كفرات الهانكوك معقولة انقطعن [الأرشيف]

مشاهدة النسخة كاملة : كفرات الهانكوك معقولة انقطعن

الماجدي

01/08/2006, 05:22 AM

كفرات الهانكوك معقولة انقطعن امس انا عند محل لهانكوك سئلته عن كفرات 225 \ 70
كـــــــتـــبه يعني مكتوب على الكفر كلمة هانكوك بالأنجليزي قال انقطعن من 5 شهور مافيه الا خـــط للأسف
ياشباب ما تخبرون محل يبيعهن سواء بالرياض او بالقصيم وشاكرين لكم

غضنفر

01/08/2006, 05:31 AM

ايه صحيح منقطعة
لكن يمكن تحصلها في غير الغرابي
محلات البناشر الكبيرة المنتشرة في الأحياء قد تحصل عندهم
واذا حصلتها علمني الله لا يهينك

غالي

01/08/2006, 05:50 AM

مهيب هي وبس ازودك من الشعر بيت
حتى الدانلوب جنط 17 حق اللاندكروزر من اسبوعين بالغرابي
ناس يبيعونها على 640 ريال وناس 550
قلت ليش؟
قالوا ماصارت تجينا :(
قلت بالوكاله ارخص
قال اليماني ايه رح للوكاله يمكن ارخص لك :(