مشورتكم يا اخوان في سعر سيارة بشتريها

[خبايا انسان]

بسم الله الرحمن الرحيم ,,

السلام عليكم ورحمة الله وبركاتة ,, اسعد الله ايامكم بكل خير ,,

يا اخوان معروض علي سوبربان امريكي موديل 2007 ltz , نظيف من غير صدوم ولا رش

اللون فضي , مواصفاته :
دبل

فتحة سقف

شاشات دي في دي

باب الشنطة يفتح ويقفل آلي

,,,

الممشى 107 الف ( بالميل )

محدود علي ب 95 الف !!

وش رايكم ؟

[اتجاه السحاب]

الأمريكي الأفضل تشري جديد وإن كانك ماتصل سعر الجديد خذ موديلا جديدة مثل ٢٠١٠ و٢٠١١

[خبايا انسان]

شاكر لك ,, يعني الموديل 2007 فيه مشاكل ؟

[SAS2]

والله مدري اشوفه غالي على موديلة وممشاه

لاكن تقدر تقارن السعر بمواقع الحراج بالنت وتشوف كم الاسعار وكم يستاهل هالموتر قيمة

وبالتوفيق انشالله

[خبايا انسان]

الله يجزاك خير ,, طبعا الموتر ياشباب معروض في احد الصالات الكبار

[تمنيتك لي]

انا مستخدم التاهو واليوكن ولآبأس فيهم وهذه أسعآرهم

طبعآ سعودي ..

والامريكي الافضليه انك تبتعد عنه بقد ماتقدر

والله يحطك بالخيرهه

[Magellan]

خبايا انسان
مواتر الصالات نظاف ومضمونه وسعرها غالي
لكن تبي الشور
شوف فيه سعوديين يجيبون من الخارج سيارات من امريكا تلقاهم معلنين في موقع حراج
هذولا تتفق معهم وتعطيهم دفعه ويعطونك ايصال وبضمان واذا جت بعد 20-30 يوم تسلملهم الباقي
رفيقي اشترى من عضو عندنا في مكشات اسمه :سنافي وبس وبالحيل يمدح تعامله
واميز مافي الموضوع انهم ارخص من الصالات بأكثر من 10 الاف ريال
شرى قريب افلانش z71 بـ85الف وبالصالات فوق 92 الف ريال لنفس مواصفاته
لكن الفرق عن الصالات مافيه ضمان او صيانه لكن السيارة النظيفة مايحتاج ضمان لأن حتى صالات المعارض الكبار يلزمونك طول فترة الضمان تغير الزيت من فروعهم وتلتزم بجدول صيانه طوال فترة الضمان ولاهي ببلاش بفلوس
فيعني ارجح لك الطريقة الاخرى
وبالنسبة للسعر للأسف ارتقعت الاسعار حتى بأمريكا ويكفي واحد يبي يشتري يوكن دبل ستاندرد طالع عليه 164000 موديل 2013

[مخ سعودي]

انا بصراحه لا اعلم عن السيارة ومدى نظافتها لكن عليك بفحص نسبه المكينة ان كانت من ٩٦ وفوق ومافي تهريبات والقير والدبل ماقد فكت والبدي نظيف ويلمع والدخليه شاشه فانا اقول يستاهل وسعره للمستخدم حلو ويجب عليك بعد شراءه تركيب مبرد قير

[خبايا انسان]

والله حيرتوني صراحه ،، ليش ابعد عن الامريكي قد ما اقدر !؟ عطوني اسباب

طبعا الاستخدام بيكون فقط للعائله والسفر وبالنسبه لي افضل الصالات عشان الضمان ،، والله اعلم ..

هل السعر مناسب ؟
هل الامريكي فيه مشاكل ؟ وخصوصا اول اصدار من الشكل الجديد 2007 ؟

[Chevy VP]

يا رجال انا كل حياتي سيارات امريكية

بالعكس راحه ومركب وقوه

السيارة سعرها لا بأس فيه بس بنصحك بشي

تأكد من العداد لان بعض الصالات يعدلون عليه

انا قبل 3 اشهر جيت بشري تاهو 2008 استخدام امريكي ماشي 62 الف ميل

راعي الصاله بنفسه يحلف ان الموتر ما جاه صدوم وانه نظيف انا فحصت وكل شي

بس بعد ما اخذت رقم الشاصي وسحبت عليه برنت من كار فاكس ما حصلت عليه حوادث

بالمريكا بس لقيت يوم طلع من هناك ماشي 197 الف ميل يعني العداد معدل

بالتوفيق :good2:

[Salamah.y]

عليكم السلام و رحمة الله و بركاته

,

إذا حصلت موديل 2009 و فوق , احسن لك
لأن قير الـ 2007 , أصغر 4 غيارات , بعكس الموديلات الجديدة
طبعاً , القير الجديد افضل من ناحية راحة الموتر و اقل صرفية

لكن اذا الموتر نظيف بالحيل و تشوف انه لقطة , و انت راعي استخدام ~
ياخي لا تفوته , حتى لو سعره أعلى بثلاث الاف الى خمس آلاف , عن السوق
اللي بيستخدم ماراح تفرق معه , إن شاء الله , أهم شي النظآفة

,

و عسى الله يبارك لك و ويوفقك بمشتراك

[خبايا انسان]

يعطيكم العافيه . كفيتوا ووفيتوا .. افهم من كلامكم ان السعر غالي شوي

[.أبوعبدالرحمن]

