مطروح صقر بالحسينية

[ماجد9]

يا جماعة الخير مطروح صقر بالحسينية وعليه حجل بس للاسف الحجل ما عليه رقم جوال ونبي نوصله لراعية من يعرف احد فاقد طير بالحسينية او حولينها يعطينا اوصاف الطير واذا هي الاوصاف يبشر بعزه بنرد الطير له ولكم تحياتنا
ملاحظه ( الطير مطروح اليوم الساعه تسعه صباحا وعقلنا الطير بشبكة صيد على ظهر حمامة )

[البحري ولبري]

سلام عليكم ورحمة الله وبركاتة .... ضايع لنا طير حر حمر قرناص سادس مقساته 17#17 ويرهي عليها طير هجر اذا هو حول الموصفات طيرنا وتبي تتكد اكثر اتصل علي رقم 0536713331

[رابح الغلا]

السلام عليكم
ضايع لي صقر مجهم نحره ابيض مقاسه 16ونص ول وعرض
فيه صيحه خفيفه
0500122063

[ماجد9]

والله يالربع اوصافكم بعيده عن الطير كان بودي يكون لواحد منكم ونفتك ونرتاح من حق الناس لكن مهي اوصاف الطير المطروح

[البحري ولبري]

الله يجزاك كل خير ..... ويرجع الطير لصحابة.

[طاامي]

السلام عليكم ورحمة الله وبركاته الله يجزاك خير ياماجد ويكثر من امثالك ،
بعدين ياجماعه الرجال يقولكم الطير فيه حجل بدون رقم يعني يمكن يكون حجل تهجين تقبلوا مروري

[ماجد9]

بيض الله وجيهكم جميع وعلى الردود الطير وديته لواحد عنده مربط هو بيقوم بعلف الطير ورعايته لين نعرف صاحب الطير وفي حالة التعرف على صاحب الطير اوديه للمربط ويتاكد اذا طيره واذا طلع الطير حقه يحاسب الرجال حق المربط الي علف الطير ونا ويشهد الله مابي منه ولا شي بس الي ابيه ارد الطير لاهله
وامانة عليكم اذا في كلامي شي غلط ردو عليا

[ألاشعل]

ياخوي ضايع لي صقر جير ابيض صدره به دق بصيط ضهره به دق اسود وبيض الله وجهك وان كانه هو ابشر بسعد دامك طرحته

[ماجد9]

يا جماعة الخير بلغني صاحب المربط يقولي اكتب لهم وصف واحد فقط للطير عشان الي قريب وصفه يرد علينا عشان الكل يتاكد انه مهو طيره
( الطير اسود مثل الكحل ان دخل عليه ظلال الليل ما تشوفه من سواده لكن فيه علامه بالطير وما يعرفها الا صاحبة ) وصلتني الرساله من صاحب المربط للامانة وصلتها لكم

[اسير اطير]

سلام عليكم
اخويه ماجد ضايعه عليه جبليه قرناس بكر وعليه حجل لو نو بني وضاعت جنوب مكه اذي هي لتك تبلغني الله لا يهنك 0555500126

[ماجد9]

يالربع ممكن معلومه بسيطه الطير حيرني بشغله
لما نزل على الحمامه ضربها بمخلبه ضربه وحده بس والحمامه ما تشوف دربها ارتمت بالارض مثل الذبيحه والي حيرني بالطير ما قاوم الشبكه جينا عنده ومسكنا الطير ولا تحرك من مكانة والله حير الكل

[كلي فخامه]

يالربع ممكن معلومه بسيطه الطير حيرني بشغله
لما نزل على الحمامه ضربها بمخلبه ضربه وحده بس والحمامه ما تشوف دربها ارتمت بالارض مثل الذبيحه والي حيرني بالطير ما قاوم الشبكه جينا عنده ومسكنا الطير ولا تحرك من مكانة والله حير الكل
يمكن الطير توه ضايع ومدهل الطير يمكن له ليله ضايع ومستوحش

[المظلي 1]

سلام عليكم ورحمة اللة وبركاتة لي طير ضابع جير شاهين فرخ حمر والعلامة فية ريشتين مكسورة في ذنيباه وذا ر قم جوالي 0535320500

[ماجد9]

سلام عليكم
اخويه ماجد ضايعه عليه جبليه قرناس بكر وعليه حجل لو نو بني وضاعت جنوب مكه اذي هي لتك تبلغني الله لا يهنك 0555500126
اخوي اسير وصلتني رسالة على الخاص فعلا جنوب مكه المكرمة بس اسمها الحسينية مهو الاسم الي ذكرته الحسنيه تاكد من الاسم ومثل ما علمتك الطير اسود مثل الكحل لو حط عليه الظلام ما تشوفة من سواده وفيه علامه ما يعرفها الا صاحب الطير هات العلامه وحياك من ممشاك لملفاك تستلم طيرك وتاخذ واجبك والله يسهل عليك نبي الدعاء فقط

[عتيج الصوف]

السلام عليكم ورحمة الله وبركاته الله يجزاك خير ياماجد9 ويكثر من امثالك

[وسًاام]

الله يجزاك خير
ويرد الحلال لصحابه

[صقر برزان]

الله يجزاك خير ياماجد9 ويكثر من امثالك

[حر اشعل]

الله يكثر من أمثالك

[طيار قطر]

السلام عليكم اخوي انا ضايع لي جير بيور ادهم نحر وظهر فيه دقه وحده الحجل عليه رقم جوال صاحب المزرعه والرقم امراتي لون الحجل ذهبي واالحجل الثاني رصاصي ومكتوب فيه ام سي لون السبوق ابيض وازرق

[حمد لعنزي]

يخي الله يجزك الخيرؤيكثرامثالك

[بوزيدان]

[QUOTE=ماجد9;8743482]اخوي اسير وصلتني رسالة على الخاص فعلا جنوب مكه المكرمة بس اسمها الحسينية مهو الاسم الي ذكرته الحسنيه تاكد من الاسم ومثل ما علمتك الطير اسود مثل الكحل لو حط عليه الظلام ما تشوفة من سواده وفيه علامه ما يعرفها الا صاحب الطير هات العلامه وحياك الله من ممشاك لملفاك تستلم طيرك وتاخذ واجبك والله يسهل عليك نبي الدعاء فقط


اشهد بالله شهادة حق انك حر اصيل على دين وخلق
الله يكثر من امثالك ويبارك لك في صحتك واهلك ومالك
صدقني راح اذكرك انا والكل في كل موضع خير
وندعي لك اليوم ودوم واثناء صيامنا وقيامنا
ان الله يحفظك ويفوفقك ويشرح صدرك
آميــــــــــــــــــــــــــــــــــــــــــــــن

[ماجد9]

اشهد بالله شهادة حق انك حر اصيل على دين وخلق
الله يكثر من امثالك ويبارك لك في صحتك واهلك ومالك
صدقني راح اذكرك انا والكل في كل موضع خير
وندعي لك اليوم ودوم واثناء صيامنا وقيامنا
ان الله يحفظك ويفوفقك ويشرح صدرك

آميــــــــــــــــــــــــــــــــــــــــــــــن
الله يسعدك يارب انتم راعين الاولي

[برق المغيب]

وافي ياماجد والطيب ماهو غريب على أهله .. وانت بفعلك هذا فوق وسق الشداد ومايرقاه الا راعي الاولة

[المعرقب]

شيهانه قرناسه ام رابع ومضيعينها في الساحل
وهي سودا ومربوط بها حبل (( سبب))
وين مكانك انت