي قيمته والله ماحطها فيه ولا بعد 4 سلندر خلها تخيس بالمعرض
احطها بشاص واطرب راسي


لكن مازال فيه ناس همج تشتري
مضحوك عليهم
الله يعين بس

[التركوازي]

مارفع السعر الا عارف ان الدلوخ والمهبل واجد
وبيمشون بضاعته لو بــ200 الف

ماسمعتوا اللي يقول ( رزق المهبل على المجنن )

[ابو سعيد fj]

هااااااااااااااااااايلكس المعارض كذااابين اشتري من الوكاله رخيص

[شاووش]

معروف معرض ال جميح بهالحركه من زمان ينزل الموتر قبل الوكاله ويطير سعره والدليل شوفو معرضه مليان مواتر 2013 قبل الناس واسعاره خياليه .. خلوه عنده وكلها شهر ونص وينزل بالوكاله ب 95 الف


+1
رزق الهبل على المجانين
وحسبنا الله ونعم الوكيل ..

[حان الرحيل]

السلام عليكم
لا يجوز ان يقال للناس مجانين او مهبل ..او غيره من التسميات..فان كانوا كذلك صارت غيبه ..وان لم يكونوت كذلك صار بهتان...كفانا ما علينا من ذنوب...سبحان الله تتجاهل اللي رفع السعر وتذم المشتري....
العمليه كلها دراسه وعرض وطلب ...
بعد المقاطعه قبل سنتين التي كادت ان تنجح ...صار هناك تعاون وثيق بين تجار الجمله والتجزئه ...فلو ذهبت للوكاله وطلبت السياره لقالوا لك بعد فتره ..اسبوع فاكثر,,لكن لو طلبها تاجر التجزئه (المعارض-الصالات) وفروا له العدد المطلوب حالا....ليتم بيعها عن طريقه ...وبذلك يقل الكادر الوظيفي بالشركه الام..وتبيع بسعر افضل...
وصارت الوكالات تستورد الكميات حسب السحب المتوقع عليها..لا كما كانت سابقا تستورد بكميات كبيره وتضعها بالمستودعات...
وكل ذلك ناتج عن جهل المواطن بابسط حقوقه والاعتماد على نوع او نوعين من السيارات...وعدم الجديه في المقاطعه...وكذلك ضعف الجهات المسئوله في الدوله كالتجاره مثلا...وعدم وجود لوائح تحدد ذلك...وكادر وزارة التجاره كامل لا يتعدى3000موظف نصفهم سواقين ...
الخلاصه اذا لديك سياره جيده فحافظ عليها ....واستخدمها فعمر السياره الافتراضي في الخليج 15سنه...
عن نفسي لدي تندرا وارد امريكا بسعر رخيص ولها كذا سنه وموديلها قديم 2003 وما فيه محل ما تروح له ...v8 حتى اغراضها اخذها من امريكا عن طؤيق امازون بنصف القيمه او اقل ..لمثيلاتها هنا...شكرا على سعة صدوركم

[جبل ادقس]

الله يعيننا على ابو جميل

لي ولد عم يشتغل بشركه تويوتا بالمبيعات بمدينه جده كيلو 5 طريق مكه القديم يحلف بالله ان الهايلوكس عليه طلب غير طبيعي ولازم تحجز قبلها بكم شهر عشان تستلم والان يقول الناس جالسه تحجز لموديل 2013 وتزود قيمه الدفعه الاولى عشان تضمن انها تأخذ الهايلوكس !!!!

وماودكم ان سعره يرتفع مادام ان الطلب علي بهذه القوه .

* اخذت للوالد على حسب رغبته هايلوكس GLX 2012 قبل شهرين وبالواسطه استلمته بعد 20 يوم .

بصراحه الهايلوكس غزت الاسواق المحليه وبقوه في الوقت الحالى مع اني لم اشاهد فيه مواصفات تغري المستهلك لاقتنائه بهذه القوه . يمكن عشان يمسك سعره والله اعلم .

