افضل محل لتنجيد ££((((((((الفتك))))))))££ مطلوب

[شحرور الدهنا]

السلام علكم ورحمة الله وبركاته


انا معي باترول سوبر سفاري2005 مراتب جلد بيج

ودي انجده مخمل للكن مالقيت محل ينجد تنجيد صح ابي نفس اللون نفس تنجيده السفاري 2

لايهم السعر ابدا

عااااجلااا

[يزيد 999]

النافورة بعنيزة شغل وكاااالة

[ابوسند9]

موقعك يالحبيب؟؟؟؟؟
لكن من رائيي وانت عاد اللي تشوفه
يوجد تلبيسه نفس لون مراتب السفاري تو
او انك تشوف لك مراتب من التشليح افضل

[تمنيتك لي]

إن شآء الله يفيدونك الاخوآن

[شحرور الدهنا]

يعطيكم العافيه يالربع

انا من اهل الرياض

والنافوره اللي بعنيزه شغله ممتاز جدا جدا شفت موتر واحد من الشباب الصراحه خيالي تنجيده وما اتوقع احد يزبطها مثلهم

والله يعين شكلي بروح لهم لعنيزه

[ابوقبلان الرس]

فيه النافوره بعنيزه والشلال بالرس شغلهم 100%

[abo naser 1]

السلام عليكم

عندك وضاح للتنجيد وشغل أفضل من الوكالة وخبرة قديم جداُ وأفضل موتر يضبطة الباترول القديم والجديد وأعتقد أنه أفضل من الشلال والنافورة موقعة الصناعية القديمة بالرياض

[NissaN 1990]

السلام عليكم
فيه الغاشم اللي بصناعية النسيم بالرياض طريق الميه شغلهم لا يعلى عليه وأغلب شغلهم أمريكي وألماني
وواحد أعرفه منجد عندهم رنج سبورت 2006 طبقوه 2012
شف السيارات اللي عندهم

[خبايا انسان]

الوضاح بالرياض او النافوره بعنيزه

[مسير عليهم]

التمران في شارع الغرابي شغلهم ممتاز

[شحرور الدهنا]

مشكورين الله يعطيمن العافيه

[mmaamm123]

اخوي انا عندي مراتب باترول سوبر سفاري 2005 مراتب مخمل الي قدام كلهم كهرب نضاف اتصلبي باي وقت 0551588555

[RW7..ALBDAWA]

< رفع الموضوع

بالنسبه لوضآح جيته اليوم وقلت له ابيك تنجد لي بآترول صآلون تنجيد كآمل جآني رجال فلسطيني قآلي راح نآخذ عليك 4000 ريآل التنجيد الكآمل وتتفق مع راعي الزجاج عشان يفك الزجاج يعني الشغله بتطلع علي بحدود 4400 ريآل < مآتشوفون ان هالششي مبآلغ فيه مرررررررررررررررررررررررررررررررررره

[ابوسند9]

اذا بياخذ عليك 4000 الاف
اتوقع الشلال بحدود ها السعر او اعلى
واذا لك سفره للامارات هناك بلاش
احد الزملاء كان معاه سفاري ون اي داخلي اسود في اسود سواء تبديل كامل مراتب وفرش وسقف وديكور من ابواب التشليح وكلفه 3500 درهم طبعا فك وتركيب من سفاري تو واخذو اغراضه

[RW7..ALBDAWA]

3500< درهم مآقصرت اجل نفس السعر

اللي سمعته من بعض الشبآب ان الشلال او النافوره بعنيزه يآخذ على الباترول الصآلون كامل 2500 ريآل

[ابوسند9]

اخوي
انا اللي اقصده بالسعر تبديل كامل وشد بلد وليس تنجيد يعني فك من سياره اخرى
واذا انت تحتاج مراتب مخمل فقط اتوقع ما يكلفك ولا 1000 ريال هناك ..لانه راح ياخذ مراتب سيارتك ويركب لك مراتب سفاري 2

[RW7..ALBDAWA]

اخوي
انا اللي اقصده بالسعر تبديل كامل وشد بلد وليس تنجيد يعني فك من سياره اخرى
واذا انت تحتاج مراتب مخمل فقط اتوقع ما يكلفك ولا 1000 ريال هناك ..لانه راح ياخذ مراتب سيارتك ويركب لك مراتب سفاري 2

ابو سنـد انت لو تدخل عند وضآح سلمـه المفتاح وقله ابي الموتر يرجع شد بلد وهو يبي يآخذ منك المبلغ

وتعآله بعد اسبوع صدقني موترك بيطلع شد بلد ترى وضآح من جد يشتغل من قلب ووششغله وكآله وافضل من الوكآله لآكن المشكله الكبيره ومربط الفرس السعر المبآلغ فيه

وكم وكم وكم من شخص اشتغل عند وضاح وعرض موتره هنا بنفس هالموقع على انه دآخلية شد بلد ويآكثرررررررررررررررررررررررهم

[ابوسند9]

مافيه كلام وضاح واعرفه قبل 25 سنه والمحل له قرابة 40 سنه
وشغله معروف يوم الناس يركبون خياش على المراتب وهو ينجد شد بلد واكثر شغله المرسيدس والابي ام اي السيارات الالمانيه لكن زي ما قلت انت السعر
لكن اخوي مادام السعر غالي
ليه ماتشوف مراتب من التشليح
او تشوف تلبيسه واذكر انه فيه تلبيسه نفس شد البلد

[RW7..ALBDAWA]

مافيه كلام وضاح واعرفه قبل 25 سنه والمحل له قرابة 40 سنه
وشغله معروف يوم الناس يركبون خياش على المراتب وهو ينجد شد بلد واكثر شغله المرسيدس والابي ام اي السيارات الالمانيه لكن زي ما قلت انت السعر
لكن اخوي مادام السعر غالي
ليه ماتشوف مراتب من التشليح
او تشوف تلبيسه واذكر انه فيه تلبيسه نفس شد البلد

من العآيدين يآبو سند وكل عام وانت بخير والجميـــــــــــــــــــــــع

انآ اللي ابيه موتري يكون من جوى كآنـه شد بلد وشغل تلبيس المرآتب امره سهل لآكن وضاح مدرري وش يسوي بالمراتب الضاهر يحط مقوي المهم انه يرجعهآ لـ شكل البلد
امس اتصلت على واحد من اهل القصيم وقلت له ابي انجد عند النافوره كم بيآخذ علي قالي الموتر كامل بيقص عليك حدود 2300 ريآل قلت اجل تم بعد العيد وانآ بالقصيم
انجد بـ 2300 ولآ انجد بـ 4400 ريآل

[koogak]

يالربع كل عام وانتم بخير
ممكن وصف لوضاح ودي اشوف شغله وبعدها نقرر

[تركي12]

شركة التلميع الذكي

عنده افضل تنجيد بالرياض صلحو لي مرتبتي رجعت كأنها وكاله وعندهم تلميع ممتاز افضل تلميع بالرياض بنظري موادهم مقوايرز و عمالتهم فلبينيين و عندهم تظليل سراميك نانو عزله 99٪ امركي أقوى من عزل 3m وضمانهم مدى الحياة وعندهم أشياء كثيره .. انا أشوفه محل ناجح بقوه و يستاهل الزياره وسعرهم ممتاز جداً








لكن عندهم زحمة بعض الأحيان بالمواعيد عشان الخدمه وسعر مناسبين مره




مكانهم في الرياض - مخرج 10 - طريق الملك عبدالله - بعد مسجد الحديثي - قبل قصر المقصور ب 500 متر - داخل محطه الدريس اللي فيها كوفي جافا تايم وورشه العيدي

ملاحظة:جمبهم محل ايجار انا حطيت سيارتي واستاجرت

[abuahmed1]

انا نجدت سيارتي عند شركة التلميع الذكي وصراحة كان شغلهم ابداع خيطوها خياطة مدبلة نفس خياطة الوكالة صراحة شغلهم مرا ممتاز والجلد مستورد اصلي
هم عندهم تلميع وتظليل وحماية وتغير لون وتلبيس ارضية كل شغلهم عليه ضمان عمالتهم فلبينين ممتازين موادهم في التلميع ميقوايرز امريكيا. والتظليل نانو سيراميك عزله 99بالمية عليه ضمان مدى الحياة. وحامي الوجهية ثري ام اصلي ضمان خمس سنين وتلميع الحامي مجانا .

انا انصح فيهم وعن تجربة شخصيا
موقعهم: الرياض - مخرج 10 - طريق الملك عبدالله- بعد مسجد الحديثي -قبل قصر المقصورة ب 500 متر داخل محطة الادريس اللي فيها جافا تايم .
جمبهم محل تاجير انا حطيت سيارتي واستاجرت

[ms662]

الردين الي قبلي رافعين مواضيع التنجيد كلها حقت عام 2012 هذا الموضوع وغيره الخاصه بالتنجيد
ونفس الرد وتسلسل الشخصين في الرد
دعايه واضحة
بس هل هي للمحل ولا لمحل تاجير السيارات

[MrD7om]

الردين الي قبلي رافعين مواضيع التنجيد كلها حقت عام 2012 هذا الموضوع وغيره الخاصه بالتنجيد
ونفس الرد وتسلسل الشخصين في الرد
دعايه واضحة
بس هل هي للمحل ولا لمحل تاجير السيارات
شكل راعي محل التنجيد ومحل الاجار واحد
قال خل نخليها دعاية وحدة :D

[alprince38883]

ابي انجد باترول صالون ي جماعة الخير وين اروح ابي بلد

مع ذكر الاسعار دخت وانا ادور كلها مواضيع قديمة ممكن اهل الخبرة يفيدوني