كفرات البالون

[It's Just Me]

السلام عليكم جمعيا

بما ان الشتاء قرب و الكشتات بدت من الحين

افكر اركب كفرات بالون على افلانش 2008 جنوط 17

علما انه ادائه في البر زين لكن نطمح للافضل

سمعت من واحد من الشباب انه اذا ركبت كفرات بالون و ارتفع الموتر لازم تنزل القير !!

و انا منب جالس العب في الموتر و تطلع لي مشاكل في غنى عنها

قلت ابسأل اهل الخبرة و المجربين و مركبين الكفرات

علما انه راح يكون استعمالي فقط وقت الشتاء

[najd star]

مالها علاقة كفرات البالون وتنزيل القير

متى تنزل القير؟
إذا زودت سست أو كعكات من الخلف تقريباً 5 سم أو أكثر في هذه الحالة تنزل القير

أتمنى وضحت الصورة
تحياتي

[com.الطراعيز]

الله يعينك

[It's Just Me]

مالها علاقة كفرات البالون وتنزيل القير

متى تنزل القير؟
إذا زودت سست أو كعكات من الخلف تقريباً 5 سم أو أكثر في هذه الحالة تنزل القير

أتمنى وضحت الصورة
تحياتي


افهم من كلامك انه مهما كانت الكفرات كبيرة مالها علاقة ؟

انزل القير فقط اذا رفعت البودي ؟

[Salamah.y]

الكفرات ترفع الموتر كامل , بشاصيه و بديه و دفرنشاته و قيره
اللي يضر القير و لازم تنزله , اذا رفعته بـ يايات او كعكات عالية او كراسي البدي ,
لأنه يصير فيه تفاوت بالارتفاع , و تغير زاوية ميل العمود و يصير كأنه كشدود, و هذا ياثر على الصلبان
و ممكن ايضاً يعدم عليك الكرونه , و حتى القير معرض للضرر ~

,

لا توسوس اخوي , ترى البلون ماهي مرتفعه ارتفاع كبير و مؤثر
ان شاء الله ما تشوف منهن الشر , اهم شي اوزن هواهن صح , و اذا فيه مطبات قويه لا تاكلها على سرعه

[It's Just Me]

الكفرات ترفع الموتر كامل , بشاصيه و بديه و دفرنشاته و قيره
اللي يضر القير و لازم تنزله , اذا رفعته بـ يايات او كعكات عالية او كراسي البدي ,
لأنه يصير فيه تفاوت بالارتفاع , و تغير زاوية ميل العمود و يصير كأنه كشدود, و هذا ياثر على الصلبان
و ممكن ايضاً يعدم عليك الكرونه , و حتى القير معرض للضرر ~

,

لا توسوس اخوي , ترى البلون ماهي مرتفعه ارتفاع كبير و مؤثر
ان شاء الله ما تشوف منهن الشر , اهم شي اوزن هواهن صح , و اذا فيه مطبات قويه لا تاكلها على سرعه



مشكور اخوي على التوضيح و جعله في ميزان حسناتك

[najd star]

افهم من كلامك انه مهما كانت الكفرات كبيرة مالها علاقة ؟

انزل القير فقط اذا رفعت البودي ؟



نعم هذا الي أقصدة وأنا أخوك

[التعـ King ـديل]

تنزيله القير مالها علاقه بالكفرات سواء بالون ولا حجريه ولا اي شي كبير

تنزيله القير لمن ترفع السياره بيايات او كعكات او سست

[أبوغيث 2003]

تنزيلة القير هذي إذا كنت تبي ترفع الموتر من الخلف فقط

أما إذا تبي ترفعه من قدام ومن خلف فماله داعي تنزيلة القير

[طحنون]

اذا للبر ركب شواهين الان متوفره بمقاس الجنط 17 ممتازه جدا افضل من البواللين

[It's Just Me]

مشكورين يا إخوان على الإفادة و التوضيح

[ss511]

الله يعطيكم العافية جميعا استفدت منكم

[أعذب الياس]

اذا للبر ركب شواهين الان متوفره بمقاس الجنط 17 ممتازه جدا افضل من البواللين

اذا كنت تقصد الشاهين النحيف زي حق الشاص مقاس 17، تكفى يالذيب دلني وين يباعن..

هبلن بي الحجريات من الصوت المزعج.

لاهنتو جميع

[المنطلدز]

ترا البالون مايمشي بالرمل

[طحنون]

اذا كنت تقصد الشاهين النحيف زي حق الشاص مقاس 17، تكفى يالذيب دلني وين يباعن..

هبلن بي الحجريات من الصوت المزعج.

لاهنتو جميع
هلابك اذا كنت تقصد نقشه الشواهين للشاص هاذي دنلوب ماهي شاهين وهي موجوده عندوكيل دنلوب بن زقرلاكنلا اعلم عن المقاس
هل يجي17 او لا
و اللي اقصده كفرالشاهين الياباني اللي وكيله الخاتم عندنا بالشرقيه نزل بمقاس 17 من فتره ليست بالقصيره والشاهين معروف للخط والرمل ومكتوب عليه انه رملي ومايحتاج التعريف عنه

[مجالس الرجال]

اذا انت راعي حجرة البالون ممتاز واذا رمل لا تقربهن لأنهن أذية للموتر

[أعذب الياس]

هلابك اذا كنت تقصد نقشه الشواهين للشاص هاذي دنلوب ماهي شاهين وهي موجوده عندوكيل دنلوب بن زقرلاكنلا اعلم عن المقاس
هل يجي17 او لا
و اللي اقصده كفرالشاهين الياباني اللي وكيله الخاتم عندنا بالشرقيه نزل بمقاس 17 من فتره ليست بالقصيره والشاهين معروف للخط والرمل ومكتوب عليه انه رملي ومايحتاج التعريف عنه

اللي اعرفه ان كفرات الشاص تسمى دنلوب نقشة شاهين..

عموما اللي تقصدهن مقاس 17 وش العرض والارتفاع؟؟