ترهيم طرمبة الفتك للسفاري

[الدب القطبي]

بسم الله الرحمن الرحيم



الاخوة المكشاتيين مساء او صباح الخير كلن باسمه لاحد يقوم


صراحة مانب راعي تقارير بس احما كبيدتي راعي دينا شطفن


وانا رايح للدوام مع الدائري والموتر يزحر اللي يسمع صوته


يقول يمشي 200 وهو ماتعدى 90 طبعا مايحتاج اكمل ديورت


(يقولون يالله قومناك مع الاقامة الظهر) :mad: قمت وبراسي شر قلت ابدحم


الدراهم واخلي هالباترول يسفهل :D ومع اذان العصر واقف عند


الوكالة قلت عطن 8 طرمبات بنزين فتك خل السفسف (السفاري)


ينبسط واتعوذ من ابليس واخذ طرمبه للطرمبه بـ(380 ريال)حقت فتك


من 2002 وطالع . والتفت واشوف دمعته نزلت من الفرحة والله ويبتسم


قلت ايه الوعد الدائري وشعبان قبة والنفود الكبير .


http://www.mekshat.com/pix/upload06/images/2012/09/mk62995_1.jpg


http://www.mekshat.com/pix/upload06/images/2012/09/mk62995_2.jpg


وامر محل قطع غيار سيارات واخذ فيش يركب على طرمبة الفتك (10 ريال)


لان حق البلد يختلف واخذ 2 قفيز(6 ريال) و 4 سبت ربط بلاستيك (بريال)حقات شد الطرمبه .


http://www.mekshat.com/pix/upload06/images/2012/09/mk62995_3.jpg


http://www.mekshat.com/pix/upload06/images/2012/09/mk62995_4.jpg


http://www.mekshat.com/pix/upload06/images/2012/09/mk62995_5.jpg


وافشقة لمصطفى (تخيلتوه معه كتاب بالصناعية) لايغركم الاسم تراه


باكستاني قلت ضبط لي الطرمبة قال ب100 وانا واياوه وتصفي 70 ريال


بدينا باسم الله وشلنا الفرشة وفكينا غطاء الطرمبة حق البدي وغسلنا فوقي


الطرمبة عن التراب والاوساخ ثم بلي الهواء نشفناه فصلنا اصبع البطارية


الكهرب ثم فتح غطاء تعبئة البنزين ليخرج الهواء من التانكي ثم فصلنا


كهرب الطرمبه ثم ليات البنزين ثم فك الطرمبه .



http://www.mekshat.com/pix/upload06/images/2012/09/mk62995_7.jpg


http://www.mekshat.com/pix/upload06/images/2012/09/mk62995_8.jpg


http://www.mekshat.com/pix/upload06/images/2012/09/mk62995_9.jpg


http://www.mekshat.com/pix/upload06/images/2012/09/mk62995_10.jpg


http://www.mekshat.com/pix/upload06/images/2012/09/mk62995_11.jpg


بعد فك الطرمبه شال لي صغير بين الطرمبه وماصورة البنزين الخارج


من التانكي واحضر الكاوية وشلنا اسلاك الطرمبة من مخارج الكهرباء


في اعلى الطرمبه وسحب الطرمبه (يلاحظ مكان الطرمبه الاصلية من حيث الارتفاع)


ثم احضر الفيش الجديد وركبه بالطرمبه وبالكاوية لحمه بدل الاول


وركب لي توصيل البنزين وشد القفزان واحد فوق وواحد تحت ثم شد


الطرمبة بنفس مكان الاصلية بالسبت حقات الشد .


http://www.mekshat.com/pix/upload06/images/2012/09/mk62995_12.jpg


http://www.mekshat.com/pix/upload06/images/2012/09/mk62995_13.jpg


http://www.mekshat.com/pix/upload06/images/2012/09/mk62995_14.jpg


http://www.mekshat.com/pix/upload06/images/2012/09/mk62995_15.jpg


http://www.mekshat.com/pix/upload06/images/2012/09/mk62995_16.jpg


ثم مسح مدخل الطرمبة عن الاتربة وتنظيف وجه الطرمبة و(الربله)واذا كانت ضعيفه


http://www.mekshat.com/pix/upload06/images/2012/09/mk62995_17.jpg


يضاف السيلكون حسب الرغبة (صارت كبسة) .. حتى يسكر اي فضاوة ؟


http://www.mekshat.com/pix/upload06/images/2012/09/mk62995_18.jpg


ثم تشد الطرمبة وليات البنزين وفيش الكهرباء ويغسل فوقي الطرمبة مرة ثانية .


ملاحظات


- التكلفة 467 ريال


- صرفية البنزين ما حسيت بفرق


- السيارة تغيرت باللفزه والدوسة 180 درجة


- بالاشارة من اللي فزته قوية (مهمه لبعض الناس (عامل نفسي) )


- اللهولكسات والكوامري ماتاكل عيش :good2:


- لاحد يتهور يدوس قوه وهو بملف عادي يعرض بك من القوه(حصلت معي)


- باحد الطلعات امشي 120 واكبس له ويفز لـ 160


- هاذي تجربة بسيطة حبيت اعرضه على اخواني المكشاتيين


- التمس العذر لطول الموضوع بس ما حبيت اترك شي صغير يمر
يمكن ان تكون فيه فائدة .


طرح الموضوع اكثر من مرة بس حبيت تكون اضافة مفيدة .

وسلامتكم


محبكم الدب القطبي
ابو خالد
بريدة

[باترول للأبد]

ترهيم على مستوى وأشكرك على هالتقرير المرتب

[التعـ King ـديل]

تقرير مرتب ويعطيك الف عافيه

خاصه انك اخترت موديل جيد وصبور ولكنه ثقيل وانت لقيت حل للثقل حقه

[الدب القطبي]

باترول للابد

شكرا على مرورك الكريم واطرائك

[راعي المجهم]

ليتك خليتها على مبنى الشايب

طرمبة الفتك كثير اشتكوا منها صحيح انها اقوى من طرمبة السفاري

لكن خرابها أكثر من خراب السفاري

على العموم مشكور على التقرير الرائع

[يامعود]

بااارك الله فيك وترهيم موفق وشرح وافي من رجل وافي

[شاووش]

الله يعطيك العافيه على التقرير
شغل مرتب الله يحفظك "

[PAJERO]

اخوي وسع صدرك علي
عندي كم سؤال
وش موديل ونوع سيارتك
ما تتوقع ان زيادة العزم عشان الطرمبة جديدة
هل غيرت فلتر البنزين
تحياتي

[ابوسند9]

شغل عدل يابو خالد ما شاء الله لكن غريبه سعر الطرمبه اذكرها حول 600 ريال

[ابوسند9]

اخوي راعي المجهم حبيت افيدك ان طرمبة الفتك جباره لدرجه ما تتخيل ونادر جدا جدا تخرب وتمشيك بحدود 500 الف بشرط تنتظم في تغيير فلتر البنزين وهي افضل من طرمبة الباترول 4500 وال 4200

[sgl2002]

والله ودي ارهم زيك خصوصا طرمبة البلد مالي شهر مغيرها والا بدت تضعف لاني صفرت البنزين مرتين

لكن مالها تاثير على الكتاوت

[خيرها بغيرها]

طيب شباب الله يعطيك العافية يراعي الموضوع حبيت ا ستفسار تركب على النيسان ٩٣

[الدب القطبي]

الاخوة

كنق التعديل
تسلم اخوي مرورك واضافتك وسام على موضوعي


راعي المجهم
الشايب ياما طلب استرجاع عيوب مصنعه
هاذي ثالث طرمبة اركبها باي باترول اشتريه
ولا عمري اشتكيك واحد المواتر جلس ثلاث سنين
وبعته وهي فيه زي الفل


يامعود
الله يبارك فيك اخوي وانت الوفى كله


JWD
حفظك القدير عز وجل شكرا لمرورك الكريم


باجيرو
باترول سوبر سفاري 99 اكيد اخوي ولم اغير الفتر
بس غيرت البواجي من نفسي ومن دون عله بس احتياط


ابو سند
تسلم اخوي شكلهم نزلو السعر شف اول صورة الفاتورة
وشكرا على الاضافة الجميلة فعلا طرمبة جبارة ومعي
ما اذكر تعطلت .


اس جي ال 2002
الشغلة سهلة وكلها ساعة
وعن تجربة ثلاث بواترول احط طرمبة فتك وزي اللوز


خيرها بغيرها
انا صار معي 98 وصار معي 99 تركب عليهن زي اللوز
لكن مايمنع تسأل الكهربائي او البائع


شكرا للجميع
اخوكم
الدب القطبي

[jeep 2001]

الله يجزاك خير على التقرير الجميل

[sgl2002]

تم ترهيم طرمبة فتك بنفس طريقة الدب القطبي

والموتر تغيرت فزته للافضل

مع العلم ان الطرمبة الاوله مالها شهر من يوم غيرتها

والطرمبة شريتها وكااااالة ب٤٢٥ ريال

[الدب القطبي]

اخوي جيب حفظك الله

وشكرا لمرورك الكريم

[الدب القطبي]

الغالي اس جي ال 2002

خير ما سويت وتستهلكة بالعافية

بس غريبة سعرها تقل اغلى شف اول صورة

بالتوفيق اخوي

[sgl2002]

^^^

ايه

دايم قطع الغيار حقين نيسان ارخص من الوكالة

هم يجيبون اصلي بس الوكالة قطع وكالة لذلك تلقاه اغلى شوي

[المميـز]

:

ماشاء الله عليك

موضوع رائع ومرتب واسلوب ارووووع اهنيك عليه

الله يعطيك العافيه على الموضوع وواصل تقاريرك ولاتحرمنا منها

تقييم الموضوع
http://mekshat.com/vb/images/rating/rating_5.gif

:

[هبوب الحجاز0]

السلام وعليكم ومساكم الله بالخير


اخوي الدب القطبي موترك تماتيك والاعايدي وكيف موترك بالطلوع واذا قابله هواء بالخط الطويل وكم اقصي سرعه يوصل لها قبل تغير الطرمبة الي فتك وكيف بعده لان موتري 98 سوبر تماتيك فقع كبدي


وتقبل مروري

[com.الطراعيز]

مشكور على الشغل المحكك

[com.الطراعيز]

مشكور على الشغل المحكحك

[sgl2002]

السلام وعليكم ومساكم الله بالخير


اخوي الدب القطبي موترك تماتيك والاعايدي وكيف موترك بالطلوع واذا قابله هواء بالخط الطويل وكم اقصي سرعه يوصل لها قبل تغير الطرمبة الي فتك وكيف بعده لان موتري 98 سوبر تماتيك فقع كبدي


وتقبل مروري

ابجاوب عن الدب القطبي ويسمح لي لاني اليوم رهمت طرمبة الفتك على موتري باترول 98 بخاخ قير عايدي


الموتر تغير فزته وصار يفز وعزمه تحسن
الطرمبة اللي قبل توني مركبها قبل شهر وكانت حقت شد البلد وكانت اذا احتر الموتر والمكيف شغال وقابلت طلوع يموت عزم الموتر
اذا وصل البنزين الربع تبدا تحتمي الطرمبة ويبدا التقطيع وسببها كبر حجمها لان البنزين اذا وصل الربع ماعاد يبردها صح بعكس حقت الفتك صغيره ولو ماكان بالتانكي الا شوي يبقى يبردها

الموتر بالمشي والتسارع زاد افضل من اول

بس للمعلومية: انا مغير البواجي واسلاكها والفلتر حق البنزين والهواء و الخرطوش اللي بين القربة والثلاجة لانه هو سبب رئيسي في برود العزم خصوصا بالطلعات حتى لو كان الشق بسيط ماينشاف او قفيزه مرتخي ماهو مشدود

[باترول 4500]

الوكالة قلت عطن 8 طرمبات بنزين فتك خل السفسف (السفاري)


ينبسط واتعوذ من ابليس واخذ طرمبه للطرمبه بـ(380 ريال)حقت فتك


من 2002 وطالع . والتفت واشوف دمعته نزلت من الفرحة والله ويبتسم


قلت ايه الوعد الدائري وشعبان قبة والنفود الكبير .
ههههههههههههههههه
خل السفسف يغير جو بشعبان قبه

الصراحه أهنيك على طريقة أسلوبك في الموضوع


بالتوفيق إن شاء الله

[الدب القطبي]

اخوي المميز شكرا على هذا الاطراء الجميل

وهذا قل شي نقدمه لخدمة هذا الصرح الجميل

تقديري لك

[الدب القطبي]

الغالي هبوب الحجاز
اخوي اس جي ال ماقصر كفى ووفى
رعاك الله يالغالي

الطراعيز
سلمت يالغالي وشكرا على مرورك الكريم


الغالي SGL
كفيت ووفيت اخوي بيض الله وجهك


باترول4500
مكثور الخير يالغالي مرورك شرف لي

[العطاوي a511]

اخوي الدب القطبي هل انت متاكد ان هاذي الطرنبه طرنبه فتك 4800 ؟؟؟؟

لان الطرنبه اللي راكبه بموتري تختلف عنها مافي عازل بلاستيك زي اللي انت شريت

[محسن اليامي]

موضوع مميز الله يعطيك العافيه

[sgl2002]

كملت الان سنه وزيادة وطرمبة الفتك بموتري ال٩٨


الى الان لم اشتكي منها وكم مره اخلي البنزين يصفر ولاخربت
صراحه ابدااااع وجزاه الله خير صاحب الموضوع اللي دلني ع هالطريقه

[هويدي]

الموضوع له سنتين الظاهر :)

الله يجزاك ووالديك الجنه موضوع محكحك ومتكامل ماشاء الله


يرفع للفائده يسر الله امورنا واموركم والمسلمين

[البعية]

ما شاء الله موضوع جيد بارك الله فيك

[مدرس بالغصب]

طيب تركب على الموديلات القديمه 95 مثلا
وهل لها ضريبه صرفيه او مشاكل كهرباء

[عفط]

كنت متردد اركب وبعد تقريرك بإذن الله ابركبها
لكن؛ من وين شريت القطعه لان السعر يفرق عن بقيه المحلات الثانية

[اعشق تفاصيلك]

يعطيكم العافيه ع الشرح والنقاش المفيد