تحذير للي ما عنده قراش لموتر البر

[ابومارية]

هذا الموتر ياأخوان من تصويري قبل عدة شهور اخبرني به احد سكان المنطقه .

تحذيري بأنه يقوم للأسف من لايخاف الرقيب الحسيب بحرق السياره بعد سرقتها خوف من ظهور

البصمات خاصة بعد صدور قرار الوزاره بأستخراج بطاقة الأحوال بخاصية البصمه ( ام بصمه )

والموتر ترك بكامل تجهيزاته من مكينه وقير ودبل ودفرنسات ( موديل 93 ) واضح انه سرق للعب


وهو في بمكان يصعب الوصول اليه الا بالأقدام

http://www.mekshat.com/pix/upload06/images/2012/09/mk245481_sss.jpg


وبعد ما فرست الضباع أجهزت الحصاني


http://www.mekshat.com/pix/upload06/images/2012/09/mk245481_ss.jpg



حسب الله ونعم الوكيل انتبهو لسياراتكم الحديد ينعوض لكن الرسول

صلى الله عليه وسلم تعوذ من قهر الرجال ( اللهم اني اعوذ بك من غلبة الدين وقهر الرجال )

[sgl2002]

مشكور ع التحذير

والله يردها في وجهه من سرقها

[خبايا انسان]

لاحول ولا قوة الا بالله ، اللّه يهدي شباب امتنا

[مكروف بالدوام]

الله يعوض راعية

[ابوعمر1397]

هي وقفت على سيارات البر
كلش ينسرق هالايام حتى الكحل من العين

واحد مسروقه سيارته من داخل البيت

[|_عاشق البراري_|]

الله يعوض راعيه

والله ياكثرهم بالخرج يسرقون السيارات ويحرقونه الاماكن شرق الخرج في الوسيع اروح اكشت هناك والله كل ماشوفه انقهر على الي سووه السياراات من جيب باترول وددسن وكم هايلوكس كله مفحطين فيها وومحريقينه الله لايبارك فيهم

[صقر برزان]

ﻻ‌ﺣﻮﻝ ﻭﻻ‌ ﻗﻮﺓ ﺍﻻ‌ ﺑﺎﻟﻠﻪ ، ﺍﻟﻠّﻪ ﻳﻬﺪﻱ ﺷﺒﺎﺏ ﺍﻣﺘﻨﺎ

[تساهيل1]

يآ ويلهم من الله
ياويلهم ويلاه

حسبي الله عليهم

هذا تعدي على حلال مسلم
وهذا يغضب الله سبحانه اشد الغضب
اعوذ بالله

[ابومارية]

اشكر الأخوان على مداخلاتهم الطيبه

[التعـ King ـديل]

الله يعوض صاحبها بالموتر الجديد الحلال الزلال ويرزقنا من حيث لانحتسب جنه عرضها السماوات والارض

السرقه الحين صارت في كل شي سيارات بر ولا دراديع .. صديق لعمي عند باب بيته ينزل خضار وفاكهه من السياره وفاتح باب الراكب وينزل الاغراض جاه الحرامه وفتح باب السواق وانحاش ماخاف ولا اهتم لصاحب السياره اللي عند الباب الثاني كذلك المقطع اللي باليوتيوب اللي واحد بشارع التخصصي رمى زقاره بالشارع او انه محصلها ونزل يشيلها نزل واحد من سياره ثانيه وسرق الفورد حقه امام الناس وكاميرات ساهر

[You Like Me]

لا حول ولا قوه إلآ بالله
تسلم اخوي على التحذير .. وياليت الكل ما يتهاون بهذا الشي
سرقة السيارة مافيه اسرع منها الله يكفينا الشر

جاري الصباح يحمي السيارة عند الباب بيروح الدوام
يحلف بالله ان الشارع مافي احد فـ يقول تذكرت نظارتي الشمسية في الملحق الخارجي
خطوتين بجانب باب الفله اللي حصل في اقل من نصف دقيقه
يقول وانا اقفل باب الملحق بطلع الا اسمع صوت السيارة راحت
من 3 رمضان إلى اليوم مايدري عنها

حسبنا الله ونعم الوكيل على كل من فيه شر

[ابومارية]

شرفنا مرورك يالكنق ولايهون اخونا y.L.M