جهاز فش فاندر من نوع Humminbird 170

[الحمر77]

السلام عليكم اخواني اعضاء المنتدى

عندي جهاز فش فاندر من نوع Humminbird (http://www.ebay.com/itm/Humminbird-PiranhaMAX-160-w-TM-Transducer-Dual-Beam-407230-1-NEW-/280969246096?pt=LH_DefaultDomain_0&hash=item416b127590) 170 دخلت فيه البحر وركبت القاعده في المكان السليم واشتغل بس فيه بعض الملاحظات انه

حبيت اعرف
1- كيف احول العمق من الفيت او القدم الى المتر .
2- كيف احول درجه الحراره من الفهرنهايتي F الى C .
3- وياليت كتاب او صفحه مترجمه عن استخدامه لاني بصراحه اشتريته بدون ما اشاور حد :( .
4- وهل فيه امكانيه انه ما يطلع الا الاسماك المتوسطه والكبيره .

بما انكم نواخذه احب اني استفيد باسرع وقت من خبرتكم :good2:

وسلامتكم

[م/عبدالله]

ماعندي خلفيه عن نوعية هذا الجهاز بالضبط ان شاء الله الاخوان يفيدونك
وعموما الخطوات مرفقه بالكتيب .. اذا كنت غير ملم باللغه الانجليزيه
شوف واحد يساعدك .. وقف في المرسى وشغله على الطبيعه وتعلم
ونسأل الله ان يفتح عليك وينور بصيرتك

[wafi6556]

القيت نظره سريعه على الكتالوج والشغله يبغالها نظري عملي بنفس الوقت
لكن جرب هذي الطريقه وان شاء الله تزين معك بالنسبه لتحويله للمتر
والجهاز على قائمة setup
اضغط على مفتاح power
قد تكون ضغطه مطوله او عدة ضغطات انت جرب...الى ان تصل لـunits
ادخل عليها وغيرها من feet الى meters ودرجة الحراره تتغير بمجرد اختيارك للمتر
...
بالنسبه للأسماك واحجامها
اضغط على power
اعتقد انها عدة ضغطات الى ان تصل الى fish alarm
ادخل عليها وهذي خياراتها
largeوتعني الأسماك الكبيره
large/medium وتعني المتوصطه والكبيره
all وتعني كل الأسماك
وهذا رابط الكاتلوج كامل وشغلك في صفحه 32 و 36
http://store.humminbird.com/media/document/PiranhaMAX_150-160-170-180-190c.pdf
لا تنسانا من دعائك

[الواهج]

ماقصر الوافي علي الشرح

[الحمر77]

الله يعطيكم العافيه
وما قصرتووو وانا بعد استعنت بمترجم وترجمها لي وكلامك صحيح لاكن الشي الغريب ان جهاز ال170 من هالنوع فيه شغلات كثيره جميله الا انه ما غير ولا اقدر اغير شي في الستب من المتر والحراره لان جربتنا نحوس ونشغل ونطفي ونروح على الستب مافيه هالخيار
*اعتقد انهم يتكلمون عن الاجهزه الاعلى منه دقه وقوه وملونه !

جزاكم الله خير وعافيه اخواني اعضاء المنتدى كعادتكم ما تقصرون فديتكم انا جهزته الحين بكل شي ترجم لي وانشالله الله ينفع به ونصور لكم الصيد اذا كان يجمل هههههههههه

شكرا اخواني