فمان الله

[واطي الجمرة]

خذ سييرا جديد دبل اطلق منه الف مره

[مسير عليهم]

اهل العقول في راحة

[هبوب الشمااال]

اتوقع غلطان بالسعر وان كان الكلام صدق خلوها شهرين وتنزل

[مطرح البكار]

الهايلكس من 2011 وصارت مبالغ فيها

[abo naser 1]

السلام عليكم
مجموعة من الكلبسات+كمية من البلاستيك والقراطيس+مع اكسسورات تجارية وصناعة تايلندية=122 الف ريال سعره في بلدها تايلند لا يتجاوز 44 الف ريال
يا انه وكيل ما يخاف الله وله شريك في الخفاء فوق الأنظمة والقوانين والوزارات

لاكن ماعليكم يجيك ابو نعيله مطفي النور بدون دفعة ياسلام امسك امسك اوراقي ياباشا ابي واحد مايدري انه تأجير مع مع ركز منتهي بالتمليك حرام في حرام كل يوم حادث وكل يوم مشكله وفي الأخير مسحوب من الوكالة والوكيل يطلع قيمته ادبال مدبلة أصلاً اعتمادهم على التاجير في السنوات الأخيرة اكثر من الكاش

[راعي ضعه]

حسبي الله ونعم الوكيل

[قناص 28 عفيف]

اذا وصلت هالقيمه اخذ لي جيب شاص نيسان ب 115 الف او جيب فتك ب 145 الف

[abo.-h]

يا اخوان شوفوا السعر في موقع شركة عبداللطيف جميل http://www.uis.com.sa/calculator_ar.aspx (http://www.uis.com.sa/calculator_ar.aspx)
ادخل على موقع الشركة
واختر تويوتا
وثم اختر الموديل
وستجد الموديل والسعر
هايلوكس درجة اولى 2013 تماتيك 99950
القير العادي 96950

[بيك اب 4X4]

إذا قالوا قاطعوا قال خل غيري يقاطع انا وش دخلني
او ما بيضر لو شريت غيري بيقاطع

يا رجال قالوا قاطعوا ايفون 5 نصرة لنبينا عليه الصلاة و السلام
و شوفهم كيف نايمين قدام محلات ابل ستور يحترون سراهم لعيون الايفون 5
و هو ما يفرق عن اللي قبله شي كثير

[مخاوي العشه]

مشكووووووورين على المرور أخواني

الله يعطيكم العافيه

[قناص مزاجي]

والله يا اخوان اللي يبي يطلع للبر ويتمشى ياخذ له مستخدم افضل شي

وصبر كم شهر ورايح تشتريه بنازل 30 الف

قاطعو الجديد وشوفو كيف تنزل الاسعار

[مقدام الشهري]

حسبي الله على عبداللطيف وأسأل الله أن يجعله يخسر خساره فادحه


مجرم بما تعنيه الكلمه وعندك شعب منتهي وفااااااغر يجي مدرعم ويشتري على طول خلوها

تخيس عنده عشااااان يتأدب الله يدمره

[مخاوي العشه]

ابشركم نزل من سعرها 7 الاف

صارت بـ115 الف ومع ذلك ماتستاهل

الله يعطيكم العافيه على المرور

[hail_ksa]

ابشركم نزل من سعرها 7 الاف

صارت بـ115 الف ومع ذلك ماتستاهل

الله يعطيكم العافيه على المرور




لاتبشرن يالبناخي ألا ليا وصل بـ 56 ألف

عوافي

[تميم2222]

كفوووووو يبو جميل اوطئ علئ غاربهم. والله انه يعجبك

[بنزرت]

