يالرجاجيل قولو مبروك رجعت لصاحبها المطروحه بالحسينيه

[ماجد9]

رجع الطير لصاحية والحمدالله ارسلي رسالة بمنتدي ثاني واعطاني علامة الطير وفعلا هي نفس العلامة واتصلت علية وجاني بعد صلاة المغرب واستلم طيره وحلفت عليه ياخذ واجبه ورفض وطلبت منه انزل صور الطير لكم تشوفونه بالمنتدي ورفض يقولي امانة مابي احد يعرف الطير لان فقدان الطير مهو بسهل عند الصقار ويخاف اذا فكر يسومه ينزل من سومتة لانه سبق وان سوم الطير 77000 الف ريال سعودي
وحلف عليا يعطيني مكفائة ونا رفضت قلت لة نطلب الدعاء قالي صاحب الطير اذا هاذي علومك ابشر بطير هدية مني لك وبتوصلك خلال يومين لين بيتك
ونشكر كل من تفاعل بالموضوع
ويشهد الله مالي غناء عن الرجاجيل شرواكم وانكم تاج راسي
ولكم تحياتي

[الشلاعي]

بيض الله وجهك وجزاك الله خير ,, وتستاهل الهديه على معروفك

وهذا من طيبك وطيب راعي الطير

[حر اشعل]

جزاك الله خير على فعل الواجب

[ماجد9]

تسلمون وبيض الله وجيهكم جمعيا

[وسام2009]

تستاهل كل علم غانم

[اسير اطير]

مبروك وكثر الله من امثالك والله يكتبلك الجر وتستاهل ما بيجيك راعي المعروف ينجزي بي المعروف

[برق المغيب]

تستاهل الطيبة يا ماجد .. والكفو مردود له فعله ...

[حمد لعنزي]

مشاالله الله يجزاك خير ؤمبرؤك لراعي الطير رجعت طيره ؤمبرؤك لك على الهديه تستاهل انت ؤامثالك

[ماجد9]

بيض الله وجيهكم جميعا والله يالربع ان جات الهدية قبلتها لانه حلف عليا ون ما جات يكفيني رديت له طيره وهذا اهم شي عندي ويشهد الله اننا تعبنا بطرح الطير لاننا نشوفه بالسماء داج واضح عليه متعب ومرهق واحنا نطارده من مكان لمكان لين جهزنا له الشبكة وتركنا المكان له ورحنا بعيد حتي ما نشوفه بالنظر عشان يطمأن وينزل للحمامة ولما ردينا مكانا لقينا الطير صايد الحمامة وجالس يعلف منها وعند وصولنا له والله ما تحرك ولا نظر فينا نظره مسكناه ودخلنا الطير الموتر وفكينا الشبكه من الحمامه وتركنا الطير يعلف لين تركها واضح عليه ضاربه الجوع والضماء والحمدالله رد لاصحابه حسب العلامه
وسبحان الله الطير اسود من ظلام الليل ما تشوفه بعز الظلام لكن فيه ريشه بيضه صغيره بوسط الريش ولا تنشاف الا لما تفتشها وصاحب المربط فتش الطير وشاف الريشه البيضه وكانت هي علامه الطير
وبيض الله وجيهكم تسلمووووووووون جميعا

[ماجد9]

يالربع انا بلغت كل الشباب الي اعرفهم بالمنتديات من ضاع له طير ويبي يعلن عنه يعلن بمنتدي مكشات وهنا موعدنا في حالة ضياع الطيور واتمني الكل ينشر الخبر ويكون مكانا مكشات في حالة الاعلان عن فقدان الطيور
لما نوحد منتدي واحد ازين وبكذا يسهل لصاحب الطير وصوله لطيره
هذا مجرد راي والراي الاول والاخير لكم

[االنايف]

بيض الله وجهك الي مثلك وشرواك يستاهل الخير كله

[ماجد9]

بيض الله وجهك الي مثلك وشرواك يستاهل الخير كله
تسلم يالذيب وجهك يارب

[عزوتي وايل]

كفووو وبيض الله وجهك وتستاهل ماجالك ياماجد