المساعد الشخصي الرقمي

مشاهدة النسخة كاملة : كيف اعرف ساق المكينه؟


حجر بحري
21/09/2012, 09:56 PM
السلام عليكم ورحمة الله وبركاته
الله يعطيكم العافيه المهندس/ عبدالله
الخبير/الوافي
والخبير/الواهج
س/كيف اعرف المكيته ساق قصير اوطويل هل عليها رمز او اقيسها بالمتر وكم القياس للساق الطويل والقصير؟ياليت بالصور

س/كثير من اصحاب قوارب الضاعن الصياد24قدم الموديلات الجديده 2010و2011علطول يحاول يبيع القارب هل يوجد به عيب انتشر بيعها بشكل ملحوظ في السعوديه والخليج والقديم اتوقع ماعليه كلام من تجربة ؟

اشكركم مقدما على المشاركه النافعه واشكر المشرف الرحموني على الترتيب وجهده الكبير
wafi6556
21/09/2012, 10:59 PM
هلا ياحجر بحري
انت حاط اسمي مع الحراريف وانا ولله اتعلم منهم ومنك

معلوماتي بسيطه والحراريف يصححونها لي وكلنا نستفيد
بالنسبه لطول الشفت فيه ثلاث مقاسات

20 انش short shaft ويسمى عندنا شفت قصير ويستخدم عادةً للقوارب الفلات المسطحه من تحت او شبه مسطحه
الثاني
25 انش long shaft ويسمونه عندنا شفت طويل ويستخدم عادة للقوارب اللي تكون على شكل v
الثالث
30 انش extra long shaft وهذا المقاس نادر والقوارب اللي تحتاج هالمقاس نادره ويطلب طلبيه من الشركه

بالنسبه لمعرفته وطريقة قياسه
ممكن تعرفه من السيرال نمبر ويكون الرقم بعد الحرف L
او S على سبيل المثال L20 تعني شفت قصير

وطريقة قياسه تبدأ من الكرسي اللي تجلس عليه المكينه على القدح الى الريشه اللي فوق الرفاس مباشره
وممكن تكون زايده انش ناقصه انش عادي

بالنسبه لقوارب الظاعن الجديده
انا بصراحه ما اعرف عنها مشاكل...الا واحد عندنا بجده كان فيه عيب مصنعي في الفيبر ورجع للوكيل عبدالله هاشم وتم اصلاحه وعرض للبيع بعدها بسعر الجديد او سعر مقارب للجديد ولله ماني فاكر

هذا المعلومات اللي عندي ويجونك الحراريف نتعلم كلنا منهم
الواهج
22/09/2012, 07:48 AM
اضيف علي كلام الحريف الوافي من 20 الي 23 شفت قصير ومن 24 الي مافوق شفت طويل
القياسات بالانش
وشكرا لك يالوافي ولايهونون باقي الاخوه
حجر بحري
24/09/2012, 06:03 AM
الله يحفظكم في البر والبحر وفي ملكوته عز وجل

لك الشكر الأخ/الوافي
لك الشكرالأخ/الواهج

ولك كل الشكر معلمنا المهندس/عبدالله
م/عبدالله
24/09/2012, 09:48 AM
حيا الله اخونا العزيز ...حجر بحري

دائما .. الاسئلة الخاصه بك ... مميزه جدا واجاباتها معلومات تهم الاخرين
في الحقيقه ماقصروا الاخوان الوافي والواهج الله يعطيهم العافيه


بخصوص صبات الضاعن الجديده ... لم الحظ فيها عيوب من اشخاص جربوها
ربما اختيار المحرك الخاطيء لهذه المقاسات ... هو من مشاكلهم
كنت متابع عن كثب ووجدت ان هناك اقبال كبير وطلبات صب قوالب
من قبل المواطنين هناك والخليجيين عموما . ومتاح فرصة تصميمه من الداخل حسب الرغبات
والفتره من 2 شهرين الى 3 اشهر . حسب الحجم