وعليكم السلام ورحمة الله وبركاته


السيارة طبعا ماشية تقريبا 170 ألف كم ، وفي هذه الحالة السيارة بعد 30 ألف كم


راح تطلب قطع وهذا طبيعي في جميع السيارات ، وسعرها على حسب كلام الأغلبية


مرتفع نسبيا ، مع العلم أن القير أربع تغييرات فقط والتاهو من 2009 ست تغييرات


من رأيي بحكم أن المبلغ إللي معك مُحدد مسبقا ، بتلقى بإذن الله فورد أكسبدشن موديل


2010 و 2009 وماشي قليل وسعودي ودبل وبنفس السعر ، بحكم أن فورد أكسبدشن يطيح سعره


في المستعمل وهي سيارة عملية ومتوفرة قطع الغيار وسعر قطعها نفس التاهو واليوكن


تقريبا ، طبعا التاهو سيارة ممتازة وكذلك اليوكن لكن أخترت الإكسبدشن بناءا على المبلغ


إللي معك والجودة واحدة



وأسأل الله أن يرزقك بما يرضيك

[خبايا انسان]

اللّه يجزاكم خير .. طيب والتاهو 2009 امريكي نفس المواصفات المذكوره كم سعره تقريبا

[ذيب النجيل]

سوبر بان فضي ٢٠٠٧ استخدام امريكي

بدون دبل


ماشي ٨٠ الف

اخذه عمي من صاله ب ٩٣ الف ريال

قبل سنه تقريباً

[N أبورغد N]

يااخي ماني فاهم سبب تعلقك في ذا الموتر
شوف الخيارات البديله لان السعر غالي بالحيل والموتر ماشي مشي ماهو بسيط
لو تشوف فورد xl اكسبدشن اتوقع بتحصله ارخص كثير
والله يسهل امرك ويرزقك الجديد

[N أبورغد N]

سمعت ان الدورانقو 104 السياحي
اذا الحجم يناسب الموتر ماعليه كلام

[خبايا انسان]

والله يا اخوان اولا لولا اختلاف الاذواق لفسدت السلع

ثانيا غالبيه الشعب السعودي يحبون الجموس وماحدهم على غيرها الا بسبب سعرها الغالي ولو يتساوا سعر الجمس وسعر الاكسبديشن كان تلقى الناس تركت الاكسبديشن صح ولا انا غلطان؟

[ابوريان القحطاني]

زمن الجموس انتهى

بعدين الله يبارك فيك موديل 2007 و 2008 فيه مشاكل في القير و2009 تعدلات المشكله وصار ممتاز صار 6 تغيرات


ووبالنسبه للسيارات الاكسبديشن حمار مكده ويمدحونه الصراحه انا ماجربته

لكن جربت التاهو 2009 ممتاز
والسكويا 2011 اكثر من ممتازه


لكن ابعد عن الصالات وبيرزقك الله وخاص الامريكي الاسباب ان الجو عندنا حارر
يختلاف عنهم والسعر اللي انت ذكرت والممشى غالي بالحيل
انزل الجمعه في المعارض وابحث بنفسك راح تتفاجى بالاسعار

اتمنى لك التوفيق كما اسال الله ان يرزقك بسياره اللي في بالك

[خبايا انسان]

شاكر مقدر لكم ،، ورح يتم اعاده ترتيب الافكال .. ومايمنع من استقبال اراءكم ونصائحكم

[.أبوعبدالرحمن]

والله يا اخوان اولا لولا اختلاف الاذواق لفسدت السلع

ثانيا غالبيه الشعب السعودي يحبون الجموس وماحدهم على غيرها الا بسبب سعرها الغالي ولو يتساوا سعر الجمس وسعر الاكسبديشن كان تلقى الناس تركت الاكسبديشن صح ولا انا غلطان؟


ما لك لوا أخوي الغالي .. اليوكن والتاهو والإكسبدشن جميعها في نظري جوده واحده مع

الإختلافات في المميزات فهناك مميزات موجودة في اليوكن والتاهو ولكن غير موجودة

في الإكسبدشن والعكس صحيح ، وللمعلومية إذا أنت راح تستخدم السيارة في السفر فيكون

الاكسبدشن في صالحك بحكم الراحة لأنه أريح من اليوكن والتاهو لأن نظام العكوس الخلفية أفضل

طبعا أنا لم أتكلم إلا من واقع تجربة الوالد معه إكسبدشن 2007 وماشي تقريبا 180 ألف كم

والحمدلله وما شاء الله تبارك الله لم نعاني من شيء و السيارة جدا عملية


هذه روابط راح تفيدك أكثر بإذن الله لو تقرا جزء كبير الردود :

رابطة ملاك اسد الصحراء ( الاكسبدشن4×4 / 2×4) (http://www.mekshat.com/vb/showthread.php?t=179090)


رابطة ملاك اسد الصحراء ( الاكسبدشن4×4 / 2×4)الجزء الثاني (http://www.mekshat.com/vb/showthread.php?t=432386) ‏

رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)


رابطة ملاك (اليوكون , دينالي , تاهو , السوبربان ,z71) الجزء الثاني (http://www.mekshat.com/vb/showthread.php?t=432570) ‏

(((رابطة ملاك اليوكون))) فقط لاصحاب اليوكن ....Yukon (http://www.mekshat.com/vb/showthread.php?t=264207) ‏

[بدوي جنوبي]

حرام والله تحط فلوسك في سياره موديل 2007 وماشيه كثير

الله يعينك أضغط نفسك شوي وخذلك أكسبديشن طويل كان عليه عرض 109
بدون دبل ،،، الفرق 10 الاف زيادة عن الدبل اذا بغيت

او أكسبديشن قصير بدون دبل مسوين عليه عرض ان شاء الله تلحق عليه
عموما تابع صالة فورد بأستمرار وان شاء الله تجد عرض يناسبك بسعر يرضيك

اما اليكون والتاهو وصلت أسعارها فوق ال 150 الف
وصدقنى الاكسبديشن أفضل منها


تنبيه ممكن الاسعار أختلفت