أفيدوني جزاكم الله خير بطرمبة الديماكس

[ال-رايق]

السلام عليكم ورحمة الله وبركاته
أخوي الله يسلمكم لديه ديماكس2005دبل وطلع له المشكلة التالية:
1-ضعف عزم السيارة بحيث لاتتعدى 120.
2-تم تغيير جميع الفلاتر ومازالت المشكلة قائمة
3-اذا فضى تانكي الديزل,,وعبّى فل -رجع الامبير على (0)ثم ولعت لمبة الديزل كأنه فاضي..وبعد نص ساعه بمشوار طويل مثلا,,,, تطفي اللمبة ويرجع الامبير على الفل.
============
*****كما أرجو مشورتكم الغالية على أفضل الورش غير العيسى واليمني --بمنطقة الرياض--.
*****كذلك ارجو افادتي بدون توقعات عن سعر طرمبة الديزل ..هذا اذا افدتوني ان المشكلة بالطرمبة ..وهل فيه خيار اخر بديل عن شراء طرمبة جديدة حيث سمعت ان اسعارها نار.
اسف للاطالة
تكفون يالنشاما ترى تكفى مدري وش تهز والله يستر لايخرب فيها الهزاز:D

[فنجال ورجال]

وعليكم السلام ورحمة الله وبركاته
حياك يالرايق
المشكلة عندك سهلة إن شاء الله والطرمبة ما لها دخل أبيك تتأكد من شيئ إن شاء الله إنك تلقى الحل وتتعوذ من الشيطان شف عزيزي أبيك تروح لحساس الهواء وتتأكد من إنه راكب زين ولا فيه تهريب ولو بسيط بسيط لانه حساس يعني لو شعر وخذ سكروب وشد على القفزان حقته زين هو اللي واصل مع قربة الهواء فلتر الهواء وأمورك طيبة إن شاء الله
لأن صار لي نفس المشكلة لكن بدون مشكلة إمبير الديزل ولا يخليه اخوك ينزل عن الربع أبداً
بعدين وين أخوك ما نشوفه في الرابطة
ويا ليت تعرض المشكلة في الرابطة يكون التفاعل أطيب الشباب ما يقصرون

[ال-رايق]

وعليكم السلام ورحمة الله وبركاته
حياك يالرايق
المشكلة عندك سهلة إن شاء الله والطرمبة ما لها دخل أبيك تتأكد من شيئ إن شاء الله إنك تلقى الحل وتتعوذ من الشيطان شف عزيزي أبيك تروح لحساس الهواء وتتأكد من إنه راكب زين ولا فيه تهريب ولو بسيط بسيط لانه حساس يعني لو شعر وخذ سكروب وشد على القفزان حقته زين هو اللي واصل مع قربة الهواء فلتر الهواء وأمورك طيبة إن شاء الله
لأن صار لي نفس المشكلة لكن بدون مشكلة إمبير الديزل ولا يخليه اخوك ينزل عن الربع أبداً
بعدين وين أخوك ما نشوفه في الرابطة
ويا ليت تعرض المشكلة في الرابطة يكون التفاعل أطيب الشباب ما يقصرون


يالله ان تحييه وتوفقه

أنشهد انك مدّيت فنجال رجال:
شربت فنجال أشقر البن صبحي****من كف رجّال على الطيب ضاري
مدّه.. مع خمسة شماريخ برحـــي****مدّ الله سنينه....ولعمره ,, يداري
جلاّ عماس العين و خلاني أصحي****مثل الهواء... لاشال ركم الغباري
------------------
لكن ياحبيّبي شله اذا تقدر او حط الرابط..وعلى فكره اخوي ماله بالنت ,,فيه فقط لو تناظره وهو يسوق الديماكس قام يستعرض ويماري فيه ..ومره اطالع فيه وهو يلبق جنب الرصيف وانا على سيارتي(ارمادا2010)وبحركة استفزازية اشرت له يعني موتري احسن من موترك..اخينا في الله لبق نصف على الرصيف ونصف على الزفلت ..يعني ارق بموترك كانك صادق.:D
بالاختصار تبغونه محامي عن الديماكس ابشروا ..وابحاول يسجل في المنتدى ..ولي الشرف قبل يتشرف بمعرفتكم ولا يهونون الاخوان بالرابطة.

[فنجال ورجال]

مشكور أخوي
ما قمنا إلا بواجب وبشر عسى الطريقة نفعت أهم شيء

[mazeneidan]

جزاك الله خير يا اخ فنجال ورجال