من عوفي ف ليحمد الله
دامك شايف ان سعرها مبالغ فيه فعندك بدايل كثيره افضل في السعر والجوده
الوكيل شخص جشع ويبحث عن اكبر ربح ومن حقه ان يستغل دلاخه بعض الناس ليتكسب من وراهم اضعاف مضاعفه
انت عارف ان اغلب الناس عندنا يعملون عكس قوانين التجاره المنطقيه يعني كل مازاد السعر كثر الطلب
يحكي لي احد التجار ان المنتجات التي يستوردها وهي مقلده لم تحضى على اقبال لرخص ثمنها وعندما رفع ثمنها وجعلها قريبه من الاصلي بفارق بسيط هجم الناس عليها اقران ووحدان رغم علمهم انها مقلده
هناك مثل دلخوي يستخدم بس عندنا وهو(تدل على البضايع اثمانها او تدل على الخيل اثمانها ) يعني ارفع الثمن يصير منتجك ذو جوده ويحصل على اقبال كبير
صدقني الهايلوكس لو زاد سعره ووصل 150 الف راح يزيد الطلب عليه اكثر من السعر الحالي اللي توقله 122 الف ولو صار ب 160 الف راح يزيد اكثر واكثر

[(((.ابوتميم .))))]

معلومات غير صحيحه الهائلكس ب ميه أنا شايفه دبل فل كامل وش بلاكم أنتو
مدري وش فائدة الاساعات

[ملك الفكتوريا]

ايييييييييييييه يا عيال شعبي


اجل موتر 4 سلندر كلبسات وفلين بهذا السعر



والله اللي يشتريه ح*ار

[رعد الفيافي]

والله ودكم من يسويله حملة مقاطعه على الهايلوكسات مدري كل سنه تزيد بشي غير معقول
صح تستاهل لكن ترا فيه منافس..

[شاهين12]

الهايلكس ممتازه لاكن بالسعر هذا كاش .
يتيح خيرات كثيره بفئة 6 سلندر الدفع الرباعي وليس 4سلندر,

[أبوعابد 22]

اذا فيه ناس تنقص نص علبه تشتري
اعرف ان الشاص بيوصل 300 الف

[عبدالله الموسي]

مابيشتري منه الا فارغ عقل لايفقه شي

[هبوب ال شمال]

كل مواتر تايوتا اسعارها قبت قبه مهيب صاحيه عندك اللاندكروزر والشاص والربع والهايلكس طييروووووووها بالسمااااااااء
والسبب؟
فيه مهبل تشتري وما يهمها السعر .

[بن سالم2008]

لاحول ولا قوة الا بالله

[صاروخ الغطغط]

السلام توي جاي من المعارض وسعر 2013 سعودي دبل ب 113الف

[خالد77]

يا اخوان لا تبالغون ..
أنا اشتريت هايلكس يوم السبت الماضي [ سعودي ] دبل 013 كلفت على بعد النقل والتأمين 107100
وأما الخليجي أرخص بحوالي 95000 ولكن رغبت السعودي أكثر وتوكلت على الله
وللعلم سعرت أغلب المعارض أغلبهم 108000 وهالايام السوق راكد
والله يبارك في الجميع ..

[سفاري 9]

السلام عليكم ورحمه الله
مهوب القصد التشكيك في صاحب الموضوع لاكن انا شايف الهايلكس الدبل 13 في معرض دلباح في الشفا 106
والغمارتين 92 والغماره 74 كلها 13
طبعا يعتبر معرض دلباح يغلي شوي يعني بتحصله في معارض النسيم ب ناقص 3 الاف اقل شي
قبل سبوع با الضبط هايلكس دبل 12 في الشفا ب 106 ومعرض الفلاح في النسيم 102
شاص سعودي نص فل بدون رفرف بدون ونش بدون دفلك في الشفا 128 النسيم 122 الفلاح
مدري وين وزاره التجاره يعني كلها في الرياض وتفاوت كبير في السعر
حسبي الله ونعم الوكيل

هذا الكلاااااااام

[ملك الإحسآس]

حسبي الله ونعم الوكيل
الله لا يوفق من كان السبب

[عاشق مكشات]

الله يهديكم انا شايفه من الوكالة ب100 الف فل كامل غمارتين والساحي ب85

[d max]

البديل ايسوزو ب80 الف برمضان شريته الحمدالله فوق الفل 3000 سيسي وتماتيك وراحه تامه

[حبـران]

والله ماحطيت اكثر من 70 الف في 4 سرندل لو امشي حافي ..!!