كفرهنكوك الكوري الإسبوع 11 يعني تقريباً شهرمارس (3) 2011

[عاشق التوام]

السلام عليكم ورحمة الله وبركاته

صبحكم الله بالخير يالربع

كفر هانكوك
صناعة كورية
جنط 16 مقاس 265/70
أبو كتابه بيضاء بارزه

الموضوع يالربع:
جيت أخذها من عند الوكيل لقيت الموجود عنده كفرات إنتاج الإسبوع 11 يعني تقريباً شهرمارس (3) 2011
وحنّا الآن في شهر 9 2012
ويوم سألته عن الإنتاج الجديد قال لي لهالحين ماوصلنا
أعتقد وإن شاء الله ما أظلمهم إن عندهم إنتاج 2012 ولكن عيّوا يظهرونه لأجل يصرّفون إنتاجية 2011

المطلوب ياهل الشور يانعم الإفادة

نصيحة من اللي عنده خبره بهالموضوع
أشتريإنتاج 2011 وأمشي به
وإلا أدوّر شركة غيرهم

للعلم
المقناص جاء وأنا مضطر على شراء الكفرات

[ابو99]

اخى وش تبى بالهنكوك انا راميهم لا دخلت شعيب طلح بنشر به الشوك علك بالدانلوب او فيرستون او ما كسس نصيحة مجرب لا اريد لا الدعا

[ابوعمر1397]

الهانكوك ممتاز في كل مكان الا الشعبان والاراضي الوعرة
لانها لينة

اذا انت مو راعي بر خذها لكن دور شي جديد هذي كم شهر وتتم سنتين تخزين ما تصلح

[عاشق التوام]

اخى وش تبى بالهنكوك انا راميهم لا دخلت شعيب طلح بنشر به الشوك علك بالدانلوب او فيرستون او ما كسس نصيحة مجرب لا اريد لا الدعا


هلا وغلا بابو 99

كلامك سليم يابعدي ولافيه نقاش ولكن أنا كنت مثلك وبعدين جرّبت الهنكوك وما قصرت معاي لمدة 3 سنوات للأمانة وبعد فيها عمر ولكن أهملت بعض الجلب والذراع وصارت مسحيّه من داخل وخارج الكفرين الأمامية وراحت علي والخلفية تمّشيني سنة بالراحة وأنا أخوك
علماً بأني أدخل بها شعيب وأمشيها على الجلد و أسافر بها من ديرة لديرة ومسافات طويلة وماقصرت ما شاء الله

شاكر لك مرورك ومقدّر لك هالإفاده الله يرحم والديك يابعدي

[عاشق التوام]

الهانكوك ممتاز في كل مكان الا الشعبان والاراضي الوعرة
لانها لينة
اذا انت مو راعي بر خذها لكن دور شي جديد هذي كم شهر وتتم سنتين تخزين ما تصلح



هلا وغلا يابو عمر 1397

لا أبشّرك راعيين بر وهالكفرات لموتر البر
وفعلاً مثل ما تفضلت ممتازة وليّنه ولكن أنا أدخل بها حرّة قرب المدينة وألفّها وأحدّر بها شعبان ويارب لك الحمد ما لحقها شي

وهذا اللي أبيه التاريخ اللي خلاني أتردد فيها والله إني فكرت فيها ولكن قلت أستشيركم أزين رب إنكم تفيدوني وبيض الله وجهك على هالإفادة يالأمير

[شهادة مجروحة]

لسى فيها عمر اذا بيعطيك بسعر مخفض خذها والله يبارك لك فيها

وابغى اقولك شي مسحية الكفرات الامامية من الداخل ماهو شرط سببها الاذرعة ووزنيتها

السبب الطبيعة الفيزيائية الكفرات الامامية يجيها ضغط وحمل اكبر من الامامية وبالذات مع اللفات فطبيعي تمسح من الداخل واشوفها في سيارات جديدة لاجل كذا تلقى المصنع ينصح بتبديل الكفرات كل 10 الى 15 الف على حرف اكس x فقبل تسوي شي في الاذرعة او توزن اسأل نفسك تبدل الكفرات اولا .

موفق

[قلايد الخيل]

انا مااستخدم غير هانكوك صحيح لينات بس يكدن ولاشفت منهن اذيه
غير بعد ماشريتهن دخل في جنبهن شوك صغير وبعدين ضبطن معاي والمحجره دايمن امشي معها وبالذات وقت الصيد امشي مشي عليهن والحين غيرتهن وفيهن نص عمر مثلك بس تمسحن حاجه بسيطه وانا راعي خطوط
وقلت السلامه زينه بغيرهن
وانصحك بالهانكوك

[عاشق التوام]

لسى فيها عمر اذا بيعطيك بسعر مخفض خذها والله يبارك لك فيها

وابغى اقولك شي مسحية الكفرات الامامية من الداخل ماهو شرط سببها الاذرعة ووزنيتها

السبب الطبيعة الفيزيائية الكفرات الامامية يجيها ضغط وحمل اكبر من الامامية وبالذات مع اللفات فطبيعي تمسح من الداخل واشوفها في سيارات جديدة لاجل كذا تلقى المصنع ينصح بتبديل الكفرات كل 10 الى 15 الف على حرف اكس x فقبل تسوي شي في الاذرعة او توزن اسأل نفسك تبدل الكفرات اولا .

موفق

هلا وغلا يالشهادة المجروحة
الله يبارك في عمرك والسبب في المسحية اللي ذكرته صحيح ولكن أنا اللي صار لي من اللي ذكرته لك طال عمرك على الطاعة

المهم
يعني أشتريها عادي مافيها مشكلة ؟؟؟
طيب الأخوان يقولون إن المخزّن ما يصلح وهذا عدّى عليه قريب السنتين مخزّن !!!

[عاشق التوام]

انا مااستخدم غير هانكوك صحيح لينات بس يكدن ولاشفت منهن اذيه
غير بعد ماشريتهن دخل في جنبهن شوك صغير وبعدين ضبطن معاي والمحجره دايمن امشي معها وبالذات وقت الصيد امشي مشي عليهن والحين غيرتهن وفيهن نص عمر مثلك بس تمسحن حاجه بسيطه وانا راعي خطوط
وقلت السلامه زينه بغيرهن
وانصحك بالهانكوك



هلابك ياقلايد الليل
بيض الله وجهك على هالإفادة يابعدي
ولكن موضوع التاريخ القديم للكفر والمخزّن ما يضرها يعني أشتريها مافي مشكلة ؟؟؟

[خالد777]

الهانكوك ممتاز لكنه لين مع الجمب واي شوكة أو حصاة تشقه مع الجمب
وأشوف إذا أنت مضطر ركبها
أمس أنا انشق علي كفر هانكوك و ركبته وابشرك سعره نازل عن أول
لازم تسعر قبل

[عاشق التوام]

الهانكوك ممتاز لكنه لين مع الجمب واي شوكة أو حصاة تشقه مع الجمب
وأشوف إذا أنت مضطر ركبها
أمس أنا انشق علي كفر هانكوك و ركبته وابشرك سعره نازل عن أول
لازم تسعر قبل
هلا وغلا أخوي خالد 777
كم وصل سعره ألحين؟

وش الشركة اللي تنصحنا بها ؟
أنا سمعت عن الماكسس يمدحونه ولكن مدري عنه ولا أدري عن سعره

[قلايد الخيل]

هلابك هو معاه حق الله والعالم لان الحين مسوين عرض على الكفرات
بسعر 400 ريال
وانا شاري طقم قبل شهر الواحد بـ590 وبعد المكاسر
واذا تبي تنتظر انتظر لك شهر او شهرين بالكثير
بس انا اشوف انك تاخذه لان عرضهم يغري وماضن بياثر كم شهر
واذا تبي وصف المحل تقدر تسال اخوي فيصل التميمي على الرابط هاذا
http://www.mekshat.com/vb/showthread.php?t=471574&page=62

تشوف رده باخر الصفحه

[عاشق التوام]

هلابك هو معاه حق الله والعالم لان الحين مسوين عرض على الكفرات
بسعر 400 ريال
وانا شاري طقم قبل شهر الواحد بـ590 وبعد المكاسر
واذا تبي تنتظر انتظر لك شهر او شهرين بالكثير
بس انا اشوف انك تاخذه لان عرضهم يغري وماضن بياثر كم شهر
واذا تبي وصف المحل تقدر تسال اخوي فيصل التميمي على الرابط هاذا
http://www.mekshat.com/vb/showthread.php?t=471574&page=62

تشوف رده باخر الصفحه




أرحم الله والديك يالأمير عز الله ما قصرت أنت والأخوان

[ع. بن عمار]

و عليكم السلام صبحك الله بالنور

شف يا بعدي الكفرات عمرها 24 شهر بعد التصنيع في ظروف تخزين صحيحة يعني مكان بارد و مهوى

وحنا داخلين على 8 شهور بعد السنه يعنى قدامك 4 شهور و تصير غير صالحة إذا كانت مخزنه بشكل صحيح

ليه ما تجرب اليوكوهاما تراه لين و حلو وتراهم جايبين دفعه جديده كفرات
انا شايف عند الجميح اللى فى الرياض فرع خريص
قياس كفرات الجمس 265/70/17 تاريخها 2012 تماسكها Traction A و حرارته Temperature B

شف و استخر والله يوفقك لكل خير