افضل انواع البوالين على الفتك

[jeep 2001]

السلام عليكم ورحمة الله وبركاته
للي مجرب كفرات البوالين وش افضل نواع
انا ابي كفر خفيف ومابيه يثقل الموتر
وشكرا

[تمنيتك لي]

مآكسس آسيآم ..

[المتلولس]

شف اخوي انا جربت البوالين الماكسس مميزاته انس المطاب مريحات وزينه للنفود والصفراء بس عذروبها مهب راسيات

[ابو ماجد vtc]

السلام عليكم
الماكسس التايواني لكن الحين السيام التايلندي اسأل مجرب لكن ثقيل على الموتر ويستاهل

[بن جلاجل]

انا اقول مكسس رخيصه وحليوه ومهنا مطب ولا طنج بي لا تدور رساوه

[jeep 2001]

الله يجزاكم خير وماقصرتم

[ابوسند9]

انا اقول الماكسس الجديد ابعد عنه سلخ تنسيم رجه لو ركبته راح تذكر كلامي وابحث في المنتدى وراح تحصل مواضيع واجد تتكلم عنه
الاسيام اثقل كفر واثقل من كفرات مقاس 20 وغالي جدا على غير سنع
باقي عندك كفرين ابلو هندي واختلفو عليه الشباب لكن الغالب مرتاحين منه
وكذالك الدنلوب اخف كفر بالون على الاطلاق لكن مشكلة حده 25 الف كيلو

[R7AL_2010]

انا حسب تجربتي بالبوالين ركبت جميع الانواع علي الفتك.
افضل بالون هو السيم تاير التايلندي الاصلي
(مميزاتة،،، لايوجد رجة ماينسلخ ماينسم هوا ويعمر علي الاسفلت)
(عيوبة،،، ثقيل كبير الحجم ويتعب الموتر بالنفود والغراز يتعب الكلج )

الماكسس نوعيه جيدة وعملي ورخيص
الدانلوب
(مميزاتة خفيف مريح للموتر حجمة مناسب )
(عيوبة صديق البناشر ينسم هوا مايطول تروح النقشه)

الابولو الهندي
( مميزاتة كبير رفيع وعريض يعمر سعرة مناسب )
(ثقيل وقاسي وبعضه يكون فيه دبدبه )

اليونلي ممتاز
حجمة زين وخفيف ومافيه دبدبه ولا رجه

الهيروا كان ممتاز والان مايصلح فيه عيوب

المالون ممتاز
ويمتاز بالعرض.

[google-999-]

مرحبا اان جربت نوعين الى الان وكلهن ماشاء الله تبارك الله
الاول اسمه أكمي كنت مركب مقاس 17 ولا احلى منه كمل معي تقريبا 10 شهور وباقي في النقشه حول ربع العمر والي قدام نص العمر , والان استخدم ملوان مقاس 16 ولا احلا منها

[ابو طاهر]

انا مجرب الماكسس التايلندي ماعلية كلام بس انه انقطع عن السوق أو الكلام الصحيح أنه يصنع في فتنام الحين
اما الماكسس الفتنامي ابعد عنه لانه ينسم من عند شفة الجنط بعد مدة من التركيب

[مخطور]

وجهة نظر

اذا موترك فل كامل سوبر سفاري
خلك على كفرات شد بلد جنوط 17 دنلوب
وابعد عن البالون

[التعـ King ـديل]

مقاس 16 سيام التايلندي او ماكسس او هيرو

مقاس 17 هيرو او ماكسس

ابعد عن المالون

[أبو صاروخ]

لا تركبه يخف عزم الموتر وفي المطار ونت على سرعه السياره تلعب يمين يسار وما يمسك بريك وذا انت على سرعه ومسكت بريك تحرق التاير لانه ناعم اما اذا كنت تروح الرمل كثير هاذا كلام ثاني

[قناص 28 عفيف]

البالون مايصلح لواحد راعي خطوط لانه خطير غير راسي وغير امن بس هو نظره للموتر

[التغلبي 502]

السومو تومو ماتكلمتوا عنه ياجماعه انا اشوفه ممتاز جدا بس ما ادري ؟؟؟

[تميم2222]

سيام تاير وبس ماعاد به بوالين غيرها

[ابوسند9]

ولاسيام الظاهر على ما سمعت انه لحق الماكسس
حيث كان صناعتة تيلندي والان تايواني

[الدين النصيحة]

هانكوك اودلوب نقشت شاهين وشرايكم.