الطريق من الرياض للمدينه لو تكرمتوا

[حب لاينتهي]

السلام عليكم ورحمة الله وبركاته

انا بالرياض وابي اروح للمدينه

وسمعت الطريق من الرياض للقصيم ومن ثم المدينه

هل هو صحيح

وكم تبعد القصيم عن الرياض وكم تبعد المدينه من القصيم

والمحطات هل هي متوفره من القصيم للمدينه وعلى الطريق ولا

لا زم نفرق لها كم كيلو

بارك الله بكم

[قاضي علاجه]

هلا بك اخوي

الطريق من الرياض للقصيم + المدينه

من الرياض للقصيم 330
من القصيم للمدينه 500

يعني احسب مسافتك من الرياض للمدينه حدود 800 كيلو وشوي

والمحطات من القصيم للمدينة لكن متوفره وعلى الطريق بس مهيب ذيك الكثره لكن خد احتياطك دايما بالفلفله :)

والله يحفظك ويستر دربك

[حب لاينتهي]

مشكووووووور

سلمك الله

[هيتاشي]

فيه محطات بنزين ولاهي كثيره بس غير شكل كل محطه لها مخرج على يمين الطريق حدود 1 كلم او 500 م

[جبال الرّوكي]

انا جيت مع الخط في شهر رمضان والخط ممتاز ومسافته800 تزيد او تنقص قليلا

خوفهم البعض من المحطات ولكنها بالحقيقة ليست بالقليلة جداً ولكن كن حذر وانتبه للوائح التعليمات ع جانب الطريق لان اكثر المحطات تبعد عن الطريق مسافة بسيطة ( كيلو او اقل )

وتقل من مسافة الى اخرى ( انتبه للوائح )


وبالتوفيق

[حب لاينتهي]

هيتاشي

يعني اشوف المحطه وانا على الخط

ولا لوحه وافرق وبعدين تبين

بارك الله بك

[حب لاينتهي]

جبال الروكي

نفس الإستفسار

هل تبين وانا على الخط او لازم نفرق لها مع اتباع اللوحات

وهل يذكر بالوحه كم المسافه للمحطه

بارك الله بك

[أبوسعد111]

أخوي
المحطات من القصيم إلى المدينة قليلة مقارنة بطريق الرياض القصيم
وكلها واضحة وأنت على الطريق
وإذا عبيت وأنت بطرف القصيم يمكن يدخلك للمدينة (على حسب صرفية سيارتك)
وانتبه من ساهر بمدخل المدينة وداخلها

تروح وترجع بالسلامه

[حب لاينتهي]

ابو سعد

المسافه 500

كم تبعد المحطات عن بعض تقريبا 50 كيلو او اكثر

الف شكر سلمك الله

[هدد688]

على مااذكر انك اذا طلعت من القصيم تمشي حوالي 200 كيلو مافيه ولا محطه

وبعدها تجيك المحطات

[قمة افرست]

بعد القصيم - البتراء والمسافه عن عنيزة وبريده مابين 90الى 100 وفيها محطه يمين الخط كبيرة
بعدها يجي مفرق عقلة الصقوربعد 60 او 70كم ومحطتها يسار بعدها ب60 كم تجي محطه يمين الطريق
ثم مفرق حايل بعد حوالي 120 كم وفيه محطه يمين الخط
وبعده 30كم ومحطة العاليات -الحناكية يمين الخط ويساره
وبعدها 100كم ونت بالمدينة
والله يسهل دربك
ساهر
قبل المدينة 30كم

[. ذيب ساحوق]

من القصيم الى المدينه 500 كيلو والخط سريع وزين

محطة السيح الحجازيه

محطة مزريره (مفرق البتراء _النبهانيه)

محطة مناخ طميه (مفرق عقلة الصقور- دوبح)

محطه بعد جبال الشمط

محطه بمفرق الهميج تحت الانشاء

محطة بمفرق الشقران - حايل

محطة العاليات (مفرق الحناكيه )

محطه بمفرق الصويدره تحت الانشاء

وجميع الديار المذكوره فوق تتوفر بها محطات وماتبعد عن الخط كثير

وانتبه من ساهر من تحت كبري المريه ابتداء والشقراء والصويدرهـ وبعدها لين توصل المدينه هذي امااكنه لابركه فيه

والله يوفقنا وياكم لكل خير

اي خدمه انا حاااضر يااخوان

[طير الطيور]

إن شاء الله الأخوان أفادوك

[حب لاينتهي]

هدد

بارك الله بك

مشكوووووور سلمك الله

[حب لاينتهي]

قمة افرست

بارك الله بك

الف شكر سلمك الله

[حب لاينتهي]

ذيب

بارك الله فيك

ومشكووووور على التنبيه من ساهر

عافاك ربي وسلمك

[حب لاينتهي]

طير
بيض الله وجيههم ماقصروا

[ال فهره]

انا من المدينه سلمك الله الطريق من الرياض الي القصيم ثم الى المدينه الطريق المحطات قليله يعني خلك دايم مفلل وانتببببببببببهه اشد الانتباه لساهر قبل دخول المدينه ب40 كيلو لانه يوجد بعد وادي الحار وبعد التفتيش الي قبل المدينه وشكرا

[راعي ضعه]

800كيلومن الرياض الي المدينه
المحطات متوافره بس ماهي بذاك الزود

[حب لاينتهي]

انا من المدينه سلمك الله الطريق من الرياض الي القصيم ثم الى المدينه الطريق المحطات قليله يعني خلك دايم مفلل وانتببببببببببهه اشد الانتباه لساهر قبل دخول المدينه ب40 كيلو لانه يوجد بعد وادي الحار وبعد التفتيش الي قبل المدينه وشكرا



مشكووووووووووور

بارك الله بك

[حب لاينتهي]

800كيلومن الرياض الي المدينه
المحطات متوافره بس ماهي بذاك الزود


بارك الله بك

مشكوووووور سلمك الله

[mrakramamir]

السلام عليكم و رحمة الله و بركاته

سؤالي اخواني هل الرادارات و كاميرات السرعه قبل المدينه 40 كيلو فقط؟

يعني طول الطريق ما فيه كاميرات و رادارات الا هادي؟

[. ذيب ساحوق]

ساهر من قبل المدينه بـ 90 كيلو ابتداء من كبري المريه اوالشقرهـ وانتهاء بدخولك المدينه مقابل مطعم البيك

[حب لاينتهي]

الله يكفينا شر ساهر

سلمك الله

[MAKKAH77]

شكرا للجميع اللي ساهمو بالرد
لكن عدد المحطات قليل جدا مقارنة بطريق الرياض للطائف أو الرياض للشرقية
والمشكلة اللي واجهتني ان مافي لوحات تدلك أو توضح لك أنك قريب من أي محطة
والله المستعان
لذلك أحرص أخي وانت مسافر تنتبه
وشكرا

[طير الطيور]

أن اشهد انه حديث لا ينتهي

[حب لاينتهي]

شكرا للجميع اللي ساهمو بالرد
لكن عدد المحطات قليل جدا مقارنة بطريق الرياض للطائف أو الرياض للشرقية
والمشكلة اللي واجهتني ان مافي لوحات تدلك أو توضح لك أنك قريب من أي محطة
والله المستعان
لذلك أحرص أخي وانت مسافر تنتبه
وشكرا


العفو

يعني السفر يكون بالنهار احسن عشان

تشوف زين

بارك الله بك

[حب لاينتهي]

طير

يعني على الوزنه

[طير الطيور]

حب لا ينتهي


بالضبط

[حب لاينتهي]

طير

سلمك الله

[ابورايف]

مشكورين على الأفاده

بخصوص طريق الرياض المدينه

هو قرابه 800 كيلو تزيد قليلاً وتنقص

لكن المشكله بالمحطات

وددت أن أرفع الموضوع لأهميته

وشكراً